有無人讀緊(真道), 想知係咪英數？

man791005

如果有人讀緊真道，可唔可以分享下！聽人講真道轉咗校長好混亂？
係轉好定壞呢嗎？同埋 中文係用普通話教嗎？是否英數？thanks

shetayuen

原帖由 ozoz 於 13-11-29 發表
教育界朋友我有個幾熟，我比真道d課程內容等資料佢睇，佢話咪攪，佢一定唔去教，除非未結婚生仔重要對教育 ...

Thanks yr information, i also want my daughter to study there

hogmail

有咁既學校？我都好想讀，羨慕！

littlefaith

ourbb2007 發表於 14-3-2 04:29
我所說的懶只是不想一直在學業上在他身邊盤旋。。。不論傳統或活動都是這樣想。因小孩性格有些依賴，交本雜 …

真道活動教學有幾個特點：實用、與生活息息相關、有趣、小朋友學得開心、有要求、師生互動性強、要求學生參與度高、要求學生探究、經常有分組討論及匯報等等。

分享三個例子：科學科教流體力學，學生分組用吸塵機即堂做實驗。美術科教現代藝術，老師將飲品倒入未用過、乾淨的痰罐內，問有誰敢飲，接著介紹二十世紀初著名藝術作品Marcel Duchamp’sFountain及其他名作，藉此帶出現代藝術的創意云云。又如美術科介紹紙品藝術，老師先讓學生分組以廁紙筒完成作品並且鬥高，然後帶出現代紙品名師的作品並教授學生如何欣賞。以上只是區區幾個例子，還有更多，只要小朋友能入讀真道，就可以慢慢感受。


個人覺得，這才算是真正教育。引伸下去，是沒有所謂活動教學的小朋友，因為只要課程設計花心思，老師教授得宜，小朋友怎樣「坐定定」都會享受活動教學的。

Zoiechan6962

Rachelmummy2008 發表於 14-2-20 15:59
真道收了小女後，都有和其他人講，很多人還是不明白我為何選這小學的，就是之前經歷咁多，呢個決定一定唔會 ...

如果我個女有機會讀到真道,,我都會好似你咁諗!!!!!! HAHAHA

ourbb2007

我所說的懶只是不想一直在學業上在他身邊盤旋。。。不論傳統或活動都是這樣想。因小孩性格有些依賴，交本雜誌給他找圖片，佢就翻一兩頁就話冇。但佢又好喜歡自己去鑽研一些rule,例如反覆把單車推前推後去觀察個d零件點旭。
您地可否說下活動教學的小朋友有乜特點？又或有沒有書或文章介紹一下那類小孩適合活動教學？
不過我曾聽說，真道個interview是心理學家有份出，給佢哋去選一些合適的學生的，所以無論結果如何，我都相信學校的決定。如果被Reject了就是小孩不合適了。:loveliness:

littlefaith

ozoz 發表於 14-2-22 18:26
據我所知功課量對比傳統學校唔多，重質唔係重量。讀真道，初小識字量相信比傳統學校小，數學亦未必會好似讀 …

係呀，做得真道家長，係預咗比其他官津學校家長跟課程跟得更貼，一啲都唔懶得﹗

ozoz

原帖由 ourbb2007 於 14-02-22 發表
請問功課多唔多畫畫油顏色？小朋友一做依d野就好似行刑。不過，佢亦唔多鍾意在格仔中重覆抄寫，因為在格仔 ...

據我所知功課量對比傳統學校唔多，重質唔係重量。讀真道，初小識字量相信比傳統學校小，數學亦未必會好似讀神級學校嘅小朋友咁跳幾級讀，學Dr cho 講，現在知識泛濫，逐個字學係唔可能，多到塞唔入。真道理念係教小朋友鈎魚，學習掌握知識技巧。你小朋友適合與否，你會清楚d。反而家長要睇下個理念會唔合符自己期望。未入學時，家長可能會好輕鬆咁期望自己唔駛跟功課，小朋友功課小返學開心，程度易d。但我覺得要有2項 心理準備，1：如果家長喜歡比較，同別人比較時自己小朋友可能唔夠人識得多，覺得接受唔到比下去的話，唔好讀。呢個教學方式唔係羸在起跑線，係要比時間同空間去學掌握，大d甚至好大個先會發揮到。2 此校並非hea住學習，尤其初小時家長一樣要跟，只係跟法唔同，可能會被小朋友要求幫手揾資料，要聽小朋友講先知教乜，如果小朋友表達唔到，要忍耐，耐心聽，終有一日可以講到，家長有機會感覺空虛，好似無乜嘢在手。至於程度，個難度係在於掌握學術概念，唔係用識咗幾多個深字去量度，並非好容易嘅一件事。

