仔仔資優生，近排常打人

kplh

仔仔今年5歲，是資優生，近排遇到一些唔服氣的事就會出手打人， 好煩腦， 社交方面，同小朋友意見不同，不服氣又會出手，出腳， 自我中心好強，點算，罰佢無乜用，係佢本身控制唔到自己，有無人有類似經驗教下我呢？ 謝謝！！！

queen_sze

其實協康會之前睇過，但5歲幾做得無咁好，邊度會做得好D，跟進好D

queen_sze

maggieddie 發表於 14-3-23 08:03
我明白你的煩惱 雖然我仔未致于打人 但資優評估出黎 心理學家話佢個人好衝動 自制力弱 我仔愛抱不平 有事就 ...

請問你小朋友點評估是否資優呀?我仔月尾7歲啦，由N班開始比老師投訴到小一，上堂唔聽書，嘈住人，發癲，問佢問題又答到，情緒，行為，社交完全唔掂，佢未夠3歲可以好安靜咁切100塊砌圖，當佢好專心做一樣野，小小聲音佢都好敏感，會發癲!上年本排咗精神科期，我見佢有改善咪無去囉，點知一上小學第一天就突出了，連副校都識佢啦!個個都話佢好聰明，9成資優，學校社工跟緊佢case，我而家想知我應點幫佢，我日日睇住佢好辛苦，連教會牧師都話佢係亞士保加症的資優生，好想幫佢!而家我同佢再排過精神科期，但要排好耐!請高人指點我應該點做評估定為資優又點知佢邊方面嗎?
佢成績又唔係特別好，只係完全唔温習，但都算高分，對住佢我人都癲!反映細佬覺得細佬學習較慢

maggieddie

我明白你的煩惱 雖然我仔未致于打人 但資優評估出黎 心理學家話佢個人好衝動 自制力弱 我仔愛抱不平 有事就忍唔住好炆閙人 有次俾老師投訴佢走左去隔離課室鬧人 原來小朋友借左阿仔班個粉擦唔還 後來跟佢去學校旅行就留意到同學排隊排得唔好 佢又炆 老師叫班長拎支班旗 有同學拎左佢又搶返俾班長 企喺佢立場 佢覺得自己無錯 佢只係想同學做好 但老師同學就覺得佢同人爭執 所以我就成日提佢 有咩事 你可以用言語輕輕提醒 攪唔掂就交俾老師或班長處理
部分資優兒係會好完美主義 好睇唔過眼嘢 又好衝動去解決
呀！突然醒起 有次佢專心做功課 個同學仔係咁問佢嘢 攪到佢好炆打左人一拳 亦可能因為佢地五感較敏感 真係會覺得好煩好辛苦
我唔係要幫佢地搵藉囗 只係想大家明白資優都係一個特殊問題 啲人成日話我地啲問題唔關資優事 係要教 唔係我唔想教 我已經好努力去教 但就等于一個自閉或過度活躍兒 係咪一教就改變到問題？
我仔仔七歳小二 以前高班同小一時 我都教得好辛苦 佢又喊 我又喊 今年我開始學習體諒佢 幫佢手諗辦法控制自己 有小朋友撩佢傾計 佢再唔閙人 佢會同佢講：你再嘈住我 我就話俾老師聽 我教佢當佢控制唔到對手 就抆住條褲 雖然仲有好多問題 但少左衝動 我地仍然要花更多時間同心血去幫佢地 加油吧 媽媽們！

kmmum

這是情緒社交問題. 趁六歲前,打去健康院,先見醫生, 再由醫生轉介去智力中心.  期間,會有姑娘打電話跟進,正苦會有一些兒童情緒社交既talk. 你上網search 一下. 如果等唔到.
在yahoo search 一下. 逐間私人機構問下/傾下, 了解多一些.
打人==腦轉數快,手腳比口亦快. 不懂用言語表達自己不滿.  找適當機構幫你.

Mini-mummy

原帖由 Anniemun 於 13-12-22 發表
仔仔本身控制唔到，是你觀察定醫生評估過？如暴力傾向就一定要醫生跟進是否要食藥；但你說他是遇到唔服氣才 ...

那裡看醫生知道是否暴力傾向？

ANChan59

原帖由 lazyqueen80 於 13-12-22 發表
資優同打人無乜關係。打人就係打人，小朋友係咪資優都要教佢改善行為問題。



  ...

同意，資優不是藉口。

lazyqueen80

原帖由 kplh 於 13-12-21 發表
仔仔今年5歲，是資優生，近排遇到一些唔服氣的事就會出手打人， 好煩腦， 社交方面，同小朋友意見不同，不 ...

資優同打人無乜關係。打人就係打人，小朋友係咪資優都要教佢改善行為問題。

Anniemun

kpl 發表於 13-12-21 11:21
仔今年5歲，是資優生，近排遇到一些唔服氣的事會出手打人， 好煩腦， 社交方面，同小朋友意見不同，不 ...

仔仔本身控制唔到，是你觀察定醫生評估過？如暴力傾向就一定要醫生跟進是否要食藥；但你說他是遇到唔服氣才出手出腳，那可能是被寵壞也說不定。時常記著，就算是資優，也冇特權，教他如自己那麼叻，就去說服別人聽他的。

Radiomama

為什麼近排打人？
1）以為打人可解決問題？
2）打人可宣洩怒火？
3）被人打所以學會打人？
4）脾氣暴躁成了習慣？
我在這兒常説，不論孩子是否資優，都要有好的德育訓練和管教，情緒管理好緊要。不懂就要向專家求助，這比上任何興趣班、面試班都重要。