幼園小學面試語言是廣東話, 只講英文的本地幼兒是否吃虧

蝦米豬

發現很多名幼名小主要用廣東話為面試語言 (國際幼稚園除外), 咁面試幼園/小學時會否蝕底, 即使即講廣東話, 但是否可以流利應對面試? 我見過國際幼園的面試, 如果用英文面試, 條隊/面試組就跟其他外國人一起, 會否兩地不到岸?

sbux

原帖由 RBaBa 於 12-12-11 發表
本帖最後由 RBaBa 於 12-12-11 14:30 編輯

回復 蝦米豬 的帖子

我由細到大讀村校，父母唔識英文，咪又係靠自己可以講到流利英語，做跨國公司完全無問題。我哋嗰代大把係咁自己拼出一片天。今時今日小朋友語境好過以前多多聲，所以英文好已經唔會有優勢 (而家都無喇), 反而中文唔好就一定蝕底。

RBaBa

回復 蝦米豬 的帖子

其實正正明白係香港，廣東話同英文都好重要，但英文環境比較少，所以先希望係小朋友學習語言嘅黃金期創造比佢。當然好難平衡。面試係比較冒險。

蝦米豬

RBaBa 發表於 12-12-10 22:20
回想我小時候，我父母嘅mother's tongue都唔係廣東話（係潮州話），不過為了我地可以係香港生活，同我地係 ...

坦白說, 你呢個情況, 只要身處香港, 即使家人講方言, 你唔會唔識廣東話, 因為學校係講廣東話. 就好似我哋移民外地的朋友, 佢哋係家講廣東話, 仔女番當哋學校同鬼仔生活, 2樣都講得好. 但係香港無咁環境, 一係讀International School. 代價係除了學費貴, 中文真係差一截. 如不去外國讀書, 要係本地讀大學雖然有non-Jupas, 但競爭可能比Jupas更激烈. 二係讀注重英語的local 小學, 最好係所有科(中文及特別科目除外)用英文, 但這類小學少之又少. 到中學時, 已有好多英中可選擇.

蝦米豬

語言流利與語言環境有關, 英文相對廣東話在香港缺乏語言環境, 故很多父母都努力為孩子提供"自然"的語言環境, 天下父母心也. 不過這個balance要拿得準不容易. 其實我自己都有掙扎, 想轉台用英文與孩子溝通, 為她提供更多的英語環境, 但從小到大用廣東話同佢溝通好有感情, 希望等她母語流利後我就轉換崗位.

marcuscyrus

Cindyjasper 發表於 12-12-11 09:36
職場上，有個同時係ABC,細個移民英國，喺英國讀晝長大，只能講不純正廣東話，唔識中文字，但完全係中國人樣 ...

我有朋友，兩公婆本地人，本來講好左父母二人一人一種語言，但朋友冇考慮到爸爸係寡言的，再加上加中兩位工人，英:中變成3:1，幾位兒子於是從少就傾向說英語，朋友說，他們的兒子圈子很窄，除了自己的兄弟外幾乎不能認識其他朋友，即使已參加不少以本地小孩為主的課外活動，當然我估性格也有影響。

Cindyjasper

原帖由 cheung_chit 於 12-12-05 發表
好彩你醒得早, 中文好難學的, 除非你完全唔諗住要佢識, 否則有得學就要俾佢從小接觸。我公司有鬼佬學中文, ...

職場上，有個同時係ABC,細個移民英國，喺英國讀晝長大，只能講不純正廣東話，唔識中文字，但完全係中國人樣，佢覺得自己同鬼同聲同氣啱傾d；但在公司，英國人唔認為佢係外國人一份子，同香港人一齊又好似格格不入。

Lovely_Babybaby

識講廣東話好失禮? 點解有D父母明明係本地人係都唔比小朋友學好母語?
專家都話,2歲前學好母語,基礎打得好日後學外語先會得心應手.

sbux

唔知點解我公司D 人都鍾意同小朋友只講英文，雖然佢哋絕對流利近乎native，但唔通真係唔駛學中文? 咁兩公婆又用廣東話溝通? 但佢哋又要考本地幼校喎

sbux

有次我坐巴士，隔離對母女傾偈，亞囡不停講Peer ，我唔係好明，佢媽媽問: 公公今日買咗Peer 俾你食? 原來佢哋係想講Pear。。。真係唔學好過學

marcuscyrus

Btw, seems only a few primary use English only in their interviews.

marcuscyrus

martialartsmum  我算唔算本地人？香港出世。都算挂。不過我的礭native level英文。

我英文不好，沒資格評論別人的英語是否達native的程度，加上跟孩子說甚麼語言，家長是有絕對的自主權，我只把去年大兒子考小學的情況指出^_^

pc629

回復 蝦米豬 的帖子

係，呢個係其中一個原因我個仔面試差不多全炒的原因之一。

marcuscyrus

考幼稚園可能影響唔大，但去到考小就唔再係直接一問一答，都要有d 思維野，除非英語好到有如native的地步(如果是本地家庭，好難吧)，否則還是比較蝕底

RBaBa

回想我小時候，我父母嘅mother's tongue都唔係廣東話（係潮州話），不過為了我地可以係香港生活，同我地係講廣東話，佢地自己講潮州話。我當然無怪佢地，重要多謝佢地嘅選擇。宜家，我當然唔識講潮州話。

yfchoy

martialartsmum 發表於 12-12-6 20:26
其實好多學校都好通融.

