TT簡介會後之感想..

晞晞爸b

昨晚去完之後既感覺如下: (以下資料如有錯誤既話..請有出席既爸爸媽媽指正..謝謝!)

1. 半龍
TT 吸引我既地方得2個因素: "半龍" 係其中一個因素 (另一個係宗教..下面第2點會講)
但係我昨晚聽校長講..幼稚園K3有9班(國際+主流)..小一只得4班
她強調家長不用擔心因為"有好多家長到時會俾小朋友讀免費小一官校"..所以家長不用擔心升直升小一既學位
但同時間校長又強調"由於K1-K3有足足3年時間學校可以去瞭解小朋友既學習+ 入小一時有面試..所以學校會揀邊D小朋友係適合升小一既...."

老實講..我聽完之後有D擔心...9班K3只得4班小一位...我當你扣埋一些"自動離開去讀免費學校"果D學生..但唔好忘記..同時間亦會有其它學校既K3學生報讀TT小一...計計埋埋..到底呢條所謂既 "半龍" 升小一有幾多成?

我走既時候問過兩位老師..答我既回覆好唔同..一個答我9成(由K3升小一)..另一個唔肯答我幾多%....我覺得如果學校唔可以俾到最少一個明確既%既話...(六成又好.五成又好) 咁呢條所謂既半龍既吸引力就唔係咁大(9班K3學生~>4班小一位)

2  宗教
校長強調會有讀經等等..其實我本身係基督徒..我覺得呢方面係好既..可能有D父母唔信教未必會鐘意..因為校長話小朋友讀完3年好大機會會信教..學校會培養小朋友既靈命成長...由於我係教徒..我會更加放心D..德育方面也會比較好

3. 國際班學費4000元(等教署批準)
國際班學費要4000元(等教署批)..如果批準就2個鐘英文1個鐘普通話

如果唔批準(學費under 4000元)
就1.5個鐘英文+ 1.5個鐘普通話

講真..我覺得學費偏貴左D...英記(元朗)國際班都收緊3800元(今年) & 其它九龍塘名幼都收緊4000幾元.. 我當下年英記再加價...其實兩間學校既學費差別唔係好大...另外有家長問到國際班既深度同主流班有無唔同..我記得(唔知有無記錯)校長無正面答呢個問題..有D失望...

4. 主流班英文1日得15分鐘
講真...15分鐘1日英文實在太短...作用有限...

5 面試
到家長提問環節: 有關國際班及主流班面試時既語言
校長話: 國際班就英文+普通話 (到時有2個老師一起IN..小朋友expect要兩種語言都講)
主流班就英文+普通話+廣東話3種語言(希望我聽錯喇...我有D意外..反而主流班既難度好似高D?要會3種語言)

6  好多活動+功課(家教合作)
聽落去好似好多活動...其實對小朋友好既..但係我兩公婆都要返工...校長講話要家長早D收工返屋企陪小朋友做功課...
自問呢方面可能難dd...

7 收生標準
校長話好大考慮係取決於面試時既表現
家長或兄姐係校友有少少分但都係以面試表現為主
另外屋企地址會係考慮因素之一...


以上係昨晚既簡介會其中一D內容 & 我自己個人意見...我最concern "半龍" 呢個問題....但暫時得到既答案似乎未令我太放心...

晞晞爸b

其實我當晚冇聽過有7成呢個數字（崇幼升崇小），只聽過崇小升基崇係7成。
坦白講，如果學校標榜「龍校」呢個身份，但崇幼升崇小不足五成（9班K1升4班P1），呢種半龍模式其實冇太大嘅保障及吸引力...

elizatyy

現實是有那間直資或私校不用面試的?

babyfei

回復 wingbbbb 的帖子

想請問下你話網頁upload左通告是在那個位置? 訪客可看見嗎? 請問小學部有多少位?

mamath

chanti 發表於 13-6-16 21:49
我係以祟小為首選，兼大早寫信比校長同佢講左收既話我必讀，因為校長大大聲叫人寫信比佢。但我自應無谷小朋 ...

Juding from what the teachers and pricinpal said at the seminar, I tend to agree that TT actually expects parents to drill their kids outside school.

May I know is your kid at TT local or international stream?

And why CKY is 有教無類?  It's DSS too.

chanti

原帖由 evacalbee 於 13-06-16 發表
同意，我都覺得唔應該怪學校, 你選人, 人選你, 你有offer都係諗住backup啫, 大家好公平。

我係以祟小為首選，兼大早寫信比校長同佢講左收既話我必讀，因為校長大大聲叫人寫信比佢。但我自應無谷小朋友，佢無考cambridge,無識幾百個中，英文字。我只培育他身，心，靈，學習有健康及平均既發展，所以只係一體一藝一academic ，真係吾夠外來名幼生爭。不過，連聖士堤反女校都話要做直資，精英教育已係事實，有多少學校重會話自己有教無類？只有一些村校如沙田聖華，信義，或小部份私小及直資如cky

evacalbee

leung-baby 發表於 13-6-16 15:59
學校要增加私小競爭力無可囗非，但放棄咁多自己一手培育的幼稚園學生亦真係好唔應該。
可能係咁，所以決定 ...

