不吐不快……SC

cutecutewing

以下喺我以用家身份及用咗個幾鐘打出來的，我平時只會默默咁睇，好少會發帖，但有時真係好睇唔過啲唔係用家嘅人喺度話SC的不是，我地SC班家長是比較低調，家長與家長之間不會存着比較爭鬥，有好書或有意義嘅活動亦會主動share , 亦好少會在ek發言，我地只希望小朋友能在一個開心，快樂又學到知識嘅學校裡愉快地度過三年幼稚園生活 。

外間成日彈sc中文弱，但我唔讚同，k3功課要佢地做閱讀理解，用完整句子寫返答案出嚟，又要佢地自己查字典搵部首，每星期寫週記 。 數學就有英文文字題三位數加減法，或者做類似12+?=19此型式的題目。英文要自己造句或看圖作句。三科都有定期評估，要溫習，亦要做中英文讀書報告，鼓勵多看課外讀物。

我大女讀緊sc英普班k3，佢地語言能力強是因為佢地上堂只能用英文或普通話對答，同學仔與同學仔之間都是，無論課堂或學校旅行，佢地都係英普溝通。語言真係要浸出來的，我女k1時，她的普通話是零(其實我都係)，老師上學期都有同我講佢可能唔識聽和講普通話，所以比較靜，很少舉手答問題，但到了下學期家長日，老師已經讚佢進步很多，經常舉手發問及答問題，她在家時亦會跟我說普通話，現在她的普通話已經比我說得更好 。

經過呢半年考小一生涯，我可以分享少少經驗，極大部份私校和直資都唔會考做paper(好似教育局有指引是不能考做paper的),佢地主要是考小朋友對答，日常生活，應變問題，口問串字及口問加減數，SFA和有三間(唔記得咗邊間)更要小朋友用普通話及英語對答部份問題，所以sc大部份嘅小朋友都掌握得好好，除非小朋友是屬於超級怕羞型，唔出聲就比較難搞 。

我個女好鍾意返學，三年來未試過聽佢講一次話唔想返學，而好慶幸喺今年咁激烈嘅競爭裡，妹妹都能以9月份細囡身份考入sc k1(因為sc今年收表只收到9月份出世小朋友，10月份出世已經不接受報名) 。

“沒有所謂最好的學校，只有最合適的學校”

純粹個人意見，不喜勿插

KittyMelody1

bearcat2003 發表於 13-6-24 16:27
明白,那我誤會了,不好意思。

唔緊要.... SC係我DREAM SCHOOL..

bearcat2003

明白,那我誤會了,不好意思。

KittyMelody1

bearcat2003 發表於 13-6-24 15:42
對呀！可惜有家長會執住人地K幾學邊哪些字!
作為SC家長,我覺得最重要係我個女中文學得愉快，有自信地表達所 ...

哈, 我絕無"踩" 貴校意思, 相反, 我係欣賞SC"恰到好處"既程度....因我都唔鍾意教得過深, 好多教得好深既幼稚園....小朋友只係識讀唔識解, 好多生字係佢地個年紀跟本係唔會明白點解....

jantan28

呢d功課(閱讀理解和週記）小朋友是否可以獨立handle? 定係家長都要陪住做？

bearcat2003

原帖由 porporchi 於 13-06-24 發表
可憐呀....我好少上來, 唔知發生咩事, 但係家長們呀, 自己係用家時就最好comment 番自己既學校, 唔認識其他 ...

對呀！可惜有家長會執住人地K幾學邊哪些字!
作為SC家長,我覺得最重要係我個女中文學得愉快，有自信地表達所學。

KittyMelody1

samchan2179 發表於 13-6-23 14:45
深定淺?

OK 啦....其實我覺得程度唔太深, 唔太淺...算唔錯...但可惜其他重學術既幼稚園, K2已經學緊呢幾個字....但閱讀理解同寫週記, 就真係K3先做

hoyau

(1) 家長對學校的了解同期望
(2) 沒有所謂最好的學校，只有最合適的學校.

選一間乎合期望同性格合適的學校,自然讀得開心.
     

porporchi

可憐呀....我好少上來, 唔知發生咩事, 但係家長們呀, 自己係用家時就最好comment 番自己既學校, 唔認識其他學校就唔好去comment呀! 我小朋友不是SC生, 我去年在kv/sc 兩間揀一間時都問了不少人意見, 有朋友直頭將兩間學校既功課呀去compare, 話SC 根本同KV 功課量好多好多野都差不多, 如kv要做5樣功課, sc都係一樣, 最多就係sc 寫10次, kv 就寫15次!