如覺得接受唔到就千萬唔好讀，留比其他有心人。以上純粹個人了解所得，如果與現實不符，請現任家長糾正。

ourbb2007

請問功課多唔多畫畫油顏色？小朋友一做依d野就好似行刑。不過，佢亦唔多鍾意在格仔中重覆抄寫，因為在格仔寫字相對有要求。真道現在waiting,好buy佢哋個教學法，只怕小孩唔夾。因為佢係果d講好係咁就係咁，做事彈性唔大。但又係完美主意。所以做功課，寫字花好多時間，每個字都要筆劃沒錯。自己俾自己壓力下，所以寫字都喊咁口。油顏色又係要求高，真係喊住油，成日話想唔油。津校我只選本區了，考試沒有名次，咁唔知係咪屬於傳統。但津校也離不開多功課。見佢咁死板，又想佢活些，但又怕佢應付不來。我又唔想事事同佢跟果些懶人。真係仲十五十六，所以有朋友提議叫我寫叩門信，我都唔敢寫住。

Rachelmummy2008

武航 發表於 14-2-19 15:41
回覆 ozoz 的帖子

"一位教師家長"的意見不能去代表整個教育界別的意見吧。況且，小弟淺見認為閣下那位朋友 ...

真道收了小女後，都有和其他人講，很多人還是不明白我為何選這小學的，就是之前經歷咁多，呢個決定一定唔會咁容易給人動搖。現在我同另一半說，我一定踢都唔走讀晒十一年㗎勒！he he !

dorothywing

ozoz 發表於 14-2-19 22:07
補充多小小，位老師媽媽重提出一點關於補㡳，佢話冿校資源好多，正苦好肯比錢，問題只係學校點分配。正常冿 ...

對於補底能張顯津校資源豐、學校想小朋友識晒(相信背後定義是高分)、抵讀真是不敢認同！香港小朋友放學後大多仍要去補習，原因何在？深一層去諗，就是香港的教育制度，使小學開始就充滿競爭！學校教快課程、考試默書密集、功課多....小朋友真的應付得來嗎？有沒有人考慮課程是否與小朋友成長發展配合，當小朋友不能達標，仁慈的政府便給學校資源，為小朋友補底....，這現象真令人心痛！

littlefaith

ozoz 發表於 14-2-19 22:07
補充多小小，位老師媽媽重提出一點關於補㡳，佢話冿校資源好多，正苦好肯比錢，問題只係學校點分配。正常冿 …

對於補底，有少少分享。

我樓上提到我的學生中有來自官津名校的，他們給我道出他們學校(名校)根本不存在補底，更有甚者，他們學校會將成績差的學生安置在課室後排座位，老師只會集中教授坐前排成績好的學生，對坐在後排的同學不聞不問，任其自生自滅。

當然，不是所有官津學校都如此，看小朋友的彩數。

反觀真道，會安排成績稍遜學生入功輔班，以達補底目的。

ozoz

原帖由 dorothywing 於 14-02-19 發表
讀完這篇文章，我感覺是這教育界朋友在小朋友學習過程參與太多了,明顯他仍是求分多於求知識，故此小朋友讀 ...

