Repeat K3 多次機會

Macdonlo

報了多間直資及私校， 仍無offer, 自行又唔得， 我 repeat K3, 我今年不參加大抽獎， 下年再報。 有多次自行机會， 和直資及私校机会。 是好方法嗎?

Jane1983

回覆 momama 的帖子

你講呢幾年，小一遊戲已經痴咗線，係全中！
三年前，好多吾也人報，考親好大機會的學校，今年報名人數都千千聲。只係講緊3年前，吾係10年前！

跟住幾年只會更慘烈，直至舊年截咗龍吾比雙非身份証，之後應該會好d。

yw270

回覆 momama 的帖子

多謝你的分享！都有人同我咁講，包括c6, 你大女插班成功，叻！奈何三年後而不是這個境況，考小二插班會考起碼小二程度嘢，無可口非，插班位咁少，咁多人揀點解會揀我？競爭一年比一年大，正是你所說的各家長催谷所致，但要等待何時世人才會醒覺？還是唔想輸洩唯有隨波逐流呢？其實我是希望用一年時間換來佢自信，唔洗成日做最細粒嗰個，唔洗慣咗做落後嗰個或比其他同學照顧，佢學術係ok, 但自理，認知，反應，溝通都始終係不夠其他同學成熟，人生留留長，遲一年畢業真的好大影響嗎？更何況12月仔只是浪費了半年，或無慳到半年，如果一直缺乏自信可能浪費了一世(當然我咁講太誇張）。真的各有利敝，所以我仍未作決定，或者可能是缺乏了一些勇氣去作呢個決定，又或者係缺乏了一些支持...

yw270

回覆 MrBeast 的帖子

謝謝，我已找到另一間出年讀K3，亦打算去信教育局通知，只是未100% 確定呢個決定...
我看了你的日誌，很有用，多謝你的分享

osim

想問點解無入form大抽獎，都會照派？

Macylau

原帖由 wingszew 於 14-01-14 發表
是呀，我自己認識的repeat K3 也有，P1再考也有。但成功率好似P1那些好D！可能讀1兩個月P1已經有些不同吧！ ...

我小朋友都係細B, 想請教下repeat小一實質上點arrange? 吾通成日同現讀小學請假去interview? 定係大部份小學面試都係星期六進行？

MrBeast

yw270 發表於 14-1-15 01:41
我都考慮咗好耐，亦做了些資料搜集，我可作些分享。（有錯請更正）
confirm 出年可再參加自行同大抽獎。
如 ...

做大對自信心會好些，如可以最好轉另一間程度深一些的kg, 順帶一提，就算唔入form 抽獎，都要去信ebd withdraw, otherwise, 電腦會照派個位比你,出年就冇得抽。

momama

好學校可幫助發展潛能，但每個細路嘅天資已定。有能力+適當栽培，自然有機會去插名小、考名中；能力唔夠就重讀幾多年都冇用。有邊個可以喺幼稚園時期就睇得清楚？人生漫長，大把機會，唔好隨便浪費時間呀

momama

利申:大女三年級，讀hea幼稚園，冇谷佢，內向，考私小非常順利。細女細三年，聰明過家姐，外向，識得喺外人面前表現乖，k2下學期開始公文數以準備考小一。暑假家姐插到好津校，我都帶細女去考一間二線小學，衰咗。以我呢三年所見，考小一呢個遊戲已痴哂線，成敗唔再在於小朋友嘅潛質。

momama

如果Repeat k3，相信你會勁谷個仔，若最後都考or抽唔到，你會點做？只可以讀小一再插小二。用一年時間去買一個六合彩機會，附送阿仔因repeat唔開心，全家為咗谷而去谷，我唔會咁做。

yw270

我都考慮咗好耐，亦做了些資料搜集，我可作些分享。（有錯請更正）
confirm 出年可再參加自行同大抽獎。
如你先入小一，出年不可扣門，只可考直資私小；如果你repeat K3, 出年又可以大仔身份扣門心儀津校，多一個機會。
09 年比08年出生率多3,400人，全部多在雙非，究竟呢3,400 雙非B有幾多會來港就讀？佢哋考學校會比我們本地出色嗎？
如先入小一下年考其他心儀小二插班，相信要全級數一二才有機，試問作為細仔可以嗎？
如果今年抽到差學校，會讀嗎？如果唔讀下年冇得再抽考直資私小時心理壓力會好大。
我個仔係12月仔，聰明記性好，學術0K跟得上課程，但該幼稚園課程不及名幼深，但應深過學券校,。可惜自信心同尊注力較弱，怕羞，慣咗比同班同學提點，因全班最細且個子較細，比老師感覺仲係好BB，唔會主動答問題，呢D性格考學校輸晒，所以心知考多年都未必會有分別，但我都想比佢做大仔，希望培養多D自信心，上小一可輕鬆D，基於以上考慮，打算今年唔抽
我仍未去信教育局，睇吓大家有冇其他經驗分享，可能我要考慮埋。

Jane1983

如果小朋友跟到上課程，咁寧願小一考過，repeat小一又好，插小二又好。為搏考間好學校去留班，吾係實得。

其實場波踢咗半場，未輸得晒。大抽獎中吾定，苦讀幾個月叩門成功又吾定，call waiting 到你又吾定。

MrBeast

Macdonlo 發表於 14-1-14 17:57
是小B, 適齡分会否超齡無呢?
repeat K3 定P1 再戰私校或直資好呢?

若你小孩學術上無問題，可考慮p1再戰, (可能有抽獎運咁直頭唔使煩呢), 但如not sure，我個在k3 repeat, 可看看我日誌的分享。

MrBeast

回覆 Macdonlo 的帖子

可行的，你個是細B嗎？跟得上現時課程嗎？其實有些家長hold 多過一個位，到6-8月時有位會放出來。

556699

係細B的話, repeat P1比repeat K3對明年再考學校勝算會高好多, 讀過小一三兩個月所學的東西必定比重讀K3學的多和深, 如果P1讀得好甚至可以挑戰插P2, 所以repeat P1係較進可攻退可守。

Macdonlo

是小B, 適齡分会否超齡無呢?
repeat K3 定P1 再戰私校或直資好呢?

wingszew

是呀，我自己認識的repeat K3 也有，P1再考也有。但成功率好似P1那些好D！可能讀1兩個月P1已經有些不同吧！

jdhwangmom

回覆 wingszew 的帖子

之前有JM話她小朋友有3位小一同班同學考入了小男"X"的小一, 機會是有的.
我只想說, 做父母真難, 好多決定都不知是對或是錯.

iluvchun

自行15分都一樣冇乜用, 所以唔需要考慮適齡分
不過我反而想知樓主小朋友係大b定細b
如果係11月or12月, 出年再考私校/直資都還可以.  但本來已係大b, 基本上正常學校都唔prefer收超大b
仲有, 今年競爭比去年已大好多,相對比較易考既小學今年都爭崩頭, 出年比今年更甚,  你覺得值得嗎?

dyhc1238

節錄自教育署

小一統籌入學參加資格（必須符合下列全部要求）
• 二○一四年九月入學時年滿五歲八個月
（ 即二○○八年十二月三十一日或以前出生)
• 本港居民
• 尚未入讀小學
• 從未獲派小一學位

即今年自行派唔到位明年也可参加

但若小朋友係八月三十一號或之前出世自行就冇咗底分十分