有人話中學先開谷?大家認同嗎?

anglelala

其實小女現只是考K1,不過由於而家既教育係需要由中學開始PLAN,所以想請教各位父母,你們認為對於一般既小朋友,由KINDER開始讀D所謂"谷"既KINDER,再上D"谷"既小學, 定係KINDER同小學都HAPPY HAPPY,去到中學先迫佢發力,邊種方法會好d?希望大家分享!!!thx!!!

AC117

原帖由 bbfish1992 於 13-11-27 發表
小朋友不是機器，話谷就谷

若信鸁在起跑線依個神話而去谷，小朋友好可憐

自問谷不到，亦無必要大家辛苦，順其自然吧！

bbfish1992

Giant 發表於 13-11-24 16:17
咪傻啦，如果有條standard formula 可套用於所有細路，種出成功人士的話，呢個世界就唔會出現林林種種的問 ...

小朋友不是機器，話谷就谷

若信鸁在起跑線依個神話而去谷，小朋友好可憐

longlokma

要hea, 入左大学先啦！到时真係可以hea足幾年之後照畢業

AC117

原帖由 木子 於 13-11-27 發表
小學時仲可以的, 上到中學唔知肯唔肯聽你講, 所以幫得到就幫下,加油! ...

小學父母還可以keep到他們成績，本來科科80分以上，升中可以有難以想像的成績，差異很大，因此成為習慣肥佬也未必肯盡力改善，高中更難以想像，只可等他開竅

木子

AC117 發表於 13-11-27 12:23
他們讀書父母辛苦千萬倍，在現階段儘量安排最好給他們，但日後要看自己努力了



  ...

小學時仲可以的, 上到中學唔知肯唔肯聽你講, 所以幫得到就幫下,加油!

AC117

原帖由 木子 於 13-11-27 發表
是,所以養兒100歲, 長憂99

他們讀書父母辛苦千萬倍，在現階段儘量安排最好給他們，但日後要看自己努力了

木子

AC117 發表於 13-11-26 19:02
但上了中學太輕鬆又驚佢hea，父母想子女唔辛苦又可以升大學最好。我的中二成績麻麻，中三要預備選科，跟住 ...

是,所以養兒100歲, 長憂99

AC117

原帖由 木子 於 13-11-26 發表
我覺得六年級開始我們已經谷到爆啦, 如果中學再係咁我情願搵間輕鬆的中學 ...

但上了中學太輕鬆又驚佢hea，父母想子女唔辛苦又可以升大學最好。我的中二成績麻麻，中三要預備選科，跟住應付DSE，他反而小學是蜜月期未谷過，唔洗溫習hea住讀又比佢上到b1,hea左咁耐他知中學要開始努力，但講得出做不到

木子

我覺得六年級開始我們已經谷到爆啦, 如果中學再係咁我情願搵間輕鬆的中學

Giant

咪傻啦，如果有條standard formula 可套用於所有細路，種出成功人士的話，呢個世界就唔會出現林林種種的問題。

安格斯媽媽

原帖由 anglelala 於 13-11-14 發表
其實小女現只是考K1,不過由於而家既教育係需要由中學開始PLAN,所以想請教各位父母,你們認為對於一般既小朋 ...

有時不是想谷便谷得來，每個小朋友都不同，盡力而為由小一起保持校內成績，如果能力許可(財力同時間) 加強主科根基，若發現小朋友未必受便要調節，過份強迫會弄巧反拙。

一家的太陽

各個小朋友資質唔同，性格唔同，家長對子女的要求唔同，好難有一個統一的模式來決定每個學生的學習方式。但我承認打好個底係非常重要的，當小朋友想自己起飛時，至少有足夠能量俾佢飛得起。
舉個例，我和老公對視藝方面毫無sense。所以阿仔入小學後一直參加學校辦的中西藝術興趣班。每次匯報展覽，其它有天份的同學仔有好幾份作品展出，並得到大人的讚嘆，而阿仔卻勉勉強強地只能拿出一幅作品湊熱鬧。我也無所謂，只要佢本人玩得開心，又符合學校一生一體藝術的要求。
點知入到中學後，阿仔的視藝成績都占同級同學的前20%，沒有因視藝成績拖低總成績(有同學有此情況發生)。相信係小學時的興趣班為阿仔打好了底的關係。

satu

原帖由 Band5 於 13-11-15 發表
個個都講起跑線，究竟終點定在那裡。如果目標是某些要一個打二十個的直資或私小，現在才決定谷與不谷可能已 ...

如果終點係jupus . Dse 只有約18%入到、我估多數都係band 1 中學先有相對多D機會入jupus. 即係小學就要keep 住起碼前30%既位置、希望派到b1 中學、所以幾時加油、幾時發力、大家自己考慮吓、小朋友當然愛玩、家長既取向、決定性好大。
當然、都要睇吓小朋友能力、勉強冇幸福、但如果係有潛力既、就唔好浪費人才。

Band5

原帖由 anglelala 於 13-11-15 發表
點解吾好入校隊呢?同埋係米小學時,家長吾好插咁多手,咁可以睇清楚個小朋友係咩料子? ...

普通小學的校隊是很簡單的，有時只要舉手就入到，甚至被拉夫入隊，兒子小五小六就入了五個校隊(三項運動加數學加機械人設計比賽)，多數都只是返學前或放學後訓練！

Band5

個個都講起跑線，究竟終點定在那裡。如果目標是某些要一個打二十個的直資或私小，現在才決定谷與不谷可能已經太遲！但我相信靠谷而獲取錄的只會是極小數！

有時預算同實行會有頗大的分別。

當年為兒子的打算是小一至小三保持中游，最好在前三分一，小四開始發力希望能進入前20%升中。中一中二可以輕鬆，中三稍發力為選科，中四追趕，中五中六衝刺求入最佳大學！

誰知幼稚園較為落後的他，小學開始突然脫胎換骨(相對幼稚園而言)，輕易便守穩三甲之內，一直hea住讀到現在中一，又忽然發覺到處高人，難進入前列位置，未知能否保得住中游位置，是否需要加點鞭策，因實在hea得過份！

dobbybabie

原帖由 dobbybabie 於 13-11-15 發表
其實我覺得"谷"這個字可圈可點,什么叫谷,小朋友本身盡晒力都是跑100米就没氣,但父母仲要求跑多100米,曰夜加 ...

我會好像騎師咁,比學校做多少少,让他keeP在中上位,一轉大直路他就會爆發衝线的

dobbybabie

原帖由 zhuzhu 於 13-11-15 發表
唔谷都要打底, 唔係中學會好苦,

其實我覺得"谷"這個字可圈可點,什么叫谷,小朋友本身盡晒力都是跑100米就没氣,但父母仲要求跑多100米,曰夜加操,是為谷,但小朋友輕鬆跑完100米仲大把精力唔做多少少嘢跑多的就唔啱

jaci

孩子不是機器, 要轉工作模式就可以即轉, 要谷就可以谷得起.

zhuzhu

唔谷都要打底, 唔係中學會好苦,