好奇一問，為何選擇男\女校？

魚兒小寶貝

由學生年代到依家做左人媽媽，我一直唔係好明，點解有d父母希望仔女讀純男\女校呢？明明呢個世界有男性及女性，點解返學既時候要隔離呢？真係會專心d咩？有冇諗過會有唔好既影響？

YolandaTam

我囡讀女校.  原因 1)我母校係女校, 自行20分抽中; 2)囡講到明話要讀女校, 佢幼稚園讀男女校, 好憎啲男仔粗魯.  始終係佢讀唔係我讀, 又咁啱抽中, 咪讀囉!

魚兒小寶貝

以我身邊既朋友黎講，讀女校果d冇乜問題，係男校果d有問題（當然唔㑹人人都有問題啦！）又以我自己學校（男女校）黎講，冇人大肚（可能有但我唔知），反而有個女校朋友，衰十一！

我覺得人地唔係有意＂數＂齋校乜乜乜既，只係自己既經驗啫！我認為樓上有位家長講得啱，依家唔會有人開齋校，不合時宜。另外我唔係好同意＂They have all sorts of activities to know the opp. sex.  Apart from those organised by the boys schools, there're also many ECA like swimming/ orchestra....that provides you with the chance to meet the opp. sex. （冇錯係會識到，但相處既時間好少，而且興趣班未必焗你地講野、合作、討論） If the kid is very quiet/ introvert/ shy, he/she will not mix with the opp sex even if they're studying in a co-ed school.  （你會因為小朋友冇藝術天份而覺得學畫畫冇幫助嗎？）人既性格係好難改變，但絶對可以改善。
對不起對不起，我唔係針對你，只係我可以一次過講晒兩樣野啫！

lymchau

我同老公都係女校同男校畢業, 好似簡單d, 所以都傾向比佢地男校同女校!

seamama

個衰仔幼稚園日日俾女仔圍，淨係鈡意同女仔玩，我唔想咁快做嫲嫲，因此打算俾佢讀男校！

Yanamami

OB-father 發表於 13-3-13 09:56
一講到齋校,呢到嘅人第一個反應就係同性戀,
跟住有人就話識好多基佬或Les,全部都係齋校出黎。
:s ...

年年都有女同學俾人搞大個肚(好奇怪呢啲又冇人講)
**************************************8
It all depends on the family bond and education, the school and the character of the girl, not necessarily because of the fact that she studies in a girls school.  俾人搞大個肚, not necessarily by the schoolmate but could be by someone she knew outside school or on the net ( we should worry who she get to know from the net more than from the school these days...it's a whole wide world she can reachfrom the internet now.)

Chirley

我都曾讀過男女/ 女既班,
自己就覺得問題唔大, 但真係上堂會寧靜少少 (全女班),
係F4 果年我見過有兩個女同學係課室門口難捨難離, 拖手同KISS LA
後來佢地咪一樣都係異性戀咁結婚
所以呢D野唔係我既擔心入面, 因為同性戀呢D多數都係天生咖,
好多傳統男女名校都有PARTY 果D, 去請另外學校既人入去玩,
所以揀學校我只會睇果間學校係咪好同岩阿囝性格先,
其實D 性教育果D, 我贊成由細慢慢開始一DD咁教佢...
將來問題就會少D...

OB-father

一講到齋校,呢到嘅人第一個反應就係同性戀,
跟住有人就話識好多基佬或Les,全部都係齋校出黎。


相反地講下男女校,我見好多中一,二拍拖(基本上每日喺地鐵都見到穿着校服拍拖),即使我哋嗰年代,年年都有女同學俾人搞大個肚(好奇怪呢啲又冇人講)


我就好簡單,個女生得靚,安排入女校,盡可能減少不必要煩腦。唔靚就冇所謂。
仔嘅話都冇所謂,俾佢自己決定

Yanamami

http://paper.wenweipo.com/2007/12/19/ED0712190001.htm

I'd prefer co-edu for primary and single-sex for secondary.  They have all sorts of activities to know the opp. sex.  Apart from those organised by the boys schools, there're also many ECA like swimming/ orchestra....that provides you with the chance to meet the opp. sex.  If the kid is very quiet/ introvert/ shy, he/she will not mix with the opp sex even if they're studying in a co-ed school.  On the other hand, it's too naive for parents to think that putting their kids in a single-sex school can prevent dating.

