龍校有咩甘吸引呢?

小洪寶

新手媽媽，可能未經歷叩門既辛酸，想像唔到龍校有咩甘吸引?

睇左EK甘耐，幼版好，小學版好，一提龍校就講到一俾入就即刻要讀，就算神級名幼如SC，KM有OFFER都願意放棄。但家長提到入龍校只求唔駛到時再撲學校，好少提學術呀，課程呀，語境呀甘。 甘如果龍校不再一條龍，仍然有他們吸引之處嗎?

chapter

其實我覺得係幼稚園傳統/非傳統分別唔係咁大......小學就係.

如果到時我小朋友真係適合活動教學, 我相信真正活動教學既學校小一面試睇既係小朋友天性品德多於學識. 又或者咁講, 入咗龍校唔代表唔帶小朋友增廣見聞/閱讀, 只係唔駛再考慮操數, 又叫佢彈夾彈去都係嗰三首琴譜.
名小可能真係都可以好開心... 不過逼到小朋友顛既可以係家長而唔係學校. 冇三五張cert portfolio 都唔知擺咩好...

ppgirl

其實小孩現在只有3-4歲，作為家長真的不太清楚小孩適合那些學校。我相信每個人也有不同程度的適應力，除了兩個極端的人，大陪份的人也可接受傳統或是話動教學。因此，真的要給興機會嘗試，不行得再轉校吧。龍校歷史悠久，有許多成功個案，信心當然有的。加上龍校有這麼多學生可選擇，學生和家長質素應該相當高，對學校也有一定要求，相信學校課程亦會興時並進的！

sbux

我朋友子女之前都係PC讀，幼稚園當然開心無問題。但上到小學嗰種傳統教法原來小朋友吃不消，一路頂住去讀，直到小二終於頂唔住，小朋友無晒動力，亞媽明明好放手都變顛婆。。。好在屋企有資源，可以轉小朋友去有中文讀既 IS，用咗幾年時間去建立番自信心，但而家仍然對中文有恐懼。

幼校當然愉快學習，但如果八成小朋友會直上龍小，咁一下子升小可能變去傳統教學，如果到嗰時先發展小朋友唔係嗰類型，咁點算?  之前幼校又偏向淺，到時先想轉校出去考都會有一定難度。咁一係嗰三年家長都落補藥囉，但又好似同原意有相違背。。。

雖然我都係今年考K，亦有龍校 offer 喺手，但我咁講唔係想其他家長放龍等我有機，而係希望家長從多方面去考量龍校同名幼既取捨。如果而家讀梗村校，可能龍校係 good move，但如果本身間幼校好唔錯，會唔會讀落去令小朋友三年後更有多種可能呢? 我只不過見而家好似龍校就等如中六合彩，大家可以從小朋友出發再考慮清楚。我自己每日都反覆思量梗呢個問題

kerkermui

sbux 發表於 13-3-13 23:22
所以家長真係要唸清楚龍校係咪適合自己小朋友先轉，唔好一窩蜂。我聽過最可悲嘅case係小朋友由活動教學N轉 ...

我聽過响PC小學讀得好唔開心 (唔係成績特別差)
之後轉咗去津小，d學習動機返哂嚟，然後老師同家長講：不如同小朋友check check... 佢可能係資優！check咗，方便學校安排專家跟進...

小學嗰邊都有呢方面討論，私校其實無資源去處理學生個別嘅需要

利益申報：家有一個好可能算係有特別需要嘅哥哥，我的確無同佢報過龍幼，現時等上天安排，到底同津小有無緣份，定係响有資優培訓嘅私小就讀

easyview

我淨聽過話龍校無其他學校谷，小朋友又點會唔開心呀

Ackl1002

其實龍校幼稚園都係好活動教學㗎，吾好將小學果個情況套入幼稚園啦。有邊間龍幼會有大量抄寫同默書？請指教。

sbux

原帖由 kerkermui 於 13-03-13 發表
大家揀龍校嘅同時，可有了解過嗰間小學係咪自己真係鍾意嘅？如果快樂KG生活換嚟嘅係上到小學唔開心，讀得辛 ...

