好後悔比阿女返全日N

kwan_0128

因為我二公婆都返工, 阿女係婆婆照顧, 諗住比佢返全日可以獨立D
開學到而家都唔適應係學校訓覺
可能我女讀的係幼兒學校, 一到午睡時間全校連走廊都排滿牀, 張牀又細, 我女又敏感一直都訓唔好
有次去學校睇下仲見佢眼光光冇訓
放學返屋企都好忟, 又唔肯洗白白, 食飯, 成日話眼訓
如果中午接走唔留係學校訓覺就冇事, 係屋企訓得好, 晚飯亦食得好
真係好後悔, 點解要逼一個2.5Y大的小朋友去返全日........搞到影響佢生活
到底我係咪應該同老師講, 以後都唔返全日, 中午接走呢?

sfly97

2 歲女有需要咁早獨立嗎？ 我覺得PN要培養的是佢對學習的興趣！

I_O_U_baby

我諗真係好睇間學校環境同老師係咪有愛心.
我囝細B, 一足兩歲就返全日班,返得好好,
當然初時係會比較痴身同情緒唔穩定,
但係一兩個月已經適應得好好,
未到聖誕已經勁鍾意返學,放幾日聖誕假就問我幾時有得返學

之前比佢返全日,我老公都唔係咁讚成,成日話唔捨得,
又怕佢辛苦, 返左兩個月,我老公轉晒軚話好彩果陣比佢繼續讀,
因為真係睇住佢一日一日成長,
由唔同小朋友玩到宜家成日都提同學仔名.

全日班一日既日程係好充實,每節都係20分鐘,
因為小朋友無耐性,除左早/午餐,又有水果餐,茶點,
活動有音樂/圖工/講故事/小朋友分享玩具/英普堂/大肌肉運動/耕種及收割...
老師仲會好有系統咁教小朋友常識,
我囝學校係會同佢地做實驗,玩過馬路/分辨冷熱水/試食甜酸苦辣野.
所以唔讀過D人,成日覺得小朋友讀全日好慘,
其實學校生活不知幾多姿多彩,晏晝唔係剩係訓覺咁簡單.
不過我知有D學校真係無咁多元化,有D晏晝成日就係比小朋友睇電影.
所以我覺得選校先係最重要.
我囝個班都未聽過有人訓得唔好,
剩係聽過有家長話小朋友訓左晏覺夜晚好夜先訓,
所以轉半日班,等佢唔駛訓晏覺,夜晚早D訓

ccjudy

原帖由 dokanty 於 13-11-12 發表
回復 ccjudy 的帖子

宣道會學校, 老師真係好好架, 頭幾星期, 成日打比我... 一兩日打一次佢話都怕家長擔心 ...

傻瓜，緊係唔阻我時間喇，多謝你嘅分享。因為我聽全日班嘅唔好多過好呀。

dokanty

回復 ccjudy 的帖子

宣道會學校, 老師真係好好架, 頭幾星期, 成日打比我... 一兩日打一次佢話都怕家長擔心而返工心掛掛...
佢仲講埋每天佢訓幾點比我知...
同埋佢自己都會親自湊佢去洗手間,
仲同我講, 唔怕架, 開頭係會咁... 慢慢比多d愛心佢就ok,
佢話佢上課很多時間見佢無安全感, 會抱住佢上堂,
仲會抱佢入睡添, 我聽完都好感動呀,
就算適唔適應到, 都好多謝老師~~

而老師將佢上堂很細節的東西都話我知,
例如佢今日做手工比人坐左個位會喊, etc>
仲同我講佢慢慢了解到佢的固執行為應該點拆解,
見到佢進步左之後, 佢話佢開始有笑容啦, 老師自己都好開心咁打比我
佢話無野架, 我自己好開心想打來同你分享下,
唔好意思阻你時間 !!

見住佢過左一個月就完全適應, 我自己都好安慰架 !
所以你要加油呀, 比d時間佢
你諗下你轉一份工, 都要時間適應,
小朋友, 佢首先要適應左, 要有段時間離開家人,
亦同時要時間適應陌生的學校環境
到佢開始適應離開家人, 同時又同老師, 學校建立左關係, 信任, 歸屬感
加上佢地要守的規則, 流程, 自己又開始漸漸掌握, 多左成功感之後
佢地就會越來越好, 越來越有成功感到!

