馬鞍山主風vs培道小學vs聖三一小學

lovebb2

囡囡，住馬鞍山，必要時可搬，有教育津貼。老公太太意見不一。

想儘快放位，謝謝。

jovinng

其實我覺得，揀學校都係一件幾主觀既事。鐘意就係鐘意（當然要視乎屋企環境）。我囝係倍小P.2生，佢鐘意返學（頗有歸屬感）我同佢講笑，話轉去第二D津小佢都話唔好。本人覺得咁樣，又Okay喎，唔想每日同佢角力，傷親子係。雖然倍道唔係一間學術特別出色既小學（中文比較嚴格，英數一般主流程度，但可以再深D），而其實每間學校都有佢好同唔好既地方。最重要小朋友鐘意，返學唔係苦事！呢個世界有好多層次，有唔同種類既人，天生我才，必有用。Take it easy ...

little_yolky

回復 ht226 的帖子

真係精采！

如果你勤力刨網, 咪見好多家長話小學簡介會時, 校長點sell自己的奬狀及升中成績0既。其實, 我都去咗幾間, 自己原小學母校校長一開口, 就show自己同學千幾個奬, 點樣响英文話劇劇本嬴培正云云。到生命教育科老師上台, 講嘢卻luck luck漏, 唔多掂。總之, 好多學校都係一味sell成績或校舍, 或EMI。

我係前年去培道簡介會, 林sir做主持, 林sir的聲調及用詞真係令人如沐春風, 溫文爾雅, 所以, 佢係我咁多簡介會唯一記得姓氏的老師。到校長了, 用了很長篇幅介紹學校的生命教育及教學理念, 學校希望塑造的學生類型等等。終於, 講學術了, 唔夠五分鐘, 叫你自己上網睇, 我O咗咀。學生代表唔係咩名校生, 是一名已畢業的幼稚園老師。雖然佢講嘢唔係好叻, 但可以看出是一名熱心教育的幼師, 唔係為搵份工。

林sir在簡介會上表示, 他們希望培養能面對逆境站起來的同學, 因為他們相信人一生無論有多順利, 唔相信完全沒有遭遇逆境; 校長說了一個故事, 是一名成績很差的男生, 如何陪伴他一同面試, 努力不懈找學校。

我當時心諗：死啦, 咁即係貴校好多跌低要站起來的同學啦。又唔講學術, 即係學術唔掂, 無嘢講啦。

我雖然係培中畢業生, 但當年是頂尖學生, 在41網學校一直全級考第2, 所以, 覺得派入培道是屈就了。但近來看到BK很多討論, 很多爭名逐利, 家長爭入名校, 又駡學校面試安排不周等等, 開始感到品德教育真的很重要。無品打你會飛。之後, 我上培小網, 發覺升中派位又唔係真係差啫。

女孩子品德很重要, 因為她們肩負起教養下一世代的人, 所以要好好培養。因此, 我同C6已決定不論囡囡以後成績是中等或優等, 如她不反對, 會一直入培中的。(其實係C6決定, 佢唔知中咗咩邪, 好like培道)

ht226

little_yolky 發表於 12-11-29 11:09
我係培道中學校友。

皆因都已經畢業一段年期, 所以為咗阿囡是否適合現在的培道, 及培道現在有無走樣, 我20 ...

想請問下培小個簡介會點精采法?  9月果時太忙無去到佢地個簡介會

有幸培道又收左小兒, 想再深入d 瞭解下培小, 培中又輪不到我們了

豬豬BB豬

回復 little_yolky 的帖子

多謝你的資訊, 我到時會留意 !

其實我同你或者其他家長都差不多, 為小朋友升學的事做下功課, 計劃下應該點行, 總括而言: 香港父母真係唔易做

little_yolky

豬豬BB豬 發表於 12-11-29 22:47
回復 little_yolky 的帖子

多謝你詳細解釋!!!

吓?原來唔係今天報。

係呀, 網上download申請表時有埋簡介會form的, 又可以同時於簡介會當日交埋申請表。簡介會是9月, 但最好早少少報名, 好似前年就無問題, 因為响旁邊大教堂, 位比較多。但今年好似响學校禮堂, 地方較細, 滿座。

培中則年年3月初慶祝校慶, 上午開放日(不過唔知係唔係for public), 如可以, 你可以去參觀, 真係地方又大又靚, 一定令你一見傾心。

豬豬BB豬

回復 little_yolky 的帖子

多謝你詳細解釋!!!

我無去到簡介會呀, 因為我小朋友不是下年入讀小一。簡介會多數在幾月舉行? 申請時報名的?

jovinng

回復 lovebb2 的帖子

我住在紅磡 ,及搭校車的

BBChan1006

最終選邊一間?

lovebb2

想問各位培道小學家長或準備入培小家長，大家住邊區？是否搭校車返學？如搭校巴,要不要很早上校巴？謝謝。

little_yolky

jovinng 發表於 12-11-29 13:38
回復 little_yolky 的帖子

我囝係倍小P.2 生,如你地驚,可以係出上下普通話課程及 "迫"下D仔女上圖書館借書 ...

