真道 VS 播道 (請各位媽咪比D意見)

豬婆

家住將軍澳 , 六月剛收到真道同播道Offer , 兩間都係活動教學同愉快學習 , 網上面嘅comment亦好壞參半 , 兩間都鐘意真係好難下決定 , 身邊無朋友仔讀呢兩間學校 , 懇請請各位媽咪比D意見 (特別有小朋友讀緊嘅家長) ,
麻煩晒 !!!!!

candykiki123

豬婆 發表於 13-6-14 13:44
家住將軍澳 , 六月剛收到真道同播道Offer , 兩間都係活動教學同愉快學習 , 網上面嘅comment亦好壞參半 , 兩 ...

樓主, 決定好未? 最後選邊間??

eugenebb

回覆 seamama, 我會主觀地估, 諗住日後會去外國讀大學既家長係可能比香港學校平均的高.

bb亞媽

原帖由 八卦小王子 於 13-06-16 發表
一條龍播中(9),真中(11)﹔
羅氏(10),迦密(1)官中(2)景嶺(3)
只作參考,6年後吾知 ...

請問你這個是中學排名嗎?

feiji

原帖由 happy_lavender 於 13-06-17 發表
回復 sukitelfold 的帖子

都係無講到邊度差喎？可否說得具體一點？老實講，我去過真道簡介會，我想知的， ...

我都有去真道的簡介會，我覺得不錯呀，它令我了解到學校的背景、辦學理念和課程。

happy_lavender

回復 sukitelfold 的帖子

都係無講到邊度差喎？可否說得具體一點？

老實講，我去過真道簡介會，我想知的，答到！(例如兩年內唔會有國教；何時決定揀IB或DSE；如何推行活動教學 - 教數學的老師以歌教數，睇到我眼都凸埋，因我未諗過可以咁教！另外，因我是制服團隊導師，也要教學，在簡介會內所見所聞著實對我有點啟發。) 無諗過要知的，如課程具體內容，都有說明 (中文用蘇教版並加入香港特色插圖和內容)。

我記得在會內有家長問學校如何幫助追不上的同學，校方沒有正面作答，只叫家長信任學校的專業團隊！可能有點寸！但我作為一個義務教學者，上過一些心理學、教學及家長短課程，我質疑就算學校具體地講解，一般家長也未必了解；但當然有講總比無講好！(自己作為工程師，絕對認同專業是不容外行人說三道四的！) 另外，有些家長質疑學校理念，校方在這方面表現得很堅持，說會聽意見，但不會受家長壓力而不斷改變理念及教學方針！這點本人頗認同。

真的不知是否有地方遺漏了？請詳細一點說明，謝謝！唔好意思，我因為有教歷奇，亦學過點點解說技巧，所以只會向重點鑽，如有得罪，請莫見怪！

cwclsh

回復 KittyMelody1 的帖子

哈哈~ 我果個就係女囉!
校服唔啱著反而仲可以留俾低年級有需要既人.

KittyMelody1

cwclsh 發表於 13-6-17 14:01
回復 豬婆 的帖子

咁樣我覺得仲慘過買校服. 要買一堆唔鍾意既Polo tee & 中褲.....

哈, 同感, D錢只不過轉移左去服裝店而唔係校服商咁解.....由其女學生, 好少會本身有polo tee/中褲

cwclsh

回復 豬婆 的帖子

咁樣我覺得仲慘過買校服. 要買一堆唔鍾意既Polo tee & 中褲.....

豬婆

回復 BeBeMa1012 的帖子

雖然無校服,但佢地都有衣著準則,全部小朋友都係著Polo恤同中褲,我覺得呢個問題不大,都係衫一套,只不過顏色唔同啫

Ronnym

BeBeMa1012 發表於 13-6-17 10:28
乜真道冇校服架？

無~



BTW, 我自己PREFER 真道~

sukitelfold

原帖由 BeBeMa1012 於 13-06-17 發表
請問點差？

精神領袖兩年前離咗職，可能因而冇咁精彩。相當年（兩年前）一分鐘冷塲也沒有。最記得舊校長講：「為何真道不用穿校服返學，原因唔想家長嘅錢吡校服商搵，家長錢唔易賺。」立即贏得在場家長連續十秒鐘掌聲。

hisuki00

mckenbaby 發表於 13-6-17 02:37
我去過最差的簡介會就是真道，所以印象勁差！
宣道有朋友讀，普普通通，勝在一定可直升中學，聞說幾愉快學 ...

真道簡介會真係好差, 聽完之後, 我地連報名都放棄

crazymum

原帖由 mckenbaby 於 13-06-17 發表
我去過最差的簡介會就是真道，所以印象勁差！
宣道有朋友讀，普普通通，勝在一定可直升中學，聞說幾愉快學 ...

直道簡介會？同感！

mckenbaby

我去過最差的簡介會就是真道，所以印象勁差！
宣道有朋友讀，普普通通，勝在一定可直升中學，聞說幾愉快學習！

seamama

原帖由 eugenebb 於 13-06-16 發表
我個仔仔讀緊真道, 今年九月升小二.  撇除外間是是非非, 小朋友校園生活很快樂, 老師亦好好.  佢係一個怕羞 ...

感覺上讀得真道預左錢俾細路隨時留學，對嗎？

littlefaith

kelvinli0311 發表於 13-6-16 08:54
關於真道的情况, 建議你問吓教育專家 Uncle Dos,
因為他二個女現正就讀真道.

小小指正：UncleDOS嗰兩位係公子唔係千金。

eugenebb

我個仔仔讀緊真道, 今年九月升小二.  撇除外間是是非非, 小朋友校園生活很快樂, 老師亦好好.  佢係一個怕羞仔, 但我感覺到學校, 老師甚至其他小朋友都互相接納包容, 家長互助支持.  

不少學校講品德教育.  講是容易的, 身體力行其實很難.  可能是宗教背景關係, 處事的楷模是貫切的.  一如社會, 學校會有行為問題, 學習問題的學生, 我所知學校是幫的, 不是輕言勸退.

學科方面, 中文, 科學同社會係佢既 favourites, 我都覺得編排不錯, 尤其這陣子同佢溫考試, 呢一年真係係愉快學習中學到唔少野.  

可能只讀了一年, 感覺小朋友沒有比較成績的競爭壓力, 排名不予公開.  這點家長要決定自己的取向.  如果你好想學校谷佢出 short term results, 或者以小朋友讀咩學校而有炫耀心態 (很可悲但在香港家長間很 common), 此校不會是你杯茶.

對我們來說, 很感恩.  我覺得我們選對了.  主要是, 我覺得對小朋友的發展會比較全面和人性化.  很好.

我唔係賣廣告, 只是去年都要作這個抉擇, 很明白 prospective parents 的疑慮.
各有所好. 以上都是很個人的分享.  

祝大家好運.