乙部填三十間

whl

是否真的要填滿三十間呀?

cc_2012

jk67jk 發表於 13-4-29 09:42
回復 cc_2012 的帖子

我地呢D band3生,唔同b1、2,求穩陣加補底,
橫惦都係,一定向上試下,最差情況咪去番D B3校叩門!

死馬當活馬醫的心態!!
唉~只望囝囝不要學壞就好了!!

jk67jk

回復 cc_2012 的帖子

甲1:本區2B  甲2:他區2B(2)  甲3:本區2C  

乙1、2、3同上

除非真係搏到升咗去 Band 2, 假如真的留在 band 3, 噤選不會太搏嗎？

他區學位, 我哩度每一間只借得6-7個學位。 全區21間小學, 但自己區內得 4-5 間 band 2 及 4-5間 band 3 (其中一間冇人想入, 另有一間真係麻麻地)。
輪到 band 3 選校, 真係有機會仲有位剩？ (條數我真係唔識計呢)

ohnono

cc_2012 發表於 13-4-26 23:32
成你貴言,塡左=抽到?

學校提議他區2B填乙1(2個位),本區3B填乙2,再填另一間他區3A做乙3(2個位)

學校的建議是以一個邊緣學生去考慮，因為學校都未必清楚轉區後的形勢，所以進取之中帶點保守，亦好正路。
不過如果你堅持，學校無理由拒絕，但我相信學校已經講解左個風險比你聽。如果已經是band 3同學的話，很難再介定到保險線，如果之前太進取的話，絕對可以越派越後。我相信你所講的乙4只是你自己的底線。

祝你如願以償啦！

cc_2012

ohnono 發表於 13-4-26 22:37
唔係喎，如果可以令到你乙1可以填本區2B，乙2又可以填他區2B，乙3都重可以填本區2C，到乙4先要填本區3B。我 ...

成你貴言,塡左=抽到?

學校提議他區2B填乙1(2個位),本區3B填乙2,再填另一間他區3A做乙3(2個位)
但我揾佢傾後學校無堅持,逐照填我地的選擇,
我同學校講,再衰有無B4?横惦都係B3,希望過區有D微利,博大佢,老師都無話可說

我地其實在乙4是保險線,希望唔好跌出去吧

ohnono

cc_2012 發表於 13-4-26 22:28
我都係睇左khmama甘講,都覺得啱,
囝囝由中西區轉了南區,學校估為B3,最初轉區係想有點幫助(升band)
但現在 ...

唔係喎，如果可以令到你乙1可以填本區2B，乙2又可以填他區2B，乙3都重可以填本區2C，到乙4先要填本區3B。我覺得轉區對你的幫助很大。

cc_2012

jk67jk 發表於 13-4-26 12:36
交咗嘞。
我終於好辛苦先填滿20間。

我都係睇左khmama甘講,都覺得啱,
囝囝由中西區轉了南區,學校估為B3,最初轉區係想有點幫助(升band)
但現在發現幫助不大,學校亦唔多(大多校風差)

甲1:本區2B  甲2:他區2B(2)  甲3:本區2C  

乙1、2、3同上  

乙4本區3B  

再後果D只是亂塡,抽到都係.....唉

希望在這四個內吧!!

ohnono

jk67jk 發表於 13-4-26 19:40
回復 ohnono 的帖子

sorry sorry , 我本身亦唔係咁嘅意思。 有誤會有誤會....

方法真係有好多種，band 1學校已經大部份是全英中，所以很難再睇有幾多班英文班，除非收唔足合標準的學生。
所以band 1家長較傾向入U率。Band 2學生較傾向於英文班和口碑，而band 3家長較傾向口碑和校風。其實只要在同組別內，你總會找到至少兩樣方法去作為選校基礎！

jk67jk

回復 ohnono 的帖子

sorry sorry , 我本身亦唔係咁嘅意思。 有誤會有誤會....

因為以我所認知的家長, 都唔會去求入U率哩D 資料, 我估反而係以小學的參考資料、中學有冇英文班、家長口碑去選校多。  當然, 都有家長在觀校時問過入U率哩D 問題, 但我覺得, 好些非常重視入U的家長, 小學時已經選了外面大區的小學入讀了。

強區、小區, 只是一個區號名稱, 並無褒或貶意。

ohnono

jk67jk 發表於 13-4-26 18:54
回復 ohnono 的帖子

我絕無分強弱心意，希望你唔好誤會，弱區都一樣有強校的，就算是弱區弱校，還不是可以從互聯網或不同途徑去印證嗎！睇下放學時在學校門口的家長，互相交頭接耳(可能而家傭人居多)，都唔知互通左幾多消息。EK不是最好，但起碼還有各大討論區，報章的教育網，各自精彩。
總言之，沒有一間學校願意見到自己會收晒下一個組別的同學。點都會做點功夫。升band既就一定會打鑼打鼓，大家唔會唔知的。一年升，一年跌的，你好快就唔會在網頁見到太多資訊，或者用唔同的表達方法帶家長遊花園！

