學生權益至上 ( 左丁山 )

elbar

http://hk.apple.nextmedia.com/supplement/columnist/左丁山/art/20130713/18332414


伊利沙伯中學一位女生參加學校之傳統營火營，不幸燒傷，需要緊急搶救，所有家長聽見呢啲新聞，傷痛之餘，無不告誡子女：「參加學校活動要好小心。」

但中學生十幾歲，跳跳紮：出到郊外紮營，唔通仲要規行矩步，完全聽晒老師吩咐咩，總會有自己一套頑皮嘢玩吓嘅，少年在外不偶爾猖狂，必係書呆子，創意欠奉，長大後容易成為順民。

一位中大小師弟讀書時與同系同學到長沙露營，俾同學拋落水，幾乎浸死，同學以為佢詐諦，不予理會，好彩有一位同學入水打佢：「喂，唔好作狀呀！」見佢唔郁，急忙拖佢上岸，幸好冇事，返到屋企，報告過程，小師弟自然俾父母大罵一頓。騎騎，眨眼間過咗幾年，小師弟在某名貴（又出名又貴）中學教初中生，某次舉行學生活動，佢睇見有啲枱椅無人理會，叫幾個學生幫手搬枱，俾主任見到，立即訓斥一頓：「你以後唔好叫學生搬枱，有乜意外整親佢地點算？有事就叫校工做！」邊度有咁多校工吖，校工又唔係三頭六臂，師弟唔抵得，咪自己郁手搬囉。然後學生上木工堂，師弟記得自己讀中學時，老師教佢用小鐵槌，用釘，刨木，用鋸，但今天之名貴學校學生之木工堂，冇槌冇釘，師弟問主任點解，主任話：「驚住學生打傷，釘傷手指，俾家長控告就大件事，總之安全第一，我地教學生用膠水，唔用釘。」

無槌無釘，何來木工，師弟不是木工科老師，只係覺得可笑。佢與左丁山講起，左丁山對佢講：「你間學校啲家長除咗有錢之外，還有專業知識，當中大把係律師、會計師、醫生，好叻保護子女權益嘅，你嘅主任就有豐富經驗嘞，你唔好咁有為呀，因住被告上教育局甚至法庭！」師弟為之苦笑，佢自己係80後，已被上一代笑為嬌生慣養，依家佢教着一班回歸後先至出生嘅學童，更覺得回歸一代受到太多保護。佢有一次要一位頑皮學生留堂，隨即收到律師（家長）電話：「你根據邊一條校規罰我個仔留堂，有無經過正確程序處理及諮詢家長意見……？」師弟被律師家長問到無言以對，唯有放學生返回家，此種教學法，實不知是好是壞，香港精英下一代不知如何獨立做人，但一定識得推卸責任，爭取個人權益。


左丁山                                                                                                                                                                                                                        

heiheihaha2009

Consumerism!!!

HKTHK

回復 shadeslayer 的帖子

I thought there are different ways but didn't realize that there is a right one.  But the wrong ones seem to work too?

uns

原帖由 mk3288 於 13-07-13 發表
對個D寸寸拱的家長，就應該任其子女自生自滅，完全無視。咁巴閉自己教，何必假手于人。 ...

yes, 呢D父母自以為是，喜歡投訴，其子女長大了也是如此,可悲的是香港下一代只會投訴，只看見別人的不是,不會自我反省

shadeslayer

原帖由 bookreader 於 13-07-15 發表
我聽講有暑期班收錢課程，內容包括教綁鞋帶喎！唔知有幾真。

以咁樣發展，不久將來，父母可以完全把湊仔女外判，比錢搞定。

講開綁鞋帶，有樣有趣野，我看過一個 TED talk 講多數人其實綁錯鞋帶。信不信由你。

judy

I do feel bad for teachers nowadays.  Not only do they have heavy workloads, they also have to face all kinds of monster parents

忙唔忙睇心態和作法。就好象依家嘅父母，生一個，又有工人，都好忙好忙。我有一舊同事，3年抱2，每日放工，都大大聲說，"我要回家放B去"。佢話養小朋友，就家養狗子咁，所以是要回家放B。放鬆，自不覺忙。

我中學時到清水灣郊遊燒烤，男同學到海邊岸石旁，割來一大桶青口，老師坐係到，都唔知食得幾開心。

燒烤，三粒炭精實得，呢啲嘢父母教得啦，做老師何需出手呢？

話是話，我未聽過酒精起火，咩依家進步成咁！

HKTHK

I do feel bad for teachers nowadays.  Not only do they have heavy workloads, they also have to face all kinds of monster parents

20120808

//但中學生十幾歲，跳跳紮：出到郊外紮營，唔通仲要規行矩步，完全聽晒老師吩咐咩，總會有自己一套頑皮嘢玩吓嘅，少年在外不偶爾猖狂，必係書呆子，創意欠奉，長大後容易成為順民。//

//一位中大小師弟讀書時與同系同學到長沙露營，俾同學拋落水，幾乎浸死//

很難知道作者自身的想法，當一些學生連一些所謂跳跳紮活動，

而未能分辨那活動會危害生命本身時，這教育已死了．．．．還那有生命去做一個順民？

難道教所有學生大仁大義，輕生命以成仁嗎？

MC1128

用伊中女生搶火事件作引子,演繹家長或學校過份保護學生/學校過份自我保護,我覺得不是合適的例子

Yukyuk

學校應該唔會有摺櫈了！

ANChan59

awah112 發表於 13-7-14 12:03
無槌無釘，何來木工

入榫口...... 高呀！

Yukyuk

有些連叮叮都唔識的！

akys

煲水好危險，煮飯炒菜不要用火或油。最好叮叮搞定。

talknwrite

細個時候每次玩營火或燒烤,都係用炭精慢慢起, 都不需用到酒精. 不過呢單敎用酒精起柴火, (唔知邊個咁教) 明顯迎合時下千金公子, 起柴火都要又快又易又舒服, 用炭精又慢又煩, 結果遇到個無乜腦的就出事了.