假如小朋友堅持用你唔擅長既語言同你溝通，你會點反應？

csy_ma

情況係咁既：

我囡自幼都有上NET教既playgroup/單對單口語/朗誦同話劇班，又鍾意重複聽英文古仔，所以佢對自己既英文發音都幾引以為傲。不過，佢高小時，當我地講佢有乜要改善之處時，就會自言自語爆英文，有時亦會用英文駁我地。果種態度，我覺得似係挑戰，因我同佢爸都係中文系出身，英語非擅長。佢爸火黎時會叫佢講返中文，果時佢都有聽……

到咗中學，佢雖然已唔係好聽英文古仔，但因為上英中，佢學校又有大量說話互動既機會，所以佢愈來愈情願講英文。試過去到一個講普通話既家庭作客，同初小既小朋友溝通，佢都情願用英文而非普通話（個家庭有請菲傭，小朋友同外傭溝通流利，父母都曾留學美國或在那任教，講英文毫冇問題）。

問題係：當我同佢探討佢既不正確的學習態度同生活習慣時，佢都堅持用英文回答，叫佢講返中文，佢話講英文會舒服D……不過，佢咁樣，無法令話題再深入落去，可能咁就係佢既目的？？

平日，佢其實鍾意睇中文書遠多於英文書，不過英文成績就遠比中文好雖然高小時試過同佢練習自我介紹，佢都係講英文流利過講中文好多－－但作為母語，佢中文思維肯定好過英文思維好多佢話講英文更為舒服時，都有嘗試表達自己更深入既感受，不過佢有D用字我真係已開始唔係好明，難以繼續討論落去……

我只係想知：有冇家長遇到過同一情況？（Yanamami：我唔會問妳，因為妳同阿囡溝通到）你地會唔會要小朋友講返中文？你會覺得，究竟佢地係因為用多咗英文，所以揀講英文，定係青春期既一種反叛表現？

我同阿囡平日既關係都算唔錯，佢俾我地睇佢既whats app（但佢都要睇我既），上佢fb（佢自己好少上）同查看佢最常用既校內電郵。佢中一，返學要我送到佢校門口，仲要拖手，就算遇到同學，落車後都會揀同我一齊行；放學就叫我去車站接佢。

平日八學校趣事時，佢係正常用母語講既，雖然有時會用英文直述返當時情況，但好多時都係先譯返中文。但係，佢其實係一個頗為掩藏自己既人，多描述同學仔既是非，到講佢自己既心意，就會表達得好迂迴，無論鍾唔鍾意一樣野，都好少直接講出真正既理由，我地總係要估。有時，佢講出鍾意/唔鍾意、想做/唔想做既最初理由，都幾侮辱聽者智慧，所以都幾火滾。呢個係佢由細到大既習性，倒唔關青春期既事。

至於我同佢討論既問題，係佢既學習態度同生活規律。因為，無論學校既課外活動，定係由細學開既校外活動，甚至正常返學，佢都會話病／攰而經常缺席。佢小學時活動多，功課亦多，所以我地有時俾佢留在家多休息，到咗中學，學校請假係要醫生紙既，我地講佢知不可想唔返就唔返，佢都知驚，但係，小學時好少會選擇缺席既課外活動（佢初小時，就算發燒都堅持我送佢去，情願坐在旁看），佢就冇返幾多次（果個係跳舞既獎學金班，受政府津貼，出席率可能要交數？），搞到更高級既負責人要打電話黎同我傾……

其實，我都唔知佢到咗反叛期未？係唔係剛升中，好多地方要適應，更需要體力？但對比小學時，佢既課外活動其實已經少咗，而佢既功課壓力又唔算重（但佢都有講過，中學功課要諗，有D老師又唔俾在課堂上做），但佢就要瞓好多，且成日病……當佢同我講唔想返校內或者校外既課外活動時，我都唔知逼唔逼佢好……

問題係，果D，都係佢以前好鍾意，自己選擇要返，且要去考既活動……而自細，課外活動既老師對佢既學習態度總係有讚少彈，每年收到既短評都係”主動學習，唔放棄每個機會””樂於與人合作”之類；加上佢升中後，我連佢既功課都冇乜理，所以之前都唔會點干涉……不過，佢而家好似特別容易想放棄咁，就算係由五歲學到而家、曾經話大個想教舞維生既佢，竟話我聽佢想中途退出獎學金班（仲堅持用英文！！）……我只好叫佢點到上完今期先，跟住佢繼唔繼續去考就由佢自己決定…

