搭校車重要人轉車

whatup

收到校車司機電話，話我果邊今年吾到，如果要搭就要小朋友搭幾分鐘公共汽車去到佢要求果區個站先上到車，機本上佢黎我要求個站來回都不須10分鐘，咁就話要個3歲小朋友搭2次車先返到學校，重收我$1200，當初我係見校車有呢條路線先放心報你學校，而家你咁講話吾去就吾去果個站，重好吾好意思同我講哂吾好意思有咩用，你學校咁樣做野，有無拎個心出黎為小朋友著想呢，當初早講會係咁，我真係吾會報你學校，十分失望

Dressup123

LeeDoris 發表於 13-8-29 10:39 我相信判斷學校有無監管好校車公司, 並不能單單以坐車時間來判斷吧!

同意準時、安全及態度都很重要，無懷疑過校車隊及校方喺呢幾方面所作嘅努力。
我所講嘅真實情況係引證到校方overlook咗車程，未臻完善。而呢樣overlook咗嘅嘢其實係有家長反映過，校方係知悉的。存在唔順路的問題嗎? 絶對唔會啦! 只要下午班放學沿用上午班放學的同一路線，咁就輕易解決到個問題啦!

正如有一個小朋友科科都成績好好，就係操行唔合格，老師對小朋友多番提點但小朋友都唔改。老師同家長指出呢件事，家長話:「中英數常等都成績好好，並不能以操行唔好話佢唔係好學生呀！」

MSmrsKWOK

校車愈來愈難做，所以宜家好多學校好多地區都無車到，有d更加係無校車服務，想搭車保母車啦～

LeeDoris

我是路過的,不過都好同意樓上兩位的講發~~
校車時間的安排, 有時真的很在乎大家住的地方在那區的邊個位置~~
我相信每間學校的校車都一樣,在編排行車路線時, 一定會以整體最大效益為原則,並不會特別為了誰,又或者針對誰. 只要想想, 有校車到, 需然早, 不過總比無校車到好丫!
我小朋友幼稚園坐校車返學, 比上課時間早1小時10分鐘上車, 不過因為校車叔叔和姨姨都好好人, 所以3年來都坐得好開心! 而且校車3年來都好準時. 所以我覺得校車叔叔姨姨的服務態度, 準時, 安全不是更重要嗎? 我相信判斷學校有無監管好校車公司, 並不能單單以坐車時間來判斷吧!

史汀娜

其實一部校巴要係短時間入接咁多小朋友上落車
佢地d時間都好緊迫, 我相估大家都想自己小朋友用最小時間就可以回校
放學盡快見到小朋友, 但係其實真係好難, 個個地點都唔同
所以我覺得一個鐘頭內都可以接受

chelchel0126

我係今年K3家長，如果你地有入fb group，我係打一大堆野““新手家長埋嚟睇””嗰位家長。。
我住油塘，上年八點鐘上車，十二點九十左右落車，如果計我自己揸車車小朋友返學，我二十分鐘就到學校門口，但坐校車要一個鐘。。
我有位家長朋友，佢小朋友讀藍田x思，佢八點上車，一點落車，藍田x思喺正正地鐵站口隔離，出去誇隻腳過隔離就入到學校，可以唔洗掂地面。。
其實校車車程我估要組晒成車小朋友一齊編排嘅，司機都唔會想特登用多啲時間去完成工作，我相信司機們都會取一條最順嘅路去做，但同時，我都好明白，真係會有小朋友長期做唔著數嗰個。。但想問，小朋友係咪真係覺得好辛苦？定係家長““驚””小朋友辛苦？？

pisontam

TO: thomasboy

我昨日剛有問過呢個問題,所以識答!
其實係咪D校車係多數接完上午班放學沿途就接下午班返學?
=> 係,司機話唔會回頭,SO接住下午班就要上車,約1:15到學校(因為黃大仙係頭站,車程變左45MINS左右,咁個人覺得都OK,始終佢地要接唔同上車站既人)

thomasboy

原帖由 Dressup123 於 13-05-21 發表
住紅磡區的這位家長說到重點，就是校車兜來兜去接載學生會使車程延長，苦了小朋友。
我小朋友就是受害者， ...

其實係咪D校車係多數接完上午班放學沿途就接下午班返學?由黄大仙返學要十二點半就上車，一點半先返學，車程真係好耐成粒鐘。乜學校唔知咁耐㗎咩，點解唔監管下車程耐呢D情況。

bearbear2003

我前幾年問過，事實要容納全校的而且確有難度。anyway,小朋讀得好happy

MSmrsKWOK

原帖由 bb媽0米 於 13-06-17 發表
近年先一年去一次旅行,早幾年係1年去兩次,即總共去6次,所以當你去咁多次旅行,D地點又成日重覆0既話,小朋友 ...

我都見老師好忙，問佢地食飯未呀？佢地就笑笑口答就快食，宜家做幼稚園老師真係好辛苦

bb媽0米

MSmrsKWOK 發表於 13-6-14 15:23
其實學校旅行地點當然重要，不過最緊要係可以同成班同班同學玩先係亞囝去完全日重覆又重覆講嘅話題，其實年 ...