ccjudy

原帖由 dokanty 於 13-11-11 發表
回復 kwan_0128 的帖子

加油加油, 樓主唔好咁諗, 好多時我地會加入很多幻想同自責在入面,

係邊間學校？老師好好呀！

ccjudy

係邊間學校？啲老師好好呀！

Bao1213

我宜家都考慮卑我女返全日定半日，距啊嫲又想返工，唉，我地2公婆又5得閒。

PCMW

我相反,我仔n班冇全日,得半日,我不知幾想佢全日.到k1返全人,又瞓到又食到,仲勁like返學.不過真係個個小朋友唔同的.你中午接走對個女好d,就接走啦!小朋友適應力個個不一樣.等大個d先返全日/乾脆返半日都冇乜分別!
不過我個人覺得小朋友跟老師好過跟姐姐囉!如果你自己湊/家人湊,半日啦!

ballg

其實都係睇小朋友適唔適應，唔得嘅就轉，唔試係唔可能知會點！最重要係發現唔適合就盡快行動！

kwan_0128

我已經轉左返半日一個星期了
阿女而家好好, 返屋企午睡, 訓得好
又可以好似以前咁我放工返來同佢玩, 睇下書學下野, 阿女唔會忟了
所以我來緊呢年都只會返半日
明年9月我會轉返半日k1, 已經有本區最好的幼稚園收左

dcdc2525

原帖由 Vickyblah 於 13-11-09 發表
jm轉咗半日未呢? 其實小朋友咁細要返學已經好慘,又唔係無人湊,返半日都好夠啦！



  ...

完全同意。

lalawowo

我覺得咁細個作息最重要，瞓覺是幼兒腦部发展的黄金時間，還是盡快轉上午吧！

dokanty

回復 kwan_0128 的帖子

加油加油, 樓主唔好咁諗, 好多時我地會加入很多幻想同自責在入面,
只要理性分析, 再比耐性同時間, 一定可以解決到 !


我個女初初返全日n時, 我都有無的諗法...
因為覺得好可憐, 咁細個, 就要佢返全日....
佢回到家又痴身, 又心慌慌, 有時發慌咁喊
我爸都鬧我, 做咩要比佢返, 果刻我都諗, 唔通我真係做錯左....

但同時, 學校的老師好好, 比很多鼓勵我地,
寫左出來, 頭頭會遇到什麼的困難, 反彈, 叫我地要比時間,...
同時, 大我一年的一位朋友 (同校), 佢話, 唔駛擔心
比d時間佢地, 會適應的, 之後會好好....
而在適應期我見到同校很多人都好enjoy (高form果d),
一班人, 好叻仔,好叻女的自己搞店晒d野....

咁我就諗, 香港咁多全日n1... 都咁多人都係咁讀...
無理由如果適應唔到, 咁大問題, 咁果d學校應該無人讀...
我就同自己講, 比d耐性...
之後. 過左兩,三星期, 見到佢慢慢適應....
開始回家有笑容, 仲開心地講返學校的流程比我聽
見佢叻左很多, 自理能力又強左,
由唔識去洗手間, 變左識, 仲一次都無賴過,
夜晚都唔駛用片....
就覺得好安慰啦, 好proud of佢, 而且佢宜家返學放學都好招積,
仲識講多左很多野,...  

不過我絕對認同, 讀全日都要睇小朋友性格
我覺得較慢熱, 獨立的小朋友係arm讀d,
比較活躍, 痴身, or 坐唔定, 好似返半日好d..

所以樓主你如果自己觀察完覺得個女真係唔適合全日,
同學校講, 放心, 我估學校都唔會為難你們的 !!

加油啊 !!!

choicheukyin

回復 kwan_0128 的帖子

你既憂慮同我現在一樣，都係想學好自理，但我怕食飯食得不好，最後都選回半日，因為不忍心，我小朋友寧願餓都不會食，感都死啦

candyhmama

貪靚媽 發表於 13-11-9 22:38
我明，即後悔當年給幼兒寄宿囉

貪靚媽

原帖由 準父母 於 13-11-09 發表
點睇都唔明

我明，即後悔當年給幼兒寄宿囉

準父母

原帖由 candyhmama 於 13-11-09 發表
留心睇多幾次就明啦

點睇都唔明

dannyyau302

原帖由 貪靚媽 於 13-11-07 發表
上午返學，下午去興趣班是必須的太虎媽了吧

唔好過度期望幼稚園時期能滿足他們應付小一生活。我是典型例子, 花足半年時間才令小女適應學校步伐

candyhmama

panda_k 發表於 13-11-8 23:35
我都唔明

留心睇多幾次就明啦