唔好意思！唔覺唔覺寫咗一大篇。我剛剛參加完學校既家長聚會，對比起來，其實肯上完校外活動後、仲返學校搵我一齊返屋企既囡囡，真係唔算係點反叛（因佢自細都自把自為，要堅持既野好堅持），不過，青春期係唔係會令人好攰好冇精神既呢？我囡一放學就回家瞓覺，話要起床既時間總起唔到，叫好多次，開晒白燈，佢都起唔到身；到半夜餓了，才起床做功課，跟住第日又話攰，造成惡性循環……咁我要佢堅持完成咗一期既校外課程至俾佢決定，係唔係啱呢？之後，俾佢放棄佢由細到大都很喜歡同較擅長既活動，又唔會唔令佢之後後悔呢？

真係好

Yanamami

我暈啦！太複雜。。。

csy_ma

Mighty 發表於 13-4-18 21:00
CYS_MA、有点時間、看了。　１２宮的「命宮」裏、没有陀羅、但在父母宮裏、就有陀羅、意思是？　 ...

亦即擎羊陀羅在父母、兄弟宮分夾命宮？
命宮裡有祿存？還有其他主星嗎？

認識一位命宮祿存獨坐的小朋友，她十歲時，已看報收集消費印花，出外吃時要父母選有印花省減的地方消費

祿存在命的特色是愛小眉小眼的儲財，絕不肯浪費（除非其命宮有其他主星化祿）。陀羅是扭曲主星力量的煞星，在父母宮大概不吉？（我未查過，如擎羊在父母宮，那父母多半會在某段時間要做手術）不過仍得看組合和廟旺程度（一般來說，廟旺會較能發揮星曜的正能量，落陷則多見星曜的缺點）。紫微的組合安排很奇妙，我遇過一個在福德宮上集合了月三顆惡星（還要落陷）的，但書上說，如此三惡合起來，反成吉……

您想知道，去谷歌一下"父母宮陀羅"，或再搜一下星曜所在宮位，如"紫微午宮"等。

Mighty

CYS_MA、有点時間、看了。　１２宮的「命宮」裏、没有陀羅、但在父母宮裏、就有陀羅、意思是？　

Mighty

CYS_MA、等我再明日有仔細看看、再告訴你。　其実我只是想知道女児的性格後、譲我比較容易知道点様去教、現在、我同女女都是有剛列性格、互不譲歩的。　ALTHOUGH毎次都是女女過来同我SAY　SORRY。　BUT当将来升中後、我覚情況会変。　我希望可以尽量做好自己個份。

csy_ma

Mighty 發表於 13-4-18 11:42
csy-ma
多謝詳細回覆。　我女女只是９歳、興趣/性格方面好似成日都会５同、有時真係５知邊様先係真性格。　 ...

Mighty：

第二條link起盤後好像有簡單的解釋？要不然，您在網上搜一下，有些網站會在起盤後附解釋的。

如要付錢，那不付也吧了。因為紫微盤當中有很多變化，其中的四化、自化、飛化等，對性格的影響不下基本盤，容或更甚。那不是電腦程式解決得了的（網上只有一個起盤程式包括有自化，但那個程式好像不是太準確耶）。

我以前由零開始，是朋友教我在網上起盤後，針對每顆星在每個宮位的位置，不斷在網上查，才查出了基本概念。後來因為相熟朋友一些命中難以明暸的問題，在網上求答案，看到了"許耀焜"的理論，才發現坊間的基本概念頗為皮毛，甚或頗有偏差。不過，自化飛化的變化複雜，我之後丟下了，至今仍未窺其入門得入。只是，單就此，我前年已猜到阿囡會選跨區的學校（在EK只告訴了一位網友），結果幸中。

坊間算命，一般會用八字而非紫微，因八字雖難入門，但變化沒紫微那麼大，不會因忽略了一點而整盤皆錯，準確度也較大。只是，算命的一般算的是運程，我不是太有興趣知道，紫微盤最基本的是可透視性格，高班一點學預卜，其靈活度大，可滲透得較細微。

