玫瑰崗幼稚園

Mickey10

今日先收到信，一如所料，rejected。但心有不忿，並唔係唔揀阿囡，因明白各校收生標準不同，同埋面試呢樣野好主觀，但不滿嘅係個過程，令人不禁對呢間學校反感！
面試時間被編最後一個slot 4pm, 正好喺另一間之後。但面試前三日rhs 打電話黎話「為方便」考生，問我想唔想改早d時間。因我其實in完另一間已好趕，就拒絕咗佢既offer。但佢仍然係電話當中再三提出（該staff係有禮貌的）,我預料到可能佢地想當日早d in 完早d收工，奈何我唔可以早d，於是禮貌地堅持keep返4pm。
面試前兩日又打電話黎，話盡量搭公共交通工具,並有校巴安排，時間表要上網check。當晚睇咗校巴時間去到1：30pm, 於是第二日打去問清楚。第一個接電話的職員已相當唔耐煩，略知我問既野即轉駁去另一個職員。點知另一個仲冇禮貌，我問：「我小朋友明日會in四點,請問校巴係咪去到一點半？」職員頗兇：「你尋日喺電話又唔問？」那刻雖然我心諗：你同事打黎叫我上網check，我點即時問？但仍婉轉地解釋番我都係收線後先可以上網，唔清楚先打黎問下。收線後我都好氣頂，點解一間所謂「有愛心」既幼稚園既職員可以咁？你答冇，會唔會簡單過答一句勞氣鬧人既說話？嗰刻我想即刻打返去投訴，但諗到為咗個女既入學，為咗個塞的士一個鐘+排隊三個鐘換黎既機會，更諗到個別職員唔代表成間學校既講法，於是打消念頭，照去interview。
後續面試當日經歷！

Mickey10

最可惜既係就係呢個咁失敗既老師負責比分，幫d有表現既小朋友打個大交叉！算罷啦，當個天幫我地既小朋友揀咗更好既學校吧！

題外話，嗰日我係有D黑仔，除咗RHs外，in另外兩間個結果都麻麻：禮賢會in得求其（喺其他Post有好多家長相同feedback)，個女表現好都冇用，因為面對一兩個問題同老師成日行開下，可能個個小朋友都有相同評分，有一批人個幾禮拜前收到信，但其他人D信就石沈大海，包括我；另一間靈糧堂，有兩日面試，我女in第二日，未in已同家長講首日已收咗好多上午班，問我地介唔介意讀下午班，而最後我女有offer,係下午班。所以經歷過呢d，知道好多野我地控制唔到！但可幸既係，我女喺另一日既幾個面試，都得到喜出望外既結果。

babyrex

開初我為何選玫瑰崗？
因我有幾個朋友的仔女讀這校，
均讚不絕口，說一定要報這校。

於這亦看到有家長讚好及不好。

面試當天，除了那位惡老師，
報到叫名的老師，看守樓梯的嬸嬸，
各人均很好及有禮貌，
美中不足是〜遇著她，
她會使我對這校留有污點。

面試完後，我有告知朋友，
這老師得惡，說話沒禮物，
對小朋友無愛心，
朋友說可能她已得累，
才會這樣。
我只是對她一個人不滿，
其他均好好。

我們現在談及的，大多是指向她的態度，
並不存在你所謂的打手，
為何會有人那麼無聊在這裡做打手？
如有，真的很無謂及無聊。

babyrex

打手？不知所謂！

a328

Nevermind la, I also have bad exp in LL and Rc, anyway, hope u can get a good school fit ur kid

flopsybunnies

好多嘢真係自己經歷過才知真相。樓主要加油

flopsybunnies

Mickey10

好感謝有咁多人回應，亦知道有D家長有相同遭遇，唔係得我一個係咁。有D家長對RHS評價好好，但同時對我的遭遇態度中立，相信你地一定能教出好孩子。事實上，撇除人為因素，呢間學校都有好既地方，我女鐘意佢偌大既校園，我就鐘意佢對語言既重視。對於我，西班牙文課程好啱我個女，因佢語言天份唔錯，而西班牙文亦係全世界最普及既語言，能夠咁細個就俾小朋友接觸，係好難得既機會。只係我覺得愛心對幼兒更重要，我諗遇著咁既職員老師確實係我唔好彩，因我落山坐我女側邊既鬼婆老師一路同我女玩。但我亦難保入學後會變好彩，避開D晦氣冇禮貌職員老師(我唔介意嚴厲，因好多時係需要咁令小朋友守規矩）。總之，揀學校，上網睇評語只能參考，最可靠係問番身邊朋友真實情況。至於所謂「打手」（其實我原先都唔識呢個term），實在陰謀論喇，我地利用呢個平台只係家長交流分享，最終目的係教好小朋友，令佢地成為有知識，更重要係有品格既人。出言不遜，態度偏激，實難立好榜樣，以身作則。共勉之！

GCG

係咩? 我search 返 嗰版唔見有人話華仁唔及高記wor? 華仁絕對超強! 我都唔知點解個樓主開呢個topic  比較兩間學校
http://www.edu-kingdom.com/forum.php?mod=viewthread&tid=2493659&extra=page%3D5&page=3

sasiuman 發表於 12-11-30 17:45
咁我都見有個媽咪係高記不停咁讚law, 幼稚園又見佢，小學又見佢，連華仁都唔及高記！
版主都叫家長少心呢D ...

sasiuman

原帖由 GCG 於 12-11-30 發表
本帖最後由 GCG 於 12-11-30 17:43 編輯

咁我都見有個媽咪係高記不停咁讚law, 幼稚園又見佢，小學又見佢，連華仁都唔及高記！
版主都叫家長少心呢D評論啦！影響D媽咪決定！

melonfans

yfchoy 發表於 12-11-30 15:50
我諗真係睇班主任，如小女的班主任亦有人對佢不滿，我初時亦以為小女會被忽略(小女係遲幾日先入學)。但後 ...

