荔天,原來「你」是這樣的

daphneleung

事緣今天致電荔天表示小朋友另有學校不去就讀,因要返工緣故,看看可否星期六(無指定那一星期六)去取回註冊証,點知未講完,負責處理的同事(相信應是校長口中的林主任)就話 (有點呼喝語氣)「你聽我講先好唔好」,我呆一呆話好, 之後嗰位女士就斬釘截鐵表示「星期六唔得!我唔得閑,無人幫到你!」,並表示只可於星期一至五辦公時間到學校領取,於是我向佢表示唔好意思,我要返工,平日黎唔到,佢又問我係唔係去其他派位學校,我話唔係,佢再問我經乜途徑入學,我話統一派位,佢問咁有無朋友幫到我攞,我話無,佢再問我幾時可以攞返註冊証,我再話我平日黎唔到,再問可否星期六取,佢又再講佢呢個星期六唔得閑,於是我話我無要求呢個星期六取,佢再叫我(係命令式)先寫封信fax俾佢地做野先,到呢個時候我就問點解我要跟足佢講去做？我由頭到尾都無話一定要黎緊星期六攞,點解佢唔可以態度好啲同我傾下第二個星期六攞？於是呢位小姐就講咗好多次「對唔住囉」「對唔住啦」,我話可唔可以唔好「囉」同「啦」,我再講我唔係打電話黎要聽你講「對唔住」,我話我原意係想盡早通知你地學校安排通知其他學生,佢再話只係想幫我(幫我乜？),我話只係一件咁簡單既事,點解可以咁差態度去處理？係咪係唔讀就唔駛理會我感受？於是我問有無其他人可以幫我？佢話好呀,hold咗我一陣,最後cut埋線,我唯有再打去學校,已經好克制(自問都唔係一個好脾氣既人)好有禮同校長反映(對話主要內容與上重覆,不再多寫),但校長態度冷淡,唔算有禮,亦非無禮,只解釋因黎緊星期六小一迎新,嗰位女同事唔得閑,我再講可以安排任何一個星期六,但校長只話唔緊要,黎囉,問咗我幾點會去,就想打法我收線,完全無打算要同我傾下嗰位女士既態度,我見校長咁既態度,我亦唔想再浪費時間便收線,我知荔天喺40網深受愛戴,我對此學校亦無任何褒貶之意,但對該女士及校長處理手法實不敢恭維!!

Charlotte_mom

整件事已變成公審, 失去討論價值, 我主動提出關帖好嗎?

mybabycullen

mybabycullen

奇就奇在甘都好投訴！对方say sorry更奇

Syinfong

對唔住都講左，校長又聽埋你投訴，提供埋辦法，你仲要上網開哂名，你想人地點呢！社會已經一片怨氣，可以既就俾位人行，何必小事化大呢！

lcdtopcon

原帖由 Jane1983 於 13-07-07 發表
有人話其他人「網絡欺凌」樓主，但係佢開校名開人名鬧人在先，件事亦吾見到佢啱晒，佢亦吾係受害者。你自己 ...

如果人人能學習從別人的角度思考，世界更和諧融洽

Jane1983

有人話其他人「網絡欺凌」樓主，但係佢開校名開人名鬧人在先，件事亦吾見到佢啱晒，佢亦吾係受害者。你自己小朋友既野，你吾願請假/叫人代領/寫fax等等，無人有責任幫你拿，太耐吾黎拎亦吾需要幫你保管。

