請教：官塘區B1女生的排位？

zoemanman

囡囡全校160人，三次呈份合計全級20名。
本來乙部想：
1)聖傑靈
2）梁式芝
3）蒙民偉
但今天與老師商討過後，他建議第2和3志願選擇band2頭的中學。
例：羅陳楚思或梁季彝等，因他說官塘的band1位不足夠，所以害怕我這樣填的話會派得不好！
煩請各位給些意見！感激不盡！

ohnono

NatalieBaby 發表於 13-6-1 22:34
記得有人提過如肯定自己band one 應填曬b1學校才填b2

當如果以聖保祿和聖潔靈為第一、二選擇的時候，而你深信派完第一輪的學位之後，到第二輪仍有機會派聖潔靈的，你絕對可以填晒所有band 1學校才填band 2學校。


當如果你係否定聖潔靈到第二輪仍有位派的，第二志願我都係勸你選擇本區一些次受歡迎的band 1學校例如梁式芝、蒙民偉又或者一些他區band 1學校好像是華英、或者協和、銀禧、迦密主恩、宣基等搏一搏還好過仍舊依戀住聖潔靈了。

NatalieBaby

原帖由 zoemanman 於 13-04-20 發表
囡囡全校160人，三次呈份合計全級20名。
本來乙部想：
1)聖傑靈

記得有人提過如肯定自己band one 應填曬b1學校才填b2

Viman

回復 ohnono 的帖子

是呵!可能囝囝已派聖言呢:}

我贊成博, 是關有直屬中學包底

ohnono

原帖由 奥脫福 於 13-05-23 發表
我仔學校係唔對外公佈派位結果，所以老師的建議都幾進取，特別係B1上游的，
佢會叫你盡量填哂B1的學校至好 ...

表面是双贏，實則是學校的策略。學校叫你地這樣搏，搏到就大家都好，搏唔到要返自己中學的Band1生可能會有一定數量。如果個個好似你咁進取，好大機會一就是自行或第一志願成功，一就是你們中學又多個Band1生！

kolun

唔該曬,好詳細

hugub

奥脫福 發表於 13-5-23 10:15
唔揀聖保祿？！呂郭我就覺得一般，老師亦唔推介。

因為較喜歡基督教學校

奥脫福

hugub 發表於 13-5-22 17:33
BAND 1 囡生填左以下三間
乙一 -  聖傑靈
乙二 - 銀禧

唔揀聖保祿？！呂郭我就覺得一般，老師亦唔推介。

奥脫福

taktakchichi 發表於 13-5-22 15:07
學校一定建議你填得保守D架啦, 佢地要保住個派保3志願個比率吖嗎

我仔學校係唔對外公佈派位結果，所以老師的建議都幾進取，特別係B1上游的，
佢會叫你盡量填哂B1的學校至好填B2的；反正「唔好彩」派番直屬中學（B2)都
好大機會入精英班，一樣係全英教學。

ohnono

hugub 發表於 13-5-22 17:33
BAND 1 囡生填左以下三間
乙一 -  聖傑靈
乙二 - 銀禧

瞻前顧後，進可攻、退可守。

hugub

BAND 1 囡生填左以下三間
乙一 -  聖傑靈
乙二 - 銀禧
乙三 - 呂郭碧鳳

希望派得唔太差啦

Pennydorathy

填表係一個大考，要考我們對學校的認識，考我們的思維，考我們的算術，再考我們的膽量，還有運氣，最後加上學校（老師）的貼士！
雖然派位結果還未有，但我絕對有信心，成績吾會太差！

taktakchichi

學校一定建議你填得保守D架啦, 佢地要保住個派保3志願個比率吖嗎

ohnono

ckm327 發表於 13-5-22 11:53
真係lor...如你所講，我女班同學已有3位同學放華英第一啦xd

事實上華英係九龍城區band 1龍頭學校之一，保一更加是黃大仙區的一哥，還有張祝珊也是幾多人的夢想。單係抉擇這三間已經抓爆頭。如果諗住好運常伴身旁的話，一間就夠了；如果真係好運常離自己遠去的，填晒所有學校都未必派到喜歡的學校，要避免越派越後，唯有作出取捨。

ckm327

真係lor...如你所講，我女班同學已有3位同學放華英第一啦xd

ohnono

kolun 發表於 13-5-21 18:15
請問咁填有咩問題，band 1 生派完先會去band 2, 咁快band 2 ?

