沙田培橋的優點與缺點

chanivan

]本人只知培橋是英普, 一條龍直資, 想知道它的 優點與缺點
謝謝

miuchung

有留意培僑的家長一早就知呢個報告，一點都不新鮮，反而學校最近公開了公開試成績。

skwan2703

http://www.edb.gov.hk/FileManage ... pui_kiu_college.pdf
以上是培僑書院在2010-2011 的全面評鑑報告,也許可以幫助大家瞭解學校!

TKO2040

我覺得不是CURRENT PARENTS, 都可以講某校的事情, 只要回應者相信事情係真的.
唔係真呢! O甘又掂? 網上討論預左家長自己去過慮, 而加又有甘多正面COMMENTS. 大家理性討論咪好囉.

CURRENT PARENTS有幾多會講自己學校負面既事情, 只有唱好多.
一個學校can't please everybody 就真.   

JoJo

版主按: 請各位會員能冷靜及理性討論, 如因發違規回覆, 管理員會將該違規會員禁言, 以作冷靜, 敬請注意!

irisricky

四隻貓 發表於 12-12-12 15:22
之前有一位培僑家長講得好好,原文找不到, 佢大概係話: 其實無論傳統定活動教學, 想小朋友學習得好, 家長都 ...

嘩，你好眼利!個POST係我出嘅! 係培橋專頁果邊出架!不過我怕自己讀得太多所以就CANCEL左!!

一直以黎都見到好多對培橋嘅聲音，不過我一直覺得自己揀間岩自己小朋友嘅學校，唔係揀間最好嘅學校，對於負評好評都無乜感覺，所以無乜出聲，不過見你分享我嘅分享，我就分享下以下本人嘅經驗

小朋友K1嘅時候，我幫小朋友揀左間區內傳統及有名氣嘅幼稚園，小朋友係呢間幼稚園讀嘅時候，自問都跟足小朋友功課和溫習，但種種原因下，發現小朋友上學唔開心，唔係學校問題，係錯配嘅問題，即係學校嘅教學方式唔適合我嘅小朋友，大家做父母好清楚，有時唔係你唔教佢，係佢生性好動，你搵野綁住佢佢都會走會動(只係比喻)，所以要一個好動嘅小朋友入一間統傳學校係一個錯配，經過K1嘅經驗，好辛苦K2幫小朋友轉校。

去到新學校，活動教學，唔代表小朋友更加坐唔定，反而我小朋友比以前傳統學校讀書更定，因為搵岩佢嘅學習模式，小朋友好鍾意返學(鍾意嘅程度係放假都想返學)，老師對我呢個坐唔定嘅小朋友，用獎勵及鼓勵嘅方法，我嘅小朋友由情緒到學習比以前大大改善，而對於我作為家長，要跟嘅野比以前仲多左，因為以前只要陪小朋友溫書本同做功課，練下學校教嘅字，但轉左活動教學，要同小朋友一齊學習，例如教食物，佢返屋企就要搵食物圖片，而搵嘅過程中，我小朋友同我講要搵食物金字塔嘅圖片，一邊搵佢一邊教我邊D食多D邊D食小D，還有新學校重閱讀，中英文均重視，加上我地都鍾意同小朋友讀讀書，小朋友漸漸會主動閱讀，係閱讀，唔係攞住本書睇圖畫，會讀字。我小朋友轉學校後，K2嘅功課比K1舊學校嘅功課還少，到而家K3做嘅功課都係十分鐘之內完成(寫字功課，唔包括搵資料)，但佢地係學校會做小圖書，所以係屋企我嘅小朋友會自己攞D鍾意嘅書自己抄，而我地作為家長嘅，唔止跟功課、仲要陪佢地搵資料、陪佢地閱讀、陪佢學鍾意學字。由於功課唔多，小朋友可以學嘅野更多，例如我地訂左外國小朋友嘅雜誌，等佢知邊下香港以外嘅地方，帶佢地去超級市場邊買邊學計數，每日天公園玩一個鐘。仲有一樣，學校活動教學，好多時教一樣野唔係攞本書出黎講講講，佢地會做實驗，上個主題教落雨，老師用左個加熱水，有水蒸氣遇到冰(類似，我聽小朋友講)做實驗，我小朋友上次落雨時講我知點解天空會落雨，好多例子，都係小朋友透過活動學嘅。


我想講嘅係，無論傳統學校定係活動式教學嘅學校，小朋友都會學到野，要睇返小朋友性恪，而小朋友咁細，作為家長想小朋友學多D，讀邊類型嘅學校都係要跟(係小朋友面前又要扮唔跟，交返個責任俾佢)，我都知培橋未必係最好嘅學校，而我小朋友都未讀，但係作為父母，只可以從客觀嘅條件揀一間適合小朋友嘅學校。

我係透過身邊嘅朋友、小朋友嘅同學、同屋苑嘅人去了解呢間學校嘅，聽完佢地嘅意見，我覺得重閱讀同語言係我想要嘅野，而品德，我覺得唔會有一間學校係唔重視，只係要求唔同，同埋處理手法，所以我地放棄區內自行好多人想入嘅小學而揀培橋。

個人分享，岩睇就睇，唔岩睇無必要俾意見我

mirage

我信身體力行 ，他朝曾主席、吳人大、眾愛國人士的兒孫們都湧到愛國學校讀書時才考慮這些小學。

patrickBB

我真係唔明, 唔係家長既人係都要講到好似第一身咁, 講到尾都係道聽途說 !
學校係一個環境, 努力都係要靠自己囉 !
可能佢既摰親及朋友都係不理會子女讀書成效的家長. 但係都無理由一竹篙打一船人.

