想同仔過年去台灣旅行，有什麼要注意的

cksy_bb

第一次同小出門：
人物：我、五歲A仔、工人姐姐
如跟團：擔心行程期間，唔肯上車落車，食飯時我仔食得慢，又驚同唔同人一齊食會焦躁有情緒，我仔一般無特別大情緒，但如累或唔想繼續行程會訓地，係熟悉地方會因為唔理解去邊或堅持要去自己想到地方會慢慢望住我們走開。而且去洗手間是一問題。
如自由行：因我只到台北一次，而且全程搭的士，相信有些難道，又驚小朋友身體不舒服找不到幫手問睇醫生地方，可以在酒店找Tour接送2天全日行程 嗎？我們可最後一天自己搭捷運去一至兩個目的地，然後酒店安排車去機場搭下午機走，共四日三夜行程。
有否合小孩子玩的地方介紹，最緊要安全。
其實事前你們有否告訴孩子要去旅行，上機等等呢，因我最怕是上下機他會不肯。
還有什麼要留意，請指教

crystal媽咪

最好不去九份。因上山路段多，小朋友
好多時不適嘔，而且經常大風雨。

free_style

樓主最終有無去到台灣? 我上月尾剛去過，勁好玩。我地去左六福村及 BABYBOSS，阿女去年入baby boss，乜都無玩過。今年跟住哥哥，就算唔係好聽得明普通話，都玩到三款 role play。不斷試下新野，終於唔駛白俾入場費。同埋，那家 service apartment，仍然係咁好住，連阿女都話想返台灣屋企。

wingwing2009

我囡囡14個月已帶佢去日本7天自由行, ok 喎, 前年挑戰坐長途機去澳州10天, 剛剛帶佢去完韓國10天滑雪+shopping, 全部都係自由行, 一行1x人, 以我囡囡, 佢真係冇乜特別不適應, 仲好開心添.  坐車坐地跌都冇問題.  仲覺得佢睇多左野.  之前每次去之前都有擔心, 但原來比想像中好.

所以家長們, 不要太擔心, 只要行程不要太rush, 帶A仔出去旅行應該不是問題.  

加油呀!!

Ronnie1213

1) 有個“台北市立兒童育樂中心“，那裏的免費設施都好好玩。
2) Babyboss 職業角色扮演
3) 在港預演上機和機上过程

wilyun

我都係兩歲帶個仔去過沖繩, 但主要問題係佢一入到商場就會四圍走, 其它又無乜問題喎!

SKB

無計，總好过佢唔肯食，舊年g我帶個仔去上海，佢淨係肯食蛋達咋，激死我。

catregist

回復 misshk12 的帖子

我都仍然與你面對同一問題, 不是每一間食店都肯進入, 試用玩具/食物吸引他, 從住處附近經常路過的食店(最好不是老麥, 因不宜食太多垃圾食物)入手。Good luck!
話你知, 在台灣時, 小兒只肯入吉野家(他的至愛之一)食首三日內的唯一一餐飯。心痛死我!

cksy_bb

煩悶都要講多次，萬分多謝你們提點，我突然覺得同路人比起密友，原來給我更窩心（好肉麻）。因為其他家長的話題是比我這個重要，他們須要幫忙更迫切，但竟然禁多回答幫我解困，多謝

baubaulee

原帖由 misshk12 於 12-12-29 發表
見你地傾開去旅行，我都很羨慕。我仔仔依家連去餐廳食飯都難，有時佢一到餐廳門口就晒手擰頭，夾硬捉佢入去 ...

小朋友會長大和進步的，俾多啲鼓勵和時間佢啦!

misshk12

見你地傾開去旅行，我都很羨慕。我仔仔依家連去餐廳食飯都難，有時佢一到餐廳門口就晒手擰頭，夾硬捉佢入去，又是一場角力…只好大家捱住餓咁走，唉！有時某些酒樓餐廳佢又會肯去，不過，又未必次次得。就係因為咁…莫講話衝出香港，在香港出街一家人開開心心食餐飯，都好似係奢想咁。這種難處，又有誰能了解？

catregist

記住隨身帶住兩三樣小型玩具(e.g.小畫板, 車仔) ,給小朋友在排隊/進餐/坐車/搭機/固執時把玩, 是他平時喜愛玩開的那些,
他平時喜歡吃的小量零食也可(e.g.益力多, 獨立包裝餅乾), 因他固執, 給台灣的小食未必受落。

baubaulee

可以在港Book定車計劃好行程。台灣司機人情味濃不貪錢，可按你要求上落車和提議合適的行程安排。我pm你他的聯絡可what's app 佢先和議價。

動物園和貓空可乘捷運好方便。
十分放天燈和看瀑布好好玩。
九分行舊街似赤柱看你小朋友喜不喜歡，都好迫!

