有讀障係咪只會派BAND 3 中學??

stellat

阿女溫書溫到盡晒力, 都係咁, 9月升五年級仲要呈分...佢操行和校內職務都好好, 唯獨成績就唉.
請問邊間直資中學和津貼中學會接受 讀障生? 而校風比較好?? 謝謝!

tinaleung

lammaggie 發表於 13-8-13 14:37
我囡囡讀障，由小一小二滿江紅, 至小五小六 數學/常識均A,
呈分試成績越戰越勇, 連英文都A.
加上游泳成績好 ...

贈我兩句, 成個過程你自己默睇開, 同小朋友最重要係咩? 謝謝

long0

要到幾時家長們先醒悟
學校只是輔助
而主體幫助仔女讀書的是身為父母自己?
出面成日講怪獸家長
家有讀障兒 要佢克服讀書困難
父母本身就要成為怪獸
將所有生活重心放係小朋友到
工作困身就搵份hea d 人工小d 但可以睇住小朋友的
屋企唔會點開電視 只會間中睇新聞同天氣 其他no way
考試請假陪太子讀書
做功課就算去到兩點都陪伴在側
默書日日默4次
怪獸之處不能盡錄

我成日心想全世界約1/10有讀障
這樣都中到 是因為只有你先有資格做到佢父母

讀障可以名列前矛
代表如果佢係正常兒已經做到狀元

讀障最可悲係撞到寄生獸形父母
發現子女有讀障
佢成績唔好咪學校唔好囉
緊有一間學校可以教好佢
永遠認為教育係學校問題
仲幻想寄生係d好學校個仔就有希望

係讀障面前 作為父母自己都未全力付出
就算比神校你讀 都係無用

相反入到差校 父母繼續全力支援
仲要入家教會正面改善學校
加大家校合作
為仔女創造更理想讀書環境
這樣的怪獸才是真正父母應當的事

long0

見有人支持寫多少少
其實有無讀障都只係普通學生一個
千萬不要過份標籤
要讀障少朋友讀得好其實同一般學生一樣
性格一定要具備2個特質
1,有自信(有必定做到的決心)
2,有禮貌(因為語文能力較弱 不可單靠書本自學 有禮貌好多時D人會主動幫)

上面2個特質只有父母可以教到
學校唔會教到
父母如果教到個小朋友有以上2點
相信Band幾已經唔重要
因為佢會自我完善

curly

irenelwl 發表於 15-1-16 20:10
我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突 ...

I agree

long0

http://www.sundaykiss.com/2014/0 ... 9%9A%9C%E5%85%92-2/
https://hk.lifestyle.yahoo.com/%E8%AE%80%E5%AF%AB%E9%9A%9C%E7%A4%99%E8%B3%87%E5%84%AA%E5%85%92-%E8%AE%8A%E8%BA%AB%E5%B0%8F%E5%B0%8F%E7%99%BC%E6%98%8E%E5%AE%B6-225106846.html

讀障只係有障礙
只要突破到
就唔係障礙(而係加持)
同升中選校無關係
亦有b1讀障
不恥精英教育
才會選b2 b3
亦有資優讀障同時存在

當小朋友有讀障
即表示你要增加資源係佢身上才有成果
而所說的是時間
父母能夠長時間陪伴
好多時子女表現比普通人更好
千萬不要因為讀障而給借口
自我放棄

irenelwl

回覆 sunsunchu 的帖子

如果小孩有感到上學不開心, 就真係要考慮轉考, 你同孩子傾談下吧!

irenelwl

回覆 loklok0104 的帖子

性格改變命運, 我記得小一開學, 學校安排個講座比家座長, 就是去了解小孩的性格, 再作出教育對策養育小孩真不是易事!

loklok0104

irenelwl 發表於 15-1-16 20:10
我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突 ...