近年先一年去一次旅行,早幾年係1年去兩次,即總共去6次,所以當你去咁多次旅行,D地點又成日重覆0既話,小朋友梗係冇野,係我呢D貪心0既人先覺得悶架JEI!!

不過當我同老師傾過,發覺旅行當日老師係非常辛苦,佢地要照顧我地,係冇時間食飯,校長只會俾15MINS左右佢地食下麵包同餅乾,之後就要直踩成日,我地旅完行拍拍PET PET就走人,但老師仲要返學校開會同執野,都要成5點左右先走得!!

知道佢地咁辛苦,我呢D做家長返去玩玩下0既,真係無言感激!!

MSmrsKWOK

原帖由 bee918 於 13-06-14 發表
今個學期已派過一盒泥膠返來. 到學期尾應該仲有一盒.

問過班主任，可以自己買泥膠返學，唔係硬性規定要比呢60蚊，正如校車都唔係硬性規定一定要坐，最緊要方便自己……

MSmrsKWOK

原帖由 bb媽0米 於 13-06-14 發表
旅行地點問題我問過老師,皆因我發覺學校來來去去都係去某一D地方,依家已經叫好D,一年去一次旅行,我亞仔讀之 ...

其實學校旅行地點當然重要，不過最緊要係可以同成班同班同學玩先係亞囝去完全日重覆又重覆講嘅話題，其實年年去同一地點我覺得ok  ar ,一年先一次，我一年都無辦法約到全班同學出嚟玩~~

再講，家長朋友學校旅行去科學園食自助午餐，全日旅行要250一位大小同價，食物仲要一般水準，成班食完最開心係出面空地成班同學狂奔，家長朋友完成旅行又投訴佢地學校價錢貴食物差無時間比小朋友玩……

今年旅行收到李校長份西梅乾小食，我覺得李校長好窩心呢!!

bee918

MSmrsKWOK 發表於 13-6-14 00:56
60蚊唔係只有一盒不知名大陸泥膠，係會响學校玩完之後舊了硬了幫小朋友再加入新的…唔好只係睇facebook ,呢 ...

今個學期已派過一盒泥膠返來. 到學期尾應該仲有一盒.

bb媽0米

Dressup123 發表於 13-6-14 00:44
正如$60一盒大陸不知名廠出產的泥膠在facebook亦有人提出過，亦引起過一大回響，咁學校新學期咪又係收$60一 ...

旅行地點問題我問過老師,皆因我發覺學校來來去去都係去某一D地方,依家已經叫好D,一年去一次旅行,我亞仔讀之時一年去兩次,所以變左D旅行地點會出現重覆,即上年去過今年又再去咁!

老師解釋揀選目的地首先要諗一個地方要容納晒全校學校家長講梗幾千人,仲要包埋食LUNCH,所以只可以入營,即係乜乜渡假營,乜乜渡假村,選擇已經唔多,加上設施唔可以太舊,又要多野玩,又要岩幼兒玩,又要有一個地方集合到全校家長師生一齊玩集體遊戲,同埋最重要一個原因:要近,車程唔可以太遠!!!!!

綜合晒上述咁多原因,我相信真係冇咩地方好揀......不如家長又建議下有咩好地方俾學校選擇,要滿足晒上述要求,仲要加埋飯堂要大食飯桌唔可以響小食部隔離WO!!

講真親子旅行都係為左各位小朋友而設,俾大家開心玩返一日,去邊同飯堂細唔細我覺得都唔係問題,最緊要安全同大家開心!!

其實各位家長對目的地都一定有意見,向學校提出左,學校是否能滿足所有家長的要求??如果學校下次真的改旅行地點,又一定有家長不滿,咁點算??又改???可以去邊???

最後,我也同意家長如有疑問,應直接問學校,而唔係上網人云亦云,你一句我一句,係冇結果的.

MSmrsKWOK

60蚊唔係只有一盒不知名大陸泥膠，係會响學校玩完之後舊了硬了幫小朋友再加入新的…唔好只係睇facebook ,呢個問題我有在接放學時問過班主任

Dressup123

正如$60一盒大陸不知名廠出產的泥膠在facebook亦有人提出過，亦引起過一大回響，咁學校新學期咪又係收$60一盒!有改善咩?

N年前(該小朋友2012年已4年班)家長建議學校改善K2K3學校旅行的目的地，因為嗰個場地的飯堂好細，部份家長小朋友的食飯枱會開喺人來人往又開揚買食物必經嘅小食部隔離，咁多年咪又係意見接受，態度照舊!?咁多年咁多人講過，要改善都改善咗啦，但結果到2012年旅行都係去同一地方，面對同一問題！

老實講我講就講咗，我亦覺得建議合理，可平衡各地點小朋友的行車時間，但前車可鑒!!

MSmrsKWOK

其實我覺得合理要求，又不太大影響運作，學校應該可以作出改善的!!

MSmrsKWOK

呢方面我唔知呀，不如寫封信比李校長，問個清楚啦~

Dressup123

回復 MSmrsKWOK 的帖子

回覆我的正是妳所講的同一位主任呀! 聽聞校車是由某位主任負責，不知是否這位?