同意，我都覺得唔應該怪學校, 你選人, 人選你, 你有offer都係諗住backup啫, 大家好公平。

leung-baby

原帖由 chanti 於 13-06-15 發表
我小朋友讀祟幼k3,請恕我直言，今年超多祟幼生被祟小放棄，包括有哥哥姐姐已在祟小讀既小朋友！interview i ...

學校要增加私小競爭力無可囗非，但放棄咁多自己一手培育的幼稚園學生亦真係好唔應該。
可能係咁，所以決定英普部退出學卷，可以谷一谷自己人上小學？！
不過就算day1有offer, 又有幾多人視崇小係第一志願？

chanti

原帖由 lovebb2 於 13-06-15 發表
你小朋友有否崇小offer?祝順利。

我小朋友第一輪收waiting 信，小朋友在校不是best of the best,但評估係全三角形(分三級，至高係三角形), 平時都聽教聽話，我又係義工家長，佢吾收自己培育出黎既小朋友，收出面名幼勁學生令人好失望，大勢利，完全同基督教辦學宗旨相反。所以佢嫌棄我地小朋友後，我地一班家長都放棄求位，一心向外尋真正用愛心辦學既學校綜合各家長results, 入一線或直資既小，二線私小好多，但大多入本地二線津小，因好多都有細路妹。

LuLuLaLa999

我知道崇幼小朋友出去考直資和私小的不錯

lokka0611

原帖由 lokka0611 於 13-06-15 發表
係咪崇幼小朋友出去考其他直資都ok架？

我意思係考直資獲取錄機會大唔大呀？

lokka0611

原帖由 ireneyklo 於 13-06-15 發表
其實今年第一輪升小一，學校真的收得唔多祟幼生，我身為家長都嚇了一跳，所以好多家長都即刻寫求位信。但有 ...

係咪崇幼小朋友出去考其他直資都ok架？

ireneyklo

其實今年第一輪升小一，學校真的收得唔多祟幼生，我身為家長都嚇了一跳，所以好多家長都即刻寫求位信。但有好開心發現今年D家長都好好，當仔仔囡囡考到外面心儀小學時，都會立即放位。眼見身邊有寫求位的家長很多都有OFFER，反而現在真的會升祟小的就不是太多了。
其實學校到現在真的不可能說給大家聽有幾多%的。

Kat_Fong

DEl

lovebb2

原帖由 chanti 於 13-06-15 發表
我當年為左呢條半龍放棄左km 同LH 同一條全龍(因無咁多外籍老師)，超後悔



  ...

你小朋友有否崇小offer?祝順利。

chanti

原帖由 lovebb2 於 13-06-15 發表
好彩我今年放棄咗崇幼揀名幼啫。

我當年為左呢條半龍放棄左km 同LH 同一條全龍(因無咁多外籍老師)，超後悔

lovebb2

原帖由 chanti 於 13-06-15 發表
我小朋友讀祟幼k3,請恕我直言，今年超多祟幼生被祟小放棄，包括有哥哥姐姐已在祟小讀既小朋友！interview i ...

好彩我今年放棄咗崇幼揀名幼啫。

chanti

原帖由 晞晞爸b 於 13-06-14 發表
昨晚去完之後既感覺如下: (以下資料如有錯誤既話..請有出席既爸爸媽媽指正..謝謝!)

1. 半龍

我小朋友讀祟幼k3,請恕我直言，今年超多祟幼生被祟小放棄，包括有哥哥姐姐已在祟小讀既小朋友！interview in 左兩個幾鐘，考小一程度既中，英，數及普通話！考埋連祟幼都無教過既野，反而收左好多名幼如york 及學之園既學生！還有，校長強調係基祟既中學部會收七城祟小生，祟小收祟幼永遠無比出一個數字。

wingbbbb

作為一個男孩子家長, 我其實真係好鍾意崇真教學理念, 更加鍾意佢幫助建立小朋友自信, 宗教去年問過老師(因為中學個校長講到連家長都一定要信咁, 不過老師話順其自然, 唔會強逼, 唔好話家長, 小朋友都唔會逼, 叫我唔好擔心, 小朋友信我覺得OK, 但係唔好逼大人信嘛)!

龍校係另一個吸引之處, 不過今日網頁都upload左通告, 係寫"小學部將預留本園畢業生報讀人數70%之小一學位予本園學生投考。小學部會評核每位申請人之表現，如評核結果相同，校方會優先考慮取錄本園畢業生。", 係考唔係收, 所以崇幼>崇小應該係無70%!  每天15分鐘英語課, 普通話仲一星期只有30分鐘..... 如果唔惡補英普, 應該相當唔足夠, 亦唔係咁容易上到崇小!