好擔心，你地可唔可以分享下你們寶寶嬰兒時是怎樣的？

Lalaboy

我寶寶2個月多，有以下問題，我懷疑她自閉，有無媽咪可分享你們寶寶2-3個月大時有沒有相似情況？謝謝。
- 無眼神接觸
- 無乜表情，唔笑，即使見到我
- 鐘意望住天花圓形燈笑（未知會否對車輪有興趣）
- 脾氣很大
- 對聲音無反應，你在旁發出聲音她不會望過去
- 眼睛不會跟物體移動
- 專注力差，有時食奶個頭會擰來擰去
- 很敏感，少少聲音可嚇得她震一震

wilyun

我仔好細果陣就唔SO人,唔望人, 甚至連我地佢都唔會望, 但現在過左兩歲,叫佢望都會跟你去望,佢亦都會注視我咁望我地~ 眼耳口鼻都係兩歲後先識分...叫佢叫人,佢多數心情好會叫人, 佢係歲半之前係全完自閉模式生活, 到現在佢識得跟人玩, 同埋出街會跟住我地, 唔會似得以前, 佢出街完全唔理我地, 自己鐘意走去邊就走去邊, 你每次出街就係要應付捉住佢呢一PART, 真係好吃力...唔知係咪大過左佢知驚先咁... 定係D乜野令佢改變左, 但佢唔會見到D熟人就會開心/笑, 佢可以對住陌生人都可以拖住同埋望住人笑, 但見到D熟街坊, 佢反而未必做到...

另外講野方面, 佢真係好飄忽, 佢現在明白好多野, 亦都會有時跟你講下, 但要佢講兩三個音, 佢就唔知點解只能講到一個音... 所以都係頭痛, 寄望同佢上左密集同言語治療會有更大改善, 最重要係唔會比現在讀緊的幼稚園趕出校, 我已經好知足了...

Olympian

"對聲音無反應，你在旁發出聲音她不會望過去"及"眼睛不會跟物體移動"
單就上兩項我就覺得不能掉以輕心。如我係我就會帶小朋友見下兒科醫生，睇下佢隻耳和眼有冇問題，都係洗幾百蚊，買個安心好值得，順便問埋個醫生其他發展有冇問題都好。

chowqv

- 無眼神接觸
>>>>>>我一直無為意，老師都無發覺，係去評估醫生發現，只係用眼尾望人。
- 無乜表情，唔笑，即使見到我
>>>>>>我仔見到我/佢喜歡既人就好多表情。
- 鐘意望住天花圓形燈笑（未知會否對車輪有興趣）
>>>> 超級愛車，試過企係巴士邊睇住車look就笑。
- 脾氣很大
>>>>>簡直臭檔。
- 對聲音無反應，你在旁發出聲音她不會望過去
>>>>>超級八卦，有丁點聲都要知係咩事
- 眼睛不會跟物體移動
>>>>>>我仔眼仔碌碌冇問題
- 專注力差，有時食奶個頭會擰來擰去
>>>>>>我果個，食奶未問題，去到食糊仔，嫌我餵得慢，會拍我。
- 很敏感，少少聲音可嚇得她震一震
>>>>>>要佢訓覺，慘過打佢。

owl_2046

- 無眼神接觸>>>>>>>我仔有眼神接觸, 至2歲後開始轉差
- 無乜表情，唔笑，即使見到我>>>>>>我仔正常
- 鐘意望住天花圓形燈笑（未知會否對車輪有興趣）>>>> 喜歡轉物件
- 脾氣很大>>>>>冇脾氣
- 對聲音無反應，你在旁發出聲音她不會望過去>>>>>我仔有正常反應
- 眼睛不會跟物體移動>>>>>>我仔眼仔碌碌冇問題
- 專注力差，有時食奶個頭會擰來擰去>>>>>>我仔食奶好專注
- 很敏感，少少聲音可嚇得她震一震>>>>>>我仔正常,瞓覺冇問題

呢D野真係話唔埋

kc1016

我小朋友而加三歲幾，又係好鍾意玩眼、你有咩方法幫佢改善呀？請指教，謝謝！

apple~y

回復 misshk12 的帖子

3age之後玩眼,玩手.情緒問題,唔so人
鍾意將書拼去牆角到,
之前都無0甘樣2age 見cac評估醫生都話delay 6個月唔算差當時排 e位
仔仔仲主動同醫生bye bye,所以當時我好樂觀,仲好積極幫仔仔
我無擔心仲對仔仔有信心好快追番
我仲好配合治療師訓練
不過之後情況轉差,幼稚園又跟不上,結果轉s位
當時我都受0左好大刺激,打擊,........真係文字都形容唔到
加上幼稚園老師說話..........
我時時問點解我0甘積極幫仔仔結果係0甘??
如果我完全唔理,唔接受就話.........
所以有好多0野唔到我0地控制
喊0左好耐好耐呢段日子完全唔見人自我封閉
呢種感受同路人先明白