補充多小小，位老師媽媽重提出一點關於補㡳，佢話冿校資源好多，正苦好肯比錢，問題只係學校點分配。正常冿校目標要個學生識，唔識教到識，津校有資源，家長免出錢，小朋友已經可以補底，當然啦，有d只喜歡拔尖就另論。私小直g,大多出自羊身上，有好多甚至預咗家長自谷，又駛一大筆。所以除咗教法之外，呢樣都係冿校抵。同佢傾到呢度，我諗起觀課時候，學校提出唔鼓勵學生外面補習，補咗識計又如何，上課會唔留心，唔留意個概念點黎，讚之為讀數叻而並非計數叻。比我感覺，讀真道係去返學，返學校學，而非返考試酒店咁，去嘅目的只有考試考高分，真正學習係放學後私補。另外，觀課時有現任家長反映個數學網上練習好慢，原來之前係家長各自比錢先可以做呢d練習，我地班未來家長一頭霧水，老師講返個背景，原來個網上數學未必個個同學嘅經濟背景可以負擔，有資源時佢地選擇放呢度，比所有小朋友用，可能太多人用所以慢，會同供應商傾。比我感覺學校係有心教，目標都係個個識。至於補底，我覺得好重要，一早已經請問咗d現任家長，真道一早會補底，不過唔會專登講補緊，拔尖當然有，等小朋友更上一層樓。

武航

回覆 ozoz 的帖子

"一位教師家長"的意見不能去代表整個教育界別的意見吧。況且，小弟淺見認為閣下那位朋友的女兒即使在傳統學校成長，不見得你的朋友就能因此輕鬆自在，可能或會因此更為緊張也說不定。

還以為去年的公開考試的成績應已能充分反映出學校的能力從而減少外界一向以來對學校抱懷疑的成見，誰不知仍然有頗多的偏見存在。

11年前，一群相信真道的理念，支持愉快學習的家長/學生，已有相當多成功地踏進了大學了，這樣的成績與數字還不夠證明學校的能耐？ 傳統模式或真道模式似乎無須比較，用最原始的"黑白貓理論"，要是能帶領學生考上大學的理應算是好的方法。

小弟11年前就是這樣想，傳統的方法固然有其成功之道，真道的方式也不賴呢。要是兩條路各有千秋，那我就為孩子挑一條"愉快"的路好了，還他們一個幸福的童年，充盈的中小學生活!

hogmail

回覆 dorothywing 的帖子

簡單的說了選擇真道家長的心聲! 選小一時我只懂選那些是出名的學校, 但沒想過要考慮自己小朋友的特質, 想他成為那樣的人. 但看了一段時間EK, EK 的家長開寬了我的眼界, 我學懂了要選適合自己小朋友的學校.

dorothywing

ozoz 發表於 14-2-18 15:04
我有爬過文，有d真道負評，講小朋友會hea ，真道好可能玩數字遊戲整靚數等等。之前遇到嘅人都支持真道，今 ...

讀完這篇文章，我感覺是這教育界朋友在小朋友學習過程參與太多了,明顯他仍是求分多於求知識，故此小朋友讀國際學校或啟發性教育，真的不太合適。此外，文章更能讓我明白教育界人士對活動教學評價的背後基礎:他們生活就是傳統教學，潛移默化地也接受了這一套，一向認為重要的、有效的學習方式和效果，頓時看不見，真的很難接受。在EK看過一篇文章，家長認為吸知識重要過背誦和做功課，從幼稚園開始已要求學校少給他一半功課，小學選小功課學校，騰出時間閱讀，考試只少量時間溫習，初中時還與老師討論考試不用太努力等問題，最終老師服了他，高中成績優異。這個家長重視吸收知識重於分數，整個學習過程反主流而行！幸好事實證明他選對了！然而，有幾多家長能在主流教育下把持得住呢?要選擇非主流，就要確定自己能接受看不到"短期效果"，目標放遠，清晰目標，才考慮這類學習方式才好，否則，陪小朋友走11年學習路就會非常難行。

littlefaith

啓發性教學的確不大受香港家長及教師歡迎，但同時，我認識嘅朋友啲細路入咗津校官校，面對過量功課、接二連三的TSA操練，都叫苦連天。

我自己係中學教師，每年見到由名校升上嚟嘅中一生(佢哋原校唔收，但成績不算差)，好多都係欠缺基本常識，咁你話小學究竟input啲乜？心知肚明。為咗操TSA，只著重中英數，比你中英數叻到識飛，最後都係高分低能。