我囡囡幼稚園已有普通話(台灣籍)老師, 但衰在佢面皮薄, 唔敢講。佢屋企啲圖書仲多過學校, 已經成日睇書, 但就係唔明白點解好似個腦日日瞓醒就被format一次咁, 無記性, 無耳性 。

仲有, 請問培道有無人情味? 因為仲有細妹兩年後跟尾要考。妹妹同家姐唔一樣, 家姐行出嚟四四正正呃到下人, 妹妹聰明但好直率, 唔太斯文, 真係呃唔到人, 有家姐讀緊有無同情分?

jovinng

我囝係倍小P.2 生,如你地驚,可以係出上下普通話課程及 "迫"下D仔女上圖書館借書作預備.
本人覺得真係要家校合作先okay, 又唔可以下下靠學校.
基本上,亜囝做既project ,.例如:閱讀報告...etc 都要同佢一齊做
大家努力加油.....

little_yolky

2隻臭豬 發表於 12-11-29 12:26
回復 little_yolky 的帖子

hi! 我個女今年考佐入培中讀F.1, 你說得無錯, 學校的中文&英文真係唔易讀, 而且 ...

係呀, 校史館我都有份幫手做的。

2隻臭豬

回復 little_yolky 的帖子

hi! 我個女今年考佐入培中讀F.1, 你說得無錯, 學校的中文&英文真係唔易讀, 而且都幾辛苦, 比預期中難好多, 聽聞近呢幾年多佐好多一線小學的BAND 2生讀培中, 所以學校都谷佐好多, 而學校的校長&老師係好有心, 學校環境設施真係超正, 有好多地方都係一d舊生捐錢出黎起的, 所以我相信以前的畢業生對學校係有好多歸屬感, 有d教緊的老師都係向培中畢業的

little_yolky

豬豬BB豬 發表於 12-11-28 23:49
回復 little_yolky 的帖子

我都想了解多一點培道小學 & 中學。

我係培道中學校友。

皆因都已經畢業一段年期, 所以為咗阿囡是否適合現在的培道, 及培道現在有無走樣, 我2009年開始已經再與母校接觸、觀察、打聽，足足做了三年功課。

其實, 培道中學的成績唔差, 只不過係中文中學。同埋, 當年班女仔真係無乜大志, 好少有人繼續做研究, 問鼎諾貝爾奬, 人之患、白衣天使、家庭主婦就比較多, 所以, 就永遠唔駛旨意升Band 1。老校長主張不要競爭, 不要比較, 學習是學習, 我們應該常保持謙卑的心, 做好本份, 所以考試連名次都沒有, 死未。仲有, 當年的英文是較英文中學差啲, 但中文又好過好多人喎。同屆同學有幾位會考作文是用文言文的, 你話勁唔勁 。

不過, 自老校長過世後, 新校長是讀翻譯的, 所以英文好好。你知啦, 一校之長是學校的領軍人, 因此, 培道也改變了, 英文變好了, 中文就跟社會大趨勢走下坡, 但還是較其他學生好的, 可能是傳統吧。加上, 副校是教歷史的, 所以可能因此學生的中國歷史文化背景比較紮實吧, 對於中文學習也是有幫助的。

至於培道小學, 你有無去簡介會, 真係精采！

little_yolky

sasafan 發表於 12-11-28 23:38
你形容得好搞笑，但又好啱，你都揀培道?你甘分析，我有d擔心我仔是否可應付中文深



  ...

唔駛擔心, 我已上網調查清楚留班底線 。我阿囡次次教完一轉頭就好似洗咗腦咁。有現家長話睇多啲課外閱讀書會好啲, 唔係P2, P3以後好易唔合格 (注意：該家長的用詞是唔合格, 唔係唔易攞高分, 好驚)

我係揀培道, 大抽奬都唔玩了。因為我住大埔區, 夾過價大埔無學校好過培道 (又係list晒所有優缺點做比較 )

豬豬BB豬

回復 little_yolky 的帖子

我都想了解多一點培道小學 & 中學。

little_yolky 清楚培道優點, 例如中學係30%入，Band 2A，四班有三班英文班等..., 是否有親戚朋友讀緊?

sasafan

原帖由 little_yolky 於 12-11-28 發表
馬主
優點：唔駛搬屋
　　　唔駛俾錢

你形容得好搞笑，但又好啱，你都揀培道?你甘分析，我有d擔心我仔是否可應付中文深

lovebb2

原帖由 little_yolky 於 12-11-28 發表
馬主
優點：唔駛搬屋
　　　唔駛俾錢

好感動。你好好人。many many thanks

little_yolky

馬主
優點：唔駛搬屋
　　　唔駛俾錢
　　　中學校網okay
　　　谷＝成績有保證
缺點：津校, 經統一派位, 生源複雜, 良莠不齊
　　　可能因為谷, 老師都有少少惡, 不過, 可以美其名為嚴格

培道
優點：有聯繫中學，30%入，Band 2A，中學環境優美，成條街咁長，四班有三班英文班，銜接大學學習無問題，中文勁好
　　　校風純樸, 不論小學中學
　　　老師超好人, 連工友同保安都超有禮貌
　　　品格教育為先，成績也不錯
　　　九龍城中學校網超強, 不過, 都要你阿囡強先得, 因為好多勁津校, 代表要脫穎而出, 要努力啲, 但過往派位都唔錯
　　　家長及小朋友背景接近, 都係低調有教養的人, 小朋友近朱者赤

缺點：要搬屋, 好麻煩
　　　要錢
　　　要學樂器＝又要錢
　　　課程都唔淺, 無得hea, 唔好以為品德教育就可以hea, 因為話晒都係百年老店, 要保住招牌, 所以中文真係深過一般津校, 英文都唔淺, grammer會教得比較嚴格, 一路落去, 培中中文都係深, 總括係, 老師笑住咁谷你
　　　其他～暫時未諗到

聖三一：有培道，唔駛諗。