所以家長真係要唸清楚龍校係咪適合自己小朋友先轉，唔好一窩蜂。我聽過最可悲嘅case係小朋友由活動教學N轉去第二間K，當然是父母覺得為子女好，但小朋友日日喊問幾時可以返番之前間學校

NatalieBaby

Agree so much! 有番個童年!

bee_eed

回復 oooasis 的帖子

講得好

r828828

原帖由 oooasis 於 13-03-13 發表
幼稚園本來就唔應該谷學術，谷都係為入小學。用提前教學去營造一種小朋友好叻好聰明的假象，以求在小一面試 ...

講得太好了

Bmwbobo

其實全香港真龍(100%)有幾多？我唸到得培正同真光係真正100%上小學，真正父母不用再擔心，即使出去再考都係錦上添花。

至於其他所謂半龍：St paul co, SH, GH ......etc (好多)小學其實唔係100%直上，咁父母米又係擔心小朋友會係唔夠人爭個d，米又係要谷。

所以樓主不用太擔心，除非你係PC/TL vs xxxx，如果唔係都一樣要再戰小一。

^^ 可能仲有其他真龍，我未唸到，大家可以share下

minirat

單是唔洗煩升學這點就已經好吸引

kerkermui

大家揀龍校嘅同時，可有了解過嗰間小學係咪自己真係鍾意嘅？如果快樂KG生活換嚟嘅係上到小學唔開心，讀得辛苦，咁又點呢？

作為家長，小朋友响邊間kg讀，我都一樣咁教佢 e.g 自理、游水、音樂、或培養其他興趣，從來無諗過係為報小一，就算讀間所謂谷嘅學校，都係為養成自己做好功課嘅習慣，我地有個奇怪想法：如果呢個社會9成人要面對嘅難關，我覺得面對亦唔係太大問題，而且呢個派位/報學校嘅遊戲，有講運，但亦有配對！就算升中都係，要過一次配對~有咩咁得人驚呢？
如果入咗龍校先發現讀得唔開心，應該仲痛苦過報小一！

想講，龍小多數都好谷架！

rabbitsheasl

回復 oooasis 的帖子

very agree oooasis

teambuilder

有好多名幼提供到的training, 唔好話band 1中學，even大學都未比提供到。因為有好多野係要細細個時接觸同培養。香港band 1中學有好多。但名幼就得幾間。入名幼仲難過入大學。如果你的子女入到名幼，你都想佢更上一層樓入到最top的學校而唔係普通band 1. 　其實民生同培正都幾好，只係一間較傳統，中學係中中，而另一間超多功課。而兩間都好似沒有Ｎ班的。

小洪寶

我都係BUY活動教學，好多名幼都係標榜呢樣野 + 良好語言環境，所以更加唔知龍校既優勝之處係邊，如果獨立甘睇培正，民生(唔計 backup)，考慮既係咪只係傳統 VS 活動教學?

teambuilder

相反，我就係唔想女兒冇左快樂幼稚園時光所以k1冇幫她轉龍校。我女的幼稚園我覺得深，但係十分活動教學，我覺得十分好。考小學都係到時先算。

sbux

原帖由 qooqoobaby2010 於 13-03-13 發表
其實有少少疑問:
龍校大部份都屬於傳統教學...(唔知有無錯, 但比我既感覺係咁)
作為家長... 係咪係小朋友2, ...

呢個正正就係我嘅疑惑，就算小一考津校或者直資都有活動教學型，但入咗龍就會係傳統型。另外三至六嘅語言敏感期如果無學校配會又可能差D，因為龍校一般都唔係英普 (我只知民生有)

小洪寶

我諗大家係比較清醒既一羣，因為我睇好多家長話入左龍校都唔會＂放軟手腳＂。
So far 除左kv比較谷，我見好多家長comment自己幼稚園都係開心上堂，多元化，sc甚至鼓勵presentation, 相反傳統龍校雖然課程淺但又多背默
我唔想為左有backup而揀龍校（雖然未到我揀），事實上我都有疑問係個仔甘細，根本都吳知佢適合咩類型學校，我只係吳想佢讀死書