根德園 vs 崇真英普，怎選擇?

Angel_girl

要决定啦！
家姐讀緊根德園，細妹有根德園及崇真英普offer
覺得根德園幾好，名氣又大些；但又想細妹在英普環境下學習，始終崇真language environment好像强些，而且祟真又多課外活動，點揀?
想快啲做決定，快啲讓番個offer出來，請幫忙!!!!!

evacalbee

原帖由 Angel_girl 於 13-04-25 發表
要决定啦！
家姐讀緊根德園，細妹有根德園及崇真英普offer
覺得根德園幾好，名氣又大些；但又想細妹在英普 ...

最後選咗邊間？

anniehah

回復 ireneyklo 的帖子

tt 英普有沒有其它集費收呢?佢英普好似沒有學券的...

ireneyklo

其實用有學卷同沒有學卷的學校比較課程，不用多講一定是沒有學卷的比較深。如沒有學卷的學校和有學卷課程一樣，你都會走去嘈學校啦!你應該問自己想囡囡日後需要什麼，你分好先後次序，就會選擇到那一間學校適合你。
好像我想囡囡語言環境好，所以我選擇了tt英普，由於學費平，所以囡囡可以玩很多課外活動(游泳、跳舞、圍棋、鋼琴、畫班、英文班及數學班)， 全部課外活動費用+學費都是$4000內。
所以我同老公都好喜歡tt。

evacalbee

Angel_girl 發表於 13-5-7 12:23
回復 evacalbee 的帖子

家姐而家係K2，嚟緊要報小學。

即係有兩個人湊上落校車？
上落車時間唔同，上落車地點又會唔同，學校有function的日子又會唔同，無問題嗎？

TT唔算淺，都ok呀。不過你大女讀過kv，相比之下就會覺得TT淺囉。

taktakchichi

其實讀英普唔代表一定會學好普通話, 可能會有反效果.

我其中一個朋友的兒子在一間學校讀英普班 (不是TT), 但屋企人日常生活只講廣東話, 結果常常收到學校"意見", 話小朋友上課唔專心, 成日又唔肯講野. 依家個小朋友連平時都唔多願講野

Angel_girl

回復 evacalbee 的帖子

家姐而家係K2，嚟緊要報小學。
而家家姐坐媬姆車回校，將來細妹都係坐媬姆車，所以接送應該沒有問題。

係咩? TT淺咩? 我朋友話吾淺喎!!!有冇其他家長可分享意見呀!

evacalbee

Angel_girl 發表於 13-4-25 17:06
要决定啦！
家姐讀緊根德園，細妹有根德園及崇真英普offer
覺得根德園幾好，名氣又大些；但又想細妹在英普 ...

其實家姐讀開覺得係好，阿妹轉其他學校係好大的挑戰，總會有比較的時候，總會有後悔的moment。
家姐升小一未？有無考慮接送的問題？

Barbarla

原帖由 Angel_girl 於 13-04-25 發表
要决定啦！
家姐讀緊根德園，細妹有根德園及崇真英普offer
覺得根德園幾好，名氣又大些；但又想細妹在英普 ...

K

qualcomm

大家不用考慮tt, 因為tt用的K1書是迦南的N1書，淺了一年

hecabb

蓮蓉包 發表於 13-4-25 18:31
Tt 課程會淺過kv,冇默書less pushy.. But still somehow traditional ..
小朋友普通話真的好好，英文just o ...

wrong post

webpaupau

原帖由 Angel_girl 於 13-04-26 發表
回復 蓮蓉包 的帖子

TT 課程淺嗎? 朋友嘅朋友話K1 已經學簡單句子 e.g. 我乘電梯/我會洗臉, My toy car is ...

其實這些句子也很淺，我BB只返Playgroup,8月才入pN，這些短句全懂了

leung-baby

Angel_girl 發表於 13-4-29 12:39
回復 leung-baby 的帖子

好感謝你咁快回覆！

TT - 1897年辦學
KV - 1966年辦學

以我所知, 今年有TT同學仔考到DBS, 亦有KV朋友仔咩都無, 而家仲等緊派彩!

我只會話, 每個父母心中把尺都唔同, 每個小朋友性格/能力亦都唔同, 有D野勉強亦無幸福.

不如喺自己把尺內找最適合小朋友/整個家庭嘅學校?


