請問有無家長試過 i 位小朋友轉校成功?

ngfatmouse

如題, 請問有沒有試過? 因本人小女 9月份入讀 i 位幼稚園 (因言語慢, 仍未講到單字) . 但入學以來, 晚上時常發惡夢, 常哭. 但返學並沒有特別反感. 但放學目無表情. (因是2月出世, 其實之前讀過幾個月第2間) 9月轉入此校! 無奈開學以來, 感覺學校並沒有想像中完善, 配套未如理想. 小朋友時常"污jo放學" , 班主任離職, 因有其他班老師亦離職, 兼收位老師還要兼顧其他班主任, 根本並沒有想像中"每天給i位小朋友半小時訓練. 而且小女試過"額頭淤左" 返屋企, 老師沒通知. 試過在校內無端端"流鼻血" . 只是返了1.5個月......真是沒有一樣令我可以相信此校.... 還有很多問題未能詳述!! 懇請指教?

babecat1

原帖由 ngfatmouse 於 13-10-17 發表
多謝回覆! 但我怕轉政府S位需時 / 社工醫生不接納我要求, 我考慮緊節衣縮食自費讀私家S位,1-2年....但又怕 ...

我小朋友是由S位轉主流幼稚園，我覺得妳現階段應該找合適的學校給自己的小朋友，致於之後出主流問題，特殊幼兒中心會有協助的，我相信相比起入特殊幼兒中心，出主流幼稚園應該較容易，不用太擔心

Anpanmama

原帖由 shuna 於 13-10-17 發表
睇下你接唔接受倒, 如果係我會要求社工幫忙轉s位, 因為呢間I位做得唔好, 在此I位繼續落去只會浪費寶貴時間, ...

同意

crystal媽咪

從來Ｉ位老師都係亞四。邊個老師無返要入班，請唔夠人要做代課。

但有人成功轉到Ｉ位學校，你睇睇幫唔幫到你。
好多年前有孖孖搬屋（話準備搬），就預先睇定邊間大機會入。（每年１，２月社署網頁會ＰＯＳＴ邊間學校第一志願／第２志願有幾多人申請，該年有幾多空缺）
同社工講要申請轉。都轉到。（因用舊ＮＵＭＢＥＲ）

bauhiniakan2000

轉位要CAC醫生批,可用番排I位個日子,睇下邊今年開學 D 人排到幾時計一計.
http://www.swd.gov.hk/doc/rehab/SCCC%20082013.pdf

ngfatmouse

多謝大家議見. 但講真我到現在都不太接受小女要讀S位. 但見到I位學校幫不到, 似乎亦未見進步, 反而倒退了. 所以心急問有經驗媽媽. 請問你們都是"政府S位" ? 如I位轉S位時間約多少? 如私人S位, 請問有邊間較好?本人在職加上住屯門，所以請問屯門/元朗/天水圍有沒有私人S 位? 希望有經驗媽媽
回覆.

pocoyo123

回復 ngfatmouse 的帖子

轉出主流當然無話無難度, 但機會係留比有準備的人,如何莊備自己去迎接下一步, 好睇家長能否接受現在的差距, 從而去訓練追趕.......
一間不合適的學校, 是會令學生倒退, 當年小兒也一樣, 浪費兩年光陰, 到今日我依然後悔讀左呢間I位, 到4歲時, 心情已趺下谷底, 只有轉到S位, 用最後兩年時間, 不停去追, 終於可以回歸主流, 所以, 我相信努力係不會白費,.

如想轉I位, 除非搬屋, 而且仲要搬好遠, 社工先會幫你申請, 否則只可轉E/S位, 如轉E位, 你要先搵左幼稚園讀, 另外又要家長抽時間帶小朋友去上堂, 又要回家做訓練, 家長要先肯定自己是否應付得來.

而且轉服務是要再同醫務社工申請, 再排隊, 都非一時三刻可轉到, 有時人多要再等一至兩年也不奇, 家長最好儘快決定

methy

有d野要自己爭取的，未試過點知唔得呢？還是你接受唔到S位？我識人係入S位讀兩年，追返回幼稚園讀K3,再上主流小學，當然佢得唔代表其他人得，能力既野人人唔同。

你間I位好差，完全不能接受。我小朋友果時2歲9個月行都未得，講野單字，間幼兒園（有i位）都爭盡力幫手，會扶佢去廁所，扶去玩下，照計好易跌傷，但佢地盡量睇實，老師多年無走過、又有愛心，阿仔返學返得好開心，keep住進步。但其他同學正常，發展飛快，阿仔開始知道自己最差，唔開心。

之後轉S位，阿仔由幼兒園最差果個變成S位最叻果個，講野出句子，日日有物理治療師跟,行路都叻左。最緊要係自信心有返哂。

你而家排，年半至2年有位，上小學前都仲有2年左右訓練，要轉唔遲。

ngfatmouse

多謝回覆! 但我怕轉政府S位需時 / 社工醫生不接納我要求, 我考慮緊節衣縮食自費讀私家S位,1-2年....但又怕現在學位緊張, 轉不出"主流學校"   ----想問下有沒有真是成功轉回主流學校家長議見??? 困難嗎?

bauhiniakan2000

ngfatmouse 發表於 13-10-17 09:39
我女基本理解OK. 但因不識講, 所以表達差. 因現時是2歲多.評估醫生於2歲時認為i 位可以令她早入群體, 可能 ...

小朋友是讀n班吧,語言很重要,除外做訓練,家居訓練更重要,每星期有7天可幫佢,訓練得一天.

shuna

睇下你接唔接受倒, 如果係我會要求社工幫忙轉s位, 因為呢間I位做得唔好, 在此I位繼續落去只會浪費寶貴時間, 可用冇進步做原因要求轉位, 佢咁細個又表達咁差, 需要好充足既人手guide 佢同人互動, 人手不足冇人理佢,佢在學校只不過係透明, 佢自己唔會主動就唔會學倒野, 要從I位轉另一間I位好難, 社署未必會彩你。 只有轉e 或 s 位才有可能, 見過好多由I轉s 既小朋友進步好多,家長都後悔太遲入s位, 如果佢有potential,  讀1-2年s位可直接入普通幼稚園或小學, 如果冇potential,  都應該谷一谷, 唔好浪費時間, 你好好考慮。

ngfatmouse

我女基本理解OK. 但因不識講, 所以表達差. 因現時是2歲多.評估醫生於2歲時認為i 位可以令她早入群體, 可能會有改進. 但亦有可能會有自閉傾向, 因年紀太細未被確診. 要給她時間"改進" 其實我亦已先費在外言語訓練, 但效果不大, 但此校各方面真不完善.... 似乎"講多過做" .嬸嬸/老師自覺愛心不夠. ... 所以想問下有沒有辦法轉校, 如找社工, 會理會嗎? 因我明白以上理由, 可能根本沒法請服社工.....唉.... 有沒有人可以指教一下?? 謝謝!!

bauhiniakan2000

回復 ngfatmouse 的帖子

只可轉服務無得轉校,但有個家長係 I 位學校唔肯收轉到,小朋友幾大,幾大時評估,有無做過語言治遼,搵社工同下,多D搵佢,如果唔係,大多唔會理你,等你自己想辦法,如自費做治遼.

shuna

點解單字都講唔倒會入I位唔係入s 位?咁既能力入咁既學校冇乜進步, 問社工轉s位會進步快好多。 通常入I位能力會好好多起碼識講野