請教, 求意見, 中一生的家長, 你會打電話去學校...

gabriela0407

請教, 求意見, 作為一個中一生的家長, 你會打電話去學校找"各科的老師", 班主任, 等, 查詢自己小孩在校內的課堂內/活動中的情況嗎?
我今次主要不是想知成績, 而是行為.
因小孩上中學, 很多事我不清楚, 也徬徨, 不知如何處理.

我已經打了1,2個, 但今天, 有個朋友說"叫我不要再找啦,  咁樣會影響學生在老師的心目中的形象, 可能都會影響分數.

這我應點做呢?

杰杰媽媽

我會選揀信任我仔，好似今日有學會要開會（平時日期不定），佢就食飯時用學校電話打俾我通知我，我仲叫佢肚餓買左野食先上去開會


自已都做過中學生，如果要講大話留係學校而實制去左街，你都冇佢付，只有多 d同佢溝通，同佢講有咩事就提出，係任何情況下都唔好對我講大話。

如佢真係太過份完全唔聽你講，就要搵社工幫手。

cy.muimui

其實主要睇吓佢會唔會識埋d咩朋友,令到佢咁夜番……不過如果你個仔唔壞得去边咁會唔會係驚你鬧先瞞你？ 最怕係有壞朋友啫

mc

回復 gabriela0407 的帖子

如果曾經發生過手機暪騙事件，那時候社工有明白到你兒子是基於甚麼原因暪騙？你收了他手機是懲罰，有沒有期限？即何時可以把手機給他？你要明白事情的發生一定有背後的原因，你說相信兒子，但是其實心裡是不相信的，否則不會打電話查問吧？孩子一走入中學階段，就會認為自己大過仔大過女，不想父母插手太多，也不太想明知父母會發脾氣或反對的事情還說出來，於是他們會採取各種不同的方法去暪去騙，他們不是不知道謊言有一天會被揭穿，但是他們都還抱著過了今天才算。

現在很明顥你兒子有些事情暪騙了你，他在家裡有沒有比較親近的堂/表兄弟？可以聊天談心事的，試試由他們著手去探問究竟發生甚麼事情？又或許你在向你兒子問甚麼時，就不要說起上次他都暪你手機一事，你要明白當時的事如果當時已經解決了，就要當從沒有發生過。要你兒子開金口告訴你，坦白向你道出他究竟天天這麼晚回來是甚麼原因，必須他心甘情願才成。否則只會帶來反效果。打電話給老師，就算是各科的老師，都不是有太大的幫助，因為他們可能可以幫你看一時，又怎可能長期看你兒子究竟去了哪裡呢？

還有一點，有時候學校的文書接電話時，也未必真的全知道老師是否有調動開會時間。不知道你兒子平日是受軟不愛硬，或是根本已經進入反叛期，怎樣說對他都無用呢？他是你兒子，你應該最了解他的軟肋在何處，試試用另一種方式去看看他究竟發生了甚麼事。關鍵是因為你怕他有意外，而不是認為他一定是去學壞。

安格斯媽媽

所以要你自己解決問題，老師已幫不到，中一生應該不用留那麼夜，妳會加重老師負擔，想想辦法了解!不要急，慢慢來

gabriela0407

回復 安格斯媽媽 的帖子

由12月開始, 他沒手機用, 咁如他說今日放學要當值(其一學會), 我打電話"[size=15.199999809265137px]求証", 原來當值不是今日, 同時知果個課室一定會5點鎖門, 和之前他說的又一個大話, "全個星期都要當值", 但又係7, 8點先回到家.

安格斯媽媽

gabriela0407 發表於 13-1-24 13:57
回復 cy101 的帖子

我都不是不比同同學去食野, 打個whatsapp 通知聲都好呀!(我當在fd前, 不方便打比阿媽) ...

