請問(港島區)哪幾間小學喜歡收學業上的資優生呢?

derek0811

真心打聽港島區(尤以灣仔打後至柴灣)有哪些小學喜歡收學業上的資優生呢?
個仔是學術上的資優兒童, 考了5間直資/私小, 有些有得2nd In後便止步, 相信都全軍覆沒了。

由於只有基本的15分, 自行多數亦都無希望...現在很徬徨.  徬徨是因為知道他是讀書的材料, 但卻找不到較心儀的學校...

由於是資優兒童, 個性的確較情緒化及間中不太合作, 可能也是Interview失手的其中一個原因.  (但他基本上社交及待人接物都沒甚麼大問題, 無亞氏亦無過躣, 也非自閉, 只是較有自己一套而已. 他也喜歡跟同學仔玩, 亦相處得來的.)

短短的幾分鐘至半小時內, 去考的學校未必察覺他學業上的資優.  我清楚明白學校選人, 可能看個性及態度, 比是否資優及叻仔更重要, 我亦無可厚非.  

兒子現在K3, 自小便很喜歡看書, 書不離手. 數學已計至小學4年級的雙位甚至3位乖數及除數. 他特別沉迷數學, 現在更超大量自學, 自己看明白好多本小學甚至初中的數學課外書, 自己學會小數, 份數, 百分率, 圖形, 角度, 單位換算等等(全部看書自學, 我們沒迫他, 反而時常叫他不要看太多!).  

中文方面, 已能自行閱讀整版的書(至少500字以上, 而且是深字, 大人程度的), 學校的通告全部自己識睇晒, 而且過目不忘, 隨時問佢都答得出相對日子要做甚麼事.  

寫字方面, 只要見過的字便會寫(有D似影相機!), 已很輕易, 很快地便可作出一篇60-70字, 通順而且結構完整連標點符號的短文來. 英文方面平時較少注意, 但據學校老師講亦非常出眾.  

如果知個仔不是讀書的材料, 我會認命, 接受任何電腦分派結果.  但現在事實個仔是很喜歡讀書, 而且是讀書的材料, 所以想為他找一個合適的學校.....

現在直資/私校都失落了, 我可以點做?  如果大抽獎派了間學術不深的, 相信他會無心機讀.......所以唯有扣門, 但不知哪幾家小學是喜歡資優而且超幾班的小學生呢?

重申, 我在此不是在演野晒命自己個仔幾叻.  我真係感到好頭痛, 點解佢要咁叻, 平平凡凡反而易攪, 依家都唔知點算? 都唔知有冇學校肯收佢呢類"怪胎"?  就算肯收, 又有冇課程合佢程度?

有沒有有經驗的家長可分享一下? 萬分感謝!

四隻貓

manmanchubb 發表於 14-5-28 10:32
回覆 四隻貓 的帖子

好明白妳感受，囝囝現K.2.他是最細一位，但所有功課溫習早能自行完成，就是做得很快， ...

兩星期前家長日, 班主任說仔仔在情緒和守規方面也進步了很多. 呀仔開始明白在學校的[生存之道], 知道咩事應該做, 咩事唔應該做, 因為情緒控制好了, 懂人情世故了, 開始結交到朋友. 我真係好開心, 亦放心了好多.

真係好彩入到呢間幼稚園, 老師同校長都幫左好大忙. 耐心同包容真的可以教好孩子!

選小學方面, 現在我偏向選一些教學比較多元化, 對學生有耐心同包容的學校. 希望我仔考到啦!

ericby

漢華中學（小學部）

manmanchubb

回覆 四隻貓 的帖子

好明白妳感受，囝囝現K.2.他是最細一位，但所有功課溫習早能自行完成，就是做得很快，在課堂上他永遠是早等的，等下等下多手多腳，
或騷擾同學，
雖然學習上一直不俗，
但真的很怕他到小學仍是這樣，怕會列入不受歡迎學生

CKCKmom

樓主快點做評估吧，佢咁叻，最好 seek for professional help, 可以知道點去栽培佢。
請不要介意我這樣說，現在ASD spectrum 好闊，去做assessment 不是要硬給他資優或什麼label , 只是可以知道令佢的potential 加以發揮

cellon

mingherny 發表於 14-5-28 00:20
唔覺音小對資優生有任何支援。呀囝讀緊。

如果是音樂上的資優，音小會較適合。
但樓主說的是數學上的資優......

mingherny

melonfans 發表於 14-5-23 17:53
音小簡介會校長講過, 同級小朋友能力吾同, 學習level都會吾同, 可以keep住升呢!  所以當年出咗個神童.