當你以為學校現實的時候，誰不知我們家長比他更現實！

jk67jk

回復 ohnono 的帖子



強區家長之所以強, 就係因為有做功課, 會以數據分析。

我地哩D 小區, 多數係人云亦云, 而且, 好似我咁, 老師交黎banding 參考, 先發覺有問題, 已經唔多渠道去求證。 小區家長, 亦好多時比較偏重學校資料, 有尐就偏重自己心頭好, 或其他已有子女升中的家長口碑去選擇.

ohnono

jk67jk 發表於 13-4-26 17:51
回復 ohnono 的帖子

如果都好似你咁有分析能力，從多角度去諗，就肯定會揀到合心水的學校。
有九龍城區家長剛剛pm我，話學校派埋個上年同學的選校和派位的紀錄表給同學參考，嚇到要將一間band 2中的學校要放第一。好明顯係學校的技倆，不停要同學band 1既就第二志願填band 2，band 2既就第二志願填band 3。你估出來的結果會係點？未就係好多同學可以派到頭3志願囉。正正符合晒教局的意願，盡量攪亂學校的名牌效應，band 2變band 3，band 3又變band 2，甚至band 1變band 2，band 2又變band 1。

但係當你仔細觀察，學校升band佢都會開香檳慶祝啦，重唔拿拿聲係網頁度大肆渲染咩。睇睇今年何蔭棠的動作你就知道。掉番轉，你估果d比小學咁樣唱，咁樣玩法的學校，你估佢地唔會拿拿聲又係網頁度列出過往公開試成績、入U率、甚至有幾多班英文班、開簡介會，這些動作為的是抗衡小學和教局的指引。好彩我地d家長唔會盡信小學既選校指引。

EK裡好多家長好有心將入U率，公開試成績、PreS1的成績逐元一排成列表，好讓我地一目了然。佢地不停揭開中學的面紗，跟教局資訊封閉的策略大唱反調，如果係極權國家，肯定這班家長已比人灌以洩露國家機密罪，莫須有的收了監！我冇做過列表，唔知我有冇份呢。

問心果句，有好的成績在後面支持的，一定會是較受歡迎的學校。你是band 1頭學生，你絕對唔會揀一間得30%入U率的做你第一志願掛。好明顯，既然成績已跟banding掛了鉤，好多野瞞到人，瞞唔到自己。有d學校點解成日話收band 1生，但成績仍然係band 2成績你就知這個方法係唔work架 la。我記得將軍澳區內就最興用這種方法，果d學校年年都話自己收band 1生，叫你地咁係band 1生唔好黎添，點知果d學校咁多年下來，做來做去，甚至講埋大話添啦，到左今日，都仍然只係band 2中中。你估真係咁容易升band咩，除非果區的人口不斷上升，代表每個band的數目都會增加，在這個情況下，這些口碑好，有成績支持的學校，升band才算是合理。

正如我之前講，還有各式各樣的方法去分辨學校的banding，如果只有某間小學係咁去區分中學的話，沒問題，係這間小學的學生不幸。但我相信，這種技倆好難在區內擴散或生存，你睇下一些強區內強校的家長，真係採你都傻！你會唔會發現宣小的band 1男同學家長第二選擇會放陳瑞祺喇沙。點解有d學校做到會比人殺校，點解有d學校會越來越受歡迎未就係咁解囉。

jk67jk

回復 TOMATO1010 的帖子

我係NT2 網, 冇大埔。

TOMATO1010

回復 jk67jk 的帖子

你住邊區呀??咁你有冇填大埔呀??

jk67jk

回復 TOMATO1010 的帖子


怪不得你咁老定。

我區.... 本區學校少, 他區學校多。 他區學校間間借 6-7 個位, 其實好難好肯定有位囉。

jk67jk

回復 ohnono 的帖子


其實, 我都明白哩方面的資料。

不過, 好可笑係, H 校中中, 冇英文班, 只有部份科目英文伸延, 一直是3A/B banding；但唔知幾時開始, 可能 band 2 學生太保險，好多一早揀咗佢做保險線, 於是, 多咗 band 2 入讀 (因校風良好)。 於是, 現在老師話畀學生知, 哩間係 Band 2.

同區, 另一間同佢差不多嘅 J 校, 應該比較進取, 又或者某一年收到D 質素好的學生。 首先開一班英文班, 然後, 開到2班英文班 (校長話, 一or兩班英文班係要視乎分班試考完後才決定, 其實都好實際, 唔會為求升 level 勉強)。  哩間學校, 以往都係 2B 咁上下。  不過 .... 唔知係咪D band 2 家生家長升咗條保險線,  比較多 band 2 學生入咗樓上間 H, 如此 band 3 學生就有機會入 J校。 於是, 老師跟據以往數據, 同學生講 J 係 band 3.

