下星期去政府評估, 有啲野想問問

fishcowcow

估唔到咁快排到, 9月尾排, 下星期二做評估, 不過我以為要排好耐, 所以11月頭巳去協康做自閉評估, 個時心理醫生話佢有啲points唔中佢個表, 所以評左唔係自閉, 不過我仍然覺得囝囝行為有啲古怪的, 想問下如果我向政府係排"自閉評估", 如果到時唔係自閉, 係其他野(例如發展遲緩, 言語遲緩等...), 醫生會唔會講? 可唔可以排服務? 定係做"自閉評估", 就淨係會評"自閉"或"唔係自閉"?

jjcow

fandd 發表於 13-1-4 13:03
雖然知道呢度有好多父母希望子女可以遇到好既醫護人員(CAC)及導師(訓練中心)，但理性D諗，佢哋每日要照顧超 ...

係呀，政府裡面好的醫護人員真係買少見少。
前年我好快咁排到那打素 OT，一開始俾個一級治療師我。個姑娘好好架，好專業，好有辦法，又好細心。

初時都維持到兩星期一次，仲可以跟番呢個姑娘，點知唔夠兩個月開始變一個月一次，之後變個半月一次，仲變咗係二級治療師跟

不過我都好俾心機帶阿仔去，一來想俾阿仔有多啲訓練，二來，年輕治療師都要儲經驗架。不過希望呢啲治療師他朝有日出去，唔會返轉頭以專業人士身份，自己狂踩政府服務啦。要呻嘅都等我地自己家長呻，唔該顧下我地無乜能力做咁多私人訓練嘅家長感受... 哎呀，隻船撐遠咗添

yauman76

fishcowcow 發表於 13-1-4 00:44
佢呢啲興趣會維持一段時間, 例如佢以前鍾意睇salon出面條轉轉, 隔左排就無睇; 自轉又係玩左一輪, 近排巳好 ...

我個A囝同你個囝嘅"興趣"差唔多, 又係玩一排會唔玩, 但係冇玩一排之後又突然玩返.

wilyun

回復 jjcow 的帖子

我 都係呀, 但我歲半果陣堅持健康院DR寫紙我排CAC, 因我一直都覺得個仔係有D問題架喇~ 所以我好早已經有晒心理準備, QUIT左份工, 幫佢報定D小組訓練等, 同埋做埋針灸~ 哈哈! 現 在兩歲兩個月, 基本上除左講野唔得之外, 佢都肯聽下人講野, 同埋開始樂於與人溝通! 我覺得呢D真係越細發覺越好, 起碼早D開始訓練, 個效果好好多架~

wilyun

回復 jjcow 的帖子

但我個仔係要去到兒童精神科, DR先評估話佢自傾, 佢又話佢唔係嚴重, 我個仔果次評估入到房係周圍攪野, 但反而個DR話係我個仔係因為去到新環境唔適應而有呢個行為... 其實我心諗, 咁入到一間新房間, 要有乜野反應先叫做正常? 如果個小朋友就咁坐定定, 望住DR, 咁先叫做正常嗎? 其實我覺得我地有得REFERRAL去見DR, 佢地 係咪都當左一定有問題, (我一直都無否應過我個仔唔係A仔架!!) 但就唔好好似好求其咁, 評估左唔夠十分鐘就話佢係囉... 我個仔兩歲, 我覺得鐘意襟野都好正常啫...好似我地大人咁, 我見到有D掣都鐘意襟下喇~

不過咁, 如果唔係兒童精神科DR寫左佢係自傾, 我都無得排埋政府醫院的服務, 而且在我心中, 我 個仔係咪A仔都好, 我都係一樣會咁愛佢同照顧佢! ^^

wilyun

回復 fishcowcow 的帖子

我個仔係自傾, 但因為果陣醫生話佢仲細, 所以評佢都係發展遲緩. 佢當時幫我排左兼收位~

fandd

我亦唔會怪佢哋！要怪既就怪政府，歷年喺特殊教育方面所投放既資源實在係嚴重不足，令好多小朋友未能喺「醫治黃金期」獲得有效治療，影響日後發展。

fandd

雖然知道呢度有好多父母希望子女可以遇到好既醫護人員(CAC)及導師(訓練中心)，但理性D諗，佢哋每日要照顧超多既小朋友，點可以維持有好既質素……希望大家都預先有心理準備!

fandd

回復 Vichang 的帖子

「一舊$」？係咪打錯字呢?

不過你真係要有心理準備，係協助小朋友既過程中，呢度比D，嗰度又比D，真要有D倒水咁倒既感覺……但只要理性咁「應使則使」，有效咁幫到囝囝，使幾多都係值得既！

由於每位小朋友既情況都唔同，由哪類訓練模式開始也不相同，建議你多與訓練導師或心理醫生保持聯絡，以了解囝囝最急切既需要！

jjcow

twobirds 發表於 13-1-4 10:04
我個仔2years 返健康院, 我主動同姑娘講, 仔應該係自閉, 21個月時己有私家醫生做評估懷疑自閉, 我要求見醫 ...