唔覺音小對資優生有任何支援。呀囝讀緊。

tszchungmama

不建議基灣 (包括新舊), 太多功課, 不停抄寫, 你個小朋友咁叻, 不需要太多的抄寫

Jane1983

回覆 melonfans 的帖子

所以樓主吾使太擔心，叩門有卷做的，好大機會；再吾係，插班實考卷起，都好有機。
反而係搵一間最適合小朋友性情的最緊要。

melonfans

Jane1983 發表於 13-10-30 13:42
甘猛料，好難相信無學校收！？

我都係咁諗!  最主要無性格問題, 資優近乎0.000000001!

melonfans

derek0811 發表於 13-10-28 12:17
真心打聽港島區(尤以灣仔打後至柴灣)有哪些小學喜歡收學業上的資優生呢?
個仔是學術上的資優兒童, 考了5間 ...

點解吾去做評估check佢係咪資優呢? 依家只係自己評估, 未夠客觀, 亦無專業意見幫到佢.

jaycee_mami

melonfans 發表於 14-5-23 18:03
其實真係睇性格, 有d真係坐吾定, 鍾意活動教學, 咁佢咪更出色.

有d真係坐定定學野, 同人溝通能力弱, 好堅 ...

你講得好對, 選小學應該以性格而定.  

我仔仔正正有齊後者的性格, 傳統的填鴨式教育即要死讀死背反而啱佢, 讀得算幾好; 如果佢在新派的活動教學小學, 即要做project, 多presentation個隻, 佢會無哂方向和信心.  

karen55407

回覆 derek0811 的帖子

舊年我兒考小學也是全軍覆没，他在我心中是品學兼優的，所以我和他並肩作戰，爭取最後叩門機會，感恩終於有二線學校青睞。如今孩子已經開開心心享受小一生活，而且在校內成績也見出眾！
雖然考不到直資、私校，但也不用氣餒，抖擻精神！爭取最後叩門機會吧！加油！

Charlotte_mom

charbaby 發表於 14-5-24 19:39
回覆 derek0811 的帖子

恭喜樓主有資優生囝囝，點解唔試st paul co ed, DBS？一定比佢跳班。 ...

認真的, 舊老闆有個朋友個仔就係資優, 讀co-ed, 小朋友有資優的煩惱: 有性格! 份份卷做完挑戰題唔做, 每次都唔合格
學校又真係見家長傾, 無留難, 學校知小朋友有學校能力, 肯照俾佢升, 無問題
不過已經成10前年嘅事了, 而家仲有無改就唔知喇

charbaby

回覆 derek0811 的帖子

恭喜樓主有資優生囝囝，點解唔試st paul co ed, DBS？一定比佢跳班。

hksina

原帖由 Charlotte_mom 於 14-05-24 發表
谷同深唔等於適合資優，資優有自己一套想法，唔係個個老師肯包容

是啊，基灣是傳統又谷的學校，也對學生多規範，要求高，但未必適合資優，資優要額外個別拔尖及提升，學校可能要為他度身訂做個別學習計劃才能適切他的需要，或者他們也喜歡靈活變通的教法

Charlotte_mom

原帖由 jenjenny 於 14-05-24 發表
你可試下叩新基灣，二三十年前到現在在東區都非常出名，又谷又深學術又非常强，很適合你仔仔。你可睇下佢升 ...

谷同深唔等於適合資優，資優有自己一套想法，唔係個個老師肯包容

jenjenny

你可試下叩新基灣，二三十年前到現在在東區都非常出名，又谷又深學術又非常强，很適合你仔仔。你可睇下佢升中派位，整體唔會比前面提及的九龍區那幾間名小差，不過可能校網問題，基灣女仔派得靚少少。

hksina

原帖由 derek0811 於 13-10-31 發表
聽到好多好好的意見，謝謝各位參與討論。

不如你打去教育局，資優組，尋求協助。你講你個仔的情況佢聽，睇下教育局有什麼建議。

melonfans

四隻貓 發表於 13-10-31 10:23
我都有點疑惑. 希望大家可給予意見.
學習能力高, 好奇, 喜歡自學, 喜歡思考同發問, 是否去國際學校/IB scho ...

其實真係睇性格, 有d真係坐吾定, 鍾意活動教學, 咁佢咪更出色.

有d真係坐定定學野, 同人溝通能力弱, 好堅持己見, 做group project佢會好慘, 好吾開心.  呢類讀傳統學校, 做操練功課就啱.