阿仔由早到晚都數數字

iamadc

阿仔兩歲幾，最近覺得佢到數字十分沉迷，在家見乜都數一餐，我拿playdoh 比佢，佢唔係玩doh 係數下有幾盒doh , 一數可以十五分鐘。昨日同佢換衫，佢不斷講one hundred ,完來佢見個碼係100,其實我無教佢數到100, 佢係睇YouTube 歌仔自學

我自已由細到大數學都好好，好到次次考試考數學之前那日可以同媽咪講睇電視，然後拿滿分，中學被學校選中訓練奧數出賽，當時係唔興奧數 ，亦無那麼著重資優

想問你們有無類似經驗？

shirley827

回覆 傻太 的帖子

睇完你地d comments, 同我仔簡直一模一樣(又係勁鍾意數字, 可以背哂地鐵站名, 認到哂全班二十三位同學仔既名), 之前帶過佢去足球試堂, 玩左一半喊住話唔玩, 但係去上紙黏土班(因為係一個人做自己既野)佢就好鍾意, 屋企有對孖妹, 佢唔係太鍾意一樣玩, 真係同理心較弱, 唔識睇人眉頭眼額, 個個都同我講佢得3.5歲, 太細個未定型, 我都唔知係咪.

bape0060

我仔同你形容既相似，評估為自閉，你仲拖同唔肯接受佢有問題，就係害左佢!

bape0060

那是確定有閉症? 有語言遲緩嗎？

iamadc

回想起來，四歲時我最擔心，因為社交互動開始多。我們成日找playmate 帶佢去玩。有上社交班，最有用係聽導師講點應付佢。晚晚同佢講心事，比佢多點講自己感受。數學我有教，但不是很有系統，亦無出去學。佢現在無那麼迷數字，最少不會只同其他小朋友問數學。我唔知係咪大個d，才改變了。但同時無之前那麼比同齡advance很多。我知佢好多同學出去學數，佢又無學，所以差距收窄係正常的。不同的是，其他小朋友教到乜（其實都係加減）就識乜。佢就會想知其他數學概念（小數、乘除）。但佢唔鐘意操數！

等呀等呀

搵到同路人感覺。我個仔都係好喜歡數字，中英日韓德文，佢都有興趣，數理較好 。呢排開始玩應中文，串英字，計數機。
但脾氣差，應該話好守規矩，一唔同知套個套行，我覺得佢係loop住唔知點做下一步，一係停左，一係就話其他人唔聽佢話，之後發脾氣。
都唔知係男仔 定 trouble 2,3,4關係。

yannietimb

原帖由 iamadc 於 16-02-12 發表
過了三年，真係好多謝大家的分享，我們都重點搞好佢社交和情緒。

這幾天假期帶阿仔去公園玩，見到佢同其他 ...

想請教你如何幫助他社交和情緒？我小朋友跟話個post 所形容既小朋友太似了，過三個月就4歲, 他有聽障關係，社交比較弱，之前cac評估都係自閉譜系踩界，兒童精神科到出年年中先見，我想看看可以如何幫幫他！
你小朋友喜歡數學，你都會主動教他嗎？會不會怕他更沉迷？謝謝！

iamadc

過了三年，真係好多謝大家的分享，我們都重點搞好佢社交和情緒。

這幾天假期帶阿仔去公園玩，見到佢同其他小朋友social, 攬頭攬頸，朋友和老師都話佢好左好多，少了很多沉迷固執無社交等亞氏特質（或者知道點收藏），都幾滿足。

雖然都係好鐘意數學，但隨著「和世界接軌」，已經少了好多我放工入屋就看到個white board 全數字(係勁多密麻麻）的情況- K1K2那時日日如是，好似方展博
佢自己成日出數比我們計，唔止加減，出到乘除和小數負數，又成日畫maze 當中要計數才可找到出口，幾好笑！
現在佢有其他興趣，迷上鋼琴，老師教半本，佢已自學彈完全本，再試作曲和把已學歌曲變奏，又自己不斷彈玩chord, 右手歌比左手彈。

這些沉迷都是「亞氏精神」吧？

Jolly

你仔仔有冇去做過評估？
佢photographic memory 好強，好好發展，第日一定有成就。
數字，閱讀能力高，你唔駛煩佢讀書，只要集中佢social skill就得。
留意多點佢情緒，怕佢比較易develop mood swing, can progress to depression in future. 要成為佢最知心嘅朋友。

derek0811

原帖由 iamadc 於 15-04-12 發表
早幾個星期想開始教下阿仔減數，之前無乜教，所以由5-2開始，佢心算答我3，然後我就越問越大，問到100-2 ， ...

