大學面試踢拖 著卡通衫扣分 學務長﹕家長陪同反映欠獨立

elbar

http://news.mingpao.com/20130727/gha1h.htm


大學面試近日相繼展開，有大學學務長及教員提醒，過往有學生穿人字拖、短褲、特大卡通圖案衫現身，顯得不成熟；有人則面試時不斷整理衣衫，過分拘謹；另有學生公式化堅持與教員握手，或由父母陪同赴會，這些細節都會被扣印象分。考官想選出熱愛該課程的學生，但有面試者直言報讀該科只為「試吓囉」，亦有人在輔導機構模擬面試扮有熱誠，但終經不起「盤問」招認撒謊。

在新學制之下，不少競逐學額的考生試成績分數相近，大學面試變得相對重要。科技大學學務長譚嘉因表示，去年有學生「踢人字拖」面試，予人不尊重場合之感。另有家長陪同子女面試，等候時表現坐立不安，「行嚟行去，又周不時伸個頭裝吓入面」，他指出，家長過分緊張反映學生不夠獨立，更會騷擾面試。

態度應對最重要

身兼應用社會科學系講師的理大學生輔導網絡主任崔日雄指出，去年有學生穿短褲、大公仔印花T恤出席面試，與場合不符，亦顯得不成熟，印象分大打折扣。崔補充，社工課程強調人性化，面試時毋須過分隆重，不一定要穿套裝，「個個恤衫西褲都黑色、白色，就好似去靈堂咁」，曾有學生因氣氛太凝重，緊張得不時整理衣衫，面試全程不專注。

要有禮貌 尊重別人

他又提醒，面試最着重學生的態度及應對，切勿「有你講無人講」，亦不要做公式化行為，「有學生堅持一定要同教員握手，唔係唔捨得走」。

浸會大學教務長蘇國生提醒，面試時不要穿校服，「係咪想標籤自己來自什麼學校，定係名校呢？」女生亦切忌穿得過分暴露或化濃妝。他說，學生可配合所報學科穿著，如體育相關課程面試可穿「波鞋」，亦有報讀視覺藝術科的學生被要求帶同作品面試，「有人直接著咗作品上身」。蘇國生提醒，個人面試較注重禮貌，學生可於面試前跟考官打招呼；小組討論中，表達自己意見的同時要尊重他人意見。

當「水泡科」「冇得留低」

部分學生因欠誠意遭「叮走」，城市大學創意媒體學院助理教授楊嘉輝透露，曾有面試者被問及為何對該課程有興趣，先是支吾以對，再稱：「冇呀，試吓嚟interview囉。」明顯把該科當成「水泡」，當然「冇得留低」。

學友社學生輔導中心資深督導蔡浩麟表示，有學生參與模擬面試時，扮作對所報讀的課程很有興趣，卻解釋不到原因﹕「問多幾問，佢就認其實係講大話。」他提醒考生，面試前應蒐集相關課程資料，以及思考該課程與自己生活的關係。

                                                                                                                                                                                                                                                                                

ANChan59

ohnono 發表於 13-8-2 00:18
我都好羡慕你，係非常時期你可以在途中幫他減壓。我通常係只能在途中本來想幫他減壓的但最後竟變成為他增 ...

所以唔准CEO跟埋去。

ohnono

ANChan59 發表於 13-7-31 09:39
item  我們是駕車送小女去大學面試的，但只是在餐廳等她，相信沒有問題，她是申請商學院， 所以著suit.  發 ...

我都好羡慕你，係非常時期你可以在途中幫他減壓。我通常係只能在途中本來想幫他減壓的但最後竟變成為他增壓。

ANChan59

item  我們是駕車送小女去大學面試的，但只是在餐廳等她，相信沒有問題，她是申請商學院， 所以著suit.  發表於 1 小時前

********

我通常車他到大學面試，特別是落雨天，途中可以幫他減壓。我在正門放下他，然後去泊車，面試完在指定地方碰面。

我相信教務長指的是家長入到面試樓層，透過玻璃觀看兒女或其他學生面試情況，如果是這種情況，就不太恰當！

JustAParent

原帖由 Charlotte_mom 於 13-07-29 發表
我個人覺得預備自己個look都係preparation一部分, 校服似乎俾人覺得學生少左一重考慮 (預備套衫好難咩, 點 ...

