21個月未識行

chuchu789

唔好意思，我唔知個post係咪應該出係呢個位，我個女21個月，重未可以自己企，要扶住先企到，未識行，已經係威爾斯做緊物理治療，但我覺得無用，請有經驗mama可否比d意見我，thx

viviankai

佢已經3歲因為腦麻而影響4肢到依家扶住嘢就可以企同行放手就只會爬

viviankai

佢已經3歲因為腦麻而影響4肢到依家扶住嘢就可以企同行放手就只會爬

angels'mom

回覆 chuchu789 的帖子

我仔雖然冇咁遲先識行，但之前大小肌都遲緩，肌張又低，不過經過幾年訓練，現在已追到普通小朋友水平了。

大小肌訓練一定要長期做，天天做，由最初做少少，慢慢加長時間，不時轉變下訓練模式，用下不同用具。

體能是要慢慢鍛鍊出來的，加油啊﹗

jaynepig

我個囡果時都接近23個月開始跌跌碰碰行到幾步，24個月時都行得未穩，幸好已預先同N班校長及老師聯繫過，佢地都好樂意配合，而家小朋友3歳4個月，大小肌肉都比同齡慢半年左右，不過已經有所進歩(細個時差成9個月，排緊l位中)

chuchu789

原帖由 viviankai 於 13-11-29 發表
你個PT有冇同你講要轉介小朋友去E或S位嗎?但MOTOR DELAY一定要係屋企幫佢做架如果唔係幫唔到佢架 ...

請問你仔係咩問題排e位

Letter_lalaland

同你小朋友嘅PT溝通多啲啦，分享一下你嘅難處，有啲乜嘢動作小朋友遇到比較多嘅困難。 咁大家先可以一齊見招拆招，睇吓有啲乜嘢原因卡住咗。

viviankai

你個PT有冇同你講要轉介小朋友去E或S位嗎?但MOTOR DELAY一定要係屋企幫佢做架如果唔係幫唔到佢架

bauhiniakan2000

chuchu789 發表於 13-10-17 15:55
做左大約5個月到，屋企我無幫佢做，因為佢5願做，所以我無逼佢，而家想同佢去私家做評估，睇下其他有無問題 ...

你唔做家居訓練,做乜都無用架,我仔確診兩個半月自己收工夜,靠人地,浪費每月 $7500學費,我做全職爸爸三個月,兒子能在主流 N 班上課,返學都無喊,之前帶佢去邊都經常喊.

bauhiniakan2000

chuchu789 發表於 13-10-17 15:55
做左大約5個月到，屋企我無幫佢做，因為佢5願做，所以我無逼佢，而家想同佢去私家做評估，睇下其他有無問題 ...

除左行唔到,手眼協調,手指活動能力,語言,認知有無問題,參考以下係 LINK 睇下幫唔幫到你
http://youtu.be/y4ghOXnq4vU

kennistong

回家一定要做training 既。 特別係大肌。努力拉！

shuna

去做物理治療最多1星期一次, 少則1個月一次, 只靠治療師當然唔得啦！做大肌肉訓練咁辛苦,小朋友梗係唔想做, 但作為家長一定要做家居訓練, 否則做1年治療都唔會識行, 佢已經遲左咁多仲唔迫佢? 正常2歲都識跳, 3歲單腳跳, 咁樣落去,佢同正常既差距會越來越大, 你要忍心d 操練下佢。加油迫下佢啦, 同治療師傾下你有乜可以做。

annaanna

發展遲緩... 淨係靠做物理治療時訓練唔夠O架，番到屋企都要練習﹗好多時去治療係學識做法，在家或任何時間做訓練呀

chuchu789

原帖由 bauhiniakan2000 於 13-10-17 發表
回復 chuchu789 的帖子

你扶住佢覺得佢夠唔夠力,做左幾耐 PT,治遼師有無同你講乜野問題, 除醫院做 PT 外, ...

做左大約5個月到，屋企我無幫佢做，因為佢5願做，所以我無逼佢，而家想同佢去私家做評估，睇下其他有無問題，請問確診自閉之前，你有擦覺到有問題嗎，我擔心我個女會有其問題

bauhiniakan2000

回復 chuchu789 的帖子

你扶住佢覺得佢夠唔夠力,做左幾耐 PT,治遼師有無同你講乜野問題, 除醫院做 PT 外,有無同佢做家居訓練,醫院只做一個鍾,你每日都要同佢做番最少一個鍾,我个仔企到,但一放手佢就自己坐底,21個月至識行,識行先識企,2歲確診自閉症.