幼兒園第一次見家長, 見完後決定留番係度升K1, 即使有名K收

蝦米豬

幼兒園第一次見家長, 見完後決定留番係度升K1, 即使有名K收

小女讀了一所很不錯的幼兒園, 但非傳統名校. 報K時小試牛刀, 只報3所傳統女校K1. 有1間收咗.

正當綢繆如何選擇時, 剛巧幼兒園過了半個學期要見家長, 老師展示了為小女做的portfolio, 內有每一位教她的老師就不同發展的書面報告, 也有照片, 最後有評分, 十分全面. 雖然小女在學術、音藝及運作發展不俗, 但性格方面需要很大的改善, 否則會影響日後社交及持續學習. 老師向我present了他們的計劃, 如何為小女在學校針對性的改善現有的問題, 很個人化, 我很感動.

我知道有很多好學校, 很多都遍重學術發展, 這一所不單有學術, 連德育發展都很在意, 儘量提供個人化的服務, 十分難得。其實我覺得在這校教的老師很辛苦, 有心, 也有技巧, 十分感謝他們。

現在有一所名幼收, 我們已決定放棄那個offer. 除了因為地點外, 不知道轉校會犧牲了甚麼對孩子現在最重要的發展要點. 雖然直升小一機會較多是一個考慮點, 希望孩子在現在的學校”安家落戶”, 建立到好的基礎, 迎戰小一.

希望我的抉擇是對的, 不要回頭….

蝦米豬

唔係greenfield. 呢間我當年有報N. 收咗. 但因為要搬, 最後無入到.

好諷刺的是, 我女宜家讀緊嗰間唔係international kindergarten. 仲要有學券. 有好多人話提供學券的學校渣D, 我覺得唔係.

sand373

我覺得唔係greenfield. 因我小朋友讀n1是都有,但唔係每位老師比comment.

BB20111102

請問邊間greenfield?你個女讀成點?可以share下嗎?

BB20111102

可以分享下間學校名嗎?我都想同我女報間有heart嘅幼稚園，或者可以pm我校名。唔該晒!

minirat

講得好好
其實這個理論每個家長都明白，不過真正做得到的屬於少數
我都想知你女女現在讀緊邊間

Phoebe_snufkin

我都唔會理係唔係名校, 最緊要係學校課程適唔適合囡囡, 佢跟唔跟得上, 學校環境如何, 幼稚園階段我希望囡囡係開心既環境下讀書

allysharlin

十分支持樓主，作為父母搵一間適合小朋友的學校好重要。

Chirley

好好既一間學校, 俾我睇到學校肯去做咁多野,
咁真心幫小朋友都會好感動...十卜

小小山

Support. Choose the one that best suit your BB is the best.

albb

好好的家長

sbux

原帖由 蝦米豬 於 13-03-11 發表
其實我放棄嗰間都係好學校, 我相信阿女過去讀都有得著. 只是現階段一動不如一靜, 在一個較熟識的環境改善一 ...

真係要俾個叻你，很有心的父母

蝦米豬

其實我放棄嗰間都係好學校, 我相信阿女過去讀都有得著. 只是現階段一動不如一靜, 在一個較熟識的環境改善一下自己的問題. 可能這個性格問題最後改不了, 但希望試一試, 現在不試, 她長大了要改更難.

蓮蓉包

我地也很鍾意而家小朋友讀緊的N..覺得好適合我地的小朋友...
老師好好...小朋友讀得好開心...
每次去完學校啲活動都再加分...
而家其實都耐唔耐好爭扎好唔好不如留返係度..
但係又怕做錯抉擇..尤其係我地可能會搬屋...
到時再轉校插班就不那麼容易了...

很佩服樓主做了最合適的選擇..^^

salsalee

請問現讀緊邊間而又放棄了邊間呢？thanks!

tam_bb

是否greenfield？因最近學校有家長日，也做了個portfolio給我女兒，內有相片、各項發展的description。

Babybaby2011

Support your decision!  do you mind telling us which school is it?

祝君安泰

我都想知邊間學校咁好

蝦米豬

都唔知點講, 因為呢間一向口碑都好, 有好多人報名. 但因篩選準則與很多的不同, 所以都有人話唔稀罕呢間.

另一方面, 入到去讀, 先知道都幾多嘢教, 有D家長覺得功課多(其實係家長參與要高), 而我覺得佢呢D唔係"谷", 係"沁", 阿女讀得開心又學到嘢. 我聽說有下一年的被取錄學生因家長以為呢間多功課, 沒選這校, 我覺得可惜.

入到去讀, 小朋友交叉感染好常見, 是成長的一部份, 又有家長話呢間學校空氣唔流通, 想轉校. 我心想, 係香港租金咁貴的地方, 上課時間不全時間開冷氣已偷笑, 要避都避唔到.

oooasis

Jayann 發表於 13-3-10 00:44
我同妳一樣，好努力好努力好努力咁提醒自己唔好羊群心理。有人讚好就盲目追捧名校....雖然總有動搖時候，但 ...

又唔可以話盲目追捧名校。樓主因為個女讀緊一間好好的學校，體會過，才知道適合女兒，咁當然無謂為名氣而轉校。
但係未讀過之前，家長又點知間學校係咪好學校呢？
就係要睇名氣，口碑，和聲譽，我覺得唔算盲目。
口碑和聲譽的建立不是一朝一夕的，是名校老師們幾十年經驗累積和努力的結果。