九月尾由九龍西搬到港島中, 幼稚園點算?

Cmon

剛收到爸爸通知, 舉家可能要搬住港島中, 但落實時間大約在七月尾, 可搬時間大約在九月尾。
現在小兒就讀一間我好喜歡的幼稚園, 九月即將升上K1, 佢亦讀得好開心。

現正煩惱怎麼安排他的幼稚園? 原校讀埋呢3年, 就要每程大約一小時(頗轉接)的車程, 自己接送。

定有無港島區家長知道, 灣仔/大坑/銅鑼灣等地方有乜好幼稚園仍接受K1申請, 或有機會有學位? 如果找不到一間比較好的同區幼稚園, 我真的不舍得放棄依家間學校呢!

japfoodbaby

你小朋友會轉去九龍塘邊間?

twllc

你要自己揾街車。我住東區但幫小朋友插九龍塘k2,已經問左街車，依家只係稔搬唔搬過去好

Cmon

問過LH無校車過海。

Cmon

都知要今年九月插好K1好難，決定俾囝囝原校讀埋K1, 再努力搵港島好學校插K2。實在太唔捨得放棄.  

fishchow

Pods, 如果唔嫌貴

kayomama

其實香港有幾大呢？香港去九龍讀書，九龍去香港讀書，比比皆是。九龍西至港島區一條西隧，半個鐘乜都到啦！讀得開心照升原校，找到校車就解決啦！

mvtogether

如果俾我就唔轉，一來而家咁嘅情況好難搵到啲喺附近又好嘅幼稚園，二來你小朋友喺而家間幼稚園讀得開心嘛，同埋搭一個鐘車都仲可以接受，好多時搭校車好近嘅地方都唔止一個鐘

Charlotte_mom

有難度wor, 唔好話名校, 就算普通全日制非牟利nursery都爆(我知有人叩門中), 如果真係要搵, 要放遠d範圍, 南區東區都要試埋呀