讀得好就得la!  相信間間學校都一定有好或吾好嘅老師, 好正常!  最緊要小朋友讀得開心, 學到知識就ok!  小朋友都要時間適應.

melonfans

sweetcan 發表於 12-11-30 15:46
我剛好有兩位同事有子女在這裡讀K2 and K3。她們都讚口不絕。班主任跟足幾年，好了解每個小朋友，師生及家 ...

咁我又無幫我小朋友apply.  係到讀過先有咁嘅體會啫!  

GCG

原帖由 sasiuman 於 12-11-30 發表
真係好似有好多專業"打手＂，我有朋友都係BK都幫人做打手，都好嘅，放番D位，可以比waiting 人上！



  ...

咁又唔好咁講！相返舊年我仔仔報k1時，真係無乜人講呢間學校，而且亦有批評, 所以過眼煙無乜留意呢間學校, 唔知點解今年突然好跨張多人讚，有位愛心樓主係幼兒園見佢讚, 想睇吓呢間學校小學又見佢講係度野，最低死連中學嗰度都見佢寫野，不論時間, 你話幾忠心，黃校長一定比五個"like"佢, 呢D乜必收lor..

bobo101^*^

小海豚瞳瞳 發表於 12-11-30 15:55
回復 hayley_leung 的帖子

除咗學費，仲有雜費，仲要年年捐$，老師要你參加嘅活動費....

捐贈比明愛機構, 大家都係天主教學校之一, 買獎券或捐錢, 唔一定要你捐的, 自願性質。
課外活動也是自願性質。

oooasis

原來咁多人有相同經驗
我上年報pn，都有dd唔愉快，具體就唔多講，總之今年考k1我無報到玫瑰崗。
只要學校有一個老師態度差，咁幾日面試個老師已經接待過百位考生，令到過百個家庭有不愉快經歷，咁有三五個上來講都唔出奇。
至於有人話打手，我諗就算有人放位，幾千個waiting都未必輪到自己仔女，無父母會比錢請打手掛？更何況kv,sc,pc等熱門學校都無。
一間學校好可以贊，有唔好的經驗都應該鼓勵大家講出來，咁先可以鞭策到學校更加注意自身的言行，以免影響口碑。

vinik

babyrex 發表於 12-11-30 15:46
回復 vinik 的帖子

如果你仔女面試撞正她, 你就唔會咁講架啦

我好明白你感受~ 因為我一年前都in過一間北角名校, 又係畀老師interview既態度令我地卻步。我又唔係特別想幫RHS講說話, 我個女讀緊PN(之前仲返埋佢地個playgroup), 所以都比較知道學校既老師係點, 有o的老師較嚴肅, 有o的又比較親切, 但佢地o係好肯同家長溝通既, 例如開學第一個月每個星期同家長講返小朋友o係學校既情況, 又會將自己既whatsapp俾家長, 家長有問題可以隨時whatsapp老師。我個女o係學校跌親, 又會即刻打電話俾我地。所以我覺得老師係好關心小朋友既~ 當然我識唔哂所有老師, 唔排除有o的係冇乜愛心既.

至於果o的捐款等等, 可能低班冇乜啦(高班就唔清楚), 剩係收過o的買獎劵既通告, 但我地都冇買喎~

小海豚瞳瞳

回復 sallyksleung 的帖子

Agree

小海豚瞳瞳

回復 hayley_leung 的帖子

除咗學費，仲有雜費，仲要年年捐$，老師要你參加嘅活動費....

請問有何雜費? 捐什麼錢? 付錢的課外活動會強迫參加嗎?

sasiuman

真係好似有好多專業"打手＂，我有朋友都係BK都幫人做打手，都好嘅，放番D位，可以比waiting 人上！

yfchoy

melonfans 發表於 12-11-30 13:08
Agreed!  玫記好多呢類老師!  最緊要小朋友叫佢行就行, 走就走, 吾好有任何問題, 你只係聽指令就得!

活躍 ...

我諗真係睇班主任，如小女的班主任亦有人對佢不滿，我初時亦以為小女會被忽略(小女係遲幾日先入學)。但後來發現佢哋喺有留意的(喺見家長時亦提及到一些問題)，有一點我哋都覺得奇怪為何老師有咁既見解，我哋看見是沒問題的(可能有些家長會即時唔鍾意，覺得老師求其)，但再談一會兒便知因由，班主任亦很好地教我哋點克服(可能有些家長亦覺得應該老師要幫助糾正，而不是叫家長做，但我相信是雙方面合作的)。小女係一個坐唔定(初時在早會排隊時會走去其他班揾朋友)，上堂會突然發夢或突然好感觸會哭，又常常遺留毛巾喺不同地方的人，但老師們都唔會因為咁而惡佢。我知道有些jm會奇怪我點解咁肯定老師一定冇惡佢，因為小女係好鍾意返學(第一年佢唔喜歡講學內情況，但喜歡返學)，今年度開始，佢會小段小段的話俾我知校內情況，佢從來都係話返學好開心(但我知佢仍然有雲遊的情況出現)。