無論紫微、八字、星座、血型、九型人格等，都不過是理解人的一種工具而已，有緣的看一下，無緣的就算了。如您起了基本盤後，可否告訴我您女的命宮有陀羅否，還有其他主星嗎？我挺有興趣知道，類似行為的表現，是否因為其命盤也類似？（因為拿了很多人的時辰，但懶，有時連命盤還沒起，所以我現在不會再幫人查解釋的了，我只想看看而矣）

Mighty

csy-ma
多謝詳細回覆。　我女女只是９歳、興趣/性格方面好似成日都会５同、有時真係５知邊様先係真性格。　你給的２条LINK,起盤的個条明白、但係另外一条LINK、如要解釈是否要付銭的呢？

霖霖B媽咪

csy_ma 發表於 13-4-18 04:44
係，廣東話流利果位我囡套戲，舞同戲都係分開黎排，歌就好似未開始？阿囡話到現時仍未知是否需要 ...

今年亞女反而有點 step back.  可能之前鋒芒太露, 她要求不做主角, 亦不要安排她獨唱, 佢話比d機會其他人. 我相信佢某程度上受到同學既壓力. 不過我就尢佢決定.  亦無過問最後既安排. 一切就留待佢表演時就知道.

你囡囡一向都對爺爺教唱歌有點抗佢, 不知是她不爰唱歌定唔想爺爺教. 不過佢原則性都強, 就尢佢自己決定吧.  其實, 我囡雖然性格外露, 但反而原則性冇你囡咁強, 有時"乙水"下佢都會聽你意見.

冇錯, 我個女表顯唔係讀書人, 亦不適合香港既教育制度. 不過, 我地冇$比佢去外國讀書, 冇計.

我亦慶幸亞女間學校包容性好強, 如果唔係, 後果真係不敢想像.....

至於你既紫微偉論, 有點碓很認同, 有時間再慢慢去你請教 !

csy_ma

回復 csy_ma 的帖子

除了愛重複又重複做喜歡的事，陀羅在命、尤其是入廟的人一般長相不錯，但易有眼疾（古時的說法，對應今天，多半是近視），另外也有以下特點：

陀羅齒弱骨脆。性剛倔強，沉穩慎重，勇於創新，能坦然面對變化和挫折；喜爭強鬥勇；善言辭，喜斷是非，易有口舌糾紛；做事不乾脆，易拖延；喜居幕後影響別人；自我，易怒易變；不守信；凡事愛追根問底；叛逆性強；喜熱鬧交朋友，重義氣，忽略家人；遇事多慮，但觀察力強。居四墓宮，決斷力強……

但需配合其中命宮主星。主星之外，還要留意其他輔星，不同的組合，有不同的特色。其中有很多變化，不易說明，請參考：http://bbs.64gua.com/read-htm-tid-307837-page-3.html

至於起盤，可借助以下網址：

http://destiny.xfiles.to/app/Purple

紫微之難是因為當中有很多變化，且坊間的書和命說又良莠不齊，有些書籍連我這個自修的入門者看了，也覺得狗屁不通的。不過，看命宮坐星和三方四正，大致可掌握人的基本性格，不妨參考一下。

csy_ma

Mighty 發表於 13-4-17 09:25
NEE個簡直是我女女的番版亜！！
她大了之後、可能会想在朋輩之間取得肯定（instead of from me)、可能因太想取悦他人、而成為朋友之間的PUPPET啊！

Mighty：

您觀察到您囡囡有這可能嗎？

我告訴您我囡的情況吧：

作為獨生女，也因為她爸要上晚班，她一直愛熱鬧，喜有伴兒。所以，她學前我要工作的時候，我會選擇上全日制的幼稚園，再托在同學仔家中，而非請外傭－－雖然，當中所花的錢，可能有過之而無不及。

確實，她很愛找伴兒。曾經，我們為了晚飯熱鬧點，連同學仔婆婆公公的生日宴也會湊興；她為了繼續一起玩，會提出要跟不相熟的跳舞同學去她不認識小朋友的生日宴；假如她打算跟小朋友吃飯，那無論那小朋友有其他不相識的朋友一起，或要到挺遠的地方吃飯，她都會去！以上，皆在小學時發生，除了生日宴因有關家長覺得不方便婉拒（她要向我求救），其餘均在我陪伴下進行。因為貪玩和樂於分享，她的人緣算是挺好的。

