讀中一的心理預備

avancea

小兒今年升中一，但還是一副愛理不理的樣子，已經是 band III 學校，點追吖，唉!
已經搵咗個幾惡嘅補習老師，都冇用，佢都唔驚，都唔知點算!

gloriap

首要最緊要唔學壞

Sasaalan

回復 avancea 的帖子

我囝都係咁, 成日掛住玩, 但都唔想鬧佢太多. 畢竟已是中學生, 他自尊心也強, 我盡量同佢聊多d偈, 呢個時候溝通好重要~!

Snowydiamond

manwaimail 發表於 13-8-20 18:40
幾惡的老師都係用， 搵一個同佢溝通度既先有效。令佢唔好對讀書失去興趣。

我大囝舊時都係咁， 叫佢溫書難 ...

講得對, 惡是沒有用, 要溝通到方為上策.

talknwrite

其實呢個世界, 唔係人人都喜歡"讀書". 更唔係人人都係"讀書" 叻人.

看開一點. 教佢做個孝順仔, 做個好人就已經夠啦.

manwaimail

幾惡的老師都係用， 搵一個同佢溝通度既先有效。令佢唔好對讀書失去興趣。

我大囝舊時都係咁， 叫佢溫書難過乜， 都唔聽我地講。最後， 我搵左D同佢傾得埋既老師， 迫佢成日上補習社溫書， 溫溫下又俾佢OK

jk67jk

回復 avancea 的帖子


其實, 你自己覺得佢係天生學習能力比人弱？ 還是因為懶散呢？
如果係學習能力比較弱, 咁就不能太逼佢, B3 學校的初中課程, 尤其中一, 應該會淺易一點, 為幫程度不及的學生打好基礎。 所以, 最緊要令佢有主動學習的興趣。
如果, 只因懶散, 咁, 有冇同佢坐低, 傾下一D短期目標呢？ 例如第一次默書、小測要大約幾多分。 (只有你才知道他的能力, 所以目標是「合格」「70以上」... 等等都只有你自己才知曉, 不要定得過分高於他能力所限的)

即使係學習能力弱, 都可以定一些短期目標去增強佢嘅意志力。

到了這個年紀, 千萬不要動不動就用物質獎賞了; 年紀開始大, 佢地要求會愈來愈過份。 要如何去推動他達成這目標, 都要看看大家的親子關係, 有時, 一家人去食餐好的, 都可以當是一個慶祝 —— 祝賀他成績有進步。

現在還是暑假, 不要太擔心.... ;  開學後小心注意他認識的新同學更重要呢。