兩歲童綁手跪地 老師踢爆玫瑰崗

meowymeowy

兩歲童綁手跪地 老師踢爆玫瑰崗
2013-05-07
http://s.nextmedia.com/realtime/a.php?i=20130507&s=6996647&a=51394016

今晚才跟老公說打算遲d幫bb報RH幼兒班... 轉頭見到單咁既新聞，真係嚇死！點解d人可以咁殘忍？

sagesage

兩個星期後校方專案小組，調查報告，相信可能如下，問過全部學生，包括未識講說話的N班同學，無人被綁過。老師非常有愛心、家教會、校友會非常相信學校。未能證實相中人的身份及相片的真偽。對於網上不實的討論，我校律師團隊定必追究到底！！！

kwokbobo

poodlema 發表於 13-5-13 15:17
我老闆係舊生, 佢而家四十幾歲, 佢話佢細個時玫瑰崗已經係咁教學生...佢地唔鐘意曳O既小朋友, 唔鐘意佢地就 ...

不過以前年代, 間間學校都有體罰。同埋以前都無學前班, 最早都係K1先開始讀書, 因3歲起碼識得講到比父母聽有件咁既事。但我覺得兩歲咁樣體罰, bb都同唔番父母講, 老師又無同父母講。

poodlema

我老闆係舊生, 佢而家四十幾歲, 佢話佢細個時玫瑰崗已經係咁教學生...佢地唔鐘意曳O既小朋友, 唔鐘意佢地就圍走。

kwokchris

It is impossible that the principal does not know about this!!!
As the NET said, there were some local Chinese teachers in the classroom. Why HK local people can accept this??

vinik

yfchoy只是想和平討論, 討論區當然會有各種聲音, 請大家多多包容, 我諗而家好多家長想發表意見都唔敢了~~ 就虐兒事件來說, 相信所有父母都會覺得天理不容, 這點應該不需懷疑。就訪問的內容所聽, 校長的處理手法是有問題, 如當初她是知情, 應該要一早公開舉報及報警, 否則就是包庇, 要付上全責！

另一方面來說, 又見很多家長會認為校長如此, 老師也不會好到那裡, 這點已經不是理性的討論了。不分是非黑白盲目支持學校當然不對, 即係有D明星吸毒, 佢既朋友通常都會話撐佢咁, 好不應該! 但刻意借題發揮, 乘機踩多兩腳的, 又是對的嗎? 所以我地只需針對虐兒事件及校長的處理手法作討論就可以了。

kittyland06

我相信大部份家長都唔會就今次事件歧視 rhs 的老師，學生及家長。但是今次件事引身到幼兒幼稚園的教育方針的問題。就當校長真的日日坐冷氣房而唔知情，他們的教育方針就是要教出成績優異，聽教聽話的學生，因而上小學嘅成績出眾，名校效應，最終可能抺殺了小孩的創意甚至自由。這點都是我們作為家長應該反省的。

immama

其實我擔心事件只是冰山一角，老師也會轉工的吧，反而應該反醒討論重整香港幼兒教育的目標，方式，風氣等，學校、教職員、家長也要有所反思

melonfans

lolowen 發表於 13-5-10 08:04
我覺得校長應該要被解僱！她大話連遍、推卸責任，都是為自保！

起初話記得個小朋友，還說他性格內向。可能 ...

yes!  我作為舊生, 我好反感仲係到盲目硬撐學校的人, 特別係幼園子女仲係到讀的家長.

稍為了解幼稚園學校運作, 都知呢件事無可能一人所為.  視而不見, 聽而不聞, 係老師所作所為嗎?!

