一歲bb發展問題(評估完啦!!!)

lazywife

我個仔滿一歲、只愛飲奶、對其他食物完全抗拒、會嘔番出黎、認知上有如幾個月既bb,完全唔識任何指示、下星期見健康院、應該點同姑娘要求轉介評估?我好擔心

lazywife

評估完畢、整體太約遲半年左右、情緒差、影響學習、不太專注、半年後覆診、建議上職業治療playgroup,希望追得番!

lazywife

好開心、二月見完姑娘、今個月終於可以見醫生評估啦、歷時四個月多d,我果時仲以為要等好耐、希望結果不太差!

波蘿包1

按摩肌肉係好有用 物理治療師都鼓勵按多d
我仔都按左3年

lazywife

又識多一樣野、識用學習杯啜水飲啦!之前教極都唔識、呢幾日工人成日整個誇張啜水既表情俾bb睇、突然間識左!、同埋提提大家、一有時間就按下bb手腳關接位、大小腿繃緊肌肉、可以令佢行得好d,無咁論盡!

lazywife

又過一個月啦...BB有大進步...可以每日食到三餐粥仔..雖然半碗左右..但都好滿意..
BB依家已經行得十分之好...平衡,坐低,跌低全部都好自然..唔再論盡啦...仲有幾樣野令我好開心
1)問佢燈燈..爸爸媽媽..會識得指...會望向正確方向
2)識拍手掌..自己做到某D事會開心笑同拍手...
3)今晚終於見佢識拜拜..真係手開合果隻...同埋有意識對正確既人...
4)成日發出聲音...雖然仍然唔知佢講咩...但總比無聲好..
5)教佢玩玩具..會自己學識左再玩...
6)好喜歡同家姐追逐..會因家姐搶野而唔開心喊....證明佢係好想同人玩...

呢幾樣野已經令我好驚喜....希望再過幾個月語言追到..同埋唔好成日病..呢D天氣好討厭..BB抵抗力差...好心痛....

Hopesforlife

見到你仔仔進步，好開心。我小朋友都有見過佢自己翻身，不過佢對手唔叻，所以未完全ok。坐都重係比較差，軟林林，我同佢都會繼續努力！

lazywife

衰仔肯食粥啦!好開心、行得愈來愈好、只係仍然唔識講、我有信心再做埋訓練會好更多!好希望可以每次都同大家分享佢既進步、係其他人眼中輕而易舉既事、佢地都係大躍進、大家努力!

Hopesforlife

回復 lazywife 的帖子

我BB之前病完之後都食少咗好多奶，而且又好似唔記得哂訓練學d嘢。不過唔好擔心，只要佢身體ok，佢好快會回復狀態㗎啦！

lazywife

BB之前病左、依家好番d,但唔肯食糊仔、變到好瘦、我又要開始擔心佢呢樣野、希望之後會好d,同佢了解左附近社區既幼兒服務、不过要排隊報名、希望到時排到!

Hopesforlife

加油呀！

kellychan77

加油！！

lazywife

好興奮同大家講:我bb肯食奶之外既野啦、一個星期前開始、肯食三匙以上米糊、唔再嘔番出番、呢兩日更加可以一曰食三餐米糊、有時仲肯食幾啖粥仔、唔再嘔!同埋、工人持續同佢按摩手腳e已經可行到好幾步、無以前行得咁論盡、認知上面終於講第一句話·係奶奶、佢肚餓會叫奶奶!希望愈來愈進步!

lazywife

今日打左去良景協康、排左伴我同行、姑娘話要等半年至一年左右、因為bb始終細、好難話揾言語治療師呢種專業訓練、呢種小組形式最適合、不过我都會再揾其他受佢咁細玩既訓練!

lazywife

我都去过蝴蝶邨果度、不过因位置太唔方便、應該唔考慮、反而良景我揾日親自去了解一下、比較方便、好感激你分享、我應該會由幼兒訓練著手e因為bb太細、其他專業訓練唔太適合!

happybigbear

如果要屯門區的話，我見過蝴蝶邨東華三院雷XX好似有感統班，亦有言語治療師，我未試過這些班，未知質素如何，你可去問一問先。

另外，良景協康有「青蔥計劃」，屬私人自負盈虧性質，好似無OT, 但有「幼兒家居訓練」。水邊圍協康和海富協康好似有感統訓練班，你上網站查下。

仲有，井財街基督教服務處好似有一個叫「心橋」的服務，可能有單對單OT.

希望資料幫到你。

lazywife

前幾日見左姑娘、好nice,問左一連串bb生活上既習慣同情況、之後就話要等半年至九個月先有得見醫生、係呢段等待的時間、我要積極努力揾訓練俾bb

lazywife

我只希望真係揾到幫到佢既訓練、我想努力d睇多d評價、唔希望揾錯左、拖慢佢、評估結果主要係話佢感統同社交溝通問題、建議揾職業治療師、但又無叫我揾言語治療師、唔知道係咪要揾埋?我今個月中見姑娘、再問下方向!我相信我們孩子只係慢d,唔係唔得、愈早訓練一定追得番

Hopesforlife

我囝囝未做評估，但我已開始帶佢做訓練。在領思做PT，協康做OT，其實真係幾貴！下星期會照腦超聲波，其實都好擔心！不過我知道我要堅強D，去應付！大家加油！希望大家dB都會快d進步！

lazywife

麻煩你、可否提供一些屯門區做訓練既機構俾我、協康好遠、step更遠、我自己又揾唔到