到時返學就好快pick up 中文. 而且香港講中文多, 哪怕pick up 唔到?

我諗大多數人所歧視的是明明英文講不好仍堅持跟小朋友以英文溝通。c6係加拿大住咗十幾年，群的大多數是外國人，英文亦不算差(尤其生氣的時候就好自然一輪咀用英文罵人)，但佢都知道自己的口音亦不算native speaker tone，而我雖然講英語的時候好多人都以為我係外國人(我樣子有點mix和講廣東話都會好自然用咗啲高低tone)，但我倆亦不約而同不採取跟囡囡以英語對答。正如之前的jm話，始終自己不是地道的外國人(英語為母語)，不想影響到囡囡的學習(尤其發音)。反而我現在盡量提佢既懶音(不想因為佢細就由得佢發音不準)。不管哪一種語言，其實最緊要大家溝通得舒服便很容易學習。在家中把小孩訓練成只識英文而不識中文，到小朋友跟其他人接觸時便會影響佢哋既自信心(因為聽不明而感到挫敗)，若果影響不到亦不是一件好事，知道有些家長不自覺地灌輸一種識講流利英語就了不起(可能不是固意的)，最後便變成自負。父母對小朋友的愛有時會說出口小朋友才會明，但試問若果自己的英文不算好，怎樣跟子女表達自己深深的愛意(只試講 I love you)？另外，有些家長請姐姐時亦希望姐姐英文叻，多同小朋友溝通，亦是有問題，原因跟之前的一樣。所以我都冇限定姐姐要跟囡囡說英文，佢哋有時既對答就係一時中一時英(我之前曾經請過年半姐姐，但大半年前因姐姐走佬而冇咗再番)。有時候當小朋友覺得該語言有趣便會自動追求學習(我到中學時都因為開始有興趣而不停找尋學習途徑如睇電視、電影，聽英文歌跟住唱去學口音，多些主動跟外國人談話壯胆)，但首先自己的母語先要學好，始終自己是黃皮膚的中國人。

cheung_chit

原帖由 littleape0129 於 12-12-06 發表
回復 藍藍媽 的帖子

我都有見過父母自己溝通用中文，同個囝就即刻轉英文，感覺好奇怪。最重要係佢哋英文並 ...

哈哈，我都見過。好心唔好教壞佢。其實即使英文好，但未去到native程度，日常生活有好多細節未必教得倒佢，英文唔錯的去街巿都未必隨口講到咩係五花腩，咩係水蟹，石頭蟹，唔舒服時咩叫拿住痛，叫陰陰痛同赤赤痛。如果父母堅持只同細路講英文，但自己又唔係好掂，只搞到小朋友好多嘢都學唔倒。

我識人頭幾年都唔同個仔講廣東話，但阿爸係中學教英文，阿媽係大學教普通話，個仔初小三語叻過好多大學生。有條件固然好，半桶水就唔好搞。

DJfamily

既然係本地人，仲乜無啦啦要個小朋友淨係講英文呢？除非諗住好快要去外國，以後唔番嚟揾食遮！ 中文嚟緊會愈嚟愈重要，雙語發展先係正道。

QQQme

其實小朋友平日在家講咩語言, 或interview時講咩語言都冇所謂, 只要小朋友同人有良好溝通就OK啦... 我覺得父母最好就用自己最善長嘅語言同小朋友溝通, 否則小朋友只會半桶水... 就以我自己為例, 我自己中文叻過英文, 我多以中文同囡囡溝通, 而我老公係竹昇仔, 佢要好用力先可以用全中文同人傾計, 所以平時大多數「多英少中」同囡囡溝通... 我又覺得冇咩所謂, 起碼囡囡兩種語言都明白, 不過講說話時就會時中時英(囡囡未夠兩歲)... 最重要係囡囡講嘅中文或英文都唔會有怪怪鄉音... 最近同囡囡去interview, 佢有時會同中文老師講英文, 有時又會用中文答外藉老師, 我都有D尷尬, 不過好好彩佢以超細B身份都得到幾個唔錯嘅offer... 以我經驗, interview時老師最怕嗰D明明自己英文好麻麻嘅家長, 但又好自豪咁話自己全英文同小朋友溝通, 結果小朋友中文唔掂, 英文又錯文法又重鄉音... 嚇C人!!!