樓主以一路咁出聲，無人知邊個係「daphneleung」，但比佢開名大鬧果個就要面對佢的單方面指控，幾吾公平。

karen55407

樓主似乎有好多金句，出口成文！

whl3868

樓主根本就唔認同開名係唔岩...所以亦唔會有何修正

又或...用上樓主其中一金句"到呢個時候我就問點解我要跟足佢講去做？"~~~

kamfamao

假如kamfamao的分析是正確的話，根本不關林主任的事，那麼她才是最終受害者，她在這裡被網絡欺凌，要承受身邊的人之目光壓力，而且永遠不會得到應得的道歉。
如果樓主覺得被不禮貌對待而在這裡發表了言論，引起這麼大迴響，是否要直接向校方了解清楚成件事，起碼得個知字啊！你既然也是一位家長，緊張自己孩子的前途而為他找好學校，證明你是重視孩子要他接受好的教育，希望他在將來在有公義的環境長大，為了正確的教育下一代，是否也要以身作則做正確的事呢？而不是起了火頭之後就一走了之......

karen55407

主任問長問短，其中目的係睇下使唔使退書錢，都係想服務你咋！

fabsum

小兔~阿比 發表於 13-7-3 18:40
平心而論  今時今日咁既服務態度係未夠好
但樓主好似基於背後很偉大既原因將無理要求合理化
人地明明返5日 ...

同意, 唔排除學校職員態可能麻麻, 但人地都提出左解決方案(先Fax後領取), 就算你唔係有心覇住個位但實際已經做左。一人行一歩係好合理既做法。

karen55407

如果佢係粒豆嘅話，我絕不會係豆萁，皆因我絕不是Blue Blood！

jjcow

其實我比較想知版主是否無權刪貼或修改內容，例如遮番校名或樓主相信是的那個人？

Jenny719

分析得合情合理！Good!

小黑咪

對樓主既片面之詞,好難清楚究竟係咩一回事, 只可當作聽左就算.

Ononma

感覺上都係小學版D JM 比較精明和有分析能力，吾會輕易想信網上傳言。

Ononma

家陣D 麻煩怪獸家長多的是，一定要學校聽自己嘅意思去做，一吾聽，就上 EK 誇曬張咁唱衷人，人在明佢在暗咁任意唱，不知所謂！

lovebb2

我諗緊如我是林主任，我會點？點面對同事，朋友，家人，學生？

kamfamao

大家的控訴態度真是有問題，我仔細看樓主的原文，首次稱呼「負責處理的同事(相信應是校長口中的林主任)」，文中多次甚至結尾都只是稱呼「呢位小姐」、「嗰位女士」，但並無求證「嗰位女士」是否就是林主任。只是自己單方面「相信」是「校長口中的」林主任。整個過程只是透過電話，連與校長的對話也只是透過電話，根據樓主自己的描述，她自己都未確認是否林主任，就貿貿然公開是林主任(我不知道可否用「中傷」一詞？)。萬一接電話者只是負責的人只是校務處職員，林主任豈非蒙上不白之冤?
大家同林主任三唔識七，又唔清楚成見事都妄對她下咁多評論，你地回想是否過分了一點呢？(強調：我只是一個過路人，但成見事係覺得大家太過妄斷，對林主任真的不公平！)
    而且，你估校長傻嘅咩，找得負責對外的主任都應該是揀個又好又有禮貌嘅來做主任，而且叫她負責處理這件投訴，就證明不是主任接電話，是要高層了解職員的問題啦！(因為我既是家長也是身為大公司理裏的高層，也負責過很多投訴都會這樣做，我一眼看成見事校長的處理就明白他的處理方法啦！)
大家只知道樓主網名為daphneleung，其他就一概不知；但對方就校名人名都公開，而作出的指控卻未經核實。從道德層面來講，與躲在暗角向人放冷箭有何分別?從法理來講，這行為對學校及當事人已構成傷害，只要指控有任何部分失實，我懷疑已涉及誹謗。
睇返成件事，一間公司或學校第一關接電話的都是低級職員，有乜理由是主任或高層？如果根本是個職員接電話，大家遺留了罵職員，但林主任就成隻死貓吃落肚，職員就可以逍遙法外，這就是公義嗎？夠啦！樓上各位大哥，我認為是時候停止對學校和林主任的控訴了。
樓主，你關咗個post啦！