大抽獎黃大仙(43網)點選好?

矇豬

大抽獎黃大仙(43網)點選好?

伍華、聖博德好唔好? 程度如何?

其實想選中上/中等學校? 請給意見?

ppsfung

songyang578 發表於 13-2-6 12:04
回復 ppsfung 的帖子

其實當細仔升小一時,我都有考慮佢既性格唔適合傳統學校,考慮考直資,但係個年競爭大, ...

我的意思不是話你偏心, 只是想表達就算在同一家庭, 做大和做細的待遇都會不同.
試想如果掉番轉, 不能谷的是你大仔, 可能你會幫大仔讀較輕鬆的津貼小學, 咁你細仔亦會跟住大哥讀同一學校.

在本區的津貼小學來講, 我地呢間都算最辛苦(除咗功課多, 老師亦會不斷push學生, 其實都是一種無形的壓力).

我都仲有一個細女,  暫時都打算比佢讀番家姐嗰間小學....不過有時都會諗, 如果不能像家姐一樣,受不到壓力我如何是好....幸好細女現在仲細, 剛讀N1, 我仲有幾年時間觀察和幫助佢.



剛才接到 i-learner (英文綱上練習) 的電話, 職員話我個女綱上練習的成績很好, 所以同我做個訪問, 叫我講講有關協助子女利用綱上練習的心得, 仲話會POST上綱和其他家長分享.... 真是受寵若驚

ppsfung

songyang578 發表於 13-2-5 14:24
回復 formula0106 的帖子

其實我細仔係平時生活中轉數好快架,我病左,佢會照顧我,佢屬於高能低分,有時會想 ...

你個CASE令我諗起我的童年.

我家姐大我四年, 同我讀同一間小學, 家姐經常考全級十名內, 而我爸爸每晚幫我跟功課, 温到佢嘔血, 我只能勉強合格, 通常温完後只後60%能入腦, 所以在他人心目中我是個令人煩腦和擔心的孩子..... 回想小學時, 雖然父母沒有怪我,  還說讀書天份是天生, 錯不在我, 但那種 "自己是次等的感受" 也不好過, 覺得自己很不幸, 上天把最好的給了家姐, 自己沒有過人之處, 令人擔心.... 成績不好便對學習更沒興趣, 覺得返學是挨日子, 對自己的成績也沒期望, 習慣了成績不好, 所以不會因不及格而傷心, 就算間中考得較好也不會開心, 因知道只是一次幸運, 下次又會跌番落去, 而且就算我的所謂考得好, 比起姊姊只算普通....

中學派位我不能派到到理想學校(父母想我讀家姐那間中學).我再一次令父母失望, 結果我在屋企附近的學校讀初中.
自初中起我脫胎換骨, 因為老師不認識姊姊, 我不會比下去, 而且那間學校有很多同學成績都差過我, 老師又讚我上課專心, 漸漸我無咁抗拒學習, 肯認真勤力, 不再為挨日子而返學, 成績越來越好, 還能插班考入姊姊的中學.

我和姊姊性格不同, 姊姊比較定性, 愛語文和歷史科,  所以她讀文科.... 我比較貪玩又怕背書, 但喜歡數學, 我選理科.
雖然會考成績來講我姊姊比我好, 但我後來都能讀至大學畢業, 有些中學老師還說我姊姊是循規蹈矩的頪型, 而我則轉數較快, 頭腦上較靈活呢. (記得在小學時, 每個老師都話我讀書天份不及姊姊, 父母又覺得我天生較蠢, 長大才知只是性格和天份不同.

很多時父母會為第一個孩子花時間和功夫去選最好最合適的, 但對第二個孩子便很難再有同樣的時間和心思(因要同時照顧2個, 很難兼顧), 其實做第二個孩子很蝕底, 因為了方便同時照顧, 往住不能選擇最合適的.

雖在同一家庭, 但因為角色不同, 而性格很不同也不出奇, 以我為例, 父母認為家姐較高年班, 成績較重要, 會先處理她學習需要, 佢會比我有更多學習機會(興趣班, 補習班), 而我自細亦慣了要先比機會家姐, 因她升中要學多D嘢....習慣了亦不會想太多....

