K1選校 - 自閉寶寶 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › K1選校

發新帖

查看: 1672\|回覆: 16	go K1選校 [複製鏈接]

Rank: 3 Rank: 3


	402

1^#

發表於 12-11-29 15:36 |只看該作者 |正序瀏覽 |打印

囝囝已有一間主流幼稚園收了K1，好近屋企好方便，打算邊讀K1邊排政府S位。

但聽人說兼收幼兒園for自閉寶寶會較為好一些，老師較有有關經驗，所以一直也有面試其他兼收幼兒園，結果越in越遠，in左好多間兼收，仍然未有學校的消息。

真不知道應該繼續擴大范圍去in更遠地方的兼收還是放棄？

兼收同普通幼稚園差別很大嗎？

有冇經驗媽媽分享一下，謝謝！

煩惱中

Rank: 4


	861

17^#

發表於 12-12-1 18:16 |只看該作者

回覆：K1選校

係睇能力，如果只是差小小，同兼收小朋友程度差不多的，即使你普通位入去，佢會體諒照顧嫁，係無 3T (都好少，唔可以呢方面靠佢)。但能力不及，即使兼收位佢都叫你返s位。其實佢都唔想浪費小朋友時間。

Rank: 3 Rank: 3


	104

16^#

發表於 12-11-30 15:48 |只看該作者

回覆：chris-BB 的帖子

我會自己打去問s位學校。這樣可以更清楚詳情！

Rank: 4


	963

15^#

發表於 12-11-30 15:33 |只看該作者

回復 TRF北村的帖子

當然自己打去有S位既學校查詢啦.評估中心既社工唔會做哩啲野.不過你都可以試吓返收你囝囝既普通幼稚園,有啲教會學校包容大啲,耐性多啲.我有朋友果囝囝成功入讀普通幼稚(教會學校)都無問題.可能我地咁唔好彩姐.因為我朋友住偏遠地区,我唔想小朋友咁辛苦去到咁遠,所以選擇S位暫托,不過估唔到我囝囝咁鍾意.

Rank: 3 Rank: 3


	402

14^#

發表於 12-11-30 14:01 |只看該作者

回覆：chris-BB 的帖子

多謝大家意見，看來暫托S位是最好選擇，一定要找負責社工，還是可以自己打去那些學校查詢？

Rank: 4


	963

13^#

發表於 12-11-30 12:31 |只看該作者

回復 TRF北村的帖子

S位暫托係最好,因為我地啲小朋友受到歧視,佢地啲唔乖既野人地唔容易包容.但S位暫托既職員個個都有基本經驗,會有耐性教我地啲小朋友.而且暫托只係一對四個小朋友,有多啲時間就吓佢地.好似我囝囝雖然學講野,但係講得慢,又要諗好耐,又唔啱音,佢地都好有耐性聽佢講.之前間兼收學校既老師就聽都無時間,轉頭走咗去tim.我既囝囝返暫托係入課窒同其他小朋友一齊做早操,一齊聽故事,一齊上堂.而且有姨姨照顧佢,教佢.佢宜家返入課窒都唔再哭,還同我Bye-bye.但以前返兼收學校就哭足一個月都無停過,可能佢知道返哩到學校無人照顧佢掛.
你試試跟CAC既資料打電話問吓邊間S位收暫托只要帶評估果份去見暫托社工,佢會安排架!

Rank: 3 Rank: 3


	467

12^#

發表於 12-11-30 10:22 |只看該作者

兼收位話就話有一個融合教職員, 但係一個對六個. 都唔係常常可以睇倒你個仔幾多. 同埋兼收位係冇得in架喎, 要做左能力評估由政府轉介架~

如果你想用普通學生身份, 入讀兼收位幼稚園, 果個融合教職只一定唔會特別理你, 只會當你係普通學生囉. 你可以話兼收位幼稚園收開呢D小朋友, 應該個個老師都會明白少少包容多少少.....但明白還明白, 唔代表會理你個仔喎~
課堂上同功課上都唔會為你個仔作D咩調適. 咁入去有咩意義呢?

如果醫生係認為S位係適合你個仔, 我估你應該主力等S位喇. 之前我個他讀S位, 有齊3T, 進步真係神速. 如果能力有改變, S位學校係會轉介你出兼收位架. 我個仔就係咁樣喇.

按住小朋友能力, 一步一步來吧.