連幼聯會會長都話, 點可能校長吾知?!

btrue

睇返段片，受訪的家長話好肯定問過晒所有學生，校長當初話前一日聯絡過該小朋友家長，之後又話唔肯定個小朋友係唔係佢學生 ，跟著又話問緊D家長。
問家長咩呢“你好，我係黃校長，想請問我D老師有無虐待你個仔／女？”  之後就會話經過調查,呢D事無發生過。。。。唉！
公道自在人心。

lolowen

我覺得校長應該要被解僱！她大話連遍、推卸責任，都是為自保！

起初話記得個小朋友，還說他性格內向。可能見完律師，律師教她話唔肯定，再接言，就可以話相片是虛構偽造的合成照，便可將事件推得一乾二浄。

kittyland06

我相信大部份人也不會歧視 rhs 的老師及學生, 只是大家有小小覺得校長管理及態度有問題。請不要太擔心!

yfchoy

oooasis 發表於 13-5-10 00:18
其實我本意並非想指責你。只是件事太令人氣憤，所以一見到類似“維護”的言辭，就比較敏感。
一時用詞過於 ...

多謝！（好開心呢度最後能回覆和平）希望我沒有冒犯到其他人。明白大家都好氣憤，我見張相都想喊。其實好多時明白大家都好着緊事情發展，有時會好敏感（我以前都會），希望事情快些解決，讓要負責的人負上應有責任，令少些人被影響。現在有時接女女放學回家都有機會被途人望多兩眼，外間亦會有人認為該校的學生出嚟會有問題（我出身區內麻煩學校，當時都會害怕被當成壞學生，現在更不想自己女女亦被歧視。好彩女女性格開朗，但她亦好敏感。所以真的希望快些解決並作出交代），試問遇上這樣的歧視，該校的家長都已有這遭遇，何況被人知道是該校老師時會有咩代遇？這些事可能外面的家長並不知道會有這影響，但事實如此。可能我又講多咗（其實我好怕被誤會，往往會多番解釋，令人以為我在辯護自己），這是我的毛病，不好意思！希望不要誤會有任何＂維護＂的言論。

oooasis

yfchoy 發表於 13-5-10 00:00
對，我現在仍是感覺幸運，老師是好人（不知張來怎樣，但直到現在為止是這樣想。我知一定會有人笑我不明是非 ...

其實我本意並非想指責你。只是件事太令人氣憤，所以一見到類似“維護”的言辭，就比較敏感。
一時用詞過於銳利，同你講聲唔好意思先。
希望水落石出，你女女也讀得更加安心！

yk2

真係不知所謂！爭大眼講大話兼唔用䐉，十幾年前嘅學生，一睇相都記得係咪自己學校，何况得兩年前！！就算話唔認得，警察一check兩年前的校內紀錄一定知，咪更顯問題！

yfchoy

oooasis 發表於 13-5-9 18:25
一間學校實有d好老師架，有咩好多講姐？唔通全校上下都係變態咩？青山都無咁高比例喇。
有些老師雖然自己 ...

對，我現在仍是感覺幸運，老師是好人（不知張來怎樣，但直到現在為止是這樣想。我知一定會有人笑我不明是非），至於其他老師的壓力我哋不會理解的。亦謝謝有想過校內會有好老師（只需心照不宣），明白你的意思，現在只需要關注被虐小孩和避免再有同樣事情發生，其他的人可以不理會因認為他們都是理虧的。其實我都只是説出自己想法和所見的，希望大家冷靜點睇事情，亦沒有任何激動的說話，卻引起各位以為我要阻止別人言論，這不是我所想。正如之前的家長話，還是專注在事件上，不要再引發新觀點。我不是怕被插，只是大家觀點不同，再説下去只會越説越激動，互相批評傷害便不好（可能我諗多咗，網上言論不會傷害到任何人）。不管如何，我和大家都希望事件會水落石出，只是當中有些觀點不同而已。所以在最初時有説過諗咗一段時間是否應該回應，往後我不會再回應，希望大家不要繼續再回應我之前的話而激發他人的情緒。

小洪寶

只係兩年前既事，如果d老師甘都已經吾記得有無呢個學生，甘昵間學校都＂好有愛心＂下

webpaupau

原帖由 oooasis 於 13-05-09 發表
本帖最後由 oooasis 於 13-5-9 18:27 編輯

講出父母們心聲。講得好好。

happy.rita

原帖由 oooasis 於 13-05-09 發表
本帖最後由 oooasis 於 13-5-9 18:27 編輯

講得好！