對人方面, 因父母很難同時照顧2個的需要, 他們會先照顧家姐的需要, 再叫家姐幫手照顧我, 但由大人照顧當然比家姐幫忙細心,而且有時都會給姊姊欺負,  所以其實我的性格比家姐更獨立, 也慣了不會主動要求, 比較內歛....而且自己也明白機會要自己爭取, 所以我比家姐善於觀察形勢.

希望你能謹記, 你2個仔仔也是由同一基因遺傳出來的, 既然你大仔咁出色, 細仔自然也不會太差....只是你未能發掘佢出色之處....千萬不要有偏見, 相信細仔不是讀書材料, 我極相信只是未能得到最合適的選擇....要多注意你細仔心底的想法, 希望他不要覺得自己不及大哥.....我唔希望你細仔好似我咁,雖然表面滿不在乎, 但其實很自卑.

ppsfung

songyang578 發表於 13-2-1 12:24
回復 ppsfung 的帖子

阿女訓覺時間夠唔夠?我個仔訓9個鐘日日話唔夠訓因為佢幼稚園既時候日日訓足 ...

可能似我, 我個女鍾意夜瞓, 佢自細都不算瞓得多, 記得係佢BB時, 我仲話講笑話佢係做看更的材料..
我個女只會投訢無時間玩, 不會講無時間瞓.不過佢睡得很熟, 只要睡著了, 我在她旁開燈, 睇電視都不怕嘈醒佢. 現在如果每天睡8小時, 已很足夠.

有時佢夜瞓咗幾晚, 回家後會攤在沙發睡, 等我放工後才叫佢起身(因為我如果比佢一直睡, 佢會半夜起身話要食嘢, 成家都無得瞓.
佢以前有試過在上堂時睡著了, 特別是英文堂, 老師沒有駡佢, 叫佢去洗面. 現在P.3大個咗, 就算11:00後睡佢返學都不會累, 佢話有時在補習班時間想睡, 要去洗完面食完嘢再做功課. 所以我有時會叫補習老師勸佢早D睡.

睡覺只能身體休息, 精神上休息要靠玩耍或做自己喜歡的事(運動, 看電視,看書都得)....可能因為咁, 我發覺囡囡補習補到很夜, 回家後說很累, 但洗澡後都不願即睡, 而時要求我比佢睇電視或玩一會, 佢話咁樣生活好悶, 温咗成日書要玩一會才似樣, 玩累了佢會睡得很熟.

ppsfung

songyang578 發表於 13-2-1 11:47
我都最驚就係咁個款,我大仔性格內斂,特別驚佢接受唔到自己既挫折,所以我情願有跌有升,鄧佢明白先付出才有收 ...

我個女都算內斂, 佢話怕在好多人前比人讚, 覺得尷尬.

係我地呢種咁谷的學校都能考到最TOP成績, 通常都唔係最聰明嗰D, (但都不能蠢, 性格要內斂又肯勤力, 思想不能太複雜, 思想簡單才能無雜念專注讀書).... 所以我有時都驚個女大個咗會比人騙, 因佢性格較單純.

要受挫不一定在讀書方面, 可以比佢學吓運動和樂器, 等佢知道自已在其他方面只係普普通通 (除非你個仔勁運動,音樂,藝術都同讀書一樣咁勁, 咁天才真係幫唔到你).

我在小二下學校批準個女學琴就係因為呢個原因, 佢在幼稚園和小一都讀得幾吃力(12月尾出世), 到P2上學期見佢輕鬆咗, 全級又二十名內, 所以加多D嘢比佢分散吓, 發展平衡D, 不想佢讀死書.... 點知佢學咗琴夏天又學游水, 成績不跌反升....我都考慮緊是否需要再加多D嘢比佢, 定係為升中KEEP住佢成績好.

ppsfung

songyang578 發表於 13-2-1 10:38
回復 ppsfung 的帖子

我個大仔又係唔鐘意溫習既人,考試前佢都係睇課外書唔溫,我都好想佢跌深的,鄧佢自己可 ...

嘻嘻, 我明白你感受, 不過我唔敢講出口話"想佢跌佢唔趺", 以免比人插我晒命.

我個女上次期中考英文得83分(但佢自P1起, 英文多數接近100分, 去年英文科有獎), 睇番佢張卷, 當中有10分是因睇錯題目和沒CHECK卷而損失的 (真正唔識的只有5-8分), 考試有時間訓覺而唔去CHECK卷, 激死我....

不過補習社仲緊張,佢在補習社比3個導師輪流教訓.. ...

