沙田主風小學分享

christina0810

見到大家對主風既評價有好有壞，都忍唔住分享一下我個女既情況。但我又新加入，未識用回覆功能，試下係度講。

佢岩岩果年讀三年級，即下年升小四。佢升左三年級之後就成日同我講好唔開心，因為班主任同埋個英文老師好惡，成日鬧人。

佢同我講，話每日食飯前總會比班主任狂鬧。初初仲以為男老師會比較溫和，但原來仲惡過 D Miss。

食食下飯英文老師就上黎，要佢地即刻做改正。佢話好多同學都係要做完改正先食飯，一改錯就比英文老師鬧。真係連飯都冇得食。個細路食飯都食到咁有壓力，我真係好擔心。唉﹗

佢依家都好驚果個英文老師下年會教返佢，成日話唔鍾意上英文堂。猛話聽唔明佢講乜同埋會比佢鬧，一話學英文就耍手擰頭。佢話個英文老師仲會成日威脅學生，話:「你做唔好改正，我唔同你講野呀﹗」係當住全班同學面前講，幾個同學都話聽到。真係好似小學生唔同人玩。

初初我對囡囡講既野半信半疑，會唔會係佢抗拒 d 老師。但睇完你地話 d 老師成日鬧人，相信個女都受左唔少委屈。

依家打算睇埋佢下年就決定轉唔輚轉校，其實我都希望係因為一兩個老師唔好。當然唔係全部都差，至少我個女好鍾意佢既中文老師，話佢好好人。轉校，對個細路又未必係最好，我都諗緊。

christina0810

我係未識用呢度，唔知點解去左小一選校。
信義派位情況如何？

我睇左主風呢幾年既派位，麻麻地，呢個都係我諗轉校既原因。

jcbearlaw

回復 christina0810 的帖子

試下鄰近的信義小學,  老師同校長都好有包容心, 有同學仔亦因之前的學校不開心而轉到此間, 之後好開心上學
你放小一選校, 係咪想家長知多啲學校的情況, 因主風聽聞是間傳統谷的小學, 所以預期所料吧

christina0810

版主，請問此帖是否應該放到小學雜談？