不過你做定訓練都啱架喇，去CAC 主要係為咗排服務啫。

jjcow

twobirds 發表於 13-1-4 10:04
我個仔2years 返健康院, 我主動同姑娘講, 仔應該係自閉, 21個月時己有私家醫生做評估懷疑自閉, 我要求見醫 ...

唔駛等健康院醫生，你叫兒科寫紙你自己直接去 CAC 約期。
我當日係繞過健康院的。我仔歲半乜 test 都唔 past，仲話我好同其他BB比較。又話叫我兩歲再睇情況點。好在我個兒科醒啫。

twobirds

我個仔2years 返健康院, 我主動同姑娘講, 仔應該係自閉, 21個月時己有私家醫生做評估懷疑自閉, 我要求見醫生, 姑娘唔俾, 好冷淡咁話你既己評估及訓練, 就唔駛再見醫生, 見完醫生都係都呢d訓練.
我又偒心又激氣, 我話真唔識判斷亞仔而加的發展進度, 以及需要針對那些方面加強訓練, 好怕行錯路, 哂時間....  最後先肯俾我約期, 仲要等2個月才能見健康院醫生. 哎.....
這段時間, 我報左好多唔同的訓練課程, 有小組密集, 有個別訓練, 有言語治療, 一時覺得亞仔有進步, 一時又覺得某方面有問題, 好多疑問.  個人心理都好大壓力. 希望如你地咁, 係cac都能夠遇到個好醫生, 聽多d專家意見

fishcowcow

佢呢啲興趣會維持一段時間, 例如佢以前鍾意睇salon出面條轉轉, 隔左排就無睇; 自轉又係玩左一輪, 近排巳好少轉; 玩眼又玩左一排, 而家無玩; 呢排就係鍾意關門囉, 所以希望下星期去cac都能夠遇到好醫生, 希望聽多啲專家意見

jjcow

fishcowcow 發表於 13-1-4 00:09
我今次去中九龍唔至兩個鐘呀, 係四個鐘, 因為佢幫我book左物理治療師及兒科醫生, 各要見2hrs, 即係total 4h ...

咁依家真係好密集同快手，我個陣係先見完兒科，斷咗症，再由醫生決定另外安排 OT / ST 評估，再另外做聽力 test。

jjcow

fishcowcow 發表於 13-1-4 00:07
fandd,
我個次去協康個女醫生都幾年青的, 可能比較紙上談兵卦? 佢就係攞住韋氏個表一路睇一路tick, 佢話個 ...

興趣？你要睇下呢種興趣維持幾耐喎？如果係持續嘅，我唔認為呢啲係正常興趣囉。

jjcow

llam1210 發表於 13-1-3 23:50
我想問佢地幾耐打電話比你話下星期二評估？我十月中去cac中九龍見姑娘的。當時填完問卷個姑娘話要排到四月 ...

我係做足兩個鐘呀，如果加埋醫生安慰我嘅時間，咁就兩個幾鐘。
其實我好感恩可以係政府遇到個好醫生。佢俾我感覺好有經驗，我見佢嘻嘻哈哈咁氹我仔做野，原來當中佢一路睇咗好多野。

可惜到我最近再見醫生，得知佢已出咗去私家醫院做喇。

fishcowcow

我今次去中九龍唔至兩個鐘呀, 係四個鐘, 因為佢幫我book左物理治療師及兒科醫生, 各要見2hrs, 即係total 4hrs

fishcowcow

fandd,
我個次去協康個女醫生都幾年青的, 可能比較紙上談兵卦? 佢就係攞住韋氏個表一路睇一路tick, 佢話個表一定要每個part都中起碼2 items先會評為自閉, 所以無評我囝係自閉, 佢覺得我囝鍾意轉野/關門個啲係興趣, 佢話每個小朋友都有唔同興趣喎, 同埋我囝對醫生有互動, 眼神, 佢話唔似佢之前見到其他自閉既小朋友情況

Vichang

原帖由 fandd 於 13-01-03 發表
回復 Vichang 的帖子

我囝囝兩歲前同你囝囝的行為相似……但請放心！盡快去做訓練吧！如果情況不是太嚴重 ...

謝謝你啊，其實而家囝囝成日變，我自己好乖好積極面對! 下星期要大拿拿比一舊$見心理學家，要做成2.5 小時呢！

以你囝經驗，佢最初先上個別訓練先嗎？

fishcowcow

llam1210,
中九龍係2號打俾我, 叫我8號去的, 個時姑娘無話快期慢期, 佢淨係話要等半年左右, 我填完問卷就叫我走, 佢都無詳細睇份問卷, 所以姑娘都無講啲咩