誠心請教: 如何令小朋自動波温中默

NT-1

小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕.  每次中默要用上3,4天準備(但其實只需温約 10 - 20 個配詞total).  什麼形聲,形象, 部件组合方法也用上.  温完唔記得再教加要她重覆抄寫, 但都會有機會唔記得.  小一學年尾段了, 仍然十分依賴我在旁督促指導,冇意識要靠自己温習和抄寫(已教了她如何温習無限次).  今晚收工後再抽問,她又唔記得.我問佢知唔知下星期要中默.佢答知.我再問她有冇諗過過要自己温,她答冇. 我聽到後好無奈好Upset.  想唔理佢由佢自己炒鑊咁,但老公又認為小女未開竅,無需太心急push 佢.  咁自己諗吓,自己都好似要到小三,四先開始知要自己温書.  如果妳哋係我,會點做?  
註: 她認字不俗,亦有中文親子閱讀習慣.  中文書唔係佢首選, 但都會在要求下讀些淺易圖書. 不過,她真係又怕又驚記默中文字

birdbird

樓主,
你女兒讀小一, 年紀還小, 真的未開竅呀, 我仔小四, 我還是在等他開竅呢.
真的不是有太多小朋友會自動波去溫書的.
玩才是佢地的本能呀!

回想我仔以前溫中默, 我真的很沮喪.
學校體恤小朋友細, 只默10組詞語, 跟我以前小時和一般小一生來比較,
真的是蚊肶和牛肶. 耐何, 我仔就係抄了10次果埋詞語之後都係唔識!
到後來要默埋句子, 唉, 真的好多次比個仔激到我喊.

我發覺佢在抄寫時, 只有抄, 而冇記住個字.
(冇諗過原來有d咁ge細路, 抄 同 記係兩個完全分開的步驟!)
後來我規限佢每個字只能寫5次, 每寫一次都要記住個字是如何寫,
加上佢學多了部首,
情況到佢今年有所改善.

小四之前的暑假, 我要佢每日在家背一句成語兼背默出來.
可能就是黎6星期的訓練, 佢開始記野記得快o左, 溫默書時唔洗個個字抄寫,
淨係抄寫d 新字.

而家你女兒小一, 你可以嘗試將默書範圍斬件同佢溫,
又同佢玩比賽, 如果抄寫5次之後識得默就會有獎.

始終中文係主科, 冇得避, 大人&小朋友都要想法子同呢科長期作戰,
比d耐性, 加油.

happy_lavender

看見很多技巧的提供，但未見有人從心理發展角度分析，那就讓我從這方面分享一下意見吧。

心理學家Erikson將正常人的一生分為八個發展階段，在每個階段都要克服挑戰，完成一些任務。每個階段均建築在成功完成較早階段任務的基礎上，若未能完成本階段挑戰/任務，則會造成影響深遠的問題！偏差行為和性格缺陷亦由此發展出來；越遲發現問題，成功修正的難度便越大！

至於小一兒童，正處於兒童期（3-6歲）和少年期（6-11歲）之間。樓主的小孩似乎是在兒童期未能達成“認同”這個任務，以致有退縮、被動的表現。所以樓主應細心研究多讚賞及認同會否有幫助改善被動。另外亦有可能是樓主給予小孩的關注/關愛未能符合孩子所需，小孩便刻意作出偏差行為或抗拒樓主對孩子的要求，以達致獲得更多關注的目的。

要提升孩子的學習興趣，最好多用遊戲，自行設計或改良坊間遊戲也可！要知道香港中學生的平均專注時間也只有25分鐘，你怎能侈望小學生能坐定定溫習個多兩個鐘呢？想想能否在中間加插些小遊戲或休息時間吧。

實際情況如何，必須樓主細心了解，未查明行為背後原因及動機便胡亂使用各種技巧，實較難令孩子有所改善；而要查出原因，最簡單的方法可能是直接問小朋友。

momama

又係一個側重英文嘅好例子！而家可以做嘅係乜方法都要試，下苦功！我同阿女講，中英數要讀十二年，唔到你逃避！

cc_2012

lestat 發表於 13-5-14 09:12
理解固然重要, 但識寫都一樣重要既, 唔識寫又點造句, 點去運用呢.

可能這就是多人揀理科的原因吧!!
囝囝現在六年級了,只叫佢温D生字,其他有把握的不用理,
如果唔係其他都唔洗溫啦~~

黃金屋

我都係咁教我啲細路,都好work!

黃金屋

其實可能佢都晤明啲詞語解釋,所以只人系死記。

溋溋

我有時教個女寫字，例如'味道'個味字，我會問佢食物既味道係咪靠個口去試?所以係口字部。或者'坐'字，係人坐在椅上，所以有兩個人在櫈上咁之類，你已試過?

