我女是自閉兒嗎？

miki老鼠

我家13m女兒經常叫極個名不應人，打人，少眼神接觸，未識講野同放手企，脾氣不好，會尖叫，超分心。但有時會主動搵我玩，會跳，鐘意人搖佢，無特別鐘意圓物件，會間中同街外人微笑，怕唧。請問我擔心過早嗎？有無經驗分享？

miki老鼠

原帖由 opkwan1 於 13-03-18 發表
收費不是太平, 420 ,半個鐘, 因我個BB細, 我覺得半個鐘都可以了, 最重要係在家訓練, 個度好FULL, 可以每兩 ...

謝謝你資料，感激！

opkwan1

收費不是太平, 420 ,半個鐘, 因我個BB細, 我覺得半個鐘都可以了, 最重要係在家訓練, 個度好FULL, 可以每兩星期先看一次, 所以負擔也不是太大, 請查PM, 頭兩堂好似無MUD進展, 但由第三堂開始, 突然大爆發. 大家努力.

miki老鼠

原帖由 opkwan1 於 13-03-16 發表
我個女15個月時有以下情況，
1。不懂手指指，通常係拉我個人去取物件
2，不說話，無言語，連爸爸媽媽也是數 ...

可否介紹語言治療給我？收費如何？

opkwan1

我個女15個月時有以下情況，
1。不懂手指指，通常係拉我個人去取物件
2，不說話，無言語，連爸爸媽媽也是數星期才叫一次
3，叫佢個名唔回應
4，成日搖頭
隻眼唔望人


現在，19個月，明顯進步，在這四個月，我做了以下:
1.日日去公園玩swing, slide，玩了四個月
2.捉佢隻手
教指，教了3星期左右，她懂得指
3。眼神:用拍手，鬼險方法引佢望隻眼，有時放食物在眼前
4.搖頭:還有發生，但已減少很多，不知是否每日15分鐘swing的成果

之前我覺得她有8成係自閉，現在只得五成懷疑(因阿女脾氣大，而發脾氣還会fing       頭
5:言語:上了言語治療一個月，現在會講20個字左右

shingon

淇淇0223 發表於 13-1-17 00:43
我大仔係好典型既A仔，所有A仔有既特徵佢都齊哂，所以細女出世時我已多加留意，2個月時我女呑嚥有問題。到6 ...

可唔可以講多o的有咩特徵? 我無意中入黎睇, 開始有o的擔心, 我個仔玩對形狀, 只會識圓形果o的, 其他好似正方形, 三角形果o的教極都唔識, 鐘意將某架玩具車反轉然後玩個輪, 開緊洗衣機鐘意走過去望, 鐘意扔野話極都唔聽, 只懂發單音例如媽, 爸, 打, 但冇意識的, 會成日手指指, 有o的野佢拿唔倒會捉住我隻手拿, 而家就16個月, 我需唔需要直視呢o的問題呢? 定係一般BB都係咁....

淇淇0223

我大仔係好典型既A仔，所有A仔有既特徵佢都齊哂，所以細女出世時我已多加留意，2個月時我女呑嚥有問題。到6個月時我發現我女已經好像A..佢同正常bb好唔同，之後7個月健康院轉介我去排評估，同埋轉介去醫院做職業治療。我個陣灰到爆打定哂輸數。之後每日同哥哥家居訓練時順便又同妹妹做多次，我完全係當佢A咁。我心想及早訓練希望到時評估無咁差啦。眼神唔好我用手遮住他兩邊要他一定望我同哥哥擦手腳照同妹妹做。總至哥哥做乜照同妹做。其實教A真係要多一萬倍耐性可能重複一個動作一句說話幾百次他都未必學懂。但都係要不厭其煩不停講不停教。到我女一歲到明顯俾之前進步了很多。15個月做評估。一切正常。只係大肌弱少少！現在18個月面試n班老師說她比同齡叻！不過我女感統到現在比正常的都是有出入的。但我相信慢慢來訓練多d一定會有改善。

specialyau

仲有一間叫庭恩兒童中心︰http://www.benjiscentre.org.hk/index.php

在深水埗，如有經濟困難，他們仲有減免收費申請﹗我個仔當年都有去過此上言語治療﹗不錯的﹗

specialyau

一般的A仔比例，是男仔較多好多的﹗女仔較少﹗你可以等她大少少先去做評估，大約3嵗做會最準﹗如果你覺得她言語慢，可做言語治療先，有幫助的﹗如協康會、保良區都有相關服務，收費一定比私人平﹗