但另一方面，她也很有主見：同學仔都喜林峰／韓星，她從不迷；我特地買本有關韓星的英文故事放在洗手間裡，她拈不也拈；升中選校，無論老師還是同學的意見，她都沒受影響（她自己選了間跨區的學校，第一輪考不上，又努力去應付叩門考試）。

到孤身跨區升中，在暑期適應期的第一天，她跟四個新同學一起吃飯，到第天，只剩下一位，外加那位同學的媽媽。我奇怪，問她為什麼？她說其他同學有點輕佻，像Lydia（《傲慢與偏見》主角家庭的幼女），不太喜歡，所以不跟她們一起吃了。

現時，跟她一起吃飯的同學，我多半見過（因初時要把她忘帶的東西中午到校"救駕＂，阿囡會邀請我一起吃飯，或在飯後跟同學一起找我，介紹我認識），只有一位不願見"家長"的，阿囡亦尊重其意願。

之前我也描述過，當大部分初中生不願父母送她上學之際，阿囡堅持要我每天送她，到校門口；巴士上碰見其他同學，我會自動回避，不跟她們坐得太近；但下車後，她會主動走過來拖我的手一起走……

我囡在分組中一般會做組長。高小時，我曾告訴她，做常識專題報告，最好輪流做組長，不要長期都由一人獨當。但也有些時間，組員情願把組長之位懸空，也不願某些人做－－如果是這樣的時候，做實質組長工作的，一般會是阿囡。

csy_ma

霖霖B媽咪 發表於 13-4-17 13:03
你囡學校的排舞老師, 是否唱歌果位女仔外國人 ?

係，廣東話流利果位我囡套戲，舞同戲都係分開黎排，歌就好似未開始？阿囡話到現時仍未知是否需要獨唱？原劇本好似有，但未見有人提？我央老爸教佢，但佢唔肯學老爸同佢傾過，又覺得唔駛急……（佢情願個個禮拜自費回鄉，教返佢做校董間中學既音樂老師）

冇錯，陀羅入廟在命，就算係同皇星紫微等同宮，佢既特性都幾顯著。妳囡既英星入廟都係一樣，連G都承認佢真係好鍾意跳舞，真係願意花長時間去練習，甚至希望每日如此！呢個，都係一個極大既天份

天生的明星，在凡間時可能都有很多凡塵需要磨合既。我覺得佢其實態度積極兼努力－－響佢既興趣所在。但係，點解一隻飛鳥一定要學識游水？點解佢要同人比舉重？呢個咪香港教育制度既問題囉！假如佢入好似Fame咁既藝術學校，可能比現在更閃光？

好彩，而家佢都好鍾意自己間學校，並在EQ上有更長足既進步，真係要恭喜晒

csy_ma

霖霖B媽咪 發表於 13-4-17 12:18
我覺得最緊要佢搵到自己最適合既作息時間, 而又唔影響自己健康就ok 了.....

我囡周一晚由晚上七點幾瞓到翌日七點，佢既要好同學果晚則凌晨一點多才睡－－因翌日英文統測，阿囡在夢中溫書，同學則在現實中努力…

一分耕耘一分收穫，同學測驗有頗大進步，全組第一（佢係全班既傑出學生，很多學科都名列第一，甚至滿分，唯獨是英文，很少躋身三甲）；阿囡退步了，之前全組第三，後發現要多扣兩分，排名可能再跌……

不過，以阿媽既心態，都係情願佢早D瞓，瞓足好過……

csy_ma

原來妳地昨早已傾了那麼多？我當時未看呢
教導孩子不是非黑即白的，有時，軌道可能在小學、或早於六歲已形成，為人父母的，只能順勢？

我想，以英語溝通有時是一種練習，有時是一種賣弄的小花樣，有時也是一種迴避……家長是否一定不可接受呢？那要看：不接受後又如何？

別那麼非黑即白吧？父母和子女之間不應是一種戰線，雖然，疑似八號的阿囡，最喜在跟父母的角力中試驗底線。

回想自己的少女時代：企圖自殺、離家出走、逃學、跟黑社會拍拖……較阿囡現時熱鬧多了，我父母也沒有什麼接受不了……

這樣回望一下，就覺得現時有個不算反叛的女兒，足以感恩。

霖霖B媽咪

csy_ma 發表於 13-4-17 00:04
老朋友：

妳囡的出現，給我和囡囡思考了很多問題，在此感謝妳在我們困惑時也伸出的援手。

我唔覺我有乜幫過你啊, 反而我成日請教你就真 !