買唔買早餐無乜正唔正義，個人價值觀問題。我唔做，就這麼簡單。同學只要平心靜氣說出自己做與唔做的理據即可。真係考到EQ？我覺得升中嘅面試問題為難D啦。

ANChan59

回復 ohnono 的帖子

Sensible answers.

ohnono

昨晚跟兒子吃飯時提起面試時買早餐的問題，他給了我一個答案。

若面試的老師要求他買早餐的話，他說：「幫老師你買早餐是一件好容易辦到的事，但我唔希望老師你因為我幫你買早餐而獲得額外的分數，我只是希望能憑自己的實力贏取老師的信任和評分。你喜歡食甚麼早餐................」。


面試時穿衣的問題。
「如果是面商科的，就穿西裝連領呔。面醫科的，都係西裝連領呔。工程學科的，一件普通淺淨色的恤衫加西褲。運動和體育的，就索性一套運動衫加運動鞋，顯示自己對運動的喜愛和熱衷」。

Charlotte_mom

我個人覺得預備自己個look都係preparation一部分, 校服似乎俾人覺得學生少左一重考慮 (預備套衫好難咩, 點解要搵呢d野黎搏)

買早餐.....懶正義就中左考官試eq果part lor

JustAParent

我唔覺得穿校服有甚麼問題，大學點會唔知學生來自邊間中學，開玩笑。但人字拖，短褲太唔尊重人。至於買早餐？教授，我入學後如果和你成為朋友，咪話幫你買，請你食都得。依家？一我不想人話我擦鞋，大學生有大學生的尊嚴，我來面試大學學位的，二我不想你給人說以權謀私，我幫你買，你損失的肯定遠比得的多。

janicetsang

我都覺得面試大學不應穿校服，咁樣好細路，尤其是，大學生根本不穿校服，是人生另一階段了。

如果考官問買早餐，我會答，禮貌上我會應承，但我知道這不是學生的義務。

ANChan59

MC1128 發表於 13-7-29 10:41
真係睇科，有次陳惜姿係專欄講新聞系面試，她接受不穿套裝，真我個性重要啲。最有趣她提起一日內幾個學生用 ...

Interview - preparation, luck and chemistry....

MC1128

真係睇科，有次陳惜姿係專欄講新聞系面試，她接受不穿套裝，真我個性重要啲。最有趣她提起一日內幾個學生用自己英文名字母自我介紹，例如Peter,就話自己有Patience,E....（她舉其他例子，忘記了），她反而不喜歡，覺得陳腔濫調，又反咉唔到學生對學科的興趣

judy

我見到嘅情形是個個着套装，悶死人冇命賠嗰隻。

fion6406

原帖由 vincher 於 13-07-29 發表
回復 ANChan59 的帖子

出乎意料之外！不過，通常你叫子女大學面試穿校服，他們怕瘀，吾会着！！！ ...

我記得我n 年前大學面試都無人著校服，但已經唔記得當年有無在著唔著校服呢個問題上苦惱過。

vincher

回復 ANChan59 的帖子

出乎意料之外！不過，通常你叫子女大學面試穿校服，他們怕瘀，吾会着！！！

ohnono

「我吩咐你買早餐，你會點做？」同佢買又話擦鞋，質疑佢又話黑面。我都好想知點答先好。係未應該叫阿sir拿拿林面試完一齊去食早餐，抑或索性叫阿sir移師去飯堂面試，一路食，一路面試好呢！

liloNstitch

ANChan59 發表於 13-7-27 19:50
我奇怪，現在不用上課，不用穿校服，帶多套衣服是不需要，穿甚麼衣服，是自己選擇而已。

在面試前，我跟兒 ...

"穿多幾次先到正式面試，會自然好多"

good point, 小朋友著晤慣,真係好晤自然, 尤其是呢牌天氣甘熱, 著幾層衫, 晤慣真係好難受,
如經濟許可, 比佢坐的士到試場, 不用行到身水身汗, 影響表現

ANChan59

我奇怪，現在不用上課，不用穿校服，帶多套衣服是不需要，穿甚麼衣服，是自己選擇而已。

在面試前，我跟兒子討論 Dress code, 他傾向Business causal, 我傾向 Business formal. 他接受我的建議，第一次formal 些，然後調整。第二次開始一樣西裝，改了白恤衫，加條校𧘹，似乎老嚟開就不變。

西裝皮鞋早些買，穿多幾次先到正式面試，會自然好多。

ANChan59

原帖由 Bluegene 於 13-07-27 發表
我覺問題係著校服會被人話標簽, 咁好奇怪.  考官唔會唔知黎面試學生嘅基本資料, 點會唔知係邊間學校嘅學生. ...

我在EK見大部份人建議升中著校䏜，到大學反而覺得標籤。大學看公開試成績選人作面試，理應問題不大。

真有趣！