我囝囝被懷疑有ADHD

家希媽媽

囝囝7歲，小一。一直都係好動多言，易玩得失控，專注力唔算好，但仍可以接受。

幼稚園3年，成績一直都保持頭三名。直升上小學，問題開始嚟。學期初已經俾老師投訴三次，有上堂攪住同學仔，玩得太開心整親同學仔..教訓左一輪後有改善，起碼無再收到投訴。到督課班做功課就頭痕，有時撩下同學仔，有時抬住頭遊雲太空，總之人地一個鐘頭做晒，佢要二個鐘。俾督課老師投訴好多次唔專心唔做功課攬住玩.....! 返到屋企我坐隔離陪佢做，佢就好快做得晒。考試測驗每次都有80幾90分，全部都係錯D無厘頭嘅事，好似擦左唔記得寫番，填充題有生字揀可以寫左第二個字(觀察 ->歡察)，數學橫式啱直式都可以寫錯(例如橫式80+20=100, 直式可以係80+30=100)，總之千奇百趣，但老師話佢答案係啱，但寫錯都要扣分。所以成績就落到43人考20名。

平時有得玩仲驚，可以開心到癩晒，又會自己照鏡扮鬼扮馬，人地睇到以為佢傻左嗰種，成日叫佢冷靜D，但一玩起上來就真係失控。

因為有咁嘅情況就帶佢去私人兒科評估，醫生結論係懷疑係輕微ADHD，不過要觀察一年再可以確診。因為佢做評估嗰時可以完全坐定，所以醫生就叫我呢一年留意佢情況，再覆診，。始終確診左就要食藥。我都好擔心，所以我想了解下如果真係要食藥，係咪長期要食?仲有咩方法可以幫助到佢?

多謝指教!

mrsfull

家希媽媽謝謝你的回覆
希望你們多多加油!

家希媽媽

回復 mrsfull 的帖子

如果未食藥的話，佢玩得興奮時候，就會郁身郁勢，不停講嘢，自得其樂。叫佢停佢只會話"我知喇"，仍然照做。

做功課，唉....坐定定10分鐘左右就嚟料，一陣走去飲水，呻鼻水(佢有鼻敏感)，去廁所，再唔係就眼定定發緊夢。10分鐘嘅功課佢可以用30分鐘以上。。。。

家希媽媽

回復 joanthony 的帖子

唔好意思，咁你囝囝需唔需要食兩種藥?

mrsfull

家希媽媽, 請問你囝囝未食葯前, 玩到超興奮時, 你們能用言語叫停他的嗎?  另外他做功課時能不能長時間坐定定?

家希媽媽

昨日跟我及一班親人食飯，我有位做小學教師嘅親人跟我講，佢觀察囝囝可能係亞氏保加，咁一個小朋友會唔會同時有ADHD同亞氏保加???好擔心

家希媽媽

回復 wittymom 的帖子

囝囝係睇私家精神科醫生

wittymom

你係睇精神科或心理學家做評估？哪個叫你食藥？

lala_kiki

原帖由 家希媽媽 於 13-07-30 發表
回復 lala_kiki 的帖子

多謝你有用資料呀!

是的，兩隻手指都可以。由手指頭推至手指與手掌邊界位置。

家希媽媽

回復 lala_kiki 的帖子

多謝你有用資料呀!

係咪兩隻中指都得? 由手指頭向下推到手掌嘛?

lala_kiki

如果相信小兒推拿，不妨幫小朋友做，由於小朋友中指是心的反射穴位，可以用推的手法，從小朋友中指頭起向下推，約1分鐘60次，每天做3～4次，每次做3～5分鐘，因心力有盈餘，是會好似精力過剩之表現。

jennifer.c

我既情況都好似你哋咁,阿女成日做做下一樣又走去做第二樣，跟住就無做番，就算玩玩下佢都可以走左去玩得二樣。只有畫畫係可以比較堅持啲，但係畫完畫之後，啲用具又係四周圍放。對日常生活既細節非常操心大意。
成績一向都唔好，年年見家長都比老師話佢上堂唔留心，做做下功課都會去玩下擦膠碎。
今年學期尾先排到學校既心理學家同佢做評估，話佢唔係讀寫障礙，但我懷疑佢有專注力不足，去左那打素排期，要排到2015年6月......
好想帶佢睇私家，想聽聽大家的意見!!

家希媽媽

回復 HaYi 的帖子

你又講得啱。我都爭扎緊同唔同班主任講佢個情況，其實都幾矛盾，又唔想佢被人知道佢有ADHD(怕同學仔笑佢)，但又唔想學校誤會佢係問題學生而忽視佢真實情況。

我囝囝都食左藥2個月左右，情況確實係有改善，好似小一考终期試佢啱啱開始食藥，老師話佢考試考得好好，可以拉番高平均分，所以我諗開學之後都應該唔成問題，或者暫時會選擇唔講住，再睇情況。

家希媽媽

回復 man811231 的帖子

我囝囝由細到大都係坐唔定，未完成識行都要落地，好怕D細小空間(好似BB車咁，佢就會好似身痕咁扭來扭去，幾乎想跳車咁滯)，除非佢有興趣嘅地方。好似坐巴士佢可以好定，仲眼都唔眨咁望住司機揸車，因為佢係超級巴士迷。

sukilan

我每次睇到呢度討論， 我亦都好懷疑我個仔係咪有ADHD?因他的行為如妳們形容既都好相似，雖已經排期，但要等到2015.

HaYi

我個升P2 仔的情況同樓主的近乎一樣, 只是成績暫仍是可以. 但預計P2高了一級, 準確度的要求又高左, 到時亦可能因冇用藥而成績大跌.

我就剛重新排政府去睇下幾年後ADHD 是否由marginal已成為確診, 但要等2年才有期, 到時真係要食藥都可算是一種冇辦法中的辦法.

P1時, 老師在不知情況下多次投訴佢坐不定, 之後我解釋他有marginal ADHD, 老師提議可排埋學校隊的心理學家, 但因為我個是輕微, 又不知要排多久, 反正有咩支援排定咩.

我自己對ADHD 都有了解,  我覺得Label effect 總好過下下收投訴以為我們做家長的放任他們. 其實好多ADHD / SEN 的家長是盡了好大力, 但佢地的行為改善是好輕微.   如果老師冇SEN 的訓練是好易有惡評.

對於藥, 我都明白此是治標為主,而且是長期作戰, 況且不是人人有效, 副作用又不可預知,  但如果情況變壞幫到都要試. 但係拖下...

lillymarie

man811231 發表於 13-7-21 06:50
我想問下你哋的小孩係二歲幾時的情況是怎樣的？因我懷疑我女是，但太小又評估唔到



  ...

咁細個好難講得準的。因為小朋友發展時間每人都有少少不同，一般小朋友細個都係紥紥跳，隨心所慾。好似D狗仔貓仔咁，細細個彈來彈去好活躍，大個咗就會定好多。
除了一些極嚴重好明顯的個案，大部份小朋友去到6﹣8歲就會定性好多，若咁大個都仲係無乜改善，就較能確定唔係過渡性問題，而真係ADHD。