囝囝mama

囝囝mama

回復 NT-1 的帖子

不如從有趣漫畫開始!!腦入面都無中文詞滙!!死記不能活用!大人小朋友好辛苦!!

NT-1

多謝各位媽咪寶貴意見。
小女偏愛看英文書,中文是在我要求下才會看. 不過,她會簡picture chinese bks to read. 台湾橋樑書主要是我讀比佢聽. 她有一個閱讀壞習慣，就是冇耐性地高速掃讀書本.  結果當然是會明白故事大剛, 但同時亦會忽略句子和字型結構。 認讀冇問題, 寫的話好多時衹記得個"外殼".  

佢讀嘅kindergarten着重培養個人品格，acedamic 嘢欠奉.  她本身語言文字能力是天生較弱的.  因為英文相對比較易掌握而又將會上英小，所以我們初期是着重訓練她的英語理解和拼音去應付未來學校需要.  事實上，當時她的手肌協調和發展亦唔容許我要求她做太多中文抄寫練習.  K3下學期開始利用高效識字法教佢中文. 現在，認讀ok, 默寫仍然努力中.

我有教拆字和用故事方法記字. 但總不能個個字都咁做. 要佢自己試吓，佢就即刻跪低話唔知點記

我之前見佢剩係重覆抄寫生詞2-3次就收手.  我估可能係佢抄時發白曰夢&抄寫次數唔夠，對嗎?

MonkeyGirl

回復 NT-1 的帖子

我女溫中默好快, but study Eng Dict ..好 慘, 用好多時間....

中文 - 其實我幫佢講 故仔咁記...不過佢係like 中文多過英文, 所以佢會事半功倍.. i.e "還"字, when my girl is at P1 . i told her " 有一日, 亞四, 張開一個 大口"O" 住嘴, 著住件衣服,撐住隻艇 ".. 佢now at P3, 仲記得呢個story ...

你 試下 this method ...

jollyma

係咪之前間幼稚園太側重英文？以致佢唔太適應中文學習模式，我都好興幸阿女間幼稚園中數都強，眼見好多人上到小一先後悔，慢慢來啦，小一係咁架，自動波就一定未得住

chanwendy

我女都係小一, 每次書其實都係一課課文啫, 唔多的. 通常默書前功課就會例必抄課文一次, 可能默書前會總共抄兩三次啦, 通常我女做完抄寫功課, 其實已經識背同識默晒架.  唔知呢個方法對樓主有冇幫助.

marcuscyrus

可以慢慢guide佢點樣溫習，一路陪佢摸索合佢風格的溫習方法，然後慢慢淡出。我覺得要放手讓小孩獨立都不是一刀切，能天生獨立的孩子萬中無一。

momama

喜歡看中文書嗎？

NT-1

原帖由 lestat 於 13-05-14 發表
慢慢教, 佢對中文字構造未掌握到, 所以每次都係死記, 所以好吃力, 自然唔想溫, 試下就算平時唔使默書, 每 ...

我係參考謝錫金教授的高效識字法教小女.  所以她對於部首,部件结構有一定認識. 另自從經歷上次大考要花費大量時間重温生字,我也採取了時常翻默生詞的方法.  ok 的, 她大致記到7-8成默過嘅字. 之不過， 記新生詞就真係 她試過自己温五組全新生詞用上一個小時，温完個吓記得。  隔一陣就忘記了。

NT-1

我明白.  讀書始於要靠自己.  但係小朋友唔係早熟型,未開竅, 做嘢唔會自動波. 香港課程又行得快,教一堂就expect 小朋友明晒.  我知有小朋友好快吸收到亦唔炭.依賴,不過一定唔係我個囡. 我又唔想靠補習,外加深信知識一定要底子打得好, 所以自己落手落腳一路督促,一路提醍她讀書eventually 要靠自己.  So far, 我覺得佢最吃力就是記寫中文字, 而正是這原因令她最怕中文.  所以想問吓其他媽咪分享意見.

Meikin

放心啦啦!  除了少數自律及對自己有要求的孩子外, 99.9%的孩子在初小(甚至高小)都唔會自動波温書, 玩就會自動波.  在他們而言, 玩樂>功課>温習.  我記得當年年紀小也是這樣.  So take it easy.

lestat

NT-1 發表於 13-5-12 23:41
小女讀英小小一,覺得中文字難記難默. 自問小學的中默範圍巳經比傳統津小為窄. 默寫量亦不大.但她就是怕.   ...

慢慢教, 佢對中文字構造未掌握到, 所以每次都係死記, 所以好吃力, 自然唔想溫, 試下就算平時唔使默書, 每日都同佢溫少少常用字, 等佢習慣, 起碼唔會抗拒先, 加油丫~