KG 只係剛剛起步階段, 漫漫長路, 大家亙相鼓勵, 大家都係希望小朋友將來健康開心嗎!

janiceso

回復 cutecutewing 的帖子

"沒有所謂最好的學校，只有最合適的學校" ---  十分同意!

雖然我唔係SC家長

hkspiderman

以前無n, 讀k1 就真係比返d k1野你學；自先兩年開了n班，就將k1 部分課程搬去比n, k2部分課程搬去比k1,k2 又……………… 總之成套野比以前再快半年。

快左會令小朋友跟得辛苦苦？！ 唔知，但學校亦知有此可能，所以10月後細b 都唔收了，以免細b 辛苦。

hkspiderman

以前無n, 讀k1 就真係比返d k1野你學；自先兩年開了n班，就將k1 部分課程搬去比n, k2部分課程搬去比k1,k2 又……………… 總之成套野比以前再快半年。

快左會令小朋友跟得辛苦苦？！ 唔知，但學校亦知有此可能，所以10月後細b 都唔收了，以免細b 辛苦。

大白豬

近年將幼稚園小學化的現象越來越厲害, 這是香港教育的失敗.
現在小學挑選學生好像挑選狀元一樣, 學校課程也要作出相對應的改善來保持自己的優勢.

sadsam

佢地以前既中文係淺架，功課也沒有宜家那麼多，宜家起碼教快大半年至一年野，以前都冇周記/擴句/閱讀理解...........可能多家長COMPLAIN, 學校也相對配合。冇計。

bamalamb

原帖由 cutecutewing 於 13-06-24 發表
真係唔知點解，而家啲人覺得學校教得越深就越好，如果咁講，係咪即是代表所有教得好淺的幼稚園入面啲小朋友 ...

can't agree more! 幼稚園課程深有乜好炫耀呢？人生漫漫長路，成功與否並不只在於學術。別人對學校的閒言閒語亦無須太上心和動氣，自己覺得學校好已足夠，不需要全世界的認同。Parents, relax!

cutecutewing

真係唔知點解，而家啲人覺得學校教得越深就越好，如果咁講，係咪即是代表所有教得好淺的幼稚園入面啲小朋友升上小一後就係考包尾呢？係咪就一定跟唔到小一課程呢？如果係嘅，教育局就要作出全面性檢討，為何批准幼稚園以承接唔到小一課程的淺易課程教學，而令大部份學生跟唔上 。有些家長常炫耀自己小朋友的幼稚園課程點深點難，卻沒有提及到小朋友是否真的應付得來……對我來說幼稚園只佔囡囡一生人的三年，我只想囡囡可以開心愉快的渡過，而唔係想佢預先懂得小一小二甚至乎小三的課程 。純屬個人意見，不喜勿回 。

cutecutewing

學校會根據那段時期，就寫相關的字，如現在是夏天，寫“夏天來到了,炎熱……”，端午節就寫有關端午節的字，在課堂上既可與小朋友討論,又可灌輸知識給他們，讓小朋友可以更加印象深刻，學以致用，我囡囡每次返到屋企都會講返在課堂上討論的事情給我聽，這實在是一套很有系統及有效的學習方法，值得一讚 。相比填鴨式教學，每日係咁要你寫字，反而令小朋友失去學習動機 。純粹個人意見，不喜勿回 。

picture

Eytc 發表於 13-6-23 22:43
甚麼時候開始課程的深淺會變成幼稚園好壞的因素? Pathetic!! 如果有一間K3 就教"微積分"是否就代表最好? ( ...

I think what really is pathetic is how the famous local primary schools select students.  Parents just can't help do their best to prep their kids for those exams.

Eytc

甚麼時候開始課程的深淺會變成幼稚園好壞的因素? Pathetic!! 如果有一間K3 就教"微積分"是否就代表最好? (可以令小朋友容易適應中學和大學課程呀!)
我是SC的家長, 相信學校能實淺教學理念 - 從愉快遊戲中學習, 設計適合不同階段學童的學習需要。

picture

samchan2179 發表於 13-6-23 22:19
大部份人都認為淺，你竟然話深

Honestly I think it is hard.


Much harder than when i was in St Cat K3.