101的誠品好好行和在附近散步都好舒服。

我們一家4口自由行，時間可自行安排，不需跟團的趕趕趕。

free_style

若坐捷運，可以找一天去淡水。那個市集，有很多俾錢玩遊戲的攤檔。在向海那面的街，中段有一個樓上「遊樂場」，有架室內小火車，好好玩的。店舖的名字忘了，但佢的地舖，有一個只得四座位的小型音樂旋轉木馬，幾有趣的，我的小朋友玩到唔肯走。不過，要注意，那些遊戲全部要俾錢，我地玩左兩個幾鐘，行下玩下，最少唔見二百大圓。

free_style

至於台北可以玩的地方，近則有台北市動物園，我係今年中去過的，OK舒服，行下坐下，有動物睇，有企鵝。記得在企鵝館外、買手信的地方，買隻玩具BB企鵝蛋，放左在收銀處附近的。好似十蚊港元而已。浸水後廿四小時，BB企鵝會破蛋而出，慢慢變大，當然，大左後，SIZE 僅如一雙中指咁長。好鬼好玩。上次買返來，小朋友成日望住佢幾時破蛋而出!
另，動物園內的黑猩猩住處，同我地只係隔塊玻璃，我上次去探佢時，佢剛坐在我側邊乘涼，同佢僅一塊玻璃(當然不易碎的那種)之隔，連我都有點驚...........感覺好震撼!

不過，要留意，最好帶備食物去動物園，因為若先上山， 山上係無似樣的餐廳的，諗住上到去先食會中招。解決方法包括：先在 7-11 買幾個飯糰，佢地的飯糰....說實....幾好食，又唔貴，我有個台北朋友話我知，試過果然係唔錯。

小人國亦值得去，不過最好包車，因較遠。有架叮噹火車。亦有小朋友玩的碰碰車。

誠品亦可去，佢地的小朋友CORNER，有很多故仔書的。長谷川義史的繪本，有趣的故事系列，可考慮。

free_style

我女第一次去台灣，問題在於坐飛機時，唔肯戴安全帶，空姐每隔幾分鐘就來望下，結果阿女喊足全程。之後返香港，坐車時成日叫佢戴，後來因為佢做緊生物療法，基本上已無乜固執行為，加上哥哥坐車戴安全帶當時興，所以第二次去台灣已 VERY GOOD。

建議：可考慮BOOK 服務式住宅，我上次去首次租住，三房兩廁所，連同菲傭一行五人，夠住。有洗衣機有微波爐有焗爐，要用品又可以同管理處借用，住得好舒服，廳又夠大，小朋友走來走去。我女因要戒口，每朝我地在住處，一起吃早餐，及準備好佢的食物先出去玩。

viscattery

原帖由 cksy_bb 於 12-12-22 發表
第一次同小出門：
人物：我、五歲A仔、工人姐姐
如跟團：擔心行程期間，唔肯上車落車，食飯時我仔食得慢， ...

你幾時去？提早阿仔講行程，要講好多次，可能一曰一次，同你擔心口既scenario ,例如上落機/車，去廁所，口係公園玩扮上落機，同埋講唔合作口既後果。講多的台湾好玩野引讵。我仔第一次去台湾二歲半，跟住去兩次星加坡，剛剛去曰本都ok,我話讵扭計就會有angry uncle 鬧，食哂讵的野，好work ,因為讵為食。可以search d飛機内慨相比讵睇

catregist

每個小朋友旅行的表現各有不同。
小兒喜歡坐車看風景，在香港和台北機場離境候機處(過海關後)都有兒童遊樂場, 跑跑跳跳、看看飛機就已放晒電，上機次次都可小睡至落機(短途)。
過閘應沒有大問題, 一面排隊, 一面向他講解當過山洞吧(有真人示範)!
另小兒只接受港式食物, 不喜歡台式小店環境, 早餐也不太合他胃口, 所以我上次台灣之旅多晚被他囚禁在酒店內, 所以酒店交通放便是極重要。
上廁所也要適應, 因小兒當年還是用potty.
剛到澳門兩天遊, 到處有聖誕節豪華佈置(室內外都有)、噴水池或水的設計, 吸引小朋友興奮莫名, 科學館更是樂而忘返, 食物是港式, 所以, 盡興而歸。可考慮澳門測試小朋友喜惡。

cksy_bb

想問上機前要什麼準備，我仔好古惑又神化，多次做估他會發情緒的事，他又不發。同他做理準備，明明估無問他，臨時他又發作。而且很多時他好像知道有些唔妥，就是要改變習慣，在起點他就發作。所以，我想應該要由陸路去機場，但怕入閘查boarding pass 的門口他不肯過，第二便是上機前不行，如果在九龍站先check in , 須要過check boarding pass gate 嗎，因我未試過

SKB

我有多次帶a仔外遊，由上机开始已是一挑戰，跟团不用煩交通，自由行不用早起趕餐死，我prefer自由行。