真奇怪!

woostock

sillyding 發表於 12-12-12 17:00
我摰親及朋友孩子都讀此校, 他們的成長/學習/家長會過程都清清楚楚.......  當天我見到個理念, 亦贊成入讀, ...

sillyding,
可否具體講一下你摰親及朋友孩子咩原因要轉校? 跟唔上學業? 太多功課或是其他原因?

JadeW

回復 JadeW 的帖子

咁講開又講啦！我阿哥個仔讀xx名校，我都睇住佢番學／放學／家長會咁，但我阿哥又吾理個仔讀書，以為名校就會教好個仔，結果驚覺佢個仔讀吾店！要轉校，其他學校都要佢留班！我就話我阿哥囉，個仔係你既，你吾教指意人地教你個仔吾做功課吾溫書你都冇問題，仲好意思話學校有問題，阿哥你究竟有冇問題呀！

JadeW

回復 ii323 的帖子

真係好好奇！

sillyding

回復 JadeW 的帖子


此想法真神奇, 我就是因為第一次想說說意見, 我才需要register, 一直以來只看不說, 是不用register的呀!!

sillyding

我摰親及朋友孩子都讀此校, 他們的成長/學習/家長會過程都清清楚楚.......  當天我見到個理念, 亦贊成入讀, 只是事與願違....... 想轉校的話, 其他學校只可以接受留班....... 去家長會, 很多家長竟說新校長太注重學業成績...... btw, 我已說新校長改好了, 只是以前的學生會怎樣呢? 我極度同意, 此校是有快樂學校生活, 但最終都要同其他學校學生公開試競爭, 難度不應看重學業成績?

你們說我態度有問題, 我都只是把自己見到的情況及感受說出, 正如你們覺得有幾好, 我亦專重不會去攻擊! 看baby-kingdom的都是家長, 說說自己意見, 看了這麼多年, 一直沒有留過意見! 就此題想說說自己的意見, 竟然引起此校家長如此不滿及攻擊.......... 我再重申, 我所說的都是真實感受, 覺得"不知所謂"就不用理會! 又何必繼續研究我的文字呢? 你們好好介紹此校的事情給新家長知道罷!

ii323

JadeW 發表於 12-12-12 16:35
回復 sillyding 的帖子

OOH 原來呢位家長係新會員黎嫁.......

神槍手 / 定係WAITING緊的心急人呀?

JadeW

回復 sillyding 的帖子

OOH 原來呢位家長係新會員黎嫁.......
吾知點解......我個腦又自動浮現左幾個字出黎添

patrickBB

sillyding 發表於 12-12-12 14:14
我沒有意思要傷害任何人或要中傷學校, 只是把一些情況說出來, 有時真相不是你我所說的便是絕對, 大家都可以 ...

依家唔係唱唔唱好既問題. 說出意見都應有事實為基礎.
你又唔係家長, 又同學校無關, 但係又講到學校害人, 家長不理會子女讀書成效, 真奇怪!

ccycsy

其實有些家長是知道培僑辦學辦得怎樣的, 祗是心裡已認定她是一所"紅"學校, 所以反應特別大, 這種心態我們能理解. 但是在評論一間學校時所用的語氣和態度素質是否可以提升一下? 我暫時還沒聽過哪所學校害學生.

小孩在學校能否取得好成續的關健不在學校, 應該是學校和家庭配合教導他們, 他們在學校學習了知識, 回到家裡不溫習, 不預習, 不閱讀, 不運用, 成續能好嗎? 所以說家庭的角色相當重要!

我這樣說未必合你們的意, 但這話是真心的!

四隻貓

之前有一位培僑家長講得好好,原文找不到, 佢大概係話: 其實無論傳統定活動教學, 想小朋友學習得好, 家長都係要付出的. 只不過個方法唔同.活動教學有d無分無考試, 有些家長會覺得唔踏實, 無野可以跟進到. 教既范圍非常廣闊, 家長想幫忙溫習難度可能更大. 所以家長一定要想清楚, 唔好以為活動教學= 唔駛做好輕鬆.活動教學既家長可能更辛苦.

傳統學校既教法大家都經歷過, 詳情係非常了解, 所以想跟都跟得比較貼近, 有分數有名次, 肯背肯做就唔會衰得去邊. 活動教學就唔同, 俾你open book exam, 唔識分析同寫文, 你都可能唔合格.

最緊要知自己要咩, 揀0岩自己既野.

JadeW

咁我都希望家長講野既態度最好可以去改善下, 亦尚有時間改善啦! 不要害了孩子!
我沒有意思要傷害任何人, 只是把一些情況說出來, 有時真相不是你我所說的便是絕對, 大家都可以有自己的意見, 不是嗎? 我也不覺得自己的意見是絕對全面, 當然人人也有很多"特別的好"或"特別的差"的東西, 但我這樣說出來, 只是把我見到的, 在這裡提出一下! 我也問心無愧!說不同的意見, 都有很多不同的方法! 而我認為好多家長表達自已意見時,好似覺得完全不需負任何責任的。而我因此,也改了一下家長所說的東西, 說出"自己的"意見而已!
如果認為我的意見是"不知所謂", 就請不要理會,大家都不必動氣?!

sillyding

我沒有意思要傷害任何人或要中傷學校, 只是把一些情況說出來, 有時真相不是你我所說的便是絕對, 大家都可以有自己的意見, 是嗎? 我也不覺得自己的意見是絕對全面, 當然間間學校, 也有很多"特別的好"或"特別的差"的東西, 但我這樣說出來, 只是把我見到的, 在這裡提出一下! 我問心無愧! 有些事情都不能只是單單唱好罷! 況且我對此學校或今年升學是完全沒有任何利害關係, 我都只是付合題目所要求, 說出"正負"意見而已! 如果認為我的意見是"不知所謂", 就請不要理會, 家長們又何必動氣?