其實他問題可能真不要驚動老師,是要多同兒子溝通,知你關心他,希望他主動向你報告行踪,他們開始反叛你担心是啱,但若學校留他班主任又未必知,亦都不必找其他科老師,他學校沒有打咭制度,不知離校時間?我仔學校5:30後需打咭,家長會知他幾時離校,但同同學一齊一定要他主動,慢慢來

gabriela0407

回復 BallBallMaMa 的帖子

佢d activity 冇一定有schedule , 有時whatsapp 通知. 有時手冊通知, 但多數遲回到家

gabriela0407

回復 wgcw1210 的帖子

佢初初有手提, 直至12月17日我由醫院出來, (係關於手機的事), 他做了一件令我很嬲, 很震驚, 他自作主張, 自把自因為, 仲要瞞了幾日. 當日我真的成個人震晒, 個頭勁痛, 個心勁傷, 問了: 我係咪真係咁差, 令你不可說出事實, 一次又一次對我不坦白, 你識講我愛你, 點解你做出d 咁傷我心的事. (現在想起都), 所以1月我開始找學校社工. 這星期開始找另一位老師.

BallBallMaMa

回復 gabriela0407 的帖子

哦....原來係老師搵你先, 咁就唔得人驚

不過佢連fb, whatspp 都俾你睇, 又應該冇咩瞞你啫
依家d中學生好多活動, 有時又真係搞到好夜

你有冇要佢俾佢D activity schedule 你睇?

gabriela0407

回復 cy101 的帖子

我都不是不比同同學去食野, 打個whatsapp 通知聲都好呀!(我當在fd前, 不方便打比阿媽)

gabriela0407

回復 wgcw1210 的帖子

就是這樣啦, 我軟硬都講過, 我係擔心, 唔係唔比你去(心想~你人都在街, 我唔比, 你去了我都唔知啦). 就算個女我都一路係咁, 仔初初係有手提, 但次次都找唔到佢, 留whatsapp 又唔覆.

gabriela0407

回復 mc 的帖子

我知道孩子長大, 愛面子(特別男仔), 所以老師都說要會保密, 我自己都要忍口, 隻眼開隻眼閉.我和仔有溝通, 他說的, 我會信, 就老師的一個電話, 說可打電話"求証".

如: 球隊練習, (他說)4點開始在學校, 不知幾點完. 有叫他練習完打電話比我, 但一直冇, 回到家已是8點, 問他幾點完左, 說6點. 咁我"求証"是否真? 再"求証"如由tst 回家要2hrs 嗎? 不是囉.
咁點好呢! 我應點做?

wgcw1210

gabriela0407 發表於 13-1-24 13:00
回復 cy101 的帖子

我地平時係有溝通, 佢都會主動講學校生活, 同學之間, fb, whatsapp 都比我睇. 同時我都 ...

如果係咁, 你不如先搵老師求証下, 學校係咪有D乜乜乜要學生留校到咁晏... 唔洗擔心, 呢類電話學校收得多, 到六七點嗰頭, 電話晌起, 我地D同事都知大概係黎搵仔
反而係求証完畢, 發現唔係學校有嘢要佢留低0既嘢, 你點處理
唔好話你係家長你擔心, 我係老師都會擔心, 中一學生唔算大個, 晌條街流連咁耐其實真係唔好

以前有個case, 分享下等你諗下, 個中一(定中二... 唔記得)又係好晏, 其實係乖仔, 但係因為覺得無聊, 所以放學晌學校流連到五六點, 跟住去附近球場睇人打波, 隔左一個月, 阿媽打黎問點解個仔咁夜先番, 我地問個仔, 佢先講, 可能唔想同屋企人講, 所以先同我地講, 最後, 我地話既然你咁無聊, 不如坐晌學校, 我地睇住你做晒D功課, 等你打電話比屋企話離開學校, 等屋企人知佢晌邊, 先放佢走, 最終係咁睇左佢三個月... 個仔都明白用左老師好多時間, 答應會改, 自此無再夜番

以上個case因為個仔真係乖, 純粹無聊, 但係又睇唔到晌街流連0既危險性, 咁家長唯有搵老師夾計, 軟硬兼施... 呢個方法未必個個仔都work, 有D會反彈, 有D會走佬, 咁就睇各人做化... 當然你未必可以要求老師乜都唔做幫你睇仔, 不過都可以比老師知道佢夜歸0既情況...

