九龍聖芳濟面試

jackysophia

今天收到九龍聖芳濟面試信，3月23日中午1:30。不知會考甚麼，請問有冇過來人可分享一下，吾該。另請問是否全部申請者都有得面試?

jackysophia

回復 vincentchiu888 的帖子

謝謝你啊！那麽你朋友兒子在九華的成績如何？能跟上嗎？

jackysophia

男校大多是這樣的，自由風，自由講，學生平日大多愛打波，愛游水，愛玩耍，但只要他們羣在一起的都是有能力，有目標的年輕人，相信他們的前景也是樂觀的。我也不希望小兒只顧讀書，我希望他能全面發展。今天回家後又收到華仁的面試信，現抱著平常心面對，兩間也是小兒的選擇，随緣吧！謝謝大家的分享！

terencemak

不用客氣，小弟最近忙少上此網，但家住 SFX 附近，眼見學校油上深綠色，再指細看才知今天是面試日，抽空上來吹水，不如再舉一例子與有心人分享，去年小兒中四學期尾有兩科選修科 fail，收到家長信要補考，信內聲明不参加補考者或表現不理想者須辦退學，嚇得平日不太認真的小兒，差不多整個暑假躲在温習室讀書。我指出是平日苦口婆心叫他温書，都充耳不聞，但這制度可省回我不少力氣，但聽小兒講，每年有一大堆人補考，學校不會放過(放棄)他們。

vincentchiu888

回復 jackysophia 的帖子

Sorry 今日先見到朋友個九華仔所以而家先覆到你。佢話開心到不得了，同小六好唔同完全冇壓力。佢重話游水叻，學校好重視佢。但係佢父親話佢日日同D同學玩到7，8點都唔番屋企，遲下要問問老師有D擔心咁講。其實呢D情況我都問過聖芳濟同學仔，情況都差唔多，萬聖節還是聖誕節前夕？重同同學玩通宵添，不過是在學校有師兄睇住。其他學校好似唔係咁。

jackysophia

terencemak謝謝分享！今天小兒有幸到聖芳濟面試，感覺也不錯。校舍雖小，但副校予人親切之感，去年有一半學生能入讀本地大學學位課程，成績有目共睹。希望小兒明年也能入讀。

jackysophia

terencemak謝謝分享！今天小兒有幸到聖芳濟面試，感覺也不錯。校舍雖小，但副校予人親切之感，去年有一半學生能入讀本地大學學位課程，成績有目共睹。希望小兒明年也能入讀。

terencemak

            九龍聖芳濟書院

jackysophia

回復 terencemak 的帖子

您好！terencemak,你指的中學是九華還是聖芳濟？因上一帖是問九華的情況

terencemak

       小兒現已中五了，越讀越開心，但越是高年班，quiz and test 就越多，有心理準備功課壓力越重。
        回想當年面試日，家長坐滿小食部大堂，等待囝囝面試表現，期間碰上英文科主任，跟她閒聊幾句，順便了解校內情況，當時剛巧小兒面試完畢走到我身旁，該主任即時捉住小兒傾談，氣氛非常好。
        臨走前當年袁校長在門口歡送，並刻意提醒家長在選校方面，必須以本校作為第一自願，否則機會極微。我相信校長的動機是盡收眼前所有 band one 生，而最近幾年聽講祗面試頭100交申請信學生，不失為好措施，所謂「非誠勿擾」，最後祝各家長好運，此校是值得投資六年光景的地方！

jackysophia

回復 vincentchiu888 的帖子

請問你朋友轉校九華讀得開心嗎？

Mokch

Thanks Vincent, 佢玩嘅運動較冷門，唔係咁易，而且我地唔係一定要佢讀名校，最緊要校風好，依家佢Ｄ同學都好樸素同平實，我仔讀得輕鬆又開心，我地都好放心，唔會諗轉校住ＬＵ，謝謝你！

vincentchiu888

回復 Mokch 的帖子

所謂 Band 1 或 Band 2 生都是以小六學術成績分類，你勿氣餒，如果你仔有體育成就，Form 2 可以再去敲門，我朋友前年考不入九華入了沙田band 2校，攞住沙田區校際游泳比賽冠軍再去敲九華，校長親自接見即收。

jackysophia

回復 vincentchiu888 的帖子

你仔仔也是油尖旺學生？基本上band 1學校都是靠學生及家長多過老師教，本以為英華有機會，誰知又失敗了，現只有寄望聖記及九華。我仔在校際運動比賽都有獎，希望幫到佢入九華，聖記不太著重運動，今個星期都是抱著試試的心態，随緣吧！

Mokch

我仔鍾意聖方濟係因為有佢鍾意嘅運動, 而我地就正正因為佢夠傳統, 唔太自由而選佢, 我仔唔係自動自覺個類, 諗住呢類學校先啱佢......點都好, 預祝大家都入到心儀嘅中學, 小朋友都讀得開開心心

vincentchiu888

想入九華同入聖芳濟的都是同一類學生，是但一間都冇所謂。band 1頭都另有打算。其實九華同聖芳濟都面對同一危機，就是新貴學校的崛起，加上派位政策，已經把眾多名校的菱角砍去。至於華仁，去年為止都是我的首選，但最近負面新聞不斷，再比對近年學術和體育表現，令我無法不重新部署，我仔屬band1 中，體育有獎項。放九華第一，抽不到就淪不到聖芳濟，後悔莫及，如放聖芳濟第一，就算入不到都認命。不過正正是九華的自由風氣吸引我，我不認為這是不好，名校大都這樣。我隔離屋讀聖芳濟個仔都話堂堂瞓覺冇王管，功課少活動多，讀得好開心添。

jackysophia

回復 vincentchiu888 的帖子

我淨係知我仔間學校有學生成績好都寧選聖xx,都吾選九x!因九x太自由，加上去年DSE成績聖xx好似比九x還要好

Mokch

我仔讀新油天。依家我同老公一諗起叩門就怕怕，好似d癲佬癲婆咁，聽到有學校有位就飛的士去！我地都有去叩返聖方濟，但上年有好多人留班，得一個叩門位，我地差不多第卅個填list，見到我地之前到嘅學生係介紹人個行填嘅咩咩校長，咩咩神父咁我地都知無望。仲有interview當日，副校都有同我講，叫我填佢地做第一志願，其實佢地都收咗好多band2生咁！

vincentchiu888

前年中咗招，冇宣傳，結果band 2生比率高咗，嚇到學校高層死，去年開始聖芳濟收生積極咗，重本大搞聯校匯演，重put哂上網，到處宣傳，小學校訪，邀請名校友演講，催谷校際比賽成績，校內又破天荒分精英班，重點培訓，呢D唔係佢地一向低調的做法。據聞今年中一班有幾個超級名校收咗都冇去讀，其中一個重係St Paul Co-Ed （不是聖保羅書院）一早收咗，我隔離屋個仔今年讀佢中一講嘅，都唔係幾信，希望有人求證一下，佢重話前兩天聖芳濟派人去了聯校奧數比賽輸咗比拔萃，平咗九華，激死咁話。我仔讀小五，已經留意咗佢好耐，如果証實佢係一間正增值學校，都想明年自行報佢。