資優本身就是一個病/問題嗎?

derek0811

資優本身就是一個問題嗎? 甚至是一種病嗎?
究竟是資優還是有病? 真的攪不清....是以下咁的:

仔仔現在K3, 從小對文字及數字異常地敏感及喜歡, 可以過目不忘, 而且理解當中意思.  所以他中文(無論讀及寫)及數學也是資優, 已能寫通順短文(相信也是小三以上程度)及計對他年齡來說很複雜的數(小4年級程度).

他拿起筆便能寫出心中所想; 他看完書, 便能複述書中艱深的理論; 看完巴士站一會兒, 便能告訴你巴士途經的站頭. 他心算及換算都很快.

看似很叻, 很神奇是嗎?   但問題便來了, 他無論做咩都會寫字....叫他做美術手工, 他會在那些手工上寫字或句子; 叫他畫畫, 他又大部分變成寫字; 叫他做功課, 他又在功課上另外寫一些他當時想到的字及句子.

看見數字, 他會計算, 例如商場舖頭貼個牌出來: "11月4-10日進行裝修, 不便之處請見諒." 他讀完後便說: "咁即每日裝修1/6啦." 總之佢好多野都會連繫到計數上去....

好似佢既生活裡, 解讀文字及計數已佔了大部分的時間, 佢好似為了這兩樣東西而活, 完全不平衡!!  但他好像不能自拔, 不這樣便會不開心...

所以起初時我地幾高興, 以為有個叻仔, 咁細個已識睇咁多大人程度的書, 學到好多知識, 咩複雜的字都識用識寫, 而計數又快又叻.  但現在細心思考.....完全不平衡, 不正常, 太側埋一邊了.....去到一個程度可能要進行心理輔導及調節, 將佢由極端拉回平衡點.....培養佢體能, 人際, 同理心及其他方面的興趣.....但發覺有難度....不知從何入手?

有否類似經驗的家長可分享做法?   另外, 我應繼續提供文字及數字的方便給他嗎?  還是要有意識地禁止? 如何禁?

先謝謝各位.

shareholder

無問題呀, 如果俾我, 我就會俾更多書佢睇, 等佢發揮自己應有的長處,

我會同佢玩模擬買賣東西之類的遊戲, 等佢可以將數學同生活結合, 運用下創意, 就可以啟發到佢

PingGu

請問在那裡有評估可做？多少$？ 我仔仔K2。。。

MASAYA

derek0811 發表於 13-11-21 12:17
回覆 MASAYA 的帖子

"事實上，絕大部分的亞氏保加兒童都有其獨特的專長。由於他們對某些東西/事物有濃厚的 ...

因為我見你話醫生認為無其它問題，咁毋須太緊張，
我係相信順其自然呢回事，因為越禁止反抗越大，
小朋友既世界太窄，所以佢地只可以挖深個世界，年紀越大世界越闊就會改善，
前提係醫生話無其它問題

Aerosol_Ma

回覆 derek0811 的帖子

資優其中一個被評估的是記憶. 妳可以看我以前一個post

http://www.edu-kingdom.com/forum.php?mod=viewthread&tid=2674733&extra=page%3D1
當然單單好記性沒多用. 一定要好好利用他們的優點.

derek0811

回覆 MASAYA 的帖子

"事實上，絕大部分的亞氏保加兒童都有其獨特的專長。由於他們對某些東西/事物有濃厚的興趣，且會很專注地研究了解，再加上他們頑強的記憶力，所以他們在某範圍的發展確令人感到吃驚。"

咁究竟是資優, 定只靠記憶及專注地研究而成的假資優?


如果只有很輕微的亞氏保加不好方面的症狀, 但卻有其獨特的專長--頑強的記憶力+很專注地研究事物, 那又怎界定這個小孩?

breadbb

原帖由 LITTLESPICY 於 13-11-20 發表
你有沒有做亞氏同資優評估？

未做過 亞仔讀緊k1 覺得未係好準住 唔想label左佢！所以經考慮下諗住唔做住

Stillgood2

我細仔我都懷疑佢有資優, 學校的健康檢查也曾跟醫生聊過一下. 情況有是對數學有優勢. 小六畢業時, 數學並不是全級最好的, 隨便考試, 也不計成績, 往往得第三.四. 在校外數學比賽, 得獎是同學中最多. 可是, 我見細囝做一下數學功課和學校的數學班習作, 從不溫習, 就算考試, 都從不溫書. 其實, 細囝並不十分熱忱數學.

到了中一, 資優數班, 全年總結第三. 現在中二了, 班主任話, 班上學的數學是中四水平的, 大部份同學都達標. 細囝最近對數學沒了興趣, 不是因為數學難了, 而是數學給他的興趣不大.

我曾說過, 數學科, 強中自有強中手, 天資有很大幫助, 努力十分重要. 但是, 細囝一直找不到數學重大的意義. 希望, 有一天開竅.

樓主的題目很好. 是否需要困在數學裡!
細囝有一個好大的特點, 就是樂觀! 數學是他的工具而已.

LITTLESPICY

原帖由 breadbb 於 13-11-20 發表
我仔k1 都係好迷字同埋數字！出街永遠企好耐睇路牌！只搭巴士地鐵 上小巴勁喊 因為無野睇 唯有睇路牌！近日 ...