cy101

會唔會同同學去食野? 如果放學後佢都無食過野, 佢番到屋企應該好大食喎(發育時期), OR 會唔會係麥記同同學做陣功課呢? 既然FB, whatspp都俾你睇, 其實可放心呀!! 継續搵家姐同你做探子!!! relax!!

gabriela0407

回復 cy101 的帖子

我地平時係有溝通, 佢都會主動講學校生活, 同學之間, fb, whatsapp 都比我睇. 同時我都有叫大女打聽多些, 因有些有關學校的事, 我不了解, (時代不同, 課程內容要求不同). 我知佢多活動, 但冇可能8-9點先回到家呀!

wgcw1210

升中一係一個好唔同0既階段, 媽咪同細路都要適應, 我相信老師亦明白, 當然唔好日日打去問老師當日有咩功課, 亦都無可能搵到老師... 究竟要放手, 定係跟緊D, 老師可能可以由佢晌學校0既觀察比到D意見你

其實你唔洗亦唔好逐個打, 可以請班主任代勞, 我都係教開中學(普通津校OK0既英中... 直資同私校情況唔清楚) 0既, 都有跟初中, 一般情況, 班主任0既角色係晌各科目以外, 有一個老師睇同學0既成長, 萬一學生有咩事(通常係訓導或輔導問題或者有特殊學習需要), 好多時係由班主任去幫手向唔同科跟進同學0既上堂情況, 所以你可以打去搵班主任問下小朋友0既情況, 呢類電話中一班主任成日都會收到, 只要唔係成日打去, 佢地應該OK0既, 家長日呢其實班主任要見好多人(通常一日六/七個鐘要見全班三十幾人), 想詳談可能有D難度

但係其他家長都無錯, 你打電話去學校, 小朋友會唔會反感? 同時, 小朋友大左都應該學下同你講下學校0既情況, 因為唔似小學, 你唔會成日去學校接佢等等, 佢要明白點樣唔令屋企人擔心

gabriela0407

回復 BallBallMaMa 的帖子

我覺得我未去到"好得人驚"的地步, 我的小朋友係同我有傾有講, 我對他們係信任, 但當你一次一次再一次破壞信任, 咁你會點做, 請指教.
我有一女一仔, 大女沒這大問題, 我都知女同仔的教法不同, 我都攪盡心思去想方法, 我也會同大女傾仔仔的問題, 希望從中學生角度去處理, 可惜還是不行.

而在我第一篇文中, [size=15.199999809265137px]"叫我不要再找啦,  咁樣會影響學生在老師的心目中的形象, 可能都會影響分數." 這是我女說的, 所以我才出這帖.

cy101

你地平時有無溝通下(天南地北個種), 食飯時有無講下學校生活等, 與其係學校/老師到收風, 不如好好培育下同小朋友溝通!

中一生真係有好多課外活動要佢地課後參與/練習等, 如果佢興趣多籮籮, 係好忙呀!

relax!!!

mc

回復 gabriela0407 的帖子

我覺得你反而不要不停問老師，試想想，你們是一家人都不知 道究竟孩子是真的在學校很忙，還是和同學仔出去玩到很夜才回家。老師更不會太清楚。你有沒有和孩子真的談過？你們平日有沒有保持緊密溝通？孩子有沒有向你或c6訴說心事？這個時候的孩子，尤其是由小學初升上中學，他們要面對的轉變很大，尤其是學業和交友方面，畢竟這是一個全新的環境和學習模式。

如果你不斷地問不同老師，我怕會得反效果，因為孩子長大了，他們注重面子，不想父母處處管著。你孩子在這所中學有沒有小學時的朋友？你知道他朋友的聯絡方法嗎？試試和孩子坐下來好好談談，不要像審問，要好像朋友般問問他，近來忙甚麼？有沒有任何問題？現在開始和孩子要建立起朋友的關係，就是孩子犯錯，都要冷靜不作批判，要先聽事件的始末，再替他分析一下。錯了不緊要，最重要是知道應怎樣去補救。先由孩子方向著手，用一種坦誠不責罵的態度，看 看可否溶化孩子的武裝。