十月就3歲，仲未介到片,點算

sandy1109

因仲未識講嘢，點算

kingbbsam

我之前話我仔唔係去廁所屙, 我俾佢在廁所門口用個兜或樽屙, 不用一星期介片了, 雖然方法有點怪...

我會慢慢移入廁所, 希望終有一日改返好

szenana

我買果隻類似泳褲款

cat1028

Szenana,  既然佢已識叫去厠所，應該好快介到。
我囝剛識叫去厠所，通常約1小時問佢去唔去，唔去，會同佢講要去就叫媽咪。
返學未介片不重要，不要比壓力自己及孩子。
我發覺我囝唔多忍到，密密去，覺得可能內褲（前面）太緊，換咗一批，真係好好多，你都留意下。

szenana

我怕我仔第時返學未識去廁所,比同學仔笑

aa1117hk

囝囝十一月四歲都係一半一半戒到日片，佢唔肯表達要vv，有時一不留神冇提佢去就賴，poopoo 更加未得，不過唔好急，比多少少時間佢地，冇得逼！努力！

cat1028

上年夏天有同囝介，但幾個月都唔得，放棄左，未ready.

cat1028

我囝上月（3歲3）才開始唔用褲仔，午睡未得，係學校幫手介，很少說要去廁所，我約1小時叫囝去廁所。

888Amy

我家姐住美國佢個女7歲仲成日係幼稚園日間尿尿, 佢可能係被人收養, 至於收養前發生什麼問題, 冇人知道.

szenana

我仔3歲2個月先識講咮咮去廁所

fatsum

提升幼兒自理能力手冊, 我係商X買, 協康會有售

華太太

請問書名係咩？

fatsum

阿仔3歲先介到vv, 仲要係幼稚園老師幫手介; 返全日, 一次過介埋夜片. 睡前, 唔好飲奶. 朋友們的小朋友, 好多6/7歲都仲尿床, 因為睡前一杯奶.

popo呢, 差不多5歲先介到. 唔知係唔係佢之前讀另一間幼兒園既時候, 賴屎成日比老師鬧, 攪到同佢介屎片時, 佢成日大叫好驚好驚.

有一次, 阿仔見到一對波鞋, 好鍾意. 我同佢講, 你坐係廁所痾到popo,媽媽買比你. 佢試咗幾次後, 就得咗. 大家加油.

idak

我囡囡都未戒到片, 一來我奶奶唔可能長時間係屋企, 因為重有其他孫湊緊, 要帶返學放學, 二來囡囡太固執, 唔係好聽奶奶話, 早前我放假湊咗佢一星期, 已知便便要去廁所, 但未行到已經呵咗, VV就都係無同我講, 協X出咗本書幾好架, 心理學家介紹我, 有關自理, 我唔記得咗個名, 遲D話你知﹗以前坐個廁板都無一分鐘, 以家可以坐到五分鐘或以上。

sandy1109

原帖由 bauhiniakan2000 於 13-04-23 發表
回復 sandy1109 的帖子

初時每30分鐘帶佢去一次,等佢知道去小便的需要,然後將時間加長,45方鐘,一小時,1小 ...

實不相瞞，經濟問題做緊partime

bauhiniakan2000

回復 sandy1109 的帖子

我個仔當時曾叫爸但只聴過五次,都係唔識講,但用這方法一個月左右,會拉我去洗手間,當時返上午返五天私人S位,放學帶他行樓梯,下午1時才回家,沒有請工人,因太太沒有家用給我,自己辭左份一個月22K的工作只有自己做,還要替兒子做教材及家務,每天只有五小時的睡眠時間,但見到個仔由兩歲時評估時評估全部能力只有9-12個月到今天,現剛三歲,大肌33個月,小肌30個月,語言認知接近三歲,表達30個月,運用30個月,全是上月 PT,OT,及ST導師的評估.

bauhiniakan2000

回復 sandy1109 的帖子

初時每30分鐘帶佢去一次,等佢知道去小便的需要,然後將時間加長,45方鐘,一小時,1小時30分鐘,2小時.尿片在這些時段沒濕,,就給他穿褲,使他知道不提出去小使會弄濕有不舒服的感覺,並每次賴濕時告訴他賴濕唔舒服,並且每次捉著他幫手抹,同他說唔啱要改,帶他都洗手間換褲,我在兒子當時26個月的時間用這個方法,29個月連夜間也不需用尿片,但間中亦有失手,你可試試可不可行,雖然麻煩,但我在另一個 Topic看到你巳做全職媽媽,我這個爸爸也做得到,我相信你也做得到.

pocoyo123

7歲仲未介到, 又好似遲左些, .

有朋友兒子到10歲仲有賴夜尿, 但佢平時OK, 可能讀名校,功課壓力大, 所以先會係咁

a_for_apple

原帖由 TRF北村 於 13-04-18 發表
我聽我仔老師講，有些小朋友膀胱發育未成熟，也會有此問題。

ic, thx!

我個仔過五歲先戒夜片，阿女四歲多，仲係晚晚濕。。。

TRF北村

原帖由 a_for_apple 於 13-04-18 發表
請問七歲小朋友係咪有其他特別需要？

我聽我仔老師講，有些小朋友膀胱發育未成熟，也會有此問題。