Rank: 5 Rank: 5


	1186

11^#

發表於 12-11-30 09:29 |只看該作者

回覆：K1選校

恕我直言，既然醫生叫得你個仔排 S位，相信普通學校一定處理唔到佢，所謂兼收位，啲學生都唔係太差，入普通K1，後果只係讓小朋友自生自滅，浪費時間，或者講一啲令你傷心說話嚟迫你退學，話就話收你個仔，面試嗰一陣睇唔到乜嘢。至於兼收位，佢哋做少一個得一個啦！兩個方案都係浪費時間，又會令小朋友有陰影！打個電話，問吓你排緊嗰間S位有冇暫托位，暫托同普通S位學生一樣，老師按你仔能力分組，除咗3T服務冇你仔份外，其他都冇乜分別，樓上都提你過啦！！！！

Rank: 3 Rank: 3


	402

10^#

發表於 12-11-30 08:31 |只看該作者

回覆：chris-BB 的帖子

請問樓上兩位媽媽，政府s位或有I位的學校暫托，是什麼來的？何以詳細說一下嗎？怎樣申請？

Rank: 3 Rank: 3


	286

9^#

發表於 12-11-30 06:26 |只看該作者

回覆：K1選校

你現在私人s位若不是一至五，又或不是全日，可加政府s位或有I位的學校暫托，試試。

Rank: 4


	963

8^#

發表於 12-11-30 01:32 |只看該作者

从我囝囝曾經也用普通學生身份入讀過有兼收位既學校,但讀咗一個月都被迫退學,學校都用好多藉口叫你地走.其實佢都話有經驗既老師好忙,邊有時間照顧你既囝囝.你唔好想佢地個個都有經驗啦...我地啲小朋友入去讀都係自生自滅咋,跟普通幼稚園無乜分别,而且我地啲囝讀全日只會浪費佢地既時間又學唔到野囉.如果你想我比意見,不如你試試讀收你囝囝既普通幼稚園,如果學校唔包容,你就去S位既學校做暫托,再加訓練比佢好過.我囝囝宜家托得好開心,希望快啲有S位啦.

Rank: 4


	852

7^#

發表於 12-11-29 20:52 |只看該作者

如果你那區的政府兼收位較少，建議你跨區，否則可能等到K3都無位。

Rank: 3 Rank: 3


	402

6^#

發表於 12-11-29 20:46 |只看該作者

引用：兼收位係對A仔好啲，但你以普通學生身份入

原帖由 owl_2046 於 12-11-29 發表
兼收位係對A仔好啲，但你以普通學生身份入去，並非由醫生轉介，咁入面專為A仔而設嘅服務你個仔係冇得受惠， ...

現在問題是沒有兼收學校收小兒，再in落去分分鐘要跨區，接送又是一大煩惱，好煩惱。

Rank: 3 Rank: 3


	402

5^#

發表於 12-11-29 20:41 |只看該作者

引用：間K1知唔知你個仔情況？你話你個仔排緊S位

原帖由 owl_2046 於 12-11-29 發表
間K1知唔知你個仔情況？你話你個仔排緊S位，咁你個仔應該唔適合返普通K1喎，恐怕啲老師冇經驗、耐性及愛心 ...

囝囝已經讀了私人S位差不多半年，亦打算讀多半年（共一年），計過條數，積蓄應該只能應付的私人S位學費一年，所以下年應該以K1 + 其他私人訓練、治療，所以報讀K1，只是因為未等到政府S位，但又想囝囝可以返學的方法。

Rank: 4


	852

4^#

發表於 12-11-29 20:16 |只看該作者

兼收位係由政府的兒童體能智力測驗中心的醫生推薦，再由社署統一分配，一般要等一年以上，唔係想讀就有得面試。

Rank: 4


	980

3^#

發表於 12-11-29 18:09 |只看該作者

回覆：K1選校

兼收位係對A仔好啲，但你以普通學生身份入去，並非由醫生轉介，咁入面專為A仔而設嘅服務你個仔係冇得受惠，唯一好處係入面啲老師有處於A仔經驗，包容性大啲，點都好過並通K1

Rank: 4


	980

2^#

發表於 12-11-29 18:03 |只看該作者

回覆：K1選校

間K1知唔知你個仔情況？你話你個仔排緊S位，咁你個仔應該唔適合返普通K1喎，恐怕啲老師冇經驗、耐性及愛心去教佢，由佢自生自滅，咁會浪費咗時間。如經濟許可，不如返私人S位，否則可搵吓S位暫托，每日有學返，雖然冇3T，但起碼啲老師識得處理你個仔，學吓自理、社交。另外可再報外面嘅3T幫個仔訓練吓先。

‹ 上一主題|下一主題 ›

發新帖

熱門主題

最高瀏覽主題