真道課程由FS1已經著重常識，單睇學校將常識科分為社會、科學、媒體、倫理已經明白其苦心。真道學生對社會觸角比官津學津敏銳，科學知識比官津學生更多更廣，呢樣並非官津死記硬背可以達到，因為from the beginning各自教學著眼點都唔同。邊樣對細路有益，自己諗吓就知。

香港好多所謂行內人，眼光短淺，香港教育及小朋友求知慾就是毁在這些人手裡。

Rachelmummy2008

我自己覺得傳統和活動教學是家長的選擇，很難說絕對的好或者不好的。
對於我來說，我也正在學習怎樣可在活動教學方式得到最佳效益，女兒有時在跌跌碰碰中去學習，當中的思考過程很重要。
如果問我想囡囡將來擁有的是什麼？我不會說名牌大學的學位。（不過她考到的話我會讓她決定入讀與否的）
說得太遠了……發夢中

ozoz

原帖由 ihv2kids 於 13-11-29 發表
係囉！我都好想知點解好好
多都話唔好稔真道，尤其我身邊好幾位既教育界朋友。 基本上，反對：贊成係 10：1 ...

我有爬過文，有d真道負評，講小朋友會hea ，真道好可能玩數字遊戲整靚數等等。之前遇到嘅人都支持真道，今次我遇到一個教育界人對呢種教學方式負評，從中我了解到點解有d家長甚至教育界人士覺得真道模式未必好，甚至唔好。早幾日我遇到隔離屋個媽媽，佢本身係津校中學老師，女女讀緊某活動教學而又grade12 會去考IB嘅私校，佢女女年年拎獎學金，現在小五,學校要求做到1-2千字嘅英文project，佢當然做到。讀過之後，鄰居不太喜歡呢類學校，可以再揀的話，一定唔會讀。原因係傳統教育，記東西係基礎，無入野點有野出，大量閱讀無教到小朋友點用，即係要家長教，佢花好多時間教個女。好多例子係小朋友讀傳統，有底而且有非常良好學習態度之後去讀IB類學校，全部做top student。佢話佢算係認識真道前校長，佢知道前校長係好叻投資亦好叻同marketing嘅人，賣嘅慨念係愉快學習中掌握知識，自主學習。佢賣慨念嘅，學生唔太ok都盡量唔好攪家長，要家長繼續相信呢套。佢作為行內人，成班行內朋友研究過，話其實實則初小學術底唔多d死記點嘔得出東西，學習點會真係好愉快，下苦工埋頭讀時點可能好開心。初小必須要背加埋discipline 培養坐定學習態度，到中學去活動教學就可以運用之前操嘅學術，發揮好好。佢女女現在返學，老師叫佢搵d資料關於佢要做嘅題目，返去老師望幾眼就叫佢返去做，老師唔駛點做野，咁多年黎其實媽媽花好多時間教佢做先掂，女女根本晤夠材料整到嘢出黎。佢關心我女兒，叫我一定要去叩冿小,有好津小offer就放棄真道。

講到呢度，我開始明白點解對真道有咁多極端評價。主要係家長嘅心態同期望嘅問題。如果家長覺得愉快學習之後可以識飛就錯喇。而且家長尤其香港家長，會好唔慣呢種啟發性模式，覺得小朋友返到屋企好似無學過嘢，如果用認識深字量去比較一定唔夠人地多，計數又唔夠公民式操過咁快，比較下似乎唔夠人地叻。加上開心慣，好難坐返定去考試。

我諗我有另一個睇法，活動教學並非代表叻過傳統教育，只係方式唔一樣。家長一樣要協助小朋友，尤其初小，陪伴佢走過學習路。讀書唔係個個人都叻，我要嘅係個過程，想女兒學習掌握技巧，保持有自信心，將來人生路上遇到困難，有能力想出方法去面對，解決問題。

il5544

hkdc5400 發表於 14-2-9 14:46
我是現任FS1家長

我都好多謝你的朋友無去真道教, 我也是需要有火嘅老師去教導小朋友