一位B2尾生媽媽的心路歷程

cmvfamily

最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x和五x節。
問了一些朋友同事意見，但他們對我選的學校，大部份都話唔好，話係飛仔學校。
有一個在女同事曾在五隔鄰的官中做助教，問她意見，她說不知道情況，點知，三日後，我交晒自行，我同事就話：五X節是飛仔學校黎架喎?!
我的心真係冷了一截，真係好唔開心，我知我應該 EQ高一點，但係真的好煩擾。
我都唔知有沒有幫阿仔選錯學校，壓力好大。
其實我對阿仔可以入鄧鏡x和五x節，我都覺得OK，但旁邊的人，猛話唔好，話係飛仔學校。老實說，B2尾生的選擇真係不多，人人都知銀禧、喇沙好啦，但入到咩 ?!
如果，將來，阿仔升了中學，學壞咗，旁人又會話：一早叫你唔好揀xxx架啦。
唉，阿仔幾唔好，都係我個仔，我一定要全力支持他。

cambo

考完最後一次呈分試，好擔心。

ohnono

cmvfamily 發表於 13-4-2 13:30
回復 ohnono 的帖子

唯有做多d，做熟d喇，熟能生巧！好多小朋友都有這類小毛病，以為識左就得，點知一到考試加上緊張，變得無從入手，表現得返原本的7、8成，咁樣失分就好唔抵。

cmvfamily

回復 ohnono 的帖子


其實阿仔的數學好唔小心，各方面問題都有D，好飄忽。

hadwinboy

原帖由 sm0411 於 13-03-26 發表
cmvfamily媽媽：
好開心見到你個post, 其實我個仔同你公子一樣，不過佢今年P.5，可是2nd term exam老師已經 ...

路過. 我當年英文班分AB 兩班，我是B 班首名，被提升了去 A 班. 如你所講，變成了包尾一兩個. 但始終爛船也有3分釘，我的英文成績也是好過 B 班的，有時有點呀 Q 精神也是好的，你安慰下你個仔吧。而你也不要太後悔，未試過唔知。如果當年反對了他上精英班，你現可能也會後悔，覺得沒有幫個仔更上一層樓。

ohnono

cmvfamily 發表於 13-3-30 12:26
Sorry~ 係音樂唔合格

或者好在你既堅持，可能鄧鏡波在自行時已成功左都未定！

有沒有望好難就咁去估，亦沒有得估，因為我地永遠唔會知人家的面試又是怎麼樣。到人家面試好的，可能成績又唔夠好，總之好多好多個可能性。


如果數學科咁低分，除了學校出深了之外，都要留意下小朋友在數學科的問題，係理解、步驟、計算定係甚麼原因。還有音樂本來係唔應該唔合格的，不如真係趁升中學前，多點瞭解小朋友在那一方面有困難(始終中學都一樣會有音樂科)！

cmvfamily

Sorry~ 係音樂唔合格

TracyC

點解無望 ?  音樂仲合格 ......數學都合格
已好好    .   鄧鏡波 是band 2 尾 至 band 3.   

cmvfamily

阿仔呢次呈分試, 數學得67分, 音樂仲合格添~死晒火`
入鄧鏡波, 無望了

cmvfamily

回復 sm0411 的帖子

大家加油~~

sm0411

cmvfamily媽媽：
好開心見到你個post, 其實我個仔同你公子一樣，不過佢今年P.5，可是2nd term exam老師已經話佢係band 2尾band 3頭喇，叫我谷佢上band 1尾 band 2頭，談可容易呢！其實我唔係話好mind佢係咩banding，只係想佢入間校風好唔會學壞的中學，正如你的想法一樣，我同意將貨就價，佢地無人地成績咁top，當然無謂要佢入band 1學校啦，到時期期考第尾，有咩信心有咩學習興趣可言呢！我個仔P.2時試過考全班第一，P.3被分派到精英班，當然大家都想象到，佢係普通班考頭位，去到精英班咪考尾尾囉，結果呢一年點努力都只係考尾5，P.4又調返去普通班，唔知係咪因為P.3的depress，之後兩年成績有跌無升，由最叻全級23跌到今次全級60. 所以我真係好後悔唔反對佢入精英班！

由於我都係九龍城校網，而我的想法咁橋亦和你相同，諗住揀鄧記or五記，聽完有D家長話兩間校風都唔太差都有D信心！

希望你仔仔可以入到間好學校，努力呀！

cmvfamily

回復 humbertcarol 的帖子


humbertcarol:
依家唯有等大抽獎，不過我好驚阿仔再跌band，直落B3。

cmvfamily

回復 cartoonboy 的帖子

謝謝你的分享~
睇完你個 post，我突然又好似有番D希望。

cartoonboy

你好，只是偶然看到呢個post, 有感而發
我表弟，當年讀書成績不太好，在band 3讀到中七，讀不到大學，後來在珠海書院讀左個dip engine, 之後在一間大規模的建築公司做，依家已經是經理級，下屬幾十人。

我同事老公，小學成績追唔上，成日見家長，終於要repeat p4. 後來入左間band 3中學，可能男孩遲開竅，d同學成績又普通，佢在中學時期突飛猛進，入到本地大學，30歲已博士畢業，在大學做講師。

humbertcarol

cmvfamily 發表於 13-3-24 12:36
我覺得唔得了
我聽返阿仔講的內容, 佢應該唔得,  他雖然好盡量表現自己, 但答的答案俾人唔夠上進心的 ...

唔好諗咁多, 開開心心地過復活節, 我地還要繼續玩大抽獎呀.  

cmvfamily

我覺得唔得了
我聽返阿仔講的內容, 佢應該唔得,  他雖然好盡量表現自己, 但答的答案俾人唔夠上進心的感覺, 答的內容, 不是老師心目中的答案
上星期五, 阿仔考數學, 阿仔話有d難, 唉!!!!!!好驚阿仔唔合格, 要再跌 band 3  多謝大家一直的支持和彭勵!!!!

humbertcarol

cmvfamily 發表於 13-3-19 13:41
謝回覆~阿仔入到五旬節，我就好滿足了。

cmvfamily,

你仔仔今日面試怎樣?

namnamc

現在所謂既banding 都以學生成績為主導條件

絕對忽略在佢地其他才能，香港既情況都係一樣，每個人都追求結果，功效

或者同現在學校要顧及收生吸引力啦，一定要將盤數做得靚d
當然，我地家長都有責任，好多時都以學校既學業成績作為揀校既標準

prutong

我都想講下我姪仔, 他現在是中六生,在官塘區就讀band2-3的中學,  當年選校時, D街坊都說他校是飛仔學校, 嚇到我嫂好驚佢學壞。6年過去了, 姪仔無學壞, 他在校內找到他的興趣-手球, 從訓練到比賽使他成長, 雖然讀書成績普通, 但我覺得佢自信左好多. 運動的課外活動對男仔很重要, 真的可啄磨人心靈意志, 使他精力得以發洩, 不會放在別的無謂事上, 學壞機會減少。所以唔洗理會別人的說話. 上中學後, 可發展運動, 行行出狀元, 唔一定要韻書叻.

chun媽

原帖由 ivyko 於 13-03-22 發表
你小朋友好彩遇到個有心嘅老師. 我仔,仲要做咗佢3年班主任.  見到個仔俾E個老師鬧到無哂自信,真係好 ...

我好明白，仔仔有沒有受影響?多些鼓勵他吧！正如校長說每個同學都有他的發亮點。