由兩間幼稚園說起

Radiomama

轉載自輔仁媒體
http://www.vjmedia.com.hk/articles/2014/02/05/62376


究竟今天養育孩子的風氣是否出了問題？我們是否需要努力去作出改變？

「乜你個仔讀一間幼稚園咋？」

「吓？吓？吓？乜你俾個仔讀一間幼稚園咁少咋？」兩位家長在巴士上聊起孩子教育的問題。

「一間，當然係一間啦！兩間？痴左線架，佢已經好多課外活動要參加啦，仲邊有咁多時間？」B家長一臉愕然地回應A家長的問題。

「傻啦，讀書還讀書，學琴、游水呢D課外活動還課外活動，興趣黎架啫，點可以混為一談？而家讀一間幼稚園，對個細路仔好蝕底架啦！」A家長就像以「大師」的身分指點B家長。

「……」B家長無言。

「每間幼稚園著重既野同埋優點都唔同架。好似我細女咁，朝早返果間幼稚園，就係著重英文；而下午返果間，就係專攻普通話。兩間讀哂，自然兩種語言都有返咁上下。我自問，已經對細女好好。佢放左學之後，我多數都係幫佢報學長笛、打羽毛球呢D興趣班，比較少學術性既課程。」A家長說出今天香港的現實，以及小孩的痛苦與悲哀。

「唔好講咁遠啦，我隔離屋果個譚太，俾佢個仔讀兩間幼稚園之外，仲報左面試訓練班、英文作文班、普通話口語班等等十幾廿萬樣野。目的只有一個：就係要佢個仔入男拔小學。」A家長嘗試為自己的「變態」行為辯護。

************************************************

  我第一次聽到小孩子讀兩間幼稚園，是幾個月前一個補習學生的家長提起的。他慶幸自己的孩子上了中學，不用在這場慘無人道的戰爭裡殺害孩子之餘，也為香港的現狀感慨。「如果我係高官，我一定捉哂呢D痴左線既家長！呢D家長，同殺人犯無分別！」我心裡慨歎的同時，也對他的說法半信半疑，心想：「乜真係有咁變態既家長安排個細路讀兩間幼稚園？」

直到幾天前，拜年的時候，又有親戚跟我聊到小孩子同時讀兩間幼稚園的問題。原來，這情況已非梁振英的口頭禪「個別例子」了；相反，它已逐漸演變成「常態」。我深信，過不了多久，安排小朋友讀一間幼稚園反而是「變態」，是「虐待」小朋友，扼殺小孩「前途」。

當家長一邊訴說自己工作有多辛苦的時候，他們又有否想過，自己的孩子比他們更早受害呢？今天的小孩，隨時比家長們更忙、更辛苦。早上七時起床，九時上學（第一間幼稚園），十二時放學；匆匆吃過午飯，就要趕「下一場」（第二間幼稚園），然後四時放學，再上兩、三個興趣班……晚上十一時才可以睡覺。玩樂？什麼來的，可以吃的嗎？我擔心小孩子有一天真的會這樣問。

為了讓孩子贏在起跑線上，家長們只好「鬥快、鬥早」。孩子一出生，家長就預先幫他們到十多間幼稚園報名；小孩半歲，就送他到Play group；兩歲的時候，要學會英文和普通話（廣東話？Who cares？）；懂得彈奏鋼琴，太普通了，報讀小學是沒有Bonus加的，所以要學習冷門的樂器，大號、豎琴還可以。

而學校（不論小學還是幼稚園）為了迎合家長需求，就將課程提前教授。最深刻的真實例子，是一間小學教導小三學生Tropical Rainforest，內容跟我中五、中七修讀地理科大同小異。我為九歲的小朋友要學習什麼是Emergent layer、Canopy layer而驚奇。究竟將來他們就讀中學時，還可以學什麼？幼稚園教加減乘除；小學教地理；初中教寫Long Essay；難道高中要教寫Dissertation？那麼，大學就豈非要寫博士論文了？

我不願怪責那些家長。有了小孩，就得面對現實。沒奶粉就是沒奶粉，學位不足夠就是不夠，任憑你有多大Determination（決心）也沒用。當其他家長也變成「怪獸」，其他小朋友幾歲已學會兩文三語，樣樣皆精的時候，作為家長的你，還可以獨善其身，堅守信念，完全不遵循這套「賽制」嗎？要知道，你的決定，不只影響自己，還牽連小孩子的一生。也許，那時候，小孩已不是「輸在起跑線」，而是連參賽的資格也沒有。尋找平衡，讓孩子愉快、輕鬆地成長的同時，又不會在起跑線上輸得太多，談何容易？

現在沒有孩子的我，當然可以很「離地」說：我將來一定不會安排小朋友讀兩間幼稚園，也不會為他報讀很多興趣班……但十年後有了孩子，還可以這樣說嗎？我不肯定。

來到這裡，我只想跟大家，特別是家長和準家長說：「請你認真想一想。你希望小朋友從出生開始，就活在巨大壓力，沒有童真的世界，然後十多歲就厭倦了這個世界，提前到極樂一趟嗎？」我只希望大家多點反思，究竟今天養育孩子的風氣是否出了問題？我們是否需要努力去作出改變？

