做咗測試，確定係資優，有什麼用?

hinhei

原帖由 小時了了 於 14-09-06 發表
本帖最後由 小時了了 於 14-9-6 08:25 編輯

我仔個時私人都係做韋氏。智能測試係韋氏先有用。而新領域幫我仔做個個彭sir都上過幾次電視，所以我諗可信掛。

有兩樣做，不過貴啲。

政府同私人兩個報告完全不同，可能隔咗好多年，韋氏也轉咗版。我睇返大仔（私人）會比較易明同易掌握，而cp亦會比好多意見我點教仔。反而睇女（政府）的報告比較復習，我係唔太明各項係關於乜.....

仔的我無交學校，因我仔上下分數差異大，吸收係資優，輸出非資優....cp便提議不要比學校知，因我仔本身有另一問題，所以只交另一問題報告。

女的cp強烈叫交學校，我亦只剛剛交，有乜幫助我仲未知。

過動不會只玩文具咁簡單，所以你不要太擔心。若有能力，直接去私人做嚟得了當，但切記搵有口碑的，因巿面太多魚目混珠。政府你預要問題多多先放你做，我又唔知而加最新版其他報告會點寫，我只覺得仔比女報告清晰易明！

232

小時了了 發表於 14-9-6 08:52
找到了，我 yahoo 搜尋 "中大韋氏智力"
http://ww2.psy.cuhk.edu.hk/chpc/cht/content/services

小時了了

Anniemun 發表於 14-9-5 18:26
中大，港大，HKAGE, 小童群益會比較有信心。

找到了，我 yahoo 搜尋 "中大韋氏智力"
http://ww2.psy.cuhk.edu.hk/chpc/cht/content/services

• 心理評估
  

	臨床心理學家	教授
智力評估**	$4,200	$5,200
讀寫障礙評估**	$2,500	------
智力評估及讀寫障礙評估**	$6,000	------
專注力評估**	$3,000	------
性格評估（連書面報告）	$6,000	$6,800
** 詳細書面報告	$800	$1,000

http://ww2.psy.cuhk.edu.hk/chpc/cht/content/services/01
兒童智能評估會使用甚麼測驗？

• 韋氏兒童智力量表 -第四版 (中文‧香港版) (Wechsler Intelligence Scale for Children – Fourth Edition (Hong Kong))[WISC – IV (HK)] 是為6歲0個月至16歲11個月大的兒童或青少年個別施測的認知評估工具。WISC-IV (HK) 提供了新的香港常模，新的分測驗，以及更強調能夠在劃分得更仔細和更獨特認知功能領域中，反映兒童表現的合成分數。
  

智能評估需時多久？何時可以知道評估結果？

• 評估大約需要兩個小時，包括單獨與兒童進行評估及測試結果闡述。家長在評估完結後會即時獲知評估結果。        一般來說，孩子只需要進行一次評估。
  

詳細的智能測驗報告是甚麼？何時可以收到報告？

• 詳細的智能報告對孩子在受試時的表現、各小項測驗的表現分析，以及整體智能分析都有記載。
• 在測驗後四星期內家長會收到詳細的智能報告。
  

小時了了

Anniemun 發表於 14-9-5 18:26
中大，港大，HKAGE, 小童群益會比較有信心。

"中大，港大，HKAGE, 小童群益" 我應該係yahoo 點樣搜尋呢？

小時了了

hinhei 發表於 14-9-5 23:58
我大仔係新領域，個度而加幾錢巳不知，因n年前。

我女係香港資優教育學苑做，費用睇你有無書簿，車船等政 ...