派位的遊戲我相信係要令小朋友盡快亦以較穩陣的方式入到最理想的學校，不是隨便一間band 1學校算數。要填晒所有band 1當然沒問題，最緊要家長喜歡。正如上面都有家長填完聖言再填官瑪，填完官瑪再填順天、觀官最後都要唔放過那些他區band 1學校。
但選校時你還得要清楚，除了第一志願的學校，你的第二間開始已經有機會是人家的第一志願，遇著得兩三個位的他區學校，好容易會第二、三、四志願係咁比人放第一、二志願的搶晒。試想一想到你放第四志願的，人家放第三都會爭贏你。

官塘區band 1頭的男生大都唔願放梁式之、蒙民偉甚至呂郭在第二志願。相信沒人反對搏他區係另外一條出路。但當你放保一(得兩個位)在第二的時候，你有沒有想過已有同學至在必得的放保一在第一。當你放華英在第三的時候，你又何曾會想過有更多的人早已放華英在第一或第二了。不過華英有六個位而保一得兩個位，夠竟是搏華英好定保一好，定搏完保一再搏華英，自己諗一諗點樣係最適合自己。

搏完保一、華英之後再來張祝珊、協和。不用多說，機會唔會絕對沒有，但一點也不容易(不如諗一諗放張祝珊在第四志願或之後的機會仍有幾多)。再者，別以為西貢區的宣基、迦密主恩容易，將軍澳就是有一大班跨區官塘讀小學的同學(六年前選小學的時候，將軍澳得一間迦密是band 1英中，邊個會估到今日既將軍澳有四間英中)，而家返回老家的感覺真好，真係搶住要迦密和出了個高考狀元的宣基。剩下好像只有可立和景嶺，唯有祝你好運，派到第八第九都仍有機會，但看來可立和景嶺都未必會令你滿意！

唔好話派第八、九志願的給你，除了頭一、二的選擇，就算更前的你都會唔開心。我自己選校的心態係第一間我會搏，第二間開始就會以唔好輸的心態來選，就係避免跌落第三、四或更後的志願。搏輸左，你比間band 2我，我不但唔想要，咁樣累了阿仔，我會喊足一世。(不要說叩門這些了，第一今年都唔知有幾多叩門位，第二如果是真band 1頭的同學，可能一早在自行時已成功了。要玩大抽獎的，都要擔心小朋友的叩門受歡迎的band 1學校的能力。)

kolun

原帖由 ohnono 於 13-05-12 發表
首經歷過有位官塘區家長堅持除聖言放乙1之外，後面全是他區並且都是受歡迎的band 1中學。填完他區的band 1 ...

請問咁填有咩問題，band 1 生派完先會去band 2, 咁快band 2 ?

kolun

原帖由 ohnono 於 13-05-12 發表
首經歷過有位官塘區家長堅持除聖言放乙1之外，後面全是他區並且都是受歡迎的band 1中學。填完他區的band 1 ...

請問咁填有咩問題，band 1 生派完先會去band 2, 咁快band 2 ?

anniehah

你囡囡邊間小學阿？

ckm327

回復 ohnono 的帖子

我最終填st paul / 梁式芝/將官/德愛/聖母/寧2老師已收貨了,冇改任何野 XD 真好唔洗煩
我女見好多同學被改到兩張初稿花晒
謝謝你由 自行到統一 給我嘅意見:)