魚兒小寶貝

我諗一般人都係從自己既經驗、認知去判斷事情既。點解我會問呢個問題呢，係因為響我前半生人裡，遇到比較奇怪既男性，咁啱都係讀男校（小學唔知，知道中學係），包括我一個親戚、一個Ex，一個舊同事，一個朋友細佬。咁啱佢地都係成績好既人，其中兩個係專業人士。當中以我舊同事最嚴重，佢同女性傾計要保持兩尺距離，近過兩尺即面紅、方寸大亂，我初頭唔知佢咁嚴重，試過用手拍一拍佢隻手臂，佢嚇到彈開幾尺。。。
其餘果3個表面上係＂正常＂既，仲有好多男女性朋友添，但因為我同佢地關係比較親近，所以知道得比較＂深入＂，佢地對一d女性好普通既事情都會比較敏感（或者好感敏），若果你係佢朋友，你唔會知，佢地唔會透露、講。。。恕我唔能夠分享佢地怪既地方，因為響呢個唔安全既網絡世界，我自己比人起底無所謂，但連累人地就唔好喇。

可能你會話以前啫、咁啱啫、佢本身有問題啫、父母教導問題啫、可能你會話就算唔係XXX都有問題架。。。我明，所以，以我自己既經驗、認知，我會希望我囝囝讀男女校。我明白一個有問題既人，多數係由多方面影響造成既，但我更加明白咩叫機會率，咩叫＂加速＂，咩叫＂惡化＂。正如有全職媽媽湊既小朋友唔一定乖、讀B3學校唔一定成績差、同99住唔一定有問題、唔行＂騎樓底＂唔一定唔安全。。。

momama

反而識個男仔係德雅小學出身，好有男仕風度

luluhaha

我讀男女校時卻很想讀女校，因覺得男仔好煩，有中意我的也有我中意的。男女校也未必識交異性。看父母的

ysnmama

我認識好幾位由小學讀到中學也是男校的親友，他們也很正常。拍拖，結婚和生孩子。如果全校也變成同性戀就有問題。最後只是學校的小數。一定有其他原因。

moonychan

FOR ME = 只有齋校收....

LOVELY-BABE

原帖由 Parisienne 於 13-03-07 發表
本帖最後由 Parisienne 於 13-3-7 09:49 編輯

認同

little_snow

我同老公都來自齋校中學，我地完全唔覺有咩問題喎。上到大學一樣追女仔同被人追。至於同性戀問題，唔係大家講得咁恐怖囉，我讀7年都只係見過一個例子，我覺得佢地就算係讀男女校都一樣會行呢條路。

我自己本身冇乜pref，不過我老公就鐘意齋校，讀書專心啲。其實都有道理既，拍拖對女仔尤其影響大，我year2拍拖之後，GPA即跌0.4！（4分滿分）分手嗰排連功課都唔想做、考試又唔溫

solomonwong

違反自然，我覺得對小朋友的成長不好

Parisienne

btrue 發表於 13-3-7 00:42
回復 Parisienne 的帖子

英美加同香港差不多，官校是男女校，傳統名私校多是齋校，新辦的私校多數是男女校 ...

Thank you !

咁即係齋校的存在多與歷史及宗教有關，而這種將性別分開教授的方法亦不合時宜。
否則應該大把人爭開齋校才對吧！

社會本來就有男有女，學校除了學術外，其實學會懂得包容和欣賞異性的長短，互相幫助，甚至在男女同學間的排斥吵駡中、到最後分分合合的自我調整，都是發展人際關係的重要一環。

而這種相處態度，如何合作等，有賴於長期在一個環境和氣氛下造就的，不是一兩小時的興趣班、一年一度的遊學團⋯or平時飲茶同表哥表妹玩就可以取代。

其實全球都一體化啦，什麽無國界、跨國呀咁.....何況二十年後的世界？自己卻從小分開男男女女去學習才顯專心的話，實在不合時宜了。

btrue

回復 Parisienne 的帖子

英美加同香港差不多，官校是男女校，傳統名私校多是齋校，新辦的私校多數是男女校

魚兒小寶貝

自己未讀過齋校，但身邊有朋友係齋校出身，佢地異口同聲認為，有得揀的話，當然想讀coed。我明白齋校及coed都各有本身既好處及問題，但讀齋校既朋友對於日後與異性相處，總覺有那麼一點點。。。怪！尤其係男性，社交上容易出問題。。。
其實讀咩野學校都好，父母都應該及早灌輸性知識比小朋友，亦要幫助佢地建立與異性既正常社交。我認為有小朋友\青少年讀齋校的，更要加倍注意。
＂同性戀＂我相信有先天同後天，有d貪得意玩玩下，有d係投射，有d係就手，亦有d係退而求其次。。。至於後天果d，大家心中覺得係點形成就係點形成，當然冇一定既。
有位吸煙既朋友，以前成日同我講＂該死唔駛病＂，但自從佢做左保險經紀之後就唔敢再咁講lu。