好唔好冒險轉九龍城網呢?

yyyuen

仔仔在觀塘一間幾出名的學校就讀, 即將搬往紅磡九龍城網, 請問好唔好冒險轉網呢?

五下: 中B, 英B, 數B, 常B, 操行B+
六上: 中85, 英82, 數92, 常89 (未派成績表)

自行心水學校如下, 請比比意見.  謝謝!
1. 華英
2. 旅港
3. 陳瑞祺
4. 丘佐榮
5. 何官
6. 聖言
7. 官瑪

chrischeung

回復 ohnono 的帖子

請問小朋友最後升上中學??

eoriaoao

唔好誤會，其實剩睇分數係吾會知banding，間間學校出入好大，有D學校90分係A，但係有D學校85分已經係A，最準都係問老師，如果知道係band 1 頭或中，咁咪唔駛煩. 我個女3A1B都係band 1 頭,掌握多D資訊先決定喇,每年總會有D特別嘅例子爆出來，不過大部分結果都係正常嘅

安格斯媽媽

觀塘網唔差，勁小學唔多，上年我唔揀觀塘b1,入到第一志願將軍澳b1校，我本身住將軍澳，你可以用觀塘網抽華英，喇沙，何中，可立或好似我咁抽將軍澳四大
上年我仔小學全級3 ，4都入b2,選了熱門b1隨機no.後，但聽講有人頭4志願揀觀塘，但派唔到，後入第五將軍澳b1校，要想清楚策略

reginayu

應該話九龍城英中嘅選擇比較多, 但同區band one 嘅小六學生亦好多, 所以競爭唔會比其它區小。

lovepapamama

乜九龍城區唔係有比較多 band 1 位嗎?

khmama

每個現象總有個理由，第一個例子band1生派去band2好大機會係家長太保守，將間band2放得太前而入咗，而並非因為唔夠位派，假設嗰位band 1生將間band 2放第三，只要揾到一個案例有人填間band1喺第三志願後而獲派入，就解釋到個原因. 第二個例子band1尾唔知派去邊就更加明顯，好可能個學生係band2頭而唔係band1尾。

basbyy

小心考慮清楚，上年九龍城係重災區，好多 Band 1生派左去 Band 2學校，有 D Band 1尾學生甚至去左 D不知名學校！！！

ohnono

回復 youma 的帖子

band 1B的成績，旅港尚有點點餘機，華英一點都不容易啊！

youma

如果在kwun tong是band 1A，博聖言
如果是band 1B，轉網博華英/旅港, 丘佐榮做膽．
如果是band 1C，博官瑪/官中

momoiou

轉九龍城網真係冒險咗D! 九龍城網好大競爭架! Band 1 嘅學生都唔少! 如要跨到此網, 除非成績超卓, 操行甲等, 而且課外活力亦有所成績, 否則一般都先選本區學校! 我大仔都在九龍城網讀, 今年剛升上中一, 佢呈分成績全都90分以上, 但都唔敢選華英, 因為華英太強, 上次去佢嘅升中講座, 佢校長講到明唔係名列前矛唔收,唔好浪費機會咁話架! 而旅港同咖密嘅收生要求亦你好高架! 我係甲部第二志願都選佢, 不過入唔到囉! 至於丘佐榮都係band 1, 如果你真係好想為小朋友轉到此區, 咁丘佐榮可以博吓! 反而陳瑞祺係band2, 但就全男校 ! 或者你試吓問一問你小朋友嘅班主任, 等佢比D意見你吖! 佢應該會比較了解你小朋友嘅狀況架!

ohnono

我絕對唔同意考試的細心可用穿珠來代替。如果用穿珠來對衡考試的細心，只會反映出見識的膚淺。

我記得小朋友小學時有一篇中文作文，是「一個最難忘的聖誕」，但竟有同學寫了很多個不同聖誕中不同的難忘之事，當然全篇作文拿不了分。一個好好的教訓換來日後的受用，你還會說考試考你細心是荒謬！

還有一點，幾多家長都曾經歷過小朋友的粗心大意而令數學失分，就是明明好簡單的算題，偏偏錯在唔夠細心。要講因唔夠細心而錯的，俯拾皆是。由中文科的閱讀理解，到英文科的句子時態，那些甚麼現在式、過去式.....明明又是記得爛熟，一到考試，老師轉了一彎，又錯了回來。同學再睇番答案都唔知自己點解幾難的都會做對，但又偏偏錯在容易的地方。

幾多嘅荒謬不斷重覆又重覆的每日發生，但每日發生完又會為你下一日埋下了轉機，只要你能再細心，不再粗心，那怕在乜野世界也能好好生存下去。

ming2013

考試主要用來測試夠唔夠細心?! 點解唔改考穿珠? 咁荒謬的論調都講得出, 真係唔知乜世界!

ohnono

smallAD 發表於 12-12-26 20:28
回復 ohnono 的帖子

但係試卷太淺根本不係考緊學生的能力,不係測試學生的level去到邊,只不過考的學生細不 ...

有時d同學太叻都考唔到佢地，與其不斷提升難度，不如試試同學夠唔夠細心！同學分數高，亦間接提高了同學報學校時的信心。

smallAD

回復 ohnono 的帖子

但係試卷太淺根本不係考緊學生的能力,不係測試學生的level去到邊,只不過考的學生細不細心而己.

ohnono

跨區的成功除了要同學自身的成績配合學校的調整分，再到跨區的區域跟人家本區的學生重新排名，能擠進頭1/3部份的，你可說是成功。第二就是跨區的學額。如果像九龍城以往的情形，確實有利跨進的學生，就算升不了band，甚至由band 1降了band2，仍然有可能從band 2抽入一些不太熱門的band 1學校。

但自從縮班、減學額之後，現在連自家的band 1學生都怕唔夠位的時候，還有沒有咁好彩，就自己評估好了。

ohnono

smallAD 發表於 12-12-26 19:47
回復 yyyuen 的帖子

九龍城某間幾出名的官立小學,平均91分係级裡都要排一百零幾名.唉!不知係啲試券淺定啲 ...

同學勁與不勁、試卷的深和淺，都是騙不了人的。同學最終會考那個PreS1，成績一目了然。同學最終的成績是好的，可以幫學校拿得好些調整分，有望將更多的師弟妹送進名英中；若成績是不好的，拖累了學校的調整分，只會將往後的師弟妹從名英中裡拉回。

smallAD

回復 yyyuen 的帖子

九龍城某間幾出名的官立小學,平均91分係级裡都要排一百零幾名.唉!不知係啲試券淺定啲學生咁劲???

cleokiko

我個仔今年只讀K3,考到禮賢，我也在考慮將來是否應該轉九龍城校網了！因為何文田有屋！原來想考返九龍城Band1,平均分要Keep係九十幾分先有用！

ksw

回復 yyyuen 的帖子

如果你以上成績係出名小學.我一定會叫你轉.我係過來人.當年我仔學校話佢BAND1-2我都選擇九龍城網.到最後都入左第一志願BAND1學校,因為九龍城多BAND1學校.就算你在觀塘係BAND1學生都很難入到.實在太多人掙學位小係分配吾到比你.除非你真係好好運