aidan08

不用過份擔心，我仔細時都唔鍾意指嘢，又鍾意將人隻手當工具去攞嘢，佢仲要遲講嘢，嗰陣時我都好擔心，但佢唔係A仔嚟嫁，佢而家四歲幾係正常小朋友，社交方面仲好好。唔好自己嚇自己，去搵醫生問問，我覺得健康院個標準嚴D，有時會嚇親媽媽，你可以帶佢去普通私家兒科，問吓醫生意見先啦。我仔細時兩歲先識講嘢，一歲八個月時有一次睇醫生個醫生話我哋太就佢，佢要咩唔洗佢講我哋已比佢，咁樣訓練唔到佢主動講嘢，之後我聽醫生話加緊訓練佢，訓練咗幾個月，一到兩歲佢成隻開籠雀咁多嘢講呀！所以唔好太擔心住，加緊訓練吓佢，如果唔識，去有關機構問吓，例如邁步。

miki老鼠

原帖由 ka-sandra 於 13-01-09 發表
回復 miki老鼠 的帖子

13個月排隊去做cac而已. 要至少排6個月后才可以評估. so far, 我細仔眼神接觸好好, ...

可不由健康院排cac嗎？

miki老鼠

原帖由 HopeLJ 於 13-01-09 發表
Miki 無論你囡囡係唔係，咁細個可以改變好多。請開始家居訓練，但可能要很大耐心：
1. 要佢自己指，佢捉你 ...

很多謝你給這麼多意見給我，我會跟你這些方法去做，希望幫到她

ka-sandra

回復 miki老鼠 的帖子

13個月排隊去做cac而已. 要至少排6個月后才可以評估. so far, 我細仔眼神接觸好好,懂得指要野. 但說話仍然慢.
大仔3歲3個月,開始收到我們說的話,有時會跟著說. 我的付出,都算沒白費. 大家加油!

HopeLJ

原帖由 miki老鼠 於 13-01-09 發表
模仿能力一般，教十樣會跟3，4樣

Miki 無論你囡囡係唔係，咁細個可以改變好多。請開始家居訓練，但可能要很大耐心：
1. 要佢自己指，佢捉你手指或手做嘢，你温柔捉返佢手，說：囡囡自己指指
2. 眼神，如佢要小餅乾，你拿到自己眼睛，要佢抬頭望向你的臉(雖然係望緊餅乾)，先俾佢。等佢習慣望人。
3.  爬，多爬，幫助左右䐉協調，減輕多種自閉徵狀。強化大肌平衡，大肌好走路就很容易。
4.  感統，打千秋，每天一兩次，每次十分鐘即可，十分鐘後，前庭刺激效果便很少。也做下其他如滑梯，Tum Tum 轉，搖搖板。
5. 按摩，輕力即可，可輕壓手腳關節位，皮膚接觸可刺激大䐉，增強感統。
6. 小點電視iPad，多點出街，公園超市商場沙灘，見多點陌生人，不同地方。不停耳邊說，如我地去超巿，買蘋果，返屋企食，但要俾錢先。佢地好似收唔到，但都有d入咗䐉，第日識表達會無端端講返出嚟。
7.報附近協康會的 play group ，導師可就你囡囡情況，給予一點專業意思。

祝早日進步！有疑問Pm 我啦。

miki老鼠

原帖由 June04 於 13-01-04 發表
另外, 可觀察吓佢既模仿能力

模仿能力一般，教十樣會跟3，4樣

miki老鼠

原帖由 HopeLJ 於 13-01-07 發表
有無成日捉住你隻手要你指d嘢或做d嘢如開盒(即使自己做到)？十個a仔九個中呢樣。



  ...

佢會捉住我手拍手掌，又會捉我隻手餵麵包比佢自己

wilyun

回復 jjcow 的帖子

我個仔真係唔多指野架,以前... 人地果D歲多DD的小朋友最LIKE用手指野架嘛!我仔去到近歲八,九個月先用手指指野,所以我一早留意到佢係有問題囉!

wilyun

回復 llam1210 的帖子

自傾囉~因我仔遲講野...

jjcow

opkwan1 發表於 13-1-8 06:06
point 2,是否一定是食指？

其實用食指指野，係好自然嘅，普通小朋友唔需要特別教都會識，所以歲幾都唔識指野，就要留意。
當然我亦同意樓上講，識指都唔代表無問題，但唔識指，就真係要留意。

HopeLJ

原帖由 llam1210 於 13-01-08 發表
咁我想問你教佢唔用你手黎指，你個小朋友最後有冇被評為自閉？

識指唔代表唔係自閉。其實係佢比較當人係工具的一種方式。