"新領域" http://www.nhdchk.com/professional.php ,有2個價錢，一個$4800，一個$6400。 唔好意思，因為我唔識，又想問多少少，私人評估，可信性及認受性高嗎？學校及日後的政府機構認可嗎？

因為小女兩年前二年班時班主任試過係課堂上話小女上堂成日不受控制傾偈，玩文具等上堂唔專心，係咪有過度活躍症? 阿女有一日同我傾偈時先至同我講老師有話過佢幾次係咪有過度活躍症。之後個日我好緊張打電返學校問老師我可以點幫小女? 佢當時笑住講只不過嚇吓我女喎！！班主任講因為佢上堂成日攪呢樣，攪個樣，又傾偈，影響課堂秩序。老師咁講，我當時無理。

但原來老師咁講,小女好深刻印象。小女係今年暑假有兩次同我講想做評估自己有無度活躍症，佢話因為二年班班主任話過佢。但我又同我家姐姐夫傾，反而佢地懷疑佢係資優。其實佢地係小女細個時曾經講過幾次，但我當時認為小女只不過較聰明而已，我當時諗若然係資優，我唔想知（因為我知唔知我都係咁教養／要求小女的品行及學業），亦唔想小女知（因為驚佢知道後驕傲，唔再努力讀書）

呢排睇EK呢邊的帖，認識多咗，都想了解吓小女有無過度活躍症又或者資優。唔知有無同時可以評估兩樣呢？

hinhei

原帖由 232 於 14-08-31 發表
hinhei :

我大仔係新領域，個度而加幾錢巳不知，因n年前。

我女係香港資優教育學苑做，費用睇你有無書簿，車船等政府津貼，有就全返減免，甚至全免！

不過要去做都要過好多關，佢先同你係電話傾完，要等回覆，ok再要send晒小朋友資料，再等，ok又會比啲文件你同學校都要填，再等，再ok先正式約見！

hinhei

原帖由 小時了了 於 14-08-31 發表
http://www.edb.gov.hk/tc/20140703171818.html

http://ge.hkage.org.hk/b5/

是這個

hinhei

係呢度，我懶打全名姐，哈哈！

Anniemun

warren.tsang 發表於 14-9-5 17:44
請問邊樹有得做?

中大，港大，HKAGE, 小童群益會比較有信心。

232

原帖由 hinhei 於 14-08-24 發表
我係教育學苑做咗，但因太細（升小三）要等夠年齡先可入會。
而加我都係唔知應點做，巳依照心理學家把報告 ...

hinhei :


請問你小朋友是在那裏做test???


how much?

232

原帖由 Radiomama 於 13-11-18 發表
本帖最後由 Radiomama 於 13-11-18 13:59 編輯

請問边度做資優test好d??


大約？$

小時了了

hinhei 發表於 14-8-24 00:06
我係教育學苑做咗，但因太細（升小三）要等夠年齡先可入會。
而加我都係唔知應點做，巳依照心理學家把報告 ...

http://www.edb.gov.hk/tc/20140703171818.html

http://ge.hkage.org.hk/b5/




教育學苑????

吳大琪教授出任香港資優教育學苑院長

香港資優教育學苑(學苑)於2008年投入服務，屬非牟利機構，旨在為香港學界服務，積極向學生、教師、家長及其他資優教育持份者提供高水平的資訊和合適的學習機會。學苑每年邀請學校校長、教師、社工及教育心理學家提名校內具資優特質的學生加入學苑。

學苑成立至今穩步發展，為資優學生提供具挑戰性及多元化的學習機會。直至2014年3月，學苑已取錄超過8,600名10至18歲學員，舉辦了超過750項活動，參加人次達42,000。學苑所提供的活動及課程覆蓋多個主要學習領域，並包括個人成長與領袖課程。

吳大琪教授由本年6月1日開始出任香港資優教育學苑院長一職，將會帶領學苑邁向資優教育的新里程。本身為物理學家的吳教授，在學術方面成就非凡，曾於1993年獲海外華人物理學會推舉，榮登亞洲物理成就榮譽榜。2000年獲得美國物理學會會士名銜。除學術研究外，吳教授亦明白從小培養學生科學興趣的重要性，遂積極參與中、小學的教育工作，對提升香港科學教育的素質貢獻良多。