現在係s位都好大進步,見到仔仔開始走回正軌都感到安慰
不過都要再努力
總之大家盡了力,問心無愧,就不用自責

torunpoland

兩至三個月的孩子未識轉身，很正常啊！

aidan08

唔好自己嚇自己，兩個月真係好細個，唔洗太擔心。我有個朋友，佢個仔細我個仔一個月，我哋兩個BB在頭六個月的發展都好大差異，我朋友都好擔心，因我個仔好滿月已識笑，對人有反應，但佢個仔六個月前都未笑過，木口木面，好似無咩反應咁，但而家我哋兩個仔都四歲幾，兩個都好精靈，佢個仔亦無問題。佢個仔仲一歲半已識講嘢，我個仔成兩歲先識。所以唔好太擔心，小朋友發展各有差異的，只要留意住，有咩唔妥就問吓醫生意見啦。但現時你個B只得兩個月，比較反應等實屬太早了。

misshk12

回復 apple~y 的帖子

你小朋友三歲後才有的特徵係咩呢？

apple~y

回復 淇淇0223 的帖子

係呀我對細囡發展又係好鬼敏感
無計有0左細囡先知哥哥問題,要頂硬上
現在細囡22個月大,各方面發展都ok
都好錫哥哥,見哥哥喊,會幫哥哥抹眼淚
見哥哥番學又幫哥哥拿書包,校服

wilyun

我都覺得太細個了... 唔使咁快下結論住~ 只係現在多加留意先喇! 就算係,你現在都做唔到d乜架, 最緊要你現在多d陪個bb,同埋多d同佢傾計先!

我仔細個都係唔望人架,但現在兩歲幾就好左d, 雖然cac話佢只係遲緩,你話我緊張好定點,我都會當佢係自閉兒咁訓練先! 我仔雖然過左兩歲就好合群,但叫佢果陣比回應都係唔望人...所以我都做晒打算!

你留意佢一歲果陣啲表現先再決定佢下一步要做d乜野訓練喇~

apple~y

有事無事講真唔到你控制
順其自然唔好自己嚇自己
堅張,正視小朋友問題係好事,但小心自己情緒呀
我仔仔bb時有望人同人笑
係1age打後發展明顯比人差,2age番私人s位開始做訓練
姑娘話唔係自閉,0甘又點........
過0左3age徵狀出晒來

llam1210

我仔都未轉身，佢就快三個月。你有時間同佢tummy time 玩多些吧

Lalaboy

回復 fishcowcow 的帖子

多謝你的建議。我知道不應太悲觀，但我真是控制不了自己，很自然會想得很壞。幸好現在發現得早，希望能將問題減輕。

Lalaboy

回復 misshk12 的帖子

多謝你回覆。你小朋友沒有明顯病徵都有病，看來我阿b情況相當嚴重，唉！暫時未發覺阿b肌肉有什麼異樣，親戚都讚她兩個月人仔硬淨，但未識轉身，唔知正唔正常。過幾日帶阿b到健康院，到時跟健康院姑娘反映一下。

淇淇0223

我仔自小飲奶時就好像不懂吸啜。唔知係佢唔鍾意食定咩原因餵一餐奶要搞好耐好耐，由初生到9個月眼神都沒什麼問題。只係食野最麻煩。同埋經常無故狂喊。到11個月到開始學企學行我發現他對自己既名完全無反應。媽媽係邊個他都唔知我係街上走左去他又無反應，唔識手指指野，唔玩玩具。每次影相他都會避鏡頭，他平日最愛的就是水樽同埋（玩手）行黎行去，當時我知道他有問題不過因從未接觸過自閉症所以只係諗佢係發展慢。到一歲八個月確診自閉症依家排更s位！

fishcowcow

你而家咁快巳經自己下判斷實在係自己嚇自己, 其實留意自己BB的發展是好, 但2個幾月真係太細個喇, 因為自閉包括社交, 言語及固執行為三方面, 你BB咁細未有言語同社交, 固執行為都唔會咁快睇到, 唔好咁快彷惶, 你成日向壞的方面想, 會錯過左同BB一齊美好的時光架, 我建議你一路keep住留意, 但唔需要太担心住

misshk12

唔好咁快嚇自己。最快評估都十八個月大。妳小朋友識趴係度未？我小朋友除了唔夠硬淨之外，其他互動眼神都正常。到了歲半返pg, 才發現不合群。你覺得發展慢，都可看兒科dr,尋求專業意見。

Lalaboy

回復 淇淇0223 的帖子

請問你在何種情況下發現大囝有問題？
你要照顧兩位有問題的孩子真的不容易啊，我實在無勇氣再生孩子了！