一模一樣，佢跟住會很喜歡看數學書，帶他去圖書館數學書位，好似310書櫃號那堆

iamadc

早幾個星期想開始教下阿仔減數，之前無乜教，所以由5-2開始，佢心算答我3，然後我就越問越大，問到100-2 ，100-5，41-30佢都係心算比我😂

另佢畫很多數字畫，通常會話那是樓或floor plan. 我們亦對那些數字不能解碼, 最近發現佢會繪製地圖，包括我們屋苑各座和商場的位置，和上次外遊酒店房的floor plan, 佢會標示電視，厠所和床的位置，我們覺得難理解這事，想象中四歲小孩都係畫花草動物。

大家有無相似經歷？

Fifi17

原帖由 cl_kaka 於 14-12-02 發表
回覆 Fifi17 的帖子

可以見醫生同醫生講小朋友情況，叫醫生寫醫生信去政府做評估！但在政府排期需要半年－ ...

謝謝！

cl_kaka

回覆 Fifi17 的帖子

可以見醫生同醫生講小朋友情況，叫醫生寫醫生信去政府做評估！但在政府排期需要半年－九個月左右！想快D做到評估可找邁步兒童發展中心／協康會／小童群益會等私人評估！

Fifi17

原帖由 hha 於 14-12-01 發表
1.求其去普通醫生寫紙去排CAC。  
2.去健康院講連學校都提出有問題，咁喺健康院會同佢做少少測試，然後分別 ...

我小朋友未返學，咁得option1

hha

原帖由 Fifi17 於 14-12-01 發表
我老公終於答應可以見下醫生拎啲專業意見，請問我應該點樣開始？
去私家睇醫生叫佢轉介？



  ...

1.求其去普通醫生寫紙去排CAC。  
2.去健康院講連學校都提出有問題，咁喺健康院會同佢做少少測試，然後分別比問卷家長及學校填，健康院就幫你轉介。
排一個月倒就第一次見姑娘，唔使帶小朋友，了解背景及憂慮。再排多七個月有得見言語治療師，同時排緊兒科醫生，未有期見住。

Fifi17

原帖由 hha 於 14-11-26 發表
同我個仔好似，細個諗佢可能資優，但佢理解能力又弱的。細個又係冇時停，上pn成日出位攪其他野，但認知卻高 ...

我老公終於答應可以見下醫生拎啲專業意見，請問我應該點樣開始？
去私家睇醫生叫佢轉介？

iamadc

我仔四歲，
姑娘叫我同佢講話唔會再去個centre 了，
叫佢放心。
佢放鬆時轉數好快，但好易緊張，
所以好慢熱！

CATsMOM

好開心見到呢個post，我囝囝又係超中意數字，玩咩都會玩到同數字有關，近期最中意砌，整數字，俾條封麵包果d軟鐵線佢就自己扭數字出來，仲要鬼咁靚，無論做咩，只要link到數字就肯同你做。但佢好怕小朋友，行埋d就走/喊，唔中意嘈嘅環境，會大叫話唔中意，唔中意俾人讚，正確來講係如果佢唔覺得自己做嘅嘢係叻而你讚佢，佢會發晒脾氣。上個月要面試，d衰嘢出晒先覺得驚個仔有問題，即刻找人幫手傾下，點知阿仔又突然進步神速，之後interview表現超好，又肯同其他小朋友玩⋯⋯依家令我最頭痛係⋯唔係去廁所vv同poopoo，仲要著片！

hha

原帖由 Fifi17 於 14-11-21 發表
睇咗好耐，之前以為小朋友大多到咗開始講野階段就喜歡abc同數目字，但原來過份沉迷似乎都要留意。
我仔20個 ...

同我個仔好似，細個諗佢可能資優，但佢理解能力又弱的。細個又係冇時停，上pn成日出位攪其他野，但認知卻高於同齡，老師知佢可以讀好多英文字，成日叫佢出去讀比同學聽。
但大大下當所有同齡的認知高咗，我亦因為想佢上堂留心，所以唔再早教太多野，因為佢地記憶力好，上堂留心根本唔會跟唔上。依家k2, 學術上冇明顯突出啦，只剩下社交及情緒問題，好明顯係亞氏。
下星期去政府評估啦，但其實暑假開始已經上私人言語、專注、社交、感統訓練，依家只keep住社交同感統訓練。
我認為排咗政府先，最後有冇確診都係要正視社交弱的問題。