「這裡已不適合人類居住，請返回火星吧。」

************************************************

PS﹒有人問，咁你諗住點樣解決呢個問題？我答：成個社會的風氣，到個人心態、價值觀既野，係無可能一朝一夕就可以改變。我只能套用著名歌手G.E.M. 的金句：「我又不是Expert。如果我是Expert，我做了教育學家，或者教育局局長啦。我只想跟今天及未來的孩子和家長說聲「加油」，他們壓力必定很大吧。」

達時製作 (On Time Production)

轉載自輔仁媒體
http://www.vjmedia.com.hk/articles/2014/02/05/62376

camomile00

Jane1983 發表於 14-2-8 00:38
回覆 camomile00 的帖子

什麼事令你cut？

其實之前都o係其他post 有提過. 呀仔係插班K3, 有兩間幼稚園收, 各有各好處. 當時諗住只係返兩間, 淨返九月, 九月後再決定讀邊間. 讀o左一個後月後, 呀仔兩間都鐘意, 佢又handle到, 所以比佢繼續返. 但之後呀仔, 我同daddy 都愈o黎愈鐘意其中一間. 而且我覺得佢返兩間幼稚園, 雖然handle到, 每日放學仲跳o黎跳o黎. 功課佢亦係做得好快手果D小朋友, 只係我自己覺得佢weekdays 無乜時間玩. 連去playroom, 踢波, 玩scooter o既時間都無乜. 所有玩樂時間o係晒weekend, 我唔想佢咁樣. 所以就cut 相對地無咁鐘意果間.

himching

回覆 HKUBB 的帖子

這很普通，大把只讀一間幼稚園的小朋友能輕易做得到啦。==> 幼稚園的小朋友識得睇《魔戒》《Rainbow Magic》都算很普通? 邊間幼稚園的小朋友咁叻?

hay.hay.ma.

難怪幼稚園吾夠學位。

Jane1983

回覆 Ononma 的帖子

每個人的人生前段都係由父母安排，無得揀。父母覺得咁係好既，小朋友都唯有接受，都是命。

Ononma

真係見到、識到好多人讀兩間，眼見多數D細路吾多精神。有D升左上小學啦，暫時吾見曾經讀兩間嘅特別突出，但就響幼兒階段白白辛苦左幾年，見到當時佢地幾可憐！

Artie

mb2 發表於 14-2-8 02:14
身邊有兩三個朋友比孩子返兩間幼稚園， 往往佢哋個原因就你  " 反正佢都唔nap 啦， 響屋企咪玩/ 走來走去.. ...

有些人總會用種種理由，合理化自己的不合理安排

Artie

Jane1983 發表於 14-2-7 19:25
回覆 Artie 的帖子

哈哈，決定讀兩間的人，通常吾係讀果個，又吾係接送果個！
剩係要小朋友坐係街邊食飯，和公廁換衫，就吾會考慮。因愛之名，可以做好多吾合理既嘢，做父母，要久吾久諗吓。

我的親戚的小朋友算 "幸福" ，小朋友由爺爺用名車接送，又安排了可以往附近親戚家落腳吃午飯換衫，安排算是很周到。但小朋友就是小朋友，經常恰眼訓，兩老心痛孫兒要這樣捱，後來媽媽也察覺小朋友實在精神日差，就放棄一間。

siplee88

yes ! totally agree with you !小時了了大未必佳！！

Jane1983

我見過好多好早burn out的例子，細個叻到不得了，又如何？高中已經吾掂了。

谷得行，好吾人道果種學習，短期內可能有效，但小朋友大咗就吾會任你舞。

type409

It is quite common. Some friends of mine did so. And I see a lot of my 2 kids' kindergarten classmates did that too. (my 2 kids did not attend the same kindergarten) When i chat to other moms, i am the odd one!

teambuilder

唔覺得好普遍，至少我認識的小孩沒有一個是讀兩間，不過bk這裡的人說普遍就普遍囉。由得孩子每天由中午一點玩到晚上九點似乎對身心發展很有益處。

ANChan59

原帖由 Amom1972 於 14-02-08 發表
「響屋企咪玩/ 走來走去..」正是小朋友身心健康成長及減壓所必須的，也是讓小朋友有空間探索新事物、發展想 ...

讀兩間經驗就沒有，但充足時間玩樂就有，會活潑及開心些，可以維持到初小。

mb2

身邊有兩三個朋友比孩子返兩間幼稚園， 往往佢哋個原因就你  " 反正佢都唔nap 啦， 響屋企咪玩/ 走來走去...！“ ...   小朋友的生活不應該說是無聊吓咩？

Jane1983

回覆 camomile00 的帖子

什麼事令你cut？

camomile00

我係你地口中果D變態家長呀。我仔有試過返兩間幼稚園，岩岩cut左一間。哈哈。