你講得好岩, 一個小朋友讀書叻唔叻同性格好有關. 有讀障既小朋友成功與否更加取決於性格. 當然媽媽既扶持, 老師既幫助亦非常重要一環.
我大仔同細仔都有學障及專注力不足問題, 哥哥性格溫馴, 聽話, 勤力, 有耐性, 所以雖然有sen問題, 但性格上補上不足之處, 溫書時間比人長幾倍, 由P1至P4成績不太理想, 到P5下學期開始食藥及搵專科補習, 成績有好轉. 今年F1讀B1英中.

但弟弟性格同哥哥剛相反, 所以令我非常頭痛, 經常唔合作, 討價還價, 懶散, 今年小一成績好漂忽.

sunsunchu

係呀！大家一齊努力呀！
我心諗…如果我打工既…份工做得吾開心都可以轉工，點解我小朋友讀得禁辛苦，吾可以轉校呢，希望佢可以讀得開心d, 大家壓力小，關係都好d

irenelwl

回覆 sunsunchu 的帖子

完全明白
我女都係北區一線小學, 而家小三, 是上年12月時剛知佢係讀寫障礙, 兼有言語理解障礙及視覺認知障礙

因為小女幼稚園時係HAPPY LEARNING, 我以為佢小一唔適應, 下學期請左個姐姐同佢補習, 連功課都搞唔掂, 我晚晚番黎再搞, 搞到成11,12點。

到小二要佢落補習社, 功課搞掂左, 但係成績差過自己跟, 下學期我去左做手術, 佢科英文係得十幾二十分個隻....

今年升小三, 因暑假時知道有幾個堂/表親都係讀障, 即刻同老師講, 但班主任經學校搞得黎都太遲, 所以去左做私人評估, 先叫做確診。

點解咁耐先發現, 係因為小二, 小三時同學校老師傾, 其實都覺得我女唔係讀障, 個個以為佢只係懶, 連做評估個心理學家都話我女表徵不明顯, 而且佢係好肯做的小孩,　我有時間陪佢溫默書時佢可以默到ＯＶＥＲ９０分，所以我以為佢有能力做到，　只係懶，無諗過佢有問題，　直到Ｄ野越黎越深，　我教佢時發現唔妥.....

如果我一開始留意到佢的問題，　就唔洗拖咁耐，　ＤＤ佢地都唔想　，　我地只好耐心Ｄ去幫佢地，　希望佢地唔好太差。大家一齊努力啦

sunsunchu

剛8歲，小二
因在一線小學，功課和考試的壓力很大
想找葵青區的小學，對SEN的小朋友有較好的支援

brother4

因朋友有那問題，留學才發現，佢孩子留學很開心，一般外國學校極少壓力，又少功課，但考試就安排可長-點時間，佢孩子上了大學。

irenelwl

回覆 sunsunchu 的帖子

小孩多大?

sunsunchu

佢地禁輪盡…吾起父母身邊，當然佢地攪得掂…就緊係最好啦，可以學自立。
但係攪吾掂…有咩事發生，禁點算呢?!

brother4

朋友孩子留學，才發現有，如有可能，考慮留學，佢會開心D

sunsunchu

我係全職媽咪， 日日等個囝放學返屋企…就好似同個囝死過禁， 佢吾肯做，坐底後…攪成半個鐘至開始做， 功課晚晚做到成10點，真係命都無

irenelwl

我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突飛猛進, 入了BAND1英中。而家細表哥小四, 但唔願讀書, 連書都唔會拎起來, 又情緒化, 覺得讀書辛苦, 無用, 佢媽又驚佢仔發脾氣, 自我安慰細仔遲D會跟大哥一樣好起來我女, 剛證實都係讀障, 佢無大表哥的恆心, 但又無細表哥的情緒, 叫佢做都會做, 考試成績差, 久唔久先一次合格, 數學就暫時OK, 默書, 勤力個排可以有9字頭, 一懶就會得幾分, 一定要付出比別人多的辛勞先有較好的收獲, 但肯做是可以做到的。所以性格都好重要, 一個正常的小孩讀唔讀得叻, 性格都好大關係呢~