老公話抵佢C, 勸我放鬆D, 等佢由去年上台領英文獎, 而趺到得8X分挫吓佢., 所以我今次考試我只是淡淡的提吓佢上次衰乜...佢照樣放學後睇電視睇小說同阿妹玩.....

點知佢今次進步咗咁多, 佢昨日話好似考第一名 (但佢都不肯定, 真係十下十下),
佢去完合唱團練習返班房, 見黑板上有佢名, 老師讚佢做得好好, 同學又拍手掌, 佢唔敢問乜事 (佢話好尷尬, 好怕比人讚), 然後有個多口的男同學話, 阿第一名返來了, 我個講嗰個男同學成日同人講笑, 可能係玩佢, 佢都不相信自己考第一.....我個女比較純,有時會比較佻皮的同學整蠱, 雖然我個女成績好過佢地, 但我有時反覺得嗰D男仔聰明過我個女好多倍....我估formula0106個仔就係呢類型.

我個女STYLE係不太CARE嗰D, 佢話總之有獎就得, 無需問咁多, 上台前老師會同佢講拿什麼獎, 所以佢懶得問, 等一日自然有答案, 叫我唔好心急.


睇來你大仔和我大女都係同一頖, 可能呢D就係初小時讀書叻的特質.....
我個女又係好鍾意睇書, 唔肯温書,  叫佢做閱讀理解練習佢最開心, 但只係睇完篇文唔肯答題目.
鍾意睇較長篇, 內容豐富的書本(叫我唔好比D得幾個字嗰D BB書比佢, 嗰D比阿妹),
每次見到我在圖書館借到新書, 唔食飯唔沖涼唔做功課, 只係坐係度睇書 (試過比老師寫手冊, 上課時偷睇書)

仲有, 間中會駡我偷懶, 唔借書比佢睇, 佢話我"應該"CHECK住佢D書睇晒未, 睇晒即借過新書比佢....仲話學校叫佢地要睇多D, 越多越好, 就算我返工忙收工夜, 可以LUNCH HOUR去借書比佢,駡我唔好食飯慢吞吞(語氣似平日我駡佢咁), 公主病, 當我係阿四.

仲有, 佢好夜瞓, KG時讀下午班所以夜瞓, 讀P1時最早都要10:30,  到依家成日11點幾才肯瞓...叫佢瞓覺佢同我講數, 晚晚臨瞓前佢都要揾我嗌吓交先安樂, (我唔理佢佢都要揾我嘈,話我唔關心吓佢).

為免佢掛住睇書搞到好夜瞓, 我有時借到新書, 要收在櫃頂, 或者放在有鎖的櫃內, 限佢每次最多只可看一本.....佢有時放學返到家話要大便才能唔食飯, 其實在TOILET內睇書, 連我工人都比佢激親., 向我投訢佢霸住洗手間太久.

嘻嘻, 我地對仔女咁似, 咁啱你有2個仔, 我有2個女, 你2個仔又大過我2個女少少(我P.3女12月尾出世, 所以你P.3囝囝應該大幾個月).... 可能我地將來會成為親家.....

ppsfung

formula0106 發表於 13-1-31 17:34
真係性格. 多數見女會乖過男仔. 我個仔好早就前額同後額都要縫針. 真係曳都冇人有. 駁咀激到上心口. 我老 ...

好開心, 阿女聽日有獎呀!
今日放工返來, 佢話出問題考我, 要我估佢聽日著乜衫返學, 我話Friday是運動衫, 佢好大聲咁話我錯, 因為要上台領獎, 人地著運動衫, 佢要著校服.

有時D嘢不能只睇表面, 如睇見上面段說話, 我諗好多人羨慕我, 有個女咁叻咁乖 (咁佢有時又TUM得我好開心)....
但係佢都成日激到我CC吓.....

好似佢成日唔肯瞓, 啱啱先做完綱上功課, 叫佢早d做又唔聽, 叫佢瞓佢又話要做功課, 其實我覺得對住佢好勞氣, 我好坦白咁同佢講我不會迫佢, 等佢成績退步吓受吓挫折仲好. 我只想放工後休息吓, 但我個女硬係要同我作對一輪, 激到我臨爆發時, 才扮乖聽我話.... 比佢玩死, 我怕自己命都短幾年.

細路仔個個都咁難教, 分別在於在那方面挑戰你, 所以只係你睇我好, 我睇你好.