畢竟私幼要position自己, 當然要有賣點啦, 唔係邊有人去讀呀?!

silvia_ng

我兩個主流畢業，英文都好鬼勁的，除了係崇真返3個鐘外，冇係外面報讀其他班。當然，3個鐘唔可以好大期望，因此家長自己都要配合，係屋企都要營造一個外語環境，比喻睇電視亦只睇英文台，睇大量英文圖書。崇真教完phonics, 我女係k3已經識睇識讀哂一本200頁既英文書了。
當然，睇你想去咩小學，但若小朋友outstanding, 唔理名氣都會有學校照收佢架！

Angel_girl

回復 leung-baby 的帖子

好感謝你咁快回覆！
以你所見，崇真的知名度是否比KV差很多很多?  知不知幼稚園的知名度對報讀小學是否很重要呢?  知吾知崇幼畢業生考到甚麼小學?
再一次感謝你的幫忙!!!!!

leung-baby

Angel_girl 發表於 13-4-29 11:29
回復 leung-baby 的帖子

好多謝leung-baby你的資料啊!

我地住得遠, 學校校車接唔到課外活動, 所以我地無參加. 但係長假期個D課外活動我地都有玩過架. 黎緊暑假日日有野玩, 有全日有半日, 呢份通告都成39頁, 花多眼亂! 你都可以上網睇到.

你可以搵番以前D post, 有家長分享過返下午班課外活動安排. 係會趕D, 不過睇你點value呢件事啦. $60一堂包埋校車接送, 又係個句, 仲想點?! 有家長會覺得太早上車架(因為佢會用架專車接課外活動呢~).

上堂前有15分鐘可以食野. 其實老師之前有講話K1上學期等小朋友消化吓返下午班先, 唔好咁快EAC住, 下學期佢地大D,定D, 你可以比飯佢返學食都容易D處理!

我小朋友校外暫時只參加數學同音樂班. 黎緊就按情況需要啦.

我仔都野蚊, 但so far無咩大問題喎. 夏天返學貼蚊貼啦, 同埋可以著長褲.

KV都係抵讀嘅, 不過老師可能再嚴D?! 不過你兩個小朋友同校可互相照應喎!

Angel_girl

回復 leung-baby 的帖子

好多謝leung-baby你的資料啊!
芙英普班是下午上課的，加埋上課前的課外活動，小朋友豈不是11點就要返學，那lunch怎辦? 早吃午飯豈不是在放學前已經會肚餓嗎?
另外，因為我小朋女從來未學過普通話，怕她會不懂老師說甚麼而變得不喜歡上學！你點睇!
我女女很惹蚊，蚊患嚴重嗎?
在校外，你還報了甚麼補習班?

leung-baby

Angel_girl 發表於 13-4-25 17:06
要决定啦！
家姐讀緊根德園，細妹有根德園及崇真英普offer
覺得根德園幾好，名氣又大些；但又想細妹在英普 ...

如果家長想輕鬆 - KV
如果家長想多參與 (e.g. 義工/家教會/親子功課/過時過節小朋友有上台表演), 一條龍參加埋課外活動 - TT

我小朋友今年TT IK1, TT英普語言環境的確好好, 2小時普通話1小時英語. 普通話好明顯進步, 英文phonics亦教得好好, 而家K1下學期我小朋友可以自己併一D字黎讀.  唔好以為"國際部"好free, 國語班主任當然嚴格, 連NET都好重視小朋友規矩, 上堂一樣要坐定定! $840一個月, 仲想點?!

下學期已開始"連線" - 人,日, 口, 英文letter, 數字個D, 有筆順架, 咁連多幾次線咪自己可以寫個字出黎....日日有功課. 我小朋友係自己返屋企攞功課出黎做架.  都係個句, 唔可以靠哂學校.  小朋友都有出外學野, 不過條數計埋都唔夠出面私校一個月學費多. 當然, 人人選擇都唔一樣啦, 有人覺得比錢買個名都值.

老師已講明下學期會開始谷, 可能想train up小朋友考自己小學有大D競爭力掛.

今年係最後一年"國際部"行學卷, 出年無學卷下應該資源會再好D, 希望可以行番小班就好lu.  

蓮蓉包

Angel_girl 發表於 13-4-26 14:39
回復 蓮蓉包 的帖子

TT 課程淺嗎? 朋友嘅朋友話K1 已經學簡單句子 e.g. 我乘電梯/我會洗臉, My toy car is ...

我想在學券學校中它算較深..但比冇學券學校會較淺..
英普和主流班課程大致一樣..但英普PHONICS會教得快啲..
SEM 1教BOOK1 SEM 2 已教BOOK4..

我小朋友認字是不錯的..但英文還未應用得好好..例如他懂得跟住讀My toy car is on the table, 但你叫佢自己講佢可能會話 ＂The car is on table"..當然這是個別情況..始終我地屋企係講廣東話..我又冇比佢額外上英文班..

露比仔

多謝蓮容包回覆，你的另一個還有那間offer,大家研究下