你有沒有做亞氏同資優評估？

Chujai

原帖由 derek0811 於 13-11-18 發表
資優本身就是一個問題嗎? 甚至是一種病嗎?
究竟是資優還是有病? 真的攪不清....是以下咁的:

你有無睇過電影"beautiful mind"就係講一個對數字痴迷嘅人。香港唔係有太多資源去支持同容納不同特性嘅小朋友。但最重要係得到父母嘅支持。如果你想幫小朋友發掘其他興趣，我覚得應該同兒童心理輔導員傾下。

derek0811

你說的很對，會多加注意。暫時就看不出有甚麼其他大問題，主要開發多些興趣。

breadbb

原帖由 derek0811 於 13-11-20 發表
佢好似上癮咁，一日到黑都要睇書寫字，否則便很難過日子。他出街坐車就如一部scanner般，四圍看有字的東西 ...

我仔k1 都係好迷字同埋數字！出街永遠企好耐睇路牌！只搭巴士地鐵 上小巴勁喊 因為無野睇 唯有睇路牌！近日老師comment佢專注力好好 但往往做手工 油顏色係超無耐性！佢話比我聽要好多時間做 即係覺得浪費時間 但kindergarten life就係咁多art咁多coloring ..邊有得你揀！一見到功課係coloring就想喊架喇 ！唉！真係日日都哄幾耐先肯！希望唔係亞氏啦！

Capricorn2521

回覆 derek0811 的帖子

你講得對，真係要平衡一下。

評估醫生有冇建議? 幼稚園老師覺得有問題嗎?

很多亞氏保加/高功能自閉症小朋友，都有你個仔呢個問題，文字/數字超強，人際社交超弱，包括我個仔 (當然你仔強好多)。改善方法就係要用佢有興趣嘅題目，及有趣嘅方法去吸引佢學其他興趣。例如：佢鐘意數字，吾鐘意畫畫。可以，用colour pencil/crayon 畫數字，在數字上加上五官，手腳及動作，旁加屋、加樹。佢喜歡文字，可以買一些關於同理心，關心別人的圖書比佢睇，再同佢討論內容。

我吾贊成禁止佢，不過要多番解釋及引導。知道不容易，要花很多心機及時間。

我發現，特殊教育嘅專業人仕多著眼在我仔弱項，而普通親朋戚友老師多著眼在我仔強項。唯有我自己取其平衡點！

derek0811

佢好似上癮咁，一日到黑都要睇書寫字，否則便很難過日子。他出街坐車就如一部scanner般，四圍看有字的東西。然後回家寫返出來，最經典是巴士路線，逐個站寫返出來。(佢人肉scan完便記得了。)

魚王

我個仔我都懷疑佢有資優，now only n1.佢的愛好是音樂。我都覺得佢太沉迷，影響社交。所以比佢反全曰班，ok wor. 戎掉了一曰煲音樂碟的習慣。

Aerosol_Ma

回覆 Radiomama 的帖子

他學校知道他數學水平後和考了World Class Arena (Math) 拿Dist以後, 現在准他(小二)和小五一齊上課後資優班. 這班會在明年Sping 考World Class Arena o既Problem Solving, 除之這個課程, 他現在自己在網上參加了一個Pre-algebra 課程. 比CTY平好多. 比他有時間時 (say Sat/Sun) 玩o下, 當消磨時間.也會考奧數. 他自己看奧數書和一些Brain Test o既書. 我由得他, 我不會教.  

Radiomama

Aerosol_Ma 發表於 13-11-19 13:56
回覆 derek0811 的帖子

妳小朋友情況和我小朋友以前差不多. 他在K3巳經讀完CTY既yr 4 Math. 又孝了幾個奧 ...

好想知道您仔仔現在有否繼續學校以外的課程? or 學校已滿足到他?

Aerosol_Ma

回覆 derek0811 的帖子

妳小朋友情況和我小朋友以前差不多. 他在K3巳經讀完CTY既yr 4 Math. 又孝了幾個奧數比賽. 很多是可以跳級考,e.g World Class Arena 和AMC. 妳可以比他玩下.
等他知道 ”一山還有一山高”. 妳不用擔心他只想文字和數學. 當小朋友大小以後知道什麼是XBOX, Angry Bird, Candy Crush以後,他們多了這些興趣, 就會自自然然分心. 不會再這縻沈迷. 現在可以帶他多去公園. 多點和同年紀o既小朋友玩.

Melody_BB

資優本身不是病，但若影響他的人際交往，與人溝通，合作便有問題，從他小時候就要正視。因為他不是生活在自己的世界，而人是群體生物。若他不能融入，便會影響他長大後的生活，社交，自信，甚至工作，家庭。所以均衡發展很重要。

老實說，我有D擔心你囝囝的情況。因為他很似我一個朋友。他小學時己有高中程度的語文程度，但內心很寂寞。中英數科科第一，但和同學相處顯得格格不入，因為他嫌我地低B，我地又嫌他懶高深。態度性格當然也是他能不合群的主因。最後他把自己藏得更深……未能發揮他天賦的才能，好可惜


希望你囝囝可好好運用天賦，在學習和生活中取得平衡。

goodday

以前上家長課程聽一位家長講，她兒子沉迷噴水池，任何事物都聯想到噴水池，思路永遠環繞著這方面諗；另一個案系沉迷關注廁所，例如馬桶，廁所板設計等等。

唔知系咪資優小朋友都會有某種對知識的固執？