吳教授同時是推動資優教育的先驅，早於2004年出任香港科技大學理學院副院長，2010年擔任該大學資優教育發展中心的總監，致力為香港資優生提供適切的課程，讓他們能夠發展潛能、擴闊視野，為推動香港資優教育發展作出很大的努力和貢獻。

吳教授接管學苑後，期望將資優教育融入中、小學教育，讓學生在課餘時有機會接受有系統及富挑戰性的進階學習，以進一步發展他們的潛能。吳教授形容學苑現在屬鞏固期，他說：「過去六年學苑處於始創階段，一直推廣資優教育，讓公眾對資優教育有一定的認識。接下來的五年，學苑將進入鞏固、穩定的階段，我盼望與中、小學及大學合作設立一個有系統而適合資優生的學習歷程。長遠來看，學苑的目標是進一步提升香港資優教育水平。」

香港資優教育學苑
查詢電話：3940 0101
網址：www.hkage.org.hk

二零一四年六月二十三日

小時了了

hinhei 發表於 14-8-24 00:06
我係教育學苑做咗，但因太細（升小三）要等夠年齡先可入會。
而加我都係唔知應點做，巳依照心理學家把報告 ...

可否幫忙提供教育學苑的聯絡電話？我yahoo找尋，找不到資料。

wan_sosin

原帖由 annie40 於 14-08-30 發表
曾幾何時小女也被老師點評為資優，自己當講笑算了。個女有幾慢半拍，是自己知自己事，有排未論到，否則點會 ...

我個仔係野馬難純嗰隻！一唔小心會踢你兩腳！難得老師竟然欣賞佢！由課堂倒亂變成老師嘅幫手！叻嘅係位老師！

annie40

曾幾何時小女也被老師點評為資優，自己當講笑算了。個女有幾慢半拍，是自己知自己事，有排未論到，否則點會咁容易聴我點？

反而留意做甚麼也十分盡興的孩子，凡事起勁，都幾難唔到。一點頑皮是興緻，有興緻才是生機勃勃！

wan_sosin

annie40 發表於 14-8-30 11:43
嘩，睇書？你簡直是執到寶了。是否確認資优不太重要，表現上散發優秀本質才重要。

孩子細眉細眼的淘氣行為

水太清則無魚呢。
好鍾意你呢一句!你嘅見解好好!我仔都係玩到盡先去學嘢嘅細路!無傷大雅嘅頑皮,我都係由佢!

不過想講清楚,我仔無做test,問過資優學苑話未係時候,叫我等多一年先,而家剛小一6歲,我仔只係老師認為係資優,初時都唔想理唔想接受,都會覺得係又點?不過而家慢慢改變下心態,不如正面D,其實都係為求教好個小朋友嗟,反過來諗,一下教唔好,將來個仔用佢嘅聰明來犯事就真係敝啦!

所以無論點樣都好,都上來學下嘢囉!

annie40

回覆 Radiomama 的帖子

1）問吓班主任學校有什麼配合。  ----通常是敷衍幾句，溝通不當，隨時被老師標籤為「虎媽」。
2）嘗試上網找中大/科大/理大/浸大的資優課程，睇下邊個啱小朋友。----認識一些資優孩子父母，刻意唔去早教。理論是遅早都會識。

3）上資優學苑的網頁，可與老師相量推薦。---好似助力一般。

4）外國課程：EPGY 或CTY----是否資優，也可報名。

但最重要睇吓小孩有無情緒問題，要先處理。
---非常資優又沒有情緒問題，非常恭喜！
---一般資優，又有資優而衍生的情緒問題，是父母頭痕的開始。
xxxxxxxx.   xxxxxxx

annie40

嘩，睇書？你簡直是執到寶了。是否確認資优不太重要，表現上散發優秀本質才重要。

孩子細眉細眼的淘氣行為，如不涉及道德操守，由得佢吧，老師觀點有利益衝突，(最好全班是小綿羊),不要盡信.水太清則無魚呢。