自覺我同亞女係一個錯配, 她的缺失, 全是點中我的死穴, 我著重處事態度多於結果... 可惜卻遇上一個各走極端既女.  去到今時今日, 我都不能否定佢係藝術能力, 但態度同努力, 相信是她最大的絆腳石.   但當你每日對住個最佳女主角, 都唔知佢邊句真, 邊句假時, 精神真消耗唔少精力, 再加上我又冇佢咁好戲, 真係幾.....

你囡學校的排舞老師, 是否唱歌果位女仔外國人 ?  至於亞女學校既表演, 到時再通知你. 不過奇怪是亞女話好悶, 因為佢係排舞, 話戲同唱歌係3班人, 亞女話到依家都唔知個劇講乜 ? 點排戲 !就連佢負責老師都話悶.  估唔到攞政府娙費, 反而效果唔好. 我估下年學校都未必會參加了.

你傾傾下又會講紫微斗數d野...不過我見你女同我仔都有某d共同點.

另外, 我今年去求左支簽. 亞女係 “張華得劍”, 大致係話身上懷有寶劍, 但如果唔努力, 靠小聰明, 一定會比人追上.
而亞仔就求左支 “唐憎取經”. 相信唔洗我講, 你都明個意思.
準耶….

霖霖B媽咪

HY412 發表於 13-4-16 23:33
剛才想用點評回應, 見到新既點評版規怕怕

我阿囡剛好相反, 什麼都參加, 今日係學校打電話比我, 話 ...

絕對同意啊.... 其實, 佢小學時既生活習慣已有少少與一般小學生唔同了....

我覺得最緊要佢搵到自己最適合既作息時間, 而又唔影響自己健康就ok 了.

sampapa

孩子大了，做家長也要調整一下心態。
有時朋輩影響比權力管制，效果絕不相同。

sampapa

原帖由 csy_ma 於 13-04-16 發表
我想Sampapa有閒還是找機會驗一下囝囝的IQ吧？以前遇到一個家長，囝囝當時初小，做題特別慢，還好上的是直 ...

孩子挑戰父母，可能父母以往用權威式管教而使孩子生惡。
當他覺得有某些能力比你強勁，便會表現出來作對抗。試下用朋友方式和孩子談談，可能有另一種效應。
我太太用威權的，而我用朋輩和栛助他的態度。所以他較願意跟我說出自己想法和希望。包括他和朋友相處困難，也願意和我分享。
孩子教導，是每個不同，就算是雙胞胎都用不同方式。
我是知道孩子能力，只希望他隨自己意願發展，不想太多標誌給他。任何數值對他没意思，只要他想試想知，我也會盡力幫忙。
他曾經說過:爸爸我愛你，多謝我陪伴他。和給我指導。
由於他發展有小許不同，所以我更注重他的身心發展和人生價值觀及同理心。

pineapple0983

如果子女用一D不熟悉的語言和自已溝通，我會視之為機會，不是威脅。

如果子女使用這種語言的出發點，是想辦法令家長無法回應，哪是屬於家教的範疇；因為子女的品格已出了問題。應通過溝通解決，若家庭內解決不了，可求助於別人，例如老師或社工。這種情況，在反叛期的小朋友較多，是挑戰長輩地位的一種表現。

要知道子女日漸長大，(在家長的支持下)每天吸收新知識。這些知識是應付將來的考驗和挑戰的，也是日後的謀生技能，不應被當作是對付家長的武器。今次的武器是英語，下一次會是什麼呢？

HY412

回復 Yanamami 的帖子

I wonder if csy_ma can speak perfect English, would her daughter still talk to her in English? I think more on her intention for using a second language in communication.

我唔會諗得咁複雜, 我都想 Sabrina 用英文/普通話同我溝通, 不過我會用廣東話回答 . 我會讓她用舒服既方法去表達, 不過認真溝通時, 聽唔明會問佢點解, 唔會估.

而 CYS_MA 囡囡應該唔明媽媽既感受...因為又唔係第一次用英文溝通, 相信佢諗唔到媽媽覺得係挑釁咁嚴重.