最嚴重問題係, 只係某間小學係咁去區分中學 banding , 畀應屆學生家長參考。 可是, 哩個參考指數, 區內係咪其他小學都一樣呢？  如果唔係的話, 後果都可以幾嚴重, 尤其明明人地視佢係 Band 2 嘅嗰一間, 某小學誤以為佢係 Band 3 的選擇, 點知, 輪到佢地分配時,  原來第二組別人人都揀咗佢嘞, 於是就可能會錯失去咗一個機會。  我咁諗, 係咪啱呢？

TOMATO1010

回復 jk67jk 的帖子

你當然頭4位唔係亂擺啦~加上你真係要知道你兒屬於咩banding,
正常你擺位正確+頭4位d學校夠位,
真係冇問題架~

ohnono

銘銘媽 發表於 13-4-24 17:51
老師都會要我地填30間囉, 因為怕到時派咗我地去沙頭角呀, 離島果D 唔知咩學校.
...

講真，又點會派到沙頭角、離島果d唔知咩學校。
舉個例，band 1學生最差還不過是派到你選的第一間band 2學校。再作多一層保險，填夠兩間、三間已經有三重保險啦。不論你區內有13 間band 1英中比你揀，你填晒落去先填band 2學校又好，或者你填第二志願就係band 2學校都好，你最差的派位情況都只不過是派去這間band 2學校。絕對唔會派去沙頭角和離島。

或者再講講點樣去介定學校的banding，我見趁交表前還有點時間。

學校沒有banding，只有學生有banding是對，原則上亦是這樣。但空談學校沒有banding是脫離家長選校的現實，只能流於空泛，沒有家長會認同。

咁點樣去介定呢。

第一，因為個遊戲係band 1先抽先派，於是以往我地一路講緊的英中就係band 1同學的首選，band 2同學只能抽餘下的剩位。當band 2學校可全開英文班時，這間中學已証明受到全港成績較前的同學歡迎。

第二，我地可從學校的公開試成績看受歡迎程度。成績越好的學校，越受歡迎最正常不過。於是我地有依派位成績去區分的排名表。同學在選校時可參考而作決定。甚麼各區入U率、全港入U率的比較，甚至PreS1成績的比較圖表，EK裡都可算是精彩，各適其適，總會找到你想要的資訊。

第三，可憑英文班的多少去區分。這種方法適合於band 2類別的學校。

第四，口碑。從家長互相傳遞的訊息，EK裡又有學校交流的專欄，可以知道大致學校的校風，學校生活的點滴。看看皇仁書院的家長，每天將校園生活的概況上載，長期居於榜內前列位置，一班有心有力的家長的功勞實在難得。

第五，老師的資訊是最第一手的，他們掌握住不同banding 同學的派位情況，在任何情況下應先徵詢老師的意見。他們的意見是最保守的，最差的也逃不過他們的五指關。只不過同學可以跟著的意見，中間加插不同的學校，調整一下策略又無可厚非。

如果跟據以上五點，先找出學校位處的所屬banding，估計受歡迎程度，才可正確選擇稱心的學校。最後滿唔滿意，還得靠自己的隨機號碼！

jk67jk

交咗嘞。
我終於好辛苦先填滿20間。

交晒form先無嗱嗱今朝睇到 khmama 提供的排位策略建議。
佢嘅(Band 3)策略真係幾好, 可惜, 我諗咗一陣, 都係覺得唔啱我。
因為, 如果我剔除晒 band 1, band 2A, band 3C .....之後 , 都只係得25間畀我排位。而其中有10間8間喺生卡la 咁遠的元朗、沙田、屯門，有啲係可能轉兩程車都唔能夠直接到達，派咗畀我都唔知點返學......... ; 你話畀間好好嘅學校我﹐要我周車勞動咁坐車去, 我都還覺值得，但band 3 都長途跋涉, 好似好無謂！ 再講, 雖然中學生都好難管，但初中都係一個非常重要的時期，派得間學校麻麻地，可能都要間中去昅下個仔群邊類同學, 派得太隔涉, 想去都難......

選校表內，有啲本來打算填寫的2B 學校, 老師又話點都唔好填喎, 佢話佢住附近, D 學生放學真係好似飛仔竇噤喎~   老師噤講, 我又點敢填呢！

終於, 我都填咗兩間 3C的做「止蝕位」, 一間他區的放咗喺十五, 第十六至十九係B2的, 而最後第二十位, 係一間本區3C。 老師知道我怕派入元朗 band 3, 所以無奈接受我的選擇, 佢就話「他區」那間會好過「本區」嗰間, 所以我放佢高一線。

NT2 本區學校好少﹐我比較悲觀, 怕放榜後某啲B3都冇位。 還是自己止蝕穩陣啲。 :(

jk67jk

回復 TOMATO1010 的帖子


點解可以咁老定, 頭四間就 KO.

隨機編號如果係 band 3 最後十位, 都有機會第四志願就入到？