湊2個小朋友的家長你地有困難嘛?

yin-ting

我個大仔都係有自閉症傾向, 雖然現在已11歲, 但這症狀係唔識同人相處, 好容易同人發生爭執, 所以佢經和妹妹吵鬧, 最慘連個妹都受佢感染, 學哂哥哥唔好既野, 始終日對夜對會有影響, 因為做細的好喜歡學大的野, 所以做大的, 如果有這方面的問題, 更加要好好管理, 如果經濟容許, 最好有工人幫手家頭一切事務, 做媽媽的便可以專心管理大的, 自己無咁辛苦之餘情緒都會好D。

而我自己就無能力請工人, 所以一腳踢, 更加沒時間去輔導個大仔, 好多時都會情緒高漲, 氣氛激烈, 造成了不良的後果。......

yuyu.tszwang

呢個主題真有趣。
我工人完約了快三星期。大孩子6歲有重病，小孩子4歲勁自閉。
全職媽媽比我想像中忙！有時自己吃飯求其到係腐乳餸飯。爸爸早出晚歸。
我沒時間親子及訓練，但可帶細外出上堂。
不過，我期望二人暑假後返全日可以好些。只是，我預最多可花半小時訓練細和半小時跟大功課。
大家努力吧！

老貓

我想問樓主，你自閉個個有無能力可以自己做晒自己的嘢？如果吾可以，你一定要工人。我系全職媽媽，我仔6歲了，但系全部要我幫他。我連煮飯時間都就無了!還要不停做訓練，人都瘋了!

BKVIP

我決定唔要工人，自己辛苦d.我2公婆要返工，不過我唔信無左佢唔得！

yau_grace

遇上訓練，比較難分身。大啲要跟功課時，較難顧到個細。如果有老人家間中幫忙睇住下都會好啲。

eekg

原帖由 lalababe520 於 13-05-04 發表
我沒成功, 只是做些簡單飯菜給他們, 我是FTM, 不用上班, 依家星期六上社交及溝通訓練先, 放學就帶佢去公園 ...

ftm 都其實好忙的

muimui5

我老公同樓主老公差唔多，佢工作時間好長，就算倍都間中會發老脾整喊哂。我番工的，因爲大的多危險動作，我除咗工人，在大B放全日班後都請了part-time幫手睇到我放工，假日老公OT都盡量叫99來幫手。
我唔敢全職湊冇工人，唔只荷包唔掂，自己情緒都唔掂。

lalababe520

eekg 發表於 13-5-2 19:03
你e十係咪星期六，日上training?我大b星期六上，我暫時未知有咩機構provide 星期日training. 但排星期六tra ...

我沒成功, 只是做些簡單飯菜給他們, 我是FTM, 不用上班, 依家星期六上社交及溝通訓練先, 放學就帶佢去公園玩.

誠

你地帶兩個我仲煩帶三個最大五歲中間二歲九個月自閉，細個個一歲半，我真係唔知怎算好

eekg

原帖由 kck_88 於 13-05-02 發表
回復 lalababe520 的帖子

咁你點攪??

你e十係咪星期六，日上training?我大b星期六上，我暫時未知有咩機構provide 星期日training. 但排星期六training 至少都要9個月，你開始排未？我e十大細b日頭係99湊，佢地三餐食99都覺得好難arrange 時間家居訓練。要又返工，屋企又一腳踢，我都好期待你分享你gei成功秘訣。

Olympian

我湊兩個大4·5(A)細1·5,奶奶幫手，老公home offce 幫手才免強搞掂，我差不多冇私人時間。佢地兩個都好chi 身

1仔1女

我大仔6歲(自閉兒)，細女就快5歲(學野好慢)，我無工人，ftm暫時ok，阿仔自己做功課，會幫下手做家務，個女係要跟下功課，但佢好肯幫我做家務，掃地摺衫，早幾日仲幫我洗碗

BKVIP

樓主，我個case同你一模一樣，唔同嘅係細仔細你個個一歲。我都有諗過唔要工人，因2個都入全日班幼稚園，我仲有婆婆幫手，但諗諗下都係唔要唔得，最難搞係2個唔同學校，好彩2間學校都在家附近行過去就到。但放長假要婆婆一對2係好辛苦的。平時家無人工人係無嘢做，但如果無佢，我放工仲要買餸洗碗做家務，仲要陪佢地做功課，親子唔洗諗。在佢地仲未識照顧自己前，都唔可以唔用，除非你個個真係幫唔到手，但我都會請過個，我唔想顛住。

why-me

kck_88 發表於 13-4-29 14:33
回復 why-me 的帖子

你一個定2個?

我生一個

why-me

原帖由 kck_88 於 13-04-25 發表
回復 why-me 的帖子

我就係吾覺工人幫輕我好多,所以想吾要,我大仔番緊K2全日,黎緊細仔9月都番全日,你估可 ...

我同老公都返工。工人上午煮早餐，幫仔沖涼，打點佢一切，送返學。個仔返全日9:00-3:30 呢段時間佢就買送、煲湯、洗衫、燙衫做家務。接仔放學後，帶仔去公園玩，5:00 左右老公都返到屋企，佢就陪仔玩，俾工人預備晚餐，到我返到屋企就開飯，食飽工人又係洗碗，抹廚房、再抹地，我就教個仔功課。十點我哋入房瞓佢就沖涼入房做自己嘢。我工人好好，好幫到我手，又會帶個仔去公園，好錫我個仔。星期六課外活動都係佢跟，我好放心，亦令我